لهفه روح

بارت 51

#لهفة_عاشق
#البارت51
،،،،،،،،،،،،،،،،،،،،،،

لا ضريح
يفكلي شباچة واطلبك
ولا نذر لـ الله ويردّك
آنه ضايع بس احبّك
،،،،،،،،،،،،،،،،،،،،،،

تماره جانت تبجي بقهر وشكهته شكت اذني
من كلامه رجفت وكعدت ايدي على راسي ماما تحاجيني واني صافنه
اديان شبيه اختج
خنكتني لعبره
هزتني بجيت
ماما تماره عياله مسوين بيه مكيده عمته وحمواته فايتات لمشتمله دك ولطم يكلله متبقين هنا وكومه حجي بي تهايم ذاباته عليه
ماما شلون بيه متخبله تخبل
يمه بنتي سوده بوجهي شيتمهمنه هاي فوك مفاين حضه
فوك مترملت
فوك متيتمو لجهال
ليش لناس متخاف الله توه مخلصه عده شنو مصدكو يخلصون منها

بجيت وشبيت نار صدى صوته وبجيه يرن بذني تالي ماما  لبست عباته وراحت اخذت قاسم بكروته كالت ماعوف بنتي ابد
كعدنه اني وعذراء وحده تعاين بلثانيه
وحده تسئل لثانيه شنوو هذا حضنه
لبارحه اني متشعوطه والوب وهسه تماره
ادري بس احنا هيج عايشين بحركان الأعصاب لو كل لناس

ساعه أكثر وفاتت ماما كايده تماره وياهه جهاله
شفته متت بجي
القهر والضيم لاعب بيه دور
وصايره هيكل عضمي
الدشداشه سوده محنكه ومعصبه جنه عجوز
تماره بعد موت رجله حيل نكسر وشكله هسه أكبر من عمره بأضعاف
صفنت ويه روحي
رجله مجان زين وياهه
بس يبقى اسمه رجل وعلى رأسه
مثل لخيمه وهل خيمه وكعت بعد شيرجعه
كد مبجت
كد مشكت
تالي وكفت مستسلمه راضيه بقضاء الله وقدره
فرشت لسجاده تجهت لربه
بتسمت
كلنه بينه خصله من ماما ا
اقرب وسيله النه
اقرب منفذ للنجاه سجادتنه
بعده نخليه على الله هوه يتكفل بلحال

وهيج خلص ليوم بين اهلي
الخيمه رغم بساطتها بس بتالي ليل لمتنه
ماما ساكته حايره هموم لدنيه على رأسه بس متبين ابد
عيونه تتنقل بينه مليانه قهر داخله بس خارجه يضحك
شتردون عشه ماما
يوم حبيبتي احنا نسوي هل الله قاسمه لاتشيلين هم
لالا دزيتلكم كبب هسه ويه طفل من لمخيم سوو امي سوو وعشن لجهال وتعشو بالف عافيه
نصيت مدمعه لابيه اكله لا ولا بيه اثني عليه بلحالتين خاف اقهرها
سكتت اقلم بلزلاطه وعيني على ساعه
باجر كلي اجي فارس وتااخر
اخابره
خاف يريد يبات
لالا شيبات
ميسويها
خنتنكت ولا اكدر بدونه يوم عبالك دهر
مسحت ايده رفعت موبايلي جان كومه متصل مسمعته هذا ايهم يخلي صامت من يلعب
اتصلت مجاوب شويه وسمعت هورن سيارته اعرفه واميزه ركضت طلع صدك هوه نزل وجيت ايهم بحضنه شاله يبوس بي ويئشرله على جهال تماره نزله مبتسم سلم ورديت عقد حاجبه من شاف لجهال مثل لمستغرب تردد يفوت يخجل من زغر لمكان واحراجنه ولا اني لضغطت عليه بسرعه بسرعه بين موكف يسلم لبست جبتي ولميت جنطتي وطلعت جاره ايهم
صاحت ماما
وين ماخذته
ماما يلعب بيكم طوبه ميتوالمون
بجه
خزرته
هدني وختل وره تماره
عمه اضل امكم
تخوصرت.. يعني متجي وياي مو ؟
لاععععععع
خوش خل نشوف شكد تتحمل
سكت يضحك عفته وطلعت
ماما جلبت على عشه رفضنه ورجعت اتفقد شبر شبر بفارس
عيونه تفهمني بس مغلس