مساء الخير
#لهفة_عاشق.
#البارت٦٩
،،،،،،،،،،،،،،،
شلت حبك جمر بجفوفي وامشي وياك
وضميري يبوس اديه يكلي لطشّر
ومالومك ابد جي رحت لا والله
بس لمت البخت جي كام ميعثر
وما اخسرك ردت وشكد حجيت وياك
ما عندك اذن شباج ويعبر
وما شلتك دمع شلتك نبض واحساس
وافكر بيك وانت بروحك تفكر
كلشي بجسمي يوكف لو يمر طاريك
ويضل كلبي يدك بضلوعي ويكسر
واشيطن والجروح يفزن بملكاك
وسجينك تجي ومن فوكهن تعبر
حط يمك حجر واحجيله ذنبي شوف
وحط اذنك بصفه وفنه ما يكفر
وعاتبني اذا غيري صبر وياك
مثل كلبي جذب يتحمل ويصبر
عاين عالورد كطر النده يحلي
ودمعي شكد فشل جي صدرك يوخر
،،،،،،،،،،،،،،،،
المكان حديقه المستشفى
الوقت ٨مساءام ثامر ... تعال جيبه تعال وين تريد بي شششو جيبه
يمممه عوفي لخاطر الله
سد حلكك واسكت ثنيتكم متخافون الله وتلطلطون بهذا الطفل مخلينه شماعه تعلكون عليا اخطائكم خافو الله هاي هيج من ينطيكم رزق تتبطرون شوفو لناس بحصره لضنهفوت جوه كابل صاله الولاده وشوف المصايب ناس تولد مشوهه وناس معوقه وناس ميته اصلا وانت وهاي لخايبه بيدكم طفل مثل الكمر خبلتو تخبل
يمه تعبتني والله تعبتني غلطت صحيح هسه غير تنسى غير تسامح و الله كرهت روحيولك يمه المره مثل الورده تسكيه تفتح وتفوح بعطر يخبلك تترسك ترس
تهمله تبس ويوكع ورقه تموت
وانت هم شفتلك فد يوم احد مات وحتيى
مرتك ورده متفحه فاتت لحياتك مغمضه وانت شسويت هاا شسويت
هملته
عطشته
بيست وقست ليحد مانكطعت من العرك وماتت
ادي شلون ترده بعدسنه سنه انت عايفه وكبله الله ليعلم شجنت مسوي بيها
وهيه بشر دم ولحم تحس وتنقهر وتحزن
شون تامنلك
شلون ترجعلك
تعبت
وشصار اتعب واتعب لنحبهم ويستاهلون ليش مانتعبلهم
الصارله منك مو قليل اصبر عليه قابل تريده بيوم وليله ترجعلك تريده لان جابت تنسى كلشي وتاخذك بلحضان والله شنو علمود الضنه ولك وليدي ماكو احد يحبه كده
لا انه
ولا انت
بس سوت هيج رادت تنفذ كلمته يوم كالتلك ابنك الك وانه لهلي
مو هذا لكتليه كبل ؟
وهساع صار خوما انت يركبك الشيطان وهيه هم ومايكع بيه غير الولد
ادري صعبت عليك دموعه وصياحه جدامك بس ثق بالله من حركت كلبه
ونحنا بيه لاتسوي لحركه حركتين وتأخذ ابنه لاتغلط غلط خالك فدوه رحتلك
عجل عقليه
حاجيه خل تكف مني
خل تنسه وترجع
انه اريده
كوليها انه ااااريدهههههه دكول هيج يفاين الحض من الاول
يله يله ولايهمك هساع احاجيه وهل مره ان كسرتو بخاطري لخلي ناركم ناكل حطبكمسكت يباوع للطفل قربته ليمه
شوفه شوفه شلون حلو بوسه يله بوسه طفي نار كلبك
ولو انه زعلانه منك بس تبقى وليدي وكلبي ولايشيل عليك
أنت تقرأ
لهفه روح
Mystery / Thriller#لهفة روح قصه حقيقيه ❤️ الكاتبه رفل الكناني ناشره بنين عباس ﻟﻬﻔﻪ ﻟﺬﻟﻚ ﺍﻟﻌﺎﺷﻖ ﺍﻟﺬﻱ ﻛﺎﻥ ﻣﻼﻛﺎ ﻧﺘﺸﻞ ﺣﺰﻧﻲ ﻟﺘﻜﻮﻥ ﺭﻭﺣﻲ ﻣﻠﻜﺎ ﻟﻠﻬﻔﺘﻪ