لهفه روح

بارت 6

ﻣﺴﺎﺀ ﺍﻟﺨﻴﺮ

#لهفة_عاشق.
#بارت٦
،،،،،،،،،،،،،،،،
ﻳﺎ ﻓﻜــﺔ ﻋــﻴﻮُﻥ ﺃﻟﮕﻠــﺐ
ﻳﺎﻣﻴـــﺰﺗﻲ ﺍﻟﺒﻴﻬــﺎ ﺃﻧــﻐﺮ
ﻣﻮ ﺭﺍﻳــــﺪﻙ ﻭﺍﺗﻨﻔﺴـڪ
ﻻ ﻳﺎ ﻧﻔـــﺲ .. ﺷــــﻲﺀ ﺃﻛــﺒﺮ
،،،،،،،،،،،،
ﺳﺠﻰ ... ﺟﻨﺖ ﺑﻐﺮﻓﻪ ﺟﺪﻩ ﺍﺳﻤﻊ ﻭﺍﺭﺟﻒ ﺧﻄﺎﺏ ﺻﻮﺗﻮ ﻋﺎﻟﻲ ﻳﺰﻛﺢ ﻭﻳﻬﺪﺩ ﺑﺜﻴﻨﻪ ﻻﺯﻣﻪ ﺍﻳﺪﻱ ﺍﻟﻌﺒﺮﻩ ﺧﻨﻜﺘﻨﻲ ﻧﺼﻴﺖ ﺭﺍﺳﻲ ﺑﻌﺪ ﻣﺎﻛﺪﺭﺕ ﻧﺰﻟﻮ ﺩﻣﻮﻋﻲ ﺣﻀﻨﺘﻨﻲ ﺑﺜﻴﻨﻪ ﺩﻛﻠﻲ
ﻳﻮﻟﻲ ﻭﺍﻟﻠﻪ ﺧﻄﺎﺏ ﻳﺤﺒﺞ ﻋﻠﻴﺶ ﻟﻤﻜﺎﺑﺮ ﺷﻮﻓﻲ ﺷﻠﻮﻥ ﻓﺮﻓﺤﺖ ﺭﻭﺣﻮ ﺍﺧﻮﻱ ﻭﺍﻋﺮﻓﻪ ﻟﻮﻣﺎ ﺭﻭﺣﻪ ﺑﻴﺞ ﻣﺎﻳﺴﻮﻱ ﻛﻞ ﻫﺬﺍ
ﻧﺼﻴﺖ ﺭﺍﺳﻲ ﺍﺑﺠﻲ
ﻭﺍﻟﻠﻪ ﻣﻮﻃﺎﻳﻘﺘﻮ ﺧﻄﺎﺏ ﺍﺑﻦ ﺧﺎﻟﺘﻲ ﻟﻴﻠﻰ ﻟﺤﻨﻴﻨﻪ ﺍﻣﻲ ﺍﻟﺜﺎﻧﻴﻪ ﻭﻋﻴﻨﻪ ﻭﺍﺣﻨﺎ ﺑﻴﺖ ﻭﺍﺣﺪ ﻣﻮﺷﺎﻳﻔﺘﻮ ﻏﻴﺮ ﺍﺥ ﻭﻧﻔﺲ ﺍﻟﻮﻛﺖ ﻃﺒﻌﻮ ﺻﻌﺐ ﺩﻭﻡ ﻛﺎﻟﺐ ﻭﺟﻬﻮ ﻭﻳﺨﻮﺯﺭ ﺑﻴﻨﻪ ﺍﺣﻨﺎ ﻭﺍﻟﺒﻨﺎﺕ ﺧﻮﺍﺗﻮ ﻣﻦ ﻳﺘﻮﺍﺟﺪ ﺑﻠﺒﻴﺖ ﺻﻮﺗﻬﻢ ﻣﺎﻳﻄﻠﻊ ﻧﻮﺑﺎﺕ ﺍﺷﻮﻓﻮ ﻭﻳﻪ ﺧﻮﺍﻟﻲ ﻭﺍﻟﻮﻟﺪ ﻳﻀﺤﻚ ﻣﻨﻄﻠﻖ ﻭﻳﺴﻮﻟﻒ ﺟﻦ ﻣﻮ ﻫﻮﻩ ﻭﻣﻦ ﻧﻨﺠﻤﻊ ﺩﻭﻣﻪ ﻣﻨﺼﻲ ﺭﺍﺳﻮ ﺑﺲ ﻟﻮ ﺳﻤﻊ ﺿﺤﻜﻪ ﻋﺎﻟﻴﻪ ﻟﻮ ﺟﻠﻤﻪ ﺷﻘﻪ ﻣﻦ ﻭﺣﺪﻩ ﻣﻨﻪ ﺟﻌﻤﻬﻪ ‏( ﺭﺯﻟﻬﺎ ‏)
ﺃﻛﺒﺮ ﻣﻨﻲ ﺍﻧﻪ ﻫﺎﻱ ﺍﻭﻝ ﺳﻨﻪ ﻛﻠﻴﻪ ﻭﻫﻮﻩ ﻳﺪﺭﺱ ﻫﻨﺪﺳﻪ ﻣﺮﺣﻠﻪ ﺭﺍﺑﻌﻪ ﺑﻌﺪ ﺳﻨﻪ ﻭﻳﺨﻠﺺ ﻫﻮﻩ ﻳﺪﺭﺱ ﻋﺎﺩﻱ ﻭﺍﻧﻪ ﻣﺎﻳﻘﺒﻞ ﺍﻛﻤﻞ ﺩﺭﺍﺳﻪ ﺧﺎﻟﻪ ﺣﺎﺟﺖ ﻣﺎﻣﺎ ﺭﺍﺩﺕ ﻳﺨﻄﺒﻮﻥ ﺭﺳﻤﻲ ﻭﺭﻓﻀﺖ ﻫﻢ ﻣﺎﻃﻴﻘﻪ ﻭﻫﻢ ﻳﺤﺮﻣﻨﻲ ﻣﻦ ﺍﻟﺪﺭﺍﺳﻪ ﺷﺠﺎﺭﻳﻠﻲ ﻣﻦ ﺳﻤﻊ ﺗﺨﺒﻞ ﺻﺎﺭ ﻳﺪﺍﻫﺮﻧﻲ ﻭﺩﻭﻣﻮ ﻣﻦ ﻳﺸﻮﻓﻨﻲ ﻳﺘﻘﺼﺪ ﻳﺤﺮﻙ ﺩﻣﻲ ﺑﻴﻮﻡ ﺍﻟﺴﻮﻳﻨﻪ ﻛﻠﻴﺠﻪ ﻭﻛﻀﺐ ﺍﻟﻤﺎﻋﻮﻥ ﻭﺩﻳﻨﻪ ﺗﻼﻣﺴﺖ ﻣﺪﺭﻱ ﺷﺼﺎﺭﻟﻲ ﻣﺎﻋﺪﺕ ﺍﺷﻮﻑ ﺩﺭﺑﻲ ﻭﻛﻠﺒﻲ ﺑﻘﺮﺑﻮ ﺗﺨﺮﺑﻄﺖ ﺩﻛﺎﺗﻮ ﺃﻳﺎﻡ ﻭﺍﻧﻪ ﺍﺣﺎﻭﻝ ﺍﻓﻜﺮ ﺑﻲ ﺑﺲ ﻫﻮﻩ ﺳﻮﻩ ﺍﻟﻌﻜﺲ ﻣﻦ ﺑﺪﻳﺖ ﺍﺭﻳﺪ ﺍﺗﻘﺒﻠﻮ ﺻﺎﺭ ﻣﺎﻳﻨﺠﺮﻉ ﺍﺯﻭﺩ ﻣﻦ ﻛﺒﻞ
ﻭﻳﻦ ﻣﺎﻳﺸﻮﻓﻨﻲ ﻳﺒﺎﻭﻋﻠﻲ ﺑﺤﻘﺪ ﻭﻧﻮﺑﺎﺕ ﻣﺎﻳﺒﺎﻭﻉ ﺍﺑﺪ ﻣﺎﺩﺭﻱ ﺷﺼﺎﺭﻟﻮ ﻭﻫﺴﺎﻉ ﻣﻦ ﻋﻤﻲ ﺭﺍﺩﻧﻲ ﻟﺒﻨﻮ ﺗﺨﺒﻞ ﻭﺩﺍﺭﻭ ﺍﻟﻮﻡ ﻛﻠﻮ ﻋﻠﻴﻪ ﻛﻠﻬﻢ ﺍﻛﻠﻮ ﻛﻠﺒﻲ ﻋﻠﻴﺶ ﻣﺎﺗﺮﻳﺪﻱ ﻭﺷﺒﻲ ﻣﺎﻳﺪﺭﻭﻥ ﻫﻮﻩ ﺷﻠﻮﻥ ﻳﻌﺎﻣﻠﻨﻲ ﺻﺎﻓﻨﻪ ﺑﻬﻤﻲ
ﻧﻔﺘﺤﺖ ﺍﻟﺒﺎﺏ ﻓﺎﺗﺖ ﻣﺎﻣﺎ ﻭﺧﺎﻟﻪ ﻣﺴﺤﺖ ﻭﺟﻬﻲ ﻭﺧﺎﻟﻪ ﺩﻛﻠﻲ
ﻋﻠﻴﺶ ﺍﻟﺒﺠﻲ ﻳﻤﻪ ﻣﻮﺑﻼﺯﻡ ﻻﺗﺨﺎﻓﻴﻦ ﻣﺎﻧﺠﺒﺮﺝ ﺍﺑﻨﻲ ﻫﻢ ﺍﻏﺒﺮ ﻋﻠﻴﺶ ﻛﺎﺳﺮ ﺭﻛﺒﺘﺞ ﻭﻣﺎﺧﺬﺝ ﻏﺼﺐ ﻛﻮﻣﻲ ﻏﺴﻠﻲ ﻭﻫﻴﺮﻥ ﺍﻟﻌﺸﻪ ﻫﺬﺍ ﺍﻟﻤﻮﺿﻮﻉ ﻫﺴﺎﻉ ﺧﺎﻟﺞ ﻓﺎﺭﺱ ﻳﺴﺪﻭ
ﻭﻛﻔﺖ ﺧﺠﻼﻧﻪ ﺧﺎﻟﻪ ﺍﺣﺒﻪ ﻭﻣﺎﺭﻳﺪﻩ ﺗﺰﻋﻞ ﻣﻨﻲ ﺑﺲ ﻣﺎﻋﺮﻑ ﺷﻮﻥ ﺍﺣﺠﻴﻠﻪ ﻟﺒﻜﻠﺒﻲ ﻭﺷﻮﻥ ﺍﺑﻨﻪ ﻳﻌﺎﻣﻠﻨﻲ ﻻﻥ ﺍﻧﻲ ﻧﻔﺴﻲ ﻣﺎﻋﺮﻑ ﺗﺼﺮﻓﺎﺗﻮ ﻫﻮﻩ ﻳﺤﺒﻨﻲ ﻟﻮ ﻳﺮﻳﺪ ﻳﻤﺘﻠﻜﻨﻲ ﻭﺑﺲ ﻻﻥ ﺭﺍﻓﻀﺘﻮ ﺟﺪﻩ ﻧﻬﺪﺕ ﺑﻴﻨﻪ ﻛﻠﻨﻪ ﻭﺍﻧﻪ ﺳﺎﻛﺘﻪ
ﺍﻧﺘﻮ ﻣﺘﻌﺎﻓﻴﻦ ﺍﻟﻨﺎﺱ ﺟﺎﻱ ﺗﻤﻮﺕ ﻭﺍﻟﻮﺍﺩﻡ ﻫﺠﺖ ﻣﻦ ﺑﻴﻮﺗﻪ ﻭﺍﺣﻨﺎ ﻣﻜﺎﻭﻥ ﻋﻠﻰ ﺍﻟﺰﻭﺍﺝ ﺷﻮﻛﺖ ﺻﺮﺗﻮ ﺷﻮﻛﺖ ﻛﺒﺮﺗﻮ ﺫﺍﻙ ﺍﻟﻴﻮﻡ ﺧﻨﻨﻜﻢ ﺗﺠﺮﻱ ﻭﻣﻜﺎﻓﺸﻜﻢ ﺑﻠﺤﺪﻳﻘﻪ ﻣﺎﻟﻪ ﻭﺍﻟﻲ ﻫﺴﺎﻉ ﺧﻄﺎﺏ ﺻﺎﻳﺮ ﺭﺟﺎﻝ ﻣﺎﻳﺴﻤﻊ ﻟﺨﺎﻟﻮ ﻟﻮﻛﻠﻮ ﺍﺳﻜﺖ ﻭﺍﻧﺘﻲ ﺩﻭﺭﻳﻦ ﺍﻟﺪﺭﺍﺳﻪ ﻭﻓﻴﺼﻞ ﻣﻮﻛﺎﺿﺐ ﺍﺑﻨﻮ ﺍﻟﻌﺎﻟﻢ ﻣﺘﺨﻮﻓﻪ ﻭﻫﻮﻩ ﻳﺮﻳﺪ ﻳﻌﺮﺳﻮ
ﺍﻡ ﺛﺎﻣﺮ .... ﻳﻤﻪ ﺷﻌﻠﻴﻨﻪ ﻣﻨﻮ ﺻﺎﺭ ﻫﻮﺍﻱ ﺧﺎﻃﺐ ﺣﺴﻦ ﺑﻨﺖ ﺧﺎﻟﺘﻮ ﺧﻠﻲ ﻳﺰﻭﺟﻮ ﻋﻠﻴﺶ ﻧﻌﺎﺭﺿﻮ
ﺍﻧﻪ ﻛﻠﺖ ﻧﻌﺎﺭﺿﻮ ﻣﺎﻧﻌﺎﺭﺿﻮ ﻳﻤﻪ ﺑﺲ ﺍﻟﻠﻪ ﺷﺎﻓﻮ ﺑﻠﻌﻴﻦ ﻟﻮ ﺑﻠﻌﻜﻞ ﺍﻟﻮﺿﻊ ﺗﻌﺒﺎﻥ ﻭﺍﻟﻔﻠﻮﺟﻪ ﻣﺎ ﻧﻌﺮﻑ ﻳﺎﺳﺎﻋﻪ ﻳﻔﻮﺗﻮﻥ ﻳﻤﺤﻮﻫﻪ ﺻﺎﺭﻟﻮ ﻓﻮﻙ ﺍﻟﺴﻨﻪ ﺧﺎﻃﺐ ﻋﻠﻴﺶ ﻣﺎﺯﻭﺟﻮ ﻫﺴﺎﻉ ﺗﻨﺪﺭ
ﻭ ﺍﻟﻠﻪ ﺧﻠﻲ ﻭﺩﻋﻮ ﺧﻠﻲ ﻳﺰﻭﺟﻮ ﻭﺍﻧﺘﻲ ﻟﻴﻠﻰ ﻫﺎﻱ ﺍﻟﺮﻋﻨﻪ ﺑﻨﺘﻲ ﻟﻮ ﺿﻠﺖ ﺭﺍﻛﺒﻪ ﺭﺍﺳﻪ ﺍﺧﻄﺒﻲ ﻟﺒﻨﺞ ﺍﻟﻲ ﺗﺴﻮﺍﻫﻪ ﻻﺗﺼﻴﺮﻥ ﻣﺜﻠﻲ ﻣﺎﻟﻲ ﻛﻠﻤﻪ ﻋﻠﻴﻬﻢ ﺫﺍﻙ ﺛﺎﻣﺮ ﺍﺗﻮﺳﻞ ﺑﻲ ﻭﺍﺣﺒﺐ ﻳﻤﻪ ﺑﺲ ﺍﺷﺮ ﺧﻠﻨﻲ ﺍﺯﻭﺟﻚ ﻭﺍﻓﺮﺡ ﻣﺎﻳﻘﺒﻞ ﻳﺘﺨﺒﻞ ﻣﻦ ﻃﺎﺭﻱ ﺍﻟﻨﺴﻮﺍﻥ
ﻓﺎﺭﺱ .... ﻫﺎﺍﺍ ﻳﺎﺑﻪ ﺍﻟﻜﻮﻭﻭ
ﺍﻟﺤﺠﻴﻪ ... ﻫﻼ ﻳﻤﻪ ﻫﻼ ﺑﻴﻚ ﺣﺪﺭ ﺟﺎﻱ ﻳﻤﻲ
ﺧﻴﺮﺟﻦ ﺍﺷﻮﻓﺠﻦ ﺳﻜﺘﻦ ﻣﻦ ﻓﺘﺖ
ﺳﻼﻣﺘﻚ ﻳﻤﻪ ﻧﺴﻮﻟﻒ ﻋﻠﻰ ﺫﻭﻟﻪ ﺍﻟﺠﻬﻴﻞ ﺷﻮﻥ ﺻﺎﻳﺮﻳﻦ ﻣﺎﻧﻜﺪﺭ ﻋﻠﻴﻬﻢ
ﺍﻱ ﺟﻬﻴﻞ ﻳﻤﻪ ﻫﻴﻪ ﺿﻠﺖ ﺟﻬﻴﻞ ﺍﻟﻮﻛﺖ ﺗﻐﻴﺮ ﺍﻻﻟﻔﻴﻨﺎﺕ ﺗﺎﻳﺰﻭﺣﻮﻥ ﻫﺴﺎﻉ ﺧﻄﺎﺏ ﺣﻜﻮ ﺍﻡ ﺛﺎﻣﺮ ﺑﻨﺖ ﺷﺴﺎﻟﻔﺘﻪ ﻋﻠﻴﺶ ﻣﺎﺗﺮﻳﺪﻭ ﺗﻮﻧﻲ ﻳﻤﻪ ﺣﻄﻴﻨﻪ ﺣﺠﻴﻨﻪ ﻭﻳﺎﻩ ﺍﻧﻪ ﻭﻓﻴﺼﻞ ﻳﻜﻮﻝ ﺍﻧﻪ ﻧﻔﺴﻲ ﺑﻴﻪ ﺣﺘﻰ ﺭﺍﻱ ﻏﻴﺮﺗﻮ ﺧﻠﻲ ﺗﻜﻤﻞ ﺩﺭﺍﺳﻪ ﺍﻟﻤﻬﻢ ﺗﺮﺿﻰ ﻭﺍﺧﻄﺒﻪ ﺩﺍﻳﻮﻟﻲ ﻋﻤﻪ ﻳﻨﻜﻠﻊ ﻭﺍﻟﺸﻬﺎﺩﻩ ﻟﻠﻪ ﺍﻧﻪ ﻭﺍﺟﻒ ﻭﻳﺎﻩ ﺧﻄﺎﺏ ﺍﺣﻚ ﺑﻴﻪ ﻣﻦ ﻋﻤﻪ ﻭﺍﺑﻨﻮ ﺻﺎﺭ ﺳﻨﻴﻦ ﻣﻦ ﻣﺎﺕ ﺍﻟﻤﺮﺣﻮﻡ ﺍﺑﻮﻛﻢ ﻳﻤﺘﻰ ﻋﺘﺮﻓﻮ ﺑﻴﻜﻢ ﻫﺴﺎﻉ ﻋﻠﻰ ﺍﻟﺤﺎﺿﺮ ﺟﺎﻱ ﻳﺪﻭﺭ ﻧﺴﻮﺍﻥ ﻭﻳﺰﻭﺝ ﺍﺑﻨﻮ
ﺍﻡ ﺛﺎﻣﺮ .... ﺧﻮﻳﻪ ﺑﺪﻭﻥ ﻣﺎﺩﻛﻮﻝ ﻟﻴﺶ ﺍﻧﻪ ﻣﺎﻋﺮﻑ ﺧﻄﺎﺏ ﻳﺴﻮﻩ ﺍﺑﻦ ﻋﻤﻪ ﻭﺍﻫﻠﻮ ﻭﻻﻧﺎﺳﻴﻪ ﺷﻮﻥ ﺩﺍﺭﻭ ﻭﺟﻬﻢ ﻣﻨﻪ ﻣﻦ ﺭﺍﺡ ﺍﺧﻮﻫﻢ ﺑﺲ ﺍﻧﻪ ﻣﻦ ﺣﺠﻮﻭ ﺑﻠﺨﻄﺒﻪ ﻣﺎﺭﺩﻳﺘﻬﻢ ﺑﻠﻌﺤﻞ ﻛﻠﺖ ﺍﺷﻮﺭﻛﻢ ﻫﻢ ﻳﺼﻴﺮ ﻋﺪﻛﻢ ﻋﻠﻢ ﺑﺲ ﺧﻄﺎﺏ ﺍﻟﻠﻪ ﻳﺴﻠﻤﻮ ﻛﺒﺮﻫﻪ ﻭﻫﻮﻩ ﺍﻋﺼﺎﺏ ﻭﺍﻧﻪ ﻣﺎﺣﺎﺣﻴﺘﻪ ﺩﺍﻣﻚ ﺍﻧﺖ ﻭﻓﻴﺼﻞ ﺗﺪﺧﻠﺘﻮ ﻛﻠﺖ ﻋﺠﻞ ﻓﻀﺖ
ﺩﺍﻡ ﻫﻴﺞ ﺑﻌﺪ ﺍﺧﻮﺝ ﻋﻜﻠﻲ ﺑﻨﺘﺞ ﺧﻄﺎﺏ ﻣﺎﻛﻮ ﻣﻨﻮ ﻭﺩﺭﺍﺳﻪ ﺭﺍﺡ ﺗﻜﻤﻞ ﺛﺎﻣﺮ ﻭﻣﺼﻄﻔﻰ ﻛﺎﻟﻮ ﻣﺎﻧﻠﻜﻪ ﺍﺣﺴﻦ ﻣﻨﻮ ﺿﻠﺖ ﺻﺎﺣﺒﺖ ﺍﻟﺸﺎﻥ ﺷﻮﻓﻲ ﺷﻨﻮ ﻣﺎﻳﻪ ﺍﺫﺍ ﺍﻟﻠﻪ ﻫﺎﺩﻳﻬﺎ ﺧﻞ ﻳﻌﻘﺪ ﻋﻠﻴﻪ ﺧﺎﻃﺮ ﻳﻔﻮﺕ ﺑﻌﻴﻦ ﻋﻤﻬﻪ ﻳﺴﻜﺘﻮ ﻟﻮ ﺻﺎﺭ ﺷﻜﺎﻝ
ﺻﺎﺭ ﺧﻮﻳﻪ ﺩﻟﻞ
ﺣﺠﻴﻪ ﺷﻠﻮﻧﺞ ﻓﻠﻲ ﺭﺍﺳﻲ ﺷﻮﻳﻪ
ﺑﺨﻴﺮ ﻳﺎﺑﻌﺪ ﻋﻴﻨﻲ ﺗﻌﺎﻝ ﺟﺎﻱ ﺧﻠﻲ ﺭﺍﺳﻚ ﻋﻠﻰ ﺭﺟﻠﻲ
ﺑﺎﺑﺎ ﺍﻧﺖ ﺟﻬﺎﻝ ﻋﻠﻴﺶ ﺗﻨﺎﻡ ﻋﻠﻰ ﺭﺟﻞ ﺟﺪﻩ
ﺷﻜﻮ ﺑﻴﻪ ﻳﺎﺑﻪ ﻏﻴﺮ ﺍﻣﻲ
ﻭﺷﺒﻲ ﺭﺍﺳﻚ ﺩﺍﺗﻔﻠﻲ ﺑﺲ ﻻﺑﻲ ﺩﻋﺪﻉ
ﻳﻮﻟﻲ ﺩﻋﺪﻉ ﺷﻨﻮ ﻫﺬﺍ ﺍﻧﻮﺏ
ﻫﻬﻬﻬﻬﻪ ﺑﺎﺑﺎ ﻳﻌﻨﻲ ﻛﻤﻞ ﺍﻧﻪ ﺍﺩﻟﻌﻪ ﺩﻋﺪﻉ
ﺗﻌﺎﻱ ﺟﺎﻱ ﺍﻡ ﻟﺴﺎﻥ ﺣﺘﻰ ﺍﻟﻜﻤﻞ ﺍﺩﻟﻌﻴﻨﻮ ﺍﻧﺘﻲ ﻣﺤﺪ ﺳﺎﻟﻢ ﻣﻦ ﻟﺴﺎﻧﺞ ﻳﻮﻟﻮ ﻭﻳﻠﻮﻣﻨﻲ ﻣﻦ ﺍﺣﺒﺞ ﻳﺎﺑﻪ ﻏﻴﺮ ﺍﻧﺘﻲ ﻫﺬﺍ ﺍﻟﻨﻔﺲ ﻟﻴﻔﻮﺕ ﺑﺮﻳﺘﻲ ﻛﺮﺑﻲ ﻛﺮﺑﻲ ﻧﺎﻣﻲ ﺑﺤﻀﻨﻲ ﺑﻌﺪ ﻣﻌﺎﻟﻴﺠﻲ ﺍﻧﺘﻲ
ﻳﻤﻪ ﺷﻠﻮﻧﻮ ﺷﻐﻠﻚ ﺑﻐﺪﺍﺩ
ﺍﻟﺤﻤﺪﺍﻟﻠﻪ ﻳﻤﻪ ﺑﺲ ﻛﻠﻮ ﻗﻬﺮ
ﻋﺠﻞ ﻋﻠﻴﺶ ﻋﺎﻝ ﻛﻠﺒﻚ ﻳﺎﺑﻌﺪ ﺍﻣﻚ ﻫﻮﻩ ﻛﻠﺒﻚ ﻧﺎﻗﺼﻮ
ﻣﻮ ﺑﻴﺪﻱ ﻳﻤﻪ ﻣﺎﻛﺪﺭ ﺑﻌﺪ ﺍﺗﺮﻛﻮ ﻣﻮﺑﺲ ﺍﻧﻪ ﻛﻞ ﺍﻟﻴﻮﺻﻞ ﻟﻬﺎﻱ ﺍﻟﻤﺠﺎﻧﺎﺕ ﻳﺘﻌﻮﺭﻭ ﻛﻠﺒﻮ ﺣﺠﻴﻪ ﺍﺣﻨﺎ ﻋﺎﻳﺸﻴﻦ ﻫﻴﻦ ﺑﻨﻌﻴﻢ ﻭﻫﻮﺍﻱ ﻧﺎﺱ ﻣﺜﻠﻨﻪ ﻣﺎﺗﺪﺭﻱ ﻏﻴﺮﻩ ﺷﻠﻮﻥ ﻋﺎﻳﺶ ﺍﻛﻮ ﻭﺍﺩﻡ ﻋﺪﻫﻪ ﺣﺎﻳﻂ ﻭﻓﻮﻛﺎﻩ ﺳﻜﻒ ﻭﻧﺎﺱ ﻣﻮﻻﻛﻴﻪ ﺧﻴﻤﻪ ﺗﻨﺎﻡ ﺟﻮﺍﻫﻪ ﺣﺪﺭﻱ ﺷﻮﻓﻲ ﺍﻟﻤﺨﻴﻤﺎﺕ ﻭﺍﻟﻤﺪﺍﺭﺱ ﻣﻠﻴﺎﻧﻪ ﻧﺎﺱ ﺟﺎﻧﻮ ﺍﻫﻞ ﺧﻴﺮ ﻣﺜﻠﻨﻪ ﻭﻫﺴﺎﻉ ﻳﻜﻔﻮﻥ ﺑﻠﺴﺎﻋﺎﺕ
ﻳﺴﺘﻠﻤﻮﻥ ﻣﻮﻧﻪ ﻭ ﻳﻨﻜﻠﻮﻥ ﺍﻟﻤﻲ ﻧﻜﺎﻝ
ﻻﺣﻮﻝ ﻟﻠﻪ ﻟﻬﻴﻦ ﻭﺍﺻﻠﻪ ﺍﻟﻌﺎﻟﻢ
ﻭﺃﺯﻳﺪ ﺣﺠﻴﻪ ﻭﺍﺯﻳﺪ ﻭﻳﻜﺘﻠﺞ ﻗﻬﺮ ﻭﻳﻔﻄﺮ ﻛﻠﺒﺞ ﻋﺰﻳﺰﻳﻦ ﻧﻔﺲ ﻟﻮﺣﺎﺟﻴﺘﻲ ﻭﺍﺣﺪﻫﻢ ﺑﻘﻠﻪ ﺻﺒﺮ ﻳﻄﺮ ﺍﻟﺒﻴﺪﻭ ﻭﻋﻨﺪﻭ ﺳﺘﻌﺪﺍﺩ ﻣﺎﻳﺨﺬ ﻛﻠﺸﻲ ﻭﻻﺗﻬﻴﻨﻴﻨﻮ
ﻋﺠﻞ ﺷﻮﻥ ﻭﻟﻴﺪﻱ ﺍﻟﻨﻔﺲ ﻋﺰﻳﺰﻩ ﻭﺍﻟﻌﺮﺍﻗﻲ ﻣﻦ ﻳﻮﻡ ﻳﻮﻣﻮ ﺍﺑﻦ ﺧﻴﺮ ﺑﺲ ﺍﻟﻮﻛﺖ ﺍﻏﺒﺮ ﺍﻟﻠﻪ ﻳﺮﺩﻫﻢ ﻟﺪﻳﺎﺭﻫﻢ ﺳﺎﻟﻤﻴﻦ ﻭﻻﻳﺤﻮﺝ ﺍﺣﺪ ﻟﺤﺪ
ﺍﻣﻴﻦ ﻳﺎﺭﺏ ﺍﺻﻌﺪ ﺍﻧﺎﻡ ﻣﻀﺮﺏ ﺍﻟﺠﻠﻮﻩ ﺧﻄﺎﺏ ﺍﻟﻤﺼﺮﻭﻉ ﻃﺮﻛﻨﻲ ﺧﻼﻧﻲ ﻣﻮﺷﺎﻳﻒ ﺩﺭﺑﻲ
ﺗﻌﺸﻪ ﻳﻤﻪ ﺍﻻﻛﻞ ﺻﺎﻳﺮ ﺍﻟﺒﻨﻮﺍﺕ ﺗﺎﻳﺴﻮﻭﻥ
ﺍﻧﺎﻡ ﻭﺍﻛﻌﺪ ﻋﻮﺩ ﺍﺍﻛﻞ
ﺩﻛﻌﺪ ﻳﺎ ﺍﺑﻨﻲ ﻫﺴﺎﻉ ﻳﺮﻭﺣﻦ ﻭﻛﻠﻪ ﺗﻄﺶ ﻣﻨﻮ ﻳﺴﻮﻳﻠﻚ ﺍﻻﻛﻞ
ﻻﺗﺸﻴﻠﻴﻦ ﻫﻢ ﺍﻧﻪ ﺍﺳﻮﻱ ﺍﻟﻪ ﺻﺪﻙ ﻳﻤﻪ ﺗﺒﺎﺭﻙ ﻣﺎﺗﺴﺌﻞ ﻋﻠﻰ ﺍﻣﻪ ﺍﺷﻮﻓﻪ ﻣﻮ ﻣﻬﺘﻤﻪ ﻫﻴﻨﻮﺏ
ﺳﻜﺘﺖ
ﺣﺠﻴﻪ ﺷﺒﻴﺞ ﺳﻤﻌﺘﻨﻲ ﺷﺴﺌﻠﺘﺞ
ﻫﺎﺍﺍ ﻳﻤﻪ ﺍﻱ ﺍﻱ ﺳﻤﻌﺘﻚ ﺷﺘﺴﻮﻱ ﺑﺎﺍﻣﻪ ﺗﺮﺍﻩ ﻛﺎﺿﻴﺘﻪ ﺩﻛﻤﺰ ﺑﻴﻨﻪ ﻭﺳﺎﻋﻪ ﻳﻢ ﺍﻡ ﺧﻄﺎﺏ ﻭﻧﻮﺏ ﻳﻢ ﺑﻴﺖ ﻓﻴﺼﻞ ﺟﺎﻫﻠﻪ ﻳﻤﻪ ﺷﻤﻌﺮﻓﻪ
ﺑﻌﺪ ﺍﺣﺴﻦ ﻋﺠﻞ ﺃﻧﻪ ﺷﺮﻳﺪ ﻣﺎﺭﻳﺪﻩ ﺗﻨﻘﻬﺮ ﻟﻮ ﻳﺘﻜﺪﺭ ﺧﺎﻃﺮﻩ ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ
ﺻﻌﺪﺕ ﺗﺒﺎﺭﻙ ﻛﺎﻋﺪﻩ ﻋﻠﻰ ﺍﻟﺪﺭﺝ ﺍﻻﻳﺒﺎﺩ ﺑﻴﺪﻩ ﻣﻨﺪﻣﺠﻪ ﺗﻠﻌﺐ ... ﻳﺎﺑﻪ ﺭﺍﻳﺢ ﺍﻧﺎﻡ ﺗﺠﻴﻦ ﺗﻨﺎﻣﻴﻦ ﻳﻤﻲ
ﻻ ﺑﺎﺑﺎ ﺍﻧﺎﻡ ﻳﻢ ﻋﻤﻪ ﻫﺪﻳﻪ
ﺍﻧﻪ ﻭﺻﻌﺪ ﻟﺘﻔﺘﺖ ﻭﺍﻛﻒ ... ﻋﻠﻴﺶ ﻳﺎﺑﻪ ﻣﻦ ﻳﻤﺘﻰ ﻭﺟﺎﻱ ﺗﺒﺎﺗﻴﻦ ﺑﻴﺖ ﺍﺣﺪ ﺍﻧﺘﻲ
ﺑﺎﺑﺎ ﻋﺎﺩﻱ ﺍﺿﻮﺝ ﻫﻨﺎ ﺟﺪﻩ ﻧﺘﻌﺸﻪ ﻭﺗﻨﺎﻡ ﻭﺿﻞ ﻭﺣﺪﻱ
ﻧﺰﻟﺖ ﻟﻴﻤﻪ ﻛﻀﺒﺘﻪ ﺣﻀﻨﺘﻪ ... ﺑﺎﺑﺎﺗﻲ ﻣﺎﻳﺼﻴﺮ ﺗﺒﺎﺗﻴﻦ ﺑﻴﺖ ﻏﻴﺮ ﺑﻴﺘﻨﻪ ﻋﻤﺎﺗﺞ ﻋﻠﻰ ﺭﺍﺳﻲ ﻳﺤﺒﻨﺞ ﻭﺗﺤﺒﻴﻬﻢ ﻣﺎﻣﺎﻧﻌﺞ ﻣﻨﻬﻢ ﻭﺷﻮﻓﺖ ﻋﻴﻨﺞ ﺍﻟﻨﻬﺎﺭ ﻛﻠﻪ ﺗﻔﻮﺗﻴﻦ ﻭﺗﻄﻠﻌﻴﻦ ﻋﻠﻴﻬﻢ ﻣﺎﻟﻲ ﻻﺯﻡ ﺑﻴﺞ ﺑﺲ ﻧﻮﻡ ﻫﻨﺎﻙ ﻣﺎﺍﻗﺒﻞ ﺍﻟﺒﻨﻴﻪ ﻣﺎﻳﺼﻴﺮ ﺗﺒﺎﺕ ﻋﺪ ﺍﺣﺪ ﻋﻴﺐ ﻋﻤﺎﺗﺘﺞ ﻋﺪﻫﻢ ﻭﻟﺪ ﻳﺒﺪﻟﻮﻥ ﻳﻨﺎﻣﻮﻥ ﻣﺎﺧﺬﻳﻦ ﺭﺍﺣﺘﻬﻢ ﺑﻴﺘﻬﻢ ﻭﺍﻧﺘﻲ ﻫﻢ ﻫﺬﺍ ﻟﻴﻞ ﻭﺍﻟﻨﺎﻳﻢ ﻣﻴﺖ ﺗﺘﻜﺸﻔﻴﻦ ﻟﻮﺗﻨﺎﻣﻴﻦ ﻧﻮﻣﻪ ﻏﻠﻂ ﻛﻞ ﻫﺬﺍ ﺣﺮﺍﻡ ﺗﺘﻌﻠﻠﻴﻦ ﻋﺪﻫﻢ ﺗﺘﻮﻧﺴﻴﻦ ﻭﻳﻪ ﺍﻟﺒﻨﺎﺕ ﻟﻴﺤﺪ ﻣﺘﻨﻌﺴﻴﻦ ﻭﺗﺎﻟﻲ ﺗﺮﺩﻳﻦ ﺗﻨﺎﻣﻴﻦ ﺑﺤﻀﻦ ﺟﺪﺗﺞ ﻫﺎﻫﻴﻪ ﺑﺎﺑﺎﺗﻲ
ﺍﻱ ﺑﺎﺑﺎ ﻫﺎﻫﻴﻪ ﻣﺎﺳﻮﻳﻪ ﺑﻌﺪ
ﻋﻔﻴﻪ ﻋﻠﻴﺞ ﺣﺒﻴﺒﺖ ﻛﻠﺒﻲ ﻳﺮﻭﺣﻠﺞ ﻓﺪﻭﻩ ﺑﺎﺑﺎ ﻭﻋﺸﻴﺮﺗﻮ
ﺑﺴﺘﻪ ﻭﺻﻌﺪﺕ ﺣﺎﺟﻴﺘﻪ ﺑﻬﺬﺍ ﺍﻟﻜﻼﻡ ﻭﻣﺎﻋﺮﻑ ﻋﻘﻠﻪ ﺳﺘﻮﻋﺒﻪ ﻟﻮ ﻻ ﺍﻟﻤﻬﻢ ﺣﺠﻴﺘﻪ ﻫﺎﻱ ﺑﻨﻴﻪ ﻻﺯﻡ ﺗﻌﺮﻑ ﺍﻟﺼﺢ ﻣﻦ ﺍﻟﻐﻠﻂ ﺻﻐﻴﺮﻩ ﺻﺤﻴﺢ ﻭﻟﺪ ﺍﺧﺘﻲ ﺍﻧﻪ ﻣﺮﺑﻴﻬﻢ ﻭﺍﺣﺪﻫﻢ ﻋﻠﻢ ﺑﺲ ﺍﻟﺸﻴﻄﺎﻥ ﺷﺎﻃﺮ ﻭﻛﺘﻨﻪ ﻫﺬﺍ ﺃﺷﻜﺎﻝ ﻧﺴﻤﻊ ﺑﻲ
ﺛﺎﻧﻲ ﻳﻮﻡ ﻧﺒﻬﺖ ﺍﻣﻲ ﻫﻢ ﻣﻦ ﻧﻔﺲ ﺍﻟﻤﻮﺿﻮﻉ ﺧﺎﻑ ﺍﻧﻪ ﺑﻐﺪﺍﺩ ﻭﻳﻨﻌﺎﺩ ﻛﺎﻟﺖ ﻫﺎﻫﻴﻪ ﻳﻤﻪ ﻋﺘﺒﺮﻩ ﺻﺎﺭ ﻭﺑﻌﺪ ﻣﺎﻳﻨﻌﺎﺩ ﻣﺸﺖ ﺍﻻﻳﺎﻡ ﺻﻔﻴﻨﻪ ﻛﻠﺸﻲ ﻣﺎﻋﺎﺩ ﻋﺪﻧﻪ ﻛﻞ ﺷﻐﻞ ﺑﻠﻔﻮﺟﻪ ﻓﻴﺼﻞ ﻋﺠﻞ ﺑﻌﺮﺱ ﺍﺑﻨﻮ ﻋﺰﻡ ﻋﻤﺎﻣﻨﻪ ﻭﻫﻴﺮ ﺣﺪﻳﻘﺘﻨﻪ ﺍﻟﻮﺿﻊ ﺗﻌﺒﺎﻥ ﻣﻮ ﻣﺎﻝ ﻗﺎﻋﺎﺕ ﻭﺍﻋﺮﺍﺱ ﻋﻤﺮ ﺧﺎﺑﺮﻧﻲ ﻛﺎﻟﻲ ﻓﺎﺭﺱ ﺯﻫﻜﺎﻥ ﺟﺎﻥ ﻳﺴﻮﻟﻒ ﺭﻭﺣﻮ ﻃﺎﻓﺮﻩ ﻣﻮ ﻋﻮﺍﻳﺪﻭ ﺩﻭﻣﻮ ﻣﻔﺮﻓﺶ ﻭﻳﺴﺨﺖ ﺯﻛﺤﺖ ﺑﻲ
ﻳﻮﻝ ﺷﺒﻴﻚ ﺍﻟﻠﻪ ﻳﺼﻜﻌﻚ ﺻﺮﻋﺖ ﺭﺍﺳﻲ
ﺍﻟﻠﻪ ﻳﺼﻜﻌﻨﻲ ﺍﻟﻒ ﻧﻮﺑﻪ ﻣﻮ ﻧﻮﺑﻪ ﻭﺣﺪﻩ ﺍﻧﻪ ﺷﻮﺭﻃﺘﻨﻲ ﻭﻳﻪ ﻭﺣﺪﻩ ﺧﺒﻠﻪ ﺍﻟﻠﻪ ﻣﺎﻳﻨﺤﺮﺣﻬﺎ
ﻣﻨﻲ ﻫﺎﻱ ﻭﻟﻚ ﻋﻠﻴﻤﻦ ﺩﺗﺤﺠﻲ
ﻫﺎﻱ ﺍﻟﺨﺒﻠﻪ ﻟﺒﻠﻤﺨﻴﻢ ﺑﺎﻟﻠﻪ ﺗﻤﻨﻴﺘﻪ ﺭﺟﺎﻝ ﺟﺎﻥ ﻧﻤﺖ ﻋﻠﻰ ﺧﻮﺍﻧﻴﻜﻪ ﻓﻄﺴﺘﻪ
ﻳﻮﻝ ﺷﺠﺎﻙ ﻣﺘﻬﺴﺘﺮ ﺷﺴﻮﺗﻠﻚ
ﻣﺸﻌﻮﻟﻪ ﺍﻟﺼﻔﺤﻪ ﺗﻮﻟﺘﻨﻲ ﺍﻛﻠﺘﻨﻲ ﺣﺎﺻﻞ ﻓﺎﺻﻞ ﺍﻧﺘﻮ ﻭﺍﻧﺘﻮ ﺗﺠﺬﺑﻮﻥ ﻭﺗﺒﻮﻛﻮﻥ ﻭﻧﻬﺒﺘﻮ ﺍﻟﺸﻌﺐ ﺟﻴﻒ ﺍﻟﻤﻨﻀﻤﻪ ﺭﺩﺕ ﻃﻠﺐ ﺍﺳﺘﻘﺒﺎﻝ ﺍﺑﻮﻩ
ﻭﻋﻠﻴﺶ ﺭﺩﺗﻮ ﻣﻮ ﻛﻠﺖ ﺑﺪﻭ ﺑﻌﻼﺟﻮ
ﻳﻮﻝ ﻓﺎﺭﺱ ﻫﻮﻩ ﺭﺟﺎﻝ ﻛﺎﺿﻲ ﺧﻠﺼﺎﻥ ﻭﻫﻴﻪ ﺗﺮﻳﺪ ﺗﻨﻔﺦ ﺑﻲ ﺍﻟﺮﻭﺡ ﻛﻮﻩ
ﻋﺠﻞ ﻏﻴﺮ ﺍﺑﻮﻫﻪ ﺍﻫﻞ ﺍﻟﻤﻴﺖ ﺑﻠﻤﻜﺒﺮﻩ ﻭﻳﺘﻤﻨﻮﻥ ﻣﻴﺘﻬﻢ ﻳﺮﻳﺪ ﻭﻳﺎﻫﻢ ﺷﺤﺎﻟﻪ ﻫﻴﻪ ﺍﺑﻮﻫﻪ ﻣﺮﻳﺾ ﻛﺒﺎﻟﻪ
ﻭﺍﻧﻪ ﺷﻌﻠﻴﻪ ﺷﻜﻮ ﺗﻨﺘﺮ ﺑﻴﻪ
ﻃﻮﻝ ﺑﺎﻟﻚ ﻳﺨﻮﻱ ﺣﺮﻣﻪ ﺗﻀﻞ ﺣﺮﻣﻪ ﻃﻨﺸﻪ ﻭﺍﻧﻪ ﺑﺲ ﻳﺨﻠﺺ ﺍﻟﻌﺮﺱ ﺍﺣﺪﺭ ﺍﺷﻮﻑ ﺷﺴﺎﻟﻔﺘﻪ ﻫﺴﺎﻉ ﺗﻬﻴﺮ ﺗﺎﺗﺠﻲ ﻟﻠﻌﺮﺱ
ﺍﻥ ﺷﺎﻟﻠﻪ ﻳﺎﻟﻪ ﺛﻴﻤﻼﺀ
ﺍﻟﻠﻪ ﻭﻳﺎﻙ ﺑﺴﻼﻣﻪ
ﺳﺪﻳﺘﻪ ﺧﻠﻴﺖ ﺍﻟﻨﻘﺎﻝ ﺑﺠﻴﺒﻲ ﻭﻛﻌﺪﺕ ﺑﻠﺤﺪﻳﻘﻪ ﺻﺎﻓﻦ ﺷﻨﻮ ﻣﻦ ﺣﺮﻣﻪ ﻫﺎﻱ ﺟﻤﺎﻝ ﻭﻗﻮﻩ ﺑﺲ ﻟﺴﺎﻥ ﺳﻠﻴﻂ ﺷﻠﻮﻥ ﺍﺳﺎﻋﺪﻩ ﺍﺧﻠﺺ ﻋﻤﺮ ﻣﻨﻪ ﻭﻫﻢ ﺍﻛﺴﺐ ﺍﺟﺮ ﺑﻬﺬﺍ ﺍﻟﺸﺒﺎﺏ ﺑﻠﺠﻦ ﺍﺻﻴﺮ ﺳﺒﺐ ﺑﺮﺩ ﻋﺎﻓﻴﺘﻪ
ﻫﻨﺎﻙ ﻭﺭﺍﺡ ﺑﺎﻟﻲ ﻳﻢ ﻋﻴﻮﻧﻪ ﻭﺧﺼﻠﻪ ﺷﻌﺮﻩ ﺍﻻﺳﻮﺩ ﺟﻨﻮ ﻓﺤﻢ ﻟﺠﺤﺘﻮ ﺑﻄﻠﻌﺘﻪ ﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺤﺮﻣﻪ ﻣﺘﺰﻭﺟﻪ ﻟﺠﺎﻫﻞ ﻳﻨﺎﺩﻳﻪ ﻳﻤﻪ ﺍﻧﻪ ﺷﻮﻥ ﺍﻓﻜﺮ ﺑﻴﻪ
ﻣﺴﺤﺖ ﻭﺟﻬﻲ ﻣﺘﻨﻬﺪ ﺍﻟﻮﻟﺪ ﺟﺪﺍﻣﻲ ﻳﺸﻜﻠﻮﻥ ﺍﻟﺴﻤﺎﻋﺎﺕ ﻭﻣﺪﺍﻫﺮﻫﻢ ﺷﻐﺎﻝ
ﺳﻴﻒ .... ﻫﺬﺍ ﺣﺴﻦ ﺷﺎﺧﻂ ﻫﻴﻪ ﻣﺎﻝ ﺯﻭﺍﺝ ﻫﺴﺎﻉ
ﻣﺼﻄﻔﻰ ... ﻳﻮﻝ ﻳﺮﺑﻚ ﻋﻮﻓﻮ ﺭﻭﺍﺣﻨﻪ ﻃﺎﻟﻌﻪ ﺧﻠﻨﻪ ﻧﺮﻛﺺ ﻧﺘﻮﻧﺲ
ﺷﺘﺮﻛﺺ ﻳﻤﺼﺨﻢ ﻣﺎﺗﺸﻮﻑ ﺍﻟﻨﺎﺱ ﺧﺎﻳﻔﻪ ﺍﻻﻧﺒﺎﺭ ﺃﻭﺿﺎﻋﻪ ﻋﺎﻟﻜﻪ
ﺧﻞ ﻧﻔﺮﺡ ﻭﺭﺍﻩ ﺗﻌﻠﻚ ﺗﺤﺘﺮﺝ ﻟﻮﻛﺘﻪ ﺭﺑﻚ ﻳﺤﻠﻪ
ﺣﺴﻦ .... ﻫﺎ ﻳﺎﺑﻪ ﺟﺎﻱ ﺩﻛﺼﻮﻥ ﺑﻴﻪ
ﺳﻴﻒ .... ﻻ ﻳﺎﺑﻪ ﺟﺎﻱ ﻧﺮﻫﻤﻠﻚ ﺫﻳﺞ ﺍﻷﻏﺎﻧﻲ ﺍﻟﺰﻳﻨﻪ
ﻋﻔﻴﻪ ﺑﻌﺪ ﺭﻭﺣﻲ ﺟﺜﺮﻟﻲ ﻣﻦ ﺟﻮﺑﻲ ﺍﺑﻮ ﺻﻼﺡ ﺍﻟﺸﻴﺤﺎﻭﻱ
ﺳﻴﻒ .... ﻫﻬﻬﻬﻬﻬﻪ ﺗﺤﺠﻲ ﺻﺪﻙ ﻳﻮﻝ ﺍﻧﻪ ﻣﺤﻀﺮ ﻃﻜﺖ ﺟﻴﻼﺕ ﺍﻟﺒﺮﻧﻮ ﻭﺍﻟﻬﺎﻭﻥ ﺛﺎﺭﺩ ﻫﺒﺖ ﻣﻮﺻﻞ ﻭﺩﻳﺎﻟﻰ ﻭﺍﻫﻞ ﺍﻻﻧﺒﺎﺭ
ﻟﻴﺎ ﻧﺎﻗﺺ ﺗﺮﻳﺪﻫﻢ ﻳﺠﻮﻥ ﻳﺸﻴﻠﻮﻧﻲ ﻋﻤﻲ ﺗﺴﻤﻊ ﻫﺬﺍ ﺍﻟﻌﺎﺭ ﺷﻴﻜﻮﻝ
ﻓﺎﺭﺱ ..... ﻣﺎﻋﻠﻴﻚ ﻣﻨﻮ ﺍﺑﻮ ﻋﻠﻲ ﺧﻠﻪ ﻳﺮﻃﻦ ﻭﻳﻪ ﺣﺎﻟﻮ ﻭﺍﻧﺖ ﺍﻟﻚ ﺍﻟﺼﺎﻓﻲ ﺍﻃﺮﺏ ﻭﺗﻮﻧﺲ ﺗﻌﺎﻝ ﺍﻛﻠﻚ ﺍﻧﺖ ﻳﻮﻡ ﺍﻟﻌﺮﺱ ﺭﺍﺡ ﺗﺒﻴﺾ ﻭﺟﻬﻨﻪ ﻟﻮ ﺷﻮﻥ ﺩﻳﺞ ﻟﻮ ﺩﺟﺎﺟﻪ ﺑﻠﻪ
ﺍﻓﻪ ﻭﺍﻧﻪ ﻋﻤﻲ ﻓﺎﺭﺱ ﻭﻋﻴﻮﻧﻚ ﻋﻤﻲ ﺣﺴﺒﻠﻲ ﺭﺑﻊ ﺳﺎﻋﻪ ﺗﻠﻜﺎﻧﻲ ﻃﺎﻟﻊ ﻣﻦ ﺍﻟﻐﺮﻓﻪ
ﺍﻟﻠﻪ ﻳﻄﻴﺢ ﺣﻀﻚ ﻳﻮﻝ ﻫﻮﻩ ﻟﻴﺸﻮﻑ ﻟﺴﻤﺴﻤﻴﻪ ﻛﺒﺎﻟﻮ ﺷﻠﻮﻥ ﻳﻌﻮﻓﻪ ﻭﻳﻄﻠﻊ ﺍﺫﺍ ﻣﺎﻳﻜﻀﻴﻪ ﻛﻀﻴﺎﻥ
ﻫﻬﻬﻬﻬﻬﻪ ﻋﻤﻲ ﺳﻤﺴﻤﻴﻪ ﺷﻨﻮ ﻫﺎﻱ
ﻳﻮﻝ ﺍﻟﺤﺮﻣﻪ ﺍﻟﺤﻠﻮ ﻭﺍﻟﻴﺤﺒﻪ ﻛﻠﺒﻚ ﺗﺼﻴﺮ ﻛﻠﻪ ﺳﻤﺴﻤﻴﻪ ﻣﻨﻴﻦ ﻣﺎﺗﻜﻀﺒﻪ ﺷﻜﺮ
ﺿﺤﻚ ﻣﻨﺼﻲ ﻫﻮﻩ ﻭﺧﻄﺎﺏ ﺛﻨﻴﻨﻬﻢ ﻣﻔﺤﻤﻴﻦ ﺫﺍﻙ ﺷﺎﻳﻞ ﺭﻭﺣﻮ ﻭﻃﺎﺭﻩ ﻋﻠﻰ ﺳﺠﻰ ﻭﻫﺬﺍ ﻳﺤﺐ ﺑﻨﺖ ﺧﺎﻟﺘﻮ ﺍﻟﺤﻤﺪﺍﻟﻠﻪ ﺻﺎﺭﺕ ﻧﺼﻴﺒﻮ ﺻﺎﺭﻟﻮ ﻋﺮﺱ ﻣﺮﺗﺐ ﻓﻀﻴﻨﺎﻩ ﻋﻠﻰ ﺧﻴﺮ ﻭﺭﺍﻩ ﺣﺪﺭﺕ ﻟﺒﻐﺪﺍﺩ
ﺳﺠﻰ ...... ﺑﻠﻌﺮﺱ ﻣﺎﻝ ﺣﺴﻦ ﺗﻮﺳﻠﺖ ﺑﻤﺎﻣﺎ ﺍﺳﻮﻱ ﺣﻮﺍﺟﺒﻲ ﻻﻥ ﺗﺎﻟﻴﺘﻲ ﻣﺴﻮﻳﺘﻬﻢ ﻣﻦ ﺭﺍﺡ ﺍﺩﺍﻭﻡ ﻛﻠﻴﻪ ﻣﺎﺿﻞ ﺷﻲ ﻗﺒﻠﺖ ﻭﺭﺣﺖ ﻭﻳﻪ ﺧﺎﻟﻪ ﺍﻡ ﺧﻄﺎﺏ ﻳﻮﻡ ﺍﻟﺤﻨﻪ ﻭﺻﻠﻨﻪ ﺍﻟﻌﺮﻭﺱ ﻟﻠﺼﺎﻟﻮﻥ ﻭﺣﻔﻴﺖ ﻭﻣﻦ ﺭﺩﻳﻨﻪ ﺩﻛﺖ ﻋﻠﻰ ﺳﻴﻒ ﺭﺟﻌﻨﻪ ﺟﺎﻧﻮ ﻛﺮﺍﺑﺘﻨﻪ ﻣﻠﺘﻤﻴﻦ ﺑﻠﺤﺪﻳ
ﻘﻪ ﻟﺘﺎﻓﻴﻨﻪ ﻣﻦ ﻭﺭﻩ ﺍﻟﺒﻴﺖ ﺑﺲ ﻭﻟﺪﻧﻪ ﺗﺎﻳﺮﻫﻤﻮﻥ ﻛﻠﻮﺑﺎﺕ ﻣﺪﺭﻱ ﺷﻨﻮ ﻛﻮﻡ ﻣﺎﻝ ﻭﺍﻳﺮﺍﺕ ﺑﻠﻜﺎﻉ ﻓﺘﺖ ﺳﺮﻳﻊ ﻣﺪﻧﻜﻪ ﻭﺟﺎﻥ ﺍﻋﺜﺮ ﺑﻮﺍﻳﺮ ﺍﺟﻴﺖ ﺟﻔﻲ ﻓﻮﻙ ﺧﻄﺎﺏ ﺟﺎﻥ ﻣﺜﻨﻲ ﺑﻠﻜﺎﻉ ﻣﻨﺼﻲ ﺭﺍﺳﻮ ﻳﺤﻞ ﺑﻴﻬﻢ ﻛﺒﻞ ﻣﺎﻳﺸﻮﻑ ﻣﻨﻮ ﻭﻛﻊ ﻓﻮﻛﺎﻩ ﺯﻛﺢ
ﺛﻮﻭﻭﻭﻝ ﻭﻋﻤﻤﻤﻤﻤﻤﻪ
ﺗﻠﻜﻴﺘﻮ ﺑﻴﺪﻱ ﻋﺪﻟﺖ ﺭﻭﺣﻲ ﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ ﻣﻦ ﺛﻜﻠﻲ ﻭﻫﻮﻩ ﺟﺎﻥ ﻣﺜﻨﻲ ﻣﺘﺮﻫﻲ ﻣﻦ ﺟﺘﻪ ﺍﻟﺪﻓﻌﻪ ﺗﺮﺑﻊ ﻛﻌﺪ ﺑﻠﻜﺎﻉ ﺣﺼﺮﺗﻨﻲ ﺍﻟﻀﺤﻜﻪ ﻭﻫﻮﻩ ﻣﻄﻴﺮ ﻋﻴﻮﻧﻮ ﻭﻛﻒ ﻧﻔﺾ ﺩﺷﺪﺍﺷﺘﻮ ﻣﺰﻧﺒﺮ
ﻭﻝ ﻣﺼﻜﻮﻋﻪ ﺷﺒﻴﺞ ﻣﺎﺗﺸﻮﻓﻴﻦ ﺍﻧﻮﺏ ﺗﻀﺤﻚ ﺧﻔﺖ ﻟﻬﻞ ﻭﺟﻪ
ﻏﺎﺑﺖ ﺍﻟﻀﺤﻜﻪ ﻓﺸﻠﺖ ﺣﻴﻞ ﻧﺼﻴﺖ ﺭﺍﺳﻲ ﻭﻧﺪﺭﺕ ﻣﺎﺟﺎﻭﺑﺘﻮ ﻣﺸﻴﺖ ﻓﺘﺖ ﺑﻴﺖ ﺟﺪﻩ ﻟﺤﻜﻨﻲ ﺍﺣﺴﻪ ﻳﻤﺸﻲ ﻭﺭﺍﻳﻪ ﻫﻮﺳﻪ ﺍﻟﺒﻨﺎﺕ ﺑﻠﻤﻄﺦ ﻛﺒﻞ ﻻﺍﺻﻞ ﺟﺮﻧﻲ ﻣﻦ ﺍﻳﺪﻱ ﻟﻠﻜﻨﺪﻭﺭ ‏( ﻣﻜﺎﻥ ﻣﺼﻐﺮ ﻛﺒﻞ ﺍﻹﺳﺘﻘﺒﺎﻝ ﻳﺼﻴﺮ ‏)
ﻣﺎﺣﺠﻴﺖ ﺑﺲ ﻣﻨﺼﻴﻪ ﻧﺘﺮ
ﺷﺒﻴﺞ ﻧﻠﺼﻤﺘﻲ ﺣﺘﻰ ﻣﺎﺗﻌﺬﺭﺗﻲ ﺷﻨﻮ ﺑﻠﺴﺎﻧﺞ ﻋﻀﻢ
ﻣﺎﺟﺎﻭﺑﺘﻪ ﺑﻠﻌﻮﻣﻲ ﻧﺸﺤﻂ ﺗﻘﺮﺏ ﻟﺰﻡ ﺍﻳﺪﻱ ﻫﺰﻧﻲ
ﻋﻠﻴﺶ ﺳﺎﻛﺘﻪ ﺗﺴﺘﻨﻜﻔﻴﻦ ﺗﺘﻌﺬﺭﻳﻦ ﻟﻮ ﺧﻄﺎﺏ ﻳﺠﻜﻚ ﻣﺎﻳﻨﻜﺎﻟﻮ ﺟﻠﻤﻪ ﺑﻴﻪ ﺧﻴﺮ
ﺭﻓﻌﺖ ﺭﺍﺳﻲ ﻣﺒﺮﻃﻤﻪ ﻫﺪﻧﻲ ﻫﺪﺕ ﻣﻼﻣﺤﻪ ﺑﺘﻌﺪ ﺧﻄﻮﻩ ﻳﺘﻠﻔﺖ ﻣﺴﺢ ﻭﺟﻬﻪ ﺑﺘﻌﺐ ﻛﺎﻝ
ﺷﺒﻴﺞ ﻭﻳﺎﻱ ﻳﻮﻟﻲ ﺷﻤﺴﻮﻳﻠﺞ ﺍﻧﻪ
ﺧﻨﻜﺘﻨﻲ ﺍﻟﻌﺒﺮﻩ ﺷﻔﺎﻓﻲ ﺗﺮﺟﻒ ... ﺧﻄﺎﺏ ﻭﺍﻟﻠﻪ ﻣﺎﺩﺭﻱ ﻋﺜﺮﺕ ﺑﻠﻮﺍﻳﺮﺍﺕ ﻭﺍﻧﺖ ﺻﺮﺕ ﻛﺒﺎﻟﻲ ﺯﻳﻦ ﻣﺎﻧﺠﺒﺤﺖ ﻋﻠﻰ ﻭﺟﻬﻲ
ﺳﻜﺖ ﻳﺒﺎﻭﻋﻠﻲ ﻭﺍﻧﻪ ﺍﺑﺎﻭﻋﻠﻪ ﻋﺒﺎﻟﻲ ﻳﺠﺎﻭﺑﻨﻲ ﺑﺲ ﺿﻞ ﺳﺎﻛﺖ ﻋﻴﻨﻮ ﺑﻌﻴﻨﻲ ﻫﺪﺏ ﻋﻴﻨﻮ ﺭﺟﻒ ﻭﺍﻳﺪﻭ ﺍﻟﻜﺎﺿﺒﻪ ﺻﻔﺤﻪ ﺍﻟﺪﺷﺎﺷﻪ ﺭﺧﺖ ﻭﻧﺰﻟﺖ ﻧﺼﻪ ﻭﺍﻧﻪ ﻧﺼﻴﺖ ﺍﻧﺪﺍﺭ ﺳﺒﻜﻨﻲ ﺻﺎﺭ ﻛﺒﺎﻟﻲ ﻫﻤﺲ ﻭﻧﺪﺍﺭ
ﻻﺗﻀﻮﺟﻴﻦ ﻋﺒﺎﻟﻲ ﻣﺘﻌﻤﺪﻩ
ﻫﺰﻳﺖ ﺭﺍﺳﻲ ﻭﺭﻛﻀﺖ ﺟﻮﻩ ﺍﺭﺟﻒ ﻣﺎﺷﺎﻳﻔﺘﻪ ﻫﻴﺞ ﻫﺎﺩﻯ ﺿﻠﻴﺖ ﻧﻮﺑﻪ ﺍﺻﻒ ﺑﻬﺬﺍ ﺍﻟﻬﺪﻭﺀ ﻧﻮﺏ ﺍﺿﺤﻚ ﻋﻠﻰ ﺷﻜﻠﻮ ﻣﻦ ﻧﺪﻓﻊ ﻭﺗﺮﺑﻊ ﻭﻛﻌﺪ ﺑﻠﻜﺎﻉ ﻳﻮﻣﻴﻦ ﺍﻟﻌﺮﺱ ﻋﻴﻮﻧﻪ ﺗﻔﺘﺮ ﻭﺭﺍﻳﻪ ﺭﺩﺕ ﻣﺜﻞ ﻛﺒﻞ
ﺑﻴﻮﻡ ﺍﻟﻌﺮﺱ ﻭﺍﺣﻨﺎ ﻣﺘﻬﻴﺮﻳﻦ ﻧﻄﻠﻊ ﻟﻠﺰﻓﻪ ﺷﻨﻜﻞ ﻋﻴﻮﻧﻮ ﻭﺭﺍﻱ ﻭﺭﺍﻱ ﻻﺑﺲ ﻗﺎﻁ ﻋﺴﻠﻲ ﻭﻫﻮﻩ ﺑﻲ ﺧﻴﻂ ﺷﻜﺎﺭ ﻧﺠﺬﺑﺖ ﺍﻟﻮ ﺑﺲ ﻣﻦ ﺍﺷﻮﻑ ﺧﺰﺗﻮ ﻭﺍﻳﺪﻭ ﺑﺠﻴﻮﺑﻮ ﻭﺍﻛﻒ ﻳﺘﻠﻔﺖ ﻋﻠﻰ ﻳﺎﻫﻮ ﻟﻴﺪﺣﻚ ﻋﻠﻴﻨﻪ ﺩﺍﺧﻠﻲ ﻳﻄﻔﻰ ﻛﻠﺸﻲ ﺑﻲ ﻭﺍﻛﻮﻝ ﻫﻮﻩ ﻣﻬﻮﺱ ﺑﻲ ﻋﻘﺪﻩ ﻣﺎﻝ ﺍﻋﺼﺎﺏ ﻭﻣﺎﻳﻄﻴﻖ ﺍﺣﺪ ﻳﺸﻮﻑ ﺍﺣﺪ ﺗﻔﻜﻴﺮﻱ ﺟﺎﻳﺰ ﻏﻠﻂ ﺑﺲ ﻫﺬﺍ ﻟﻌﺮﻓﻮ ﻣﻦ ﺗﺼﺮﻓﺎﺗﻮ
ﻭﺭﻩ ﻣﺎﻛﻒ ﺍﻟﻌﺮﺱ ﻣﺎﻣﺎ ﻛﻌﺪﺕ ﺗﻘﺮﺍ ﺑﺮﺍﺳﻲ ﻭﻛﺎﻟﺘﻲ ﻫﻮﻩ ﻳﻜﻮﻝ ﺧﻠﻪ ﺗﻜﻤﻞ ﺩﺭﺍﺳﻪ ﻭﺍﺣﺴﻦ ﻣﻦ ﺍﺑﻦ ﻋﻤﺞ ﺍﻟﻤﺎﻋﺮﻓﻮﻧﻪ ﻏﻴﺮ ﻫﺴﻪ ﻭﺍﻓﻘﻲ ﻭﺧﻠﻴﻬﺎ ﻫﺴﺎﻉ ﺑﺲ ﺧﻄﺒﻪ ﻭﻋﻘﺪ ﻟﺒﻴﻦ ﻣﺎﺗﺘﺮﺍﻫﻤﻮﻥ ﻭﺍﻧﻪ ﻭﺍﺛﻘﻪ ﺭﺍﺡ ﺗﺤﺒﻴﻲ ﺳﻜﺘﺖ ﻭﺟﺪﻩ ﺩﻛﻠﻲ ﻭﺍﻟﻠﻪ ﻣﺎﺗﻠﻜﻴﻦ ﻣﺜﻠﻮ ﺧﺎﻟﻪ ﻟﻴﻠﻰ ﺭﻭﺣﻪ ﻃﺎﺭﺕ ﺗﺒﻮﺱ ﺑﻴﻪ ﻭﺍﻟﺒﻨﺎﺕ ﻛﻠﻪ ﻣﺤﺎﻭﻃﺘﻨﻲ ﺗﻘﻨﻊ ﺣﺘﻰ ﻣﺮﺕ ﺣﺴﻦ ﺩﻛﻠﻲ ﻳﻮﻟﻮ ﺷﺤﻼﺗﻮ ﻳﺨﺒﻞ ﺍﻧﻮﺏ ﻃﺎﻟﺐ ﻫﻨﺪﺳﻪ ﺗﻠﻜﻲ ﺷﺎﻳﻒ ﺃﺷﻜﺎﻝ ﺍﻟﺒﻨﺎﺕ ﻭﺍﻟﻮﺍﻥ ﺑﺲ ﻣﺒﻴﻦ ﻫﺎﻭﻳﺞ
ﻭﺍﻓﻘﺖ ﻭﻫﻮﻩ ﻃﻴﺎﺭﻩ ﻟﻢ ﺧﻮﺍﻟﻲ ﻭﺍﻟﻮﻟﺪ ﻭﺭﺍﺡ ﻟﺒﻴﺖ ﻋﻤﻲ ﺧﻄﺒﻨﻲ ﻣﻨﻮ ﻭﻣﺎﻋﺮﻑ ﺷﻠﻮﻥ ﻋﻤﻲ ﺑﻬﺬﺍ ﺍﻟﺒﺮﻭﺩ ﺣﺴﻴﺘﻮ ﻣﺘﻨﺎﻗﺾ ﻫﻮﻩ ﺟﻲ ﻳﺨﻄﺒﻨﻲ ﻟﺒﻨﻮ ﺷﻠﻮﻥ ﺭﺍﺡ ﺧﻄﺎﺏ ﻟﺒﻴﺘﻮ ﺧﻄﺒﻨﻲ ﻭﺍﻓﻖ ﻧﻘﻬﺮﺕ ﺣﻴﻞ ﺍﻗﻠﻪ ﺟﺎﻥ ﺣﺎﺟﺠﻬﻢ ﺣﺴﺴﻨﻲ ﻫﻮﻩ ﺭﺍﻳﺪﻧﻲ ﺍﻧﻪ ﺑﻨﺖ ﺍﺧﻮﻩ ﻟﻮ ﻣﺤﺴﺴﻨﻲ ﻭﻟﻮ ﻟﻤﺮﻩ ﻭﺣﺪﻩ ﻋﻨﺪﻱ ﻋﻢ ﻭﻋﻨﺪﻱ ﺿﻬﺮ ﺑﺲ ﻟﻼﺳﻒ ﻛﻼﻡ ﺍﻣﻲ ﺻﺤﻴﺢ ﻛﺎﻟﺖ ﻳﻤﻪ ﻣﺎﻳﺤﺒﻮﻛﻢ ﻭﺍﻧﻪ ﺍﻣﻜﻢ ﺷﻮﻥ ﺍﺑﻮﺝ ﻳﺤﺒﻨﻲ ﺍﻟﻠﻪ ﻳﺮﺣﻤﻮ ﻫﺬﺍ ﺗﻠﻜﻲ ﺟﻲ ﺧﻄﺒﺞ ﺑﺪﻭﻥ ﻋﻠﻢ ﻣﺮﺗﻮ ﻭﻣﻦ ﺳﻤﻌﺖ ﺟﻌﻤﺘﻮ ﻫﻞ ﺧﻨﺲ ﻭﺭﺍﺡ ﺑﻌﺪ ﻣﺎﺟﻲ ﻭﻫﺴﺎﻉ ﺑﺲ ﺧﻄﺒﻮﺝ ﻭﺍﻓﻖ
ﻓﻮﺿﺖ ﺃﻣﺮﻱ ﻟﻠﻪ ﻭﺍﻓﻘﺖ ﺑﺨﻄﺎﺏ ﻛﻠﺖ ﺍﻧﻪ ﺍﻏﻴﺮﻭ ﺷﻮﻳﻪ ﺷﻮﻳﻪ ﺻﺎﺭﺕ ﺍﻟﺨﻄﺒﻪ ﻣﺎﻣﺎ ﻭﺧﺎﻟﻪ ﺟﻬﺰﻭ ﻛﻠﺸﻲ ﺑﺲ ﺷﻨﻮ ﺍﻻﻭﺿﺎﻉ ﻋﺎﻟﻜﻪ ﻫﻴﻨﻮﺏ ﻛﻌﺪﻧﻪ ﻣﻦ ﺍﻟﺪﻭﺍﻣﺎﺕ ﻋﻮﺩ ﻣﺤﻀﺮﻩ ﺭﺭﻭﺣﻲ ﻭﺣﻴﻞ ﻣﺘﺸﻮﻗﻪ ﻟﻠﻜﻠﻴﻪ ﺑﺲ ﺍﻻﺧﺒﺎﺭ ﻣﺎﻃﻤﻦ ﻭﻃﻮﻝ ﺍﻟﻮﻛﺖ ﺩﺍﻳﺮﻥ ﺍﻟﺘﻠﻔﺰﻳﻮﻥ ﻋﻠﻰ ﺳﺎﺣﺎﺕ ﺍﻋﺘﺼﺎﻡ ﺍﻻﻧﺒﺎﺭ ﻭﻛﻞ ﺷﻮﻳﻪ ﻳﺠﻴﺒﻮﻥ ﺧﺒﺮ ﺭﺍﺡ ﻳﺼﻴﺮ ﻫﺠﻮﻡ ﻭﻳﻔﻀﻮﻥ ﺍﻟﺴﺎﺣﺎﺕ ﺍﺩﺣﻚ ﺍﺣﻨﻪ ﺍﻟﺒﻨﺎﺕ ﻋﺪﻧﻪ ﻋﺎﺩﻱ ﻧﻜﻮﻝ ﺗﻌﻠﻤﻨﻪ ﻛﻞ ﻳﻮﻡ ﺗﺼﻴﺮ ﺑﻴﻨﻪ ﻃﺒﻪ ﺑﺲ ﻣﺎﻣﺎ ﻭﺧﺎﻻﺗﻲ ﻭﺟﺪﻩ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻛﺎﺿﺒﺎﺕ ﻛﻠﻮﺑﻬﻢ ﻭﻳﺪﻋﻮﻥ ﺍﻟﻠﻪ ﻳﺴﺘﺮ ﺛﺎﻣﺮ ﻭﻣﺼﻄﻔﻰ ﻣﺎﻣﺎ ﺷﺪﺕ ﻭﻳﺎﻫﻢ ﻻﺗﻄﻠﻌﻮﻥ ﻻﺗﻤﺸﻮﻥ ﺍﺳﺘﺮﻭ ﻋﻠﻴﻪ ﻭﻋﻠﻰ ﻫﺎﻱ ﺍﻟﺮﻧﻪ
ﺧﻄﺎﺏ ﻗﻠﻴﻞ ﺍﺷﻮﻓﻮ ﻣﻦ ﻛﻠﻴﺘﻮ ﺑﻐﺪﺍﺩ ﺿﻞ ﻳﺒﺎﺕ ﻫﻨﺎﻙ ﻭﻫﻢ ﻳﻨﺰﻝ ﻭﻳﻪ ﺧﻮﺍﻟﻲ ﻋﻠﻰ ﺷﻐﻠﻬﻢ ﺍﻛﺜﺮ ﻭﺍﺣﺪ ﻫﻮﻩ ﻣﻌﺘﻤﺪﻳﻦ ﻋﻠﻴﻪ ﻫﻮﻩ ﻭﺣﺴﻦ ﻟﻴﺤﺪ ﻛﺒﻞ ﺍﻟﻌﻘﺪ ﺑﻴﻮﻡ ﺟﻲ ﻭﺍﻧﻪ ﺍﺟﻬﺰ ﺑﺮﻭﺣﻲ ﺩﺍﺯﻟﻲ ﺧﺒﺮ ﻻﺗﺴﻮﻳﻦ ﺣﻔﻠﻪ ﺗﺨﺒﻠﺖ
ﻣﺎﻣﺎ ﺷﻨﻮ ﻣﺎﺳﻮﻱ ﻋﺠﻞ ﺻﺎﺭ ﺟﻢ ﻳﻮﻡ ﺍﺣﻀﺮ ﻭﺧﺎﺑﺼﻪ ﺭﻭﺣﻲ
ﺑﻨﻴﺘﻲ ﻣﻮ ﻭﻛﺘﺞ ﺍﻟﻮﺿﻊ ﺗﻌﺒﺎﻥ ﻣﻮ ﻣﺎﻝ ﻫﻮﺳﺎﺕ ﻭﻋﺰﺍﻳﻢ ﺍﻋﻘﺪﻱ ﻭﻓﻀﻴﻨﻲ ﻻﺗﺒﻠﺸﻴﻨﻲ ﻭﻳﻪ ﺧﻮﺍﻟﺞ
ﻭﻋﻠﻴﺶ ﺍﺑﻠﺸﺞ ﺍﻟﻬﻮﺳﻪ ﺑﻼﻧﺒﺎﺭ ﺍﺣﻨﺎ ﺷﻜﻮ ﻋﺪﻧﻪ ﺷﻮﻥ ﻣﺎﺳﻮﻱ ﻓﺴﺘﺎﻧﻲ ﻟﺸﺘﺮﻳﺘﻮ ﻭﺍﺍﻟﺼﺎﻟﻮﻥ ﺍﻟﺤﺠﺰﺗﻮ ﻭﺻﺪﻳﻘﺎﺗﻲ ﺷﻜﻠﻬﻢ
ﺳﺠﻰ ﺍﻛﻀﺒﻲ ﺭﻭﺣﺞ ﺷﻮﻥ ﺷﻌﻠﻴﻨﻪ ﺑﻼﻧﺒﺎﺭ ﻫﺎﻱ ﻫﻴﻪ ﺑﺴﺪﻧﻪ ﻭﻋﻠﻰ ﺳﺎﻋﻪ ﻳﻬﺠﻤﻮﻫﻪ ﻭﻧﺮﻭﺡ ﺑﻴﻪ ﻳﺎﺻﺪﻳﻘﺎﺕ ﻟﺘﻌﺰﻣﻴﻬﻢ ﻫﻮﻩ ﺿﻞ ﺍﺣﺪ ﻫﻴﻦ ﺷﻮ ﻛﻠﻪ ﺍﺣﻨﺎ ﻭﺟﻢ ﺑﻴﺖ
ﻧﺼﻴﺖ ﺭﻭﺣﻲ ﻣﺸﺘﻌﻠﻪ ﻭﻛﻔﺖ ﻣﺎﺍﺍﻛﺪﻩ ﻋﻠﻴﻪ ... ﺍﻟﺒﺴﻲ ﻓﺴﺘﺎﻧﺞ ﻭﺟﻬﺰﻱ ﺭﻭﺣﺞ ﺑﻠﻲ ﺗﻌﺮﻓﻲ ﻫﺎﻱ ﻛﻠﻨﻪ ﻳﻤﺞ ﺍﻧﻪ ﻭﺍﺧﺘﺞ ﺧﺎﻟﺘﺞ ﻭﺑﻨﺎﺗﻪ ﻭﺑﻴﺖ ﺧﺎﻟﺞ ﻓﻴﺼﻞ ﻭﺟﺪﺗﺞ ﺷﺘﺮﺩﻳﻦ ﺑﻌﺪ ﻳﺎﺍﻣﻲ ﻧﺴﻮﻱ ﺑﻴﻨﻪ ﻭﻋﻮﺩ ﺑﻠﻌﺮﺱ ﺳﻮﻱ ﻟﻴﺤﻼﻟﺞ
ﻭﺻﺪﻙ ﻫﺬﺍ ﺍﻟﺼﺎﺭ ﻟﺒﺴﺖ ﻓﺴﺘﺎﻥ ﺫﻫﺒﻲ ﺟﺎﻥ ﺣﻴﻞ ﺿﻴﻚ ﻭﻣﺎﺿﺎﻝ ﻏﻴﺮ ﺁﺧﺮ ﻗﻄﻌﻪ ﻭﻫﻮﻩ ﺍﺣﻠﻰ ﺷﻲ ﺑﻠﻤﺤﻞ ﺍﺧﺬﺗﻮ ﻛﻠﺖ ﻋﺴﻰ ﻣﺎﻟﺒﺴﻮ ﻧﻮﺑﻪ ﻭﺣﺪﻩ ﻭﺍﺫﺑﻮ ﻭﻻﻳﺒﻘﻰ ﺑﻨﻔﺴﻲ
ﺳﻮﻳﺖ ﻣﻜﻴﺎﺝ ﺑﺴﻴﻂ ﺣﻴﻞ ﻣﺎﻋﺮﻑ ﺫﺍﻙ ﺍﻟﻜﺪ ﻭﻻﺧﻠﻴﺖ ﺍﺣﺪ ﻳﺨﻠﻴﻠﻲ ﻣﺎﺍﻣﻦ ﺑﻐﻴﺮ ﺫﻭﻗﻲ ﺣﻠﻴﺖ ﺷﻌﺮﻱ ﻭﺷﺴﻮﺭﺗﻮ ﺍﻟﻜﻌﺪﻩ ﺑﻴﺖ ﺟﺪﻩ ﻭﺍﻟﺒﻨﺎﺕ ﻣﺸﻐﻠﻴﻦ ﺍﻟﺸﺎﺷﻪ ﻳﺼﻔﻜﻮﻥ ﻛﻠﻨﻪ ﻣﻨﺘﻀﺮﻳﻦ ﺧﻄﺎﺏ ﻳﺠﻴﺐ ﺍﻟﺸﻴﺦ ﻳﻌﻘﺪﻟﻨﻪ ﻣﻦ ﻛﺎﻟﻮ ﺟﻲ ﻛﻠﺒﻲ ﻛﺎﻡ ﻳﻄﺐ ﻳﺎﻟﻠﻪ ﻋﻮﺩ ﺻﺪﻙ ﺭﺿﻴﺖ ﺑﺨﻄﺎﺏ ﻫﺬﺍ ﺷﻮﻥ ﺍﺟﺮﻋﻮ ﻭﺍﻟﻴﻮﻡ ﻋﻘﺪﻧﻪ ﻭﻫﻴﺞ ﻣﺨﻨﺰﺭ ﻋﻠﻴﻪ ﻃﻠﻌﻨﻪ ﻭﻓﺎﺗﻮ ﻟﻠﺪﻳﻮﺍﻧﻴﻪ ﻫﻮﻩ ﺟﻲ ﻳﻬﻒ ﻳﺤﺎﺟﻲ ﺧﺎﻟﻪ ﻭﻳﺒﺎﻭﻋﻠﻲ
ﻳﻤﻪ ﺷﻨﻮ ﻫﻴﺞ ﻣﻄﻠﻌﻪ ﺷﻌﺮﻩ ﻻﺗﺨﻠﻴﻦ ﺧﺒﺎﻟﻲ ﻳﻄﻠﻊ
ﻳﺒﻮﻭﻭ ﺷﻜﺪ ﻋﻜﺮﻩ ﺍﻧﺖ ﻫﻮﻩ ﻣﻨﻮ ﺍﻛﻮ
ﻻﺗﻜﻔﺮﻳﻨﻲ ﻋﺠﻞ ﻫﺬﻭﻟﻪ ﻟﺒﺪﻳﻮﺍﻧﻴﻪ ﺷﻨﻮ ﻧﺴﻮﺍﻥ
ﺍﻣﺸﻲ ﺭﻭﺡ ﺍﻣﺸﻲ ﻣﺎﻛﻮ ﺍﺣﺪ ﻛﻠﻬﻢ ﺍﺧﻮﺗﻪ ﻭﺭﺍﺑﻴﻦ ﺳﻮﻩ
ﻳﻤﻪ ﺍﻧﻪ ﻛﺘﻠﺞ ﻭﻣﺤﻤﺪ ﺣﺘﻰ ﺍﻟﺸ
ﻴﺦ ﺍﻃﺮﺩﻩ ﻭﻓﻠﺶ ﺍﻟﺨﻄﺒﻪ ﻭﺍﻧﻌﻞ ﺷﻴﺐ ﺍﺑﻮ ﺧﻄﺎﺏ ﺍﺩﺭﻱ ﻛﻠﺖ ﻻ ﺗﺴﻮﻥ ﻛﻠﺸﻲ ﻋﻠﻴﺶ ﻣﺰﻭﻛﻪ ﻭﻻﺑﺴﺘﻠﻲ ﻫﺬﺍ ﻳﻠﻤﻊ ﻭﻫﺎﺩﻩ ﺍﻟﺸﻌﺮ ﺟﻨﻬﺎ ﺳﺘﻐﻔﺮﺍﻟﻠﻪ
ﺧﻄﺎﺍﺍﺍﺍﺍﺍﺍﺏ ﺗﻜﻀﺐ ﻟﺴﺎﻧﻚ ﻟﻮ ﺷﻠﻮﻥ.بيج قصص عراقيه حقيقيه من واقعنا.روعه الطائي
ﺯﻛﺤﺖ ﺑﻲ ﺧﺎﻟﻪ ﻭﺩﻓﻌﺘﻪ ﻟﺪﻳﻮﺍﻧﻴﻪ ﻭﺍﻧﻪ ﺍﻟﺪﻣﻌﻪ ﻣﺴﺘﻘﺮﻩ ﺑﻌﻴﻨﻲ ﺟﻨﻬﺎ ﺷﻨﻮ ﺷﻴﺮﻳﺪ ﻳﻜﻮﻝ ﻋﻠﻴﺶ ﻣﺎﻛﻤﻞ ﻋﻠﻴﺶ ﺧﺎﻟﻪ ﺳﻜﺘﺘﻪ ﺿﻠﻴﺖ ﺍﺣﻤﺲ ﺑﺮﻭﺣﻲ ﺣﺘﻰ ﻣﻦ ﺻﺎﺣﻮﻟﻲ ﻟﻮﺭﻩ ﺍﻟﺒﺎﺏ ﻋﻘﺪﻧﻪ ﻭﻛﻤﻠﻨﻪ ﻣﺎﺩﺭﻳﺖ ﺑﺮﻭﺣﻲ ﻛﺪ ﻣﺎﻣﺴﺘﻬﻀﻤﻪ ﻫﻠﻬﻠﻮ ﻭﺃﺧﺬ ﺍﻟﻮﻟﺪ ﻭﻃﻠﻊ ﻻ ﻓﺎﺕ ﻳﻤﻲ ﻭﻻﻟﺒﺴﻨﻪ ﻟﺤﻠﻘﺎﺕ ﺧﺎﻟﻪ ﻛﺎﻋﺪﻩ ﻭﺍﻟﻌﻠﺒﻪ ﺑﺤﻀﻨﻪ ﻭﺑﻴﺖ ﺧﺎﻟﻲ ﻓﻴﺼﻞ ﻃﻠﻌﻮ ﻭﺭﻩ ﺧﺎﻟﻮ ﺻﺎﺣﻬﻢ ﺻﺮﺕ ﺍﻏﻠﻲ ﺍﻏﻠﻲ ﺟﺮﻳﺖ ﺍﻟﺼﺎﻳﻪ ﻟﺒﺴﺘﻪ ﻭﻟﻔﻴﺖ ﺷﻌﺮﻱ ﺭﺣﺖ ﻛﺒﻞ ﻋﻠﻰ ﺑﻴﺘﻪ ﺻﺪﻙ ﺑﺠﻴﺖ ﺧﻄﺎﺏ ﺑﻲ ﺍﻧﻔﺼﺎﻡ ﻣﺪﺭﻱ ﻣﺮﺽ ﻣﺪﺭﻱ ﺻﺨﺎﻡ ﺑﻌﻴﻨﻮ ﺷﺪﺭﺍﻧﻲ ﺍﻧﻪ
ﻭﺭﻩ ﺳﺎﻋﻪ ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ ﻋﻴﻮﻧﻲ ﻭﺭﺍﻣﻪ ﺍﻟﻜﺤﻞ ﺳﺎﻳﺢ ﺭﺣﺖ ﻏﺴﻠﺖ ﻭﺟﻬﻲ ﻭﺟﺮﻳﺖ ﺩﺷﺪﺍﺷﻪ ﺍﺭﻳﺪ ﺍﺑﺪﻝ ﻓﺎﺗﺖ ﺍﻣﻲ ﻛﺎﻟﺖ ﺗﻌﺎﻱ ﺑﻴﺖ ﺧﺎﻟﺘﺞ ﻫﻴﻨﻪ ﺧﻠﻲ ﻳﻠﺒﺴﺞ ﻟﺤﻠﻘﻪ ﺗﺨﺒﻠﺖ ﻛﻤﺖ ﺍﺑﺠﻲ ﻭﺍﻟﻄﻢ ﺷﻨﻮ ﻫﺴﻪ ﻳﻠﺒﺴﻨﻲ ﺍﻟﻌﺼﺮ ﻣﺒﺪﻟﻪ ﻓﺮﺣﺎﻧﻪ ﻭﻣﻨﺠﻤﻌﻴﻦ ﻳﻌﻮﻓﻨﻲ ﺑﺪﻭﻥ ﻣﺎﻳﻌﺒﺮﻧﻲ ﻭﻫﺴﺎﻉ ﺑﻌﺪ ﻣﺎﺷﺒﻌﺖ ﺑﺠﻲ ﻭﺟﻬﻲ ﻭﺷﻌﺮﻱ ﻣﻜﻔﻮﺵ ﺟﻨﻲ ﺳﻌﻠﻮﻩ ﺟﺎﻱ ﻳﻠﺒﺴﻨﻲ ﻭﺍﻟﻠﻪ ﻟﻮ ﻳﻤﻮﺕ ﻣﺎﻃﻠﻊ
ﺗﻮﺳﻠﺖ ﺍﻣﻲ ﺫﺑﺤﺖ ﺭﻭﺣﻪ ﺗﺎﻟﻲ ﻣﻠﺖ ﻛﺎﻟﺖ ﺭﺍﺡ ﺍﻛﻠﻬﻢ ﺭﺍﺳﻪ ﻣﺎﺗﻜﺪﺭ ﺗﺮﻓﻌﻮ ﻣﻦ ﺍﻟﻮﺟﻊ ﻭﻧﺎﻣﺖ ﺑﺲ ﺑﺎﺟﺮ ﻏﺼﺒﺎ ﻣﺎﻋﻠﻴﺞ ﺗﺮﻭﺣﻴﻦ ﻟﻠﻤﺤﻜﻤﻪ ﺗﻌﻘﺪﻳﻦ ﻣﺎﺣﺠﻴﺖ ﻟﻔﻴﺖ ﺭﺍﺳﻲ ﻭﻧﻤﺖ ﻭﺛﺎﻧﻲ ﻳﻮﻡ ﺭﺣﻨﺎ ﺍﻧﻪ ﻭﻳﺎﻩ ﻭﺍﻣﻲ ﻋﻘﺪﻧﻪ ﻭﺟﻴﻨﻪ ﺑﻮﺟﻪ ﻣﺎﺑﻮﻋﺖ ﺭﺍﺩ ﻳﻄﻚ ﻭﺩﻣﺎﺭﺍﺕ ﺭﻛﺒﺘﻮ ﺑﺎﺭﺯﻩ ﺣﺘﻰ ﻣﺒﺎﺭﻛﻪ ﻣﺎﺑﺎﺭﻛﻨﻪ ﻭﺍﺣﺪ ﻟﻼﺥ ﺧﺎﻟﻪ ﻓﺘﺤﺖ ﻋﻠﺒﻪ ﺍﻟﺬﻫﺐ ﻣﻦ ﺭﺟﻌﻨﻪ ﻧﻄﺘﻨﻴﺎﻫﻪ ﺩﺍﺧﻠﻴﻪ ﺑﻴﻨﻪ ﻭﻧﻠﺒﺴﻬﻢ ﻓﺘﺤﺘﻪ ﻭﻟﺒﺴﺖ ﺣﻠﻘﺘﻲ ﻭﺳﻮﻳﺖ ﺭﻭﺣﻲ ﺍﺭﻛﺾ ﻋﻠﻰ ﺟﺪﻩ ﺟﺎﻧﺖ ﻓﺎﻳﺘﻪ ﺗﺘﻮﺟﻪ ﻋﻠﻰ ﺣﺎﻳﻂ ﻛﻀﺒﺘﻪ ﻣﺸﻴﺘﻪ ﻛﻌﺪﺕ ﺑﻴﻨﻪ ﺑﺎﺭﻛﺘﻠﻨﻪ ﻭﺗﺪﻋﻴﻠﻨﻪ ﻭﻣﺎﻣﺎ ﺗﺤﺠﻲ ﻋﻠﻰ ﺳﻴﻄﺮﺍﺕ ﻭﺍﻟﻮﺿﻊ ﻭﺍﻧﻪ ﻟﻬﻴﺖ ﺭﻭﺣﻲ ﺍﻛﻠﺐ ﺑﻠﺘﻠﻔﺰﻳﻮﻥ ﻣﻨﻄﻨﺸﻪ ﺍﻟﻮﺿﻊ ﻟﻴﺤﺪ ﻣﺎﻋﺎﻓﻨﻪ ﻭﻃﻠﻊ
ﺍﺩﻳﺎﻥ .... ﺷﻜﺪ ﺳﺎﻣﻌﻪ ﺑﻠﻤﻌﺎﻧﺎﻩ ﺑﺲ ﻣﺸﺎﻳﻔﺘﻪ ﻏﻴﺮ ﻫﻨﺎ ﺑﻠﻤﺨﻴﻢ ﺷﻔﻨﻪ ﺍﻟﻀﻴﻢ ﻭﺍﻟﺠﻮ ﺑﺮﺩ ﻣﺤﺪ ﺑﺤﺎﻟﻨﻪ ﺑﺲ ﺍﻫﻞ ﺍﻟﻤﻨﻈﻤﺎﺕ ﻭﺍﻟﻬﻼﻝ ﻟﺤﻤﺮ ﺍﻱ ﺍﺣﺪ ﻣﻦ ﺍﻟﺤﻜﻮﻣﻪ ﻣﺎﺷﻔﻨﻪ ﻭﺍﺣﺪ ﻳﺸﺘﻐﻞ ﺑﻠﻤﻨﻀﻤﻪ ﺩﻭﻡ ﺍﺷﻮﻓﻪ ﻭﻛﻢ ﻣﺮﻩ ﺍﺗﻼﻏﻪ ﻭﻳﺎﻩ ﻻﻥ ﻣﺎﻋﺮﻑ ﺷﻠﻮﻥ ﻳﺤﺠﻲ ﻧﺺ ﺍﻟﺤﺠﻲ ﻣﺎﻓﺘﻬﻢ ﻋﻠﻲ ﻭﺍﻟﺜﺎﻧﻲ ﺍﺳﻤﻪ ﻋﻤﺮ ﺃﻛﺒﺮ ﺟﺬﺍﺏ ﻛﻞ ﻣﺎﻳﺠﻮﻥ ﺍﻛﻠﻪ ﻋﻠﻰ ﺣﺎﻟﻪ ﺑﺎﺑﺎ ﻳﻜﻠﻲ ﺍﻱ ﻭﺍﻱ ﺣﺘﻰ ﺧﻠﻲ ﻋﻨﺪﻱ ﺍﻣﻞ ﻭﺍﺧﺬﻧﻲ ﺍﻧﻪ ﻭﺑﺎﺑﺎ ﻣﺮﻩ ﻟﻤﺴﺘﺸﻔﻰ ﺧﺎﺹ ﺑﻠﻬﻼﻝ ﺍﻻﺣﻤﺮ ﺳﻮﻳﺖ ﺩﻓﺘﺮ ﺍﻟﺒﺎﺑﻪ ﻳﺴﺘﻠﻢ ﻋﻠﻴﻪ ﻋﻼﺝ ﺍﻷﻣﺮﺍﺽ ﺍﻟﻤﺰﻣﻨﻪ ﺍﻟﻀﻐﻂ ﻭﺍﻟﺴﻜﺮ ﻭﺍﻟﺪﻫﻮﻥ ﻭﻛﻠﻲ ﻭﺭﻩ ﻣﺎﻛﺸﻒ ﻋﻠﻴﻪ ﺍﻟﺪﻛﺘﻮﺭ ﻭﻧﻄﺎﻩ ﻋﻼﺝ ﻭﺭﻩ ﻓﺘﺮﻩ ﻧﺴﺠﻠﻪ ﺑﺪﻭﺭﻩ ﺟﻠﺴﺎﺕ ﻋﻼﺝ ﻃﺒﻴﻌﻲ ﻳﺴﺘﻌﺪ ﻗﻮﻩ ﺍﻃﺮﺍﻓﻪ ﺣﺘﻰ ﻟﻮﻳﻤﺸﻲ ﻋﻠﻰ ﺍﻟﻌﻜﺎﺯﻩ ﺑﺲ ﺍﻫﻢ ﺷﻲ ﻳﻤﺸﻲ ﻣﻮﺿﻬﺮﻩ ﺗﺨﺘﺦ ﻣﻦ ﺍﻟﻨﻮﻡ ﻭﺣﺎﻟﺘﻪ ﺑﺈﻧﺰﺍﻝ ﺑﺲ ﻭﻳﻦ ﺍﻛﻮ ﺻﺪﻙ ﻛﻞ ﺟﻴﻪ ﻳﺠﻠﻨﻲ ﻋﻠﻰ ﺍﻟﺠﻴﻪ ﺍﻟﺜﺎﻧﻴﻪ ﻟﻴﺤﺪ ﻣﺎﻫﺪﻳﺖ ﺑﻲ ﻭﺭﺍﺡ ﺑﻌﺪ ﻣﺎﺷﻔﺘﻪ
ﻭﺑﻴﻮﻡ ﻛﺎﻋﺪﻳﻦ ﺑﻠﺨﻴﻤﻪ ﺍﻳﺪﻧﻪ ﻋﻠﻰ ﺧﺪﻧﻪ ﺍﻣﻲ ﺍﻟﺪﻣﻌﻪ ﺑﻌﻴﻨﻪ ﺗﻘﺮﺑﺖ ﻣﻨﻪ ﺣﻀﻨﺘﻪ .... ﻳﻤﻪ ﻓﺪﻭﻩ ﺷﺒﻴﺞ
ﺑﺠﺖ
ﻋﻔﻴﻪ ﻳﻤﻪ ﻟﻴﺶ ﻟﺒﺠﻲ ﺍﻧﻲ ﻛﻠﺒﻲ ﺧﻠﺼﺎﻥ
ﺗﺴﺌﻠﻴﻨﻲ ﻳﻤﻪ ﻟﻴﺶ ﺍﺑﺠﻲ ﻫﻮﻩ ﺣﺎﻟﻨﻪ ﻫﺬﺍ ﻣﺎﻳﺠﺒﺮ ﺍﻟﻮﺍﺣﺪ ﻳﺒﺠﻲ ﺍﺑﻮﺝ ﺍﻟﻤﺮﻳﺾ ﻭﺍﺧﻮﺝ ﺍﻟﻤﺎﻋﺮﻑ ﺍﺧﺒﺎﺭﻩ ﻭﺍﻟﻼﺥ ﺍﻟﺠﻤﺮﺗﻪ ﺑﻜﻠﺒﻲ ﻟﻴﻬﺴﻪ ﻣﺎﻃﻔﺖ ﺷﻮﻥ ﻣﺎﺍﺑﺠﻲ ﻭﺍﺣﻨﻪ ﻛﺎﻋﺪﻳﻦ ﺑﻮﺳﻂ ﻫﺎﻱ ﺍﻟﻜﻮﻧﻴﻪ ﺷﻮﻓﻲ ﺍﻟﻬﻮﻩ ﺷﻠﻮﻥ ﻳﻠﻌﺐ ﺑﻴﻪ ﻭﺑﻌﺪ ﺍﻟﺸﺘﺎ ﻣﺎﺍﺟﻪ ﻭﻻﺍﺟﻪ ﺍﻟﻤﻄﺮ ﻭﺍﻟﻄﻴﻦ ﻭﺝ ﻳﻤﻪ ﻣﻮﺯﻳﻦ ﺑﻴﻪ ﺣﻴﻞ ﻭﺳﻮﻟﻒ ﺷﺘﺤﻤﻞ ﺣﺘﻰ ﺍﺗﺤﻤﻞ
ﺍﻟﻠﻪ ﻛﺮﻳﻢ ﻳﻤﻪ ﺷﻨﺴﻮﻱ ﺷﺒﻴﺪﻧﻪ ﻫﺬﺍ ﺃﻣﺮ ﺍﻟﻠﻪ ﻭﻳﻦ ﻧﺮﻭﺡ ﺍﺑﻮﻳﻪ ﺍﻟﻠﻪ ﻳﺒﺎﻭﻋﻠﻪ ﻭﻗﺼﻲ ﺍﻟﻠﻪ ﻳﻤﻪ ﻭﺣﺎﺯﻡ ﺍﻟﻠﻪ ﻳﺮﺣﻤﻪ ﻛﻠﻨﻪ ﻳﻢ ﺍﻟﻠﻪ ﻳﺎﻳﻤﻪ ﺷﻌﻨﺪﻩ ﻏﻴﺮﻩ
ﻭﻧﻌﻢ ﺑﺎﻟﻠﻪ ﺍﻛﻮﻡ ﺍﺗﺮﺱ ﻣﻲ ﻭﺟﻲ ﻣﻦ ﺍﻟﺘﺎﻧﻜﻲ ﻛﺒﻞ ﻻﻳﻮﺷﻞ ﻭﻧﻀﻞ ﺑﻼ ﻣﻲ
ﻋﺬﺭﺍﺀ ..... ﺍﻭﻭﻭﻑ ﻭﺍﻟﻠﻪ ﺭﻭﺣﻲ ﻃﻜﺖ ﻭﻣﻴﺘﻪ ﻗﻬﺮ ﺭﺍﺣﺖ ﻋﻠﻴﻪ ﺍﻟﺴﻨﻪ ﻭﺻﻠﻴﺖ ﻣﺜﻞ ﺍﻟﻴﺘﻴﻤﻪ
ﺍﻟﺤﻤﺪﺍﻟﻠﻪ ﻭﺍﻟﺸﻜﺮ ﺭﺑﻲ ﺍﻟﻨﺎﺱ ﻣﻦ ﻧﺎﺱ ﻭﺍﻟﻜﺮﻋﻪ ﺗﺤﻚ ﺑﺮﺍﺱ ﺍﺣﻨﺎ ﺣﺎﻳﺮﻳﻦ ﺑﺒﻮﺝ ﺍﻟﻤﺮﻳﺾ ﻭﺍﺧﻮﺝ ﺍﻟﻤﺎﺩﺭﻱ ﻭﻳﻦ ﻭﺍﻧﺘﻲ ﺣﺎﻳﺮﻩ ﺑﻠﻤﺪﺭﺳﻪ ﻳﻤﻌﻮﺩﻩ ﻫﻴﻪ ﺿﻠﺖ ﺩﺭﺍﺳﻪ
ﻛﺒﺮ ﺗﻬﺒﻄﻴﻦ ﺍﻟﻤﻌﻨﻮﻳﺎﺕ ﻋﺒﺎﻟﻲ ﺩﻛﻮﻟﻴﻦ ﻫﺴﻪ ﺗﻔﺮﺝ ﻭﻧﺮﺟﻊ ﻭﺗﻜﻤﻠﻴﻦ ﺑﺲ ﻟﻄﻤﺘﻴﻨﻲ ﻋﻠﻰ ﺣﻠﻜﻲ
ﺍﻭﻑ ﻭﺝ ﻋﺬﺭﺍﺀ ﺗﻌﺒﺖ ﻭﺍﻧﻲ ﺍﻭﺍﺳﻲ ﺑﻴﻜﻢ ﺍﻣﻲ ﺗﺮﻳﺪ ﻗﺼﻲ ﻭﺑﻴﺘﻨﻪ ﻭﺍﺑﻮﻳﻪ ﻳﺮﻳﺪ ﻳﻄﻴﺐ ﻭﺍﻧﺘﻲ ﺗﺮﺩﻳﻦ ﺍﻟﻤﺪﺭﺳﻪ ﻭﺍﻳﻬﻢ ﻳﺴﺌﻞ ﻋﻠﻰ ﺍﺑﻮ ﻭﺍﻧﻲ ﻻﺯﻡ ﻛﻠﻜﻢ ﺍﺟﺒﺮ ﺑﺨﺎﻃﺮﻛﻢ ﻭﺍﻧﻲ ﻣﻨﻮ ﻳﺠﺒﺮ ﺧﺎﻃﺮﻱ ﻭ ﺍﻟﻠﻪ ﻛﻠﺒﻲ ﻃﻚ
ﺍﻱ ﻭﺍﻟﻠﻪ ﺍﺩﻳﺎﻥ ﻟﻮﻣﺎ ﺍﻧﺘﻲ ﺟﺎﻥ ﺿﻌﻨﻪ ﺗﺮﻛﻀﻴﻦ ﺑﻴﻨﻪ ﻛﻠﻨﻪ ﺑﺲ ﻭﺍﻟﻠﻪ ﻣﻦ ﺍﻟﻀﻮﺟﻪ ﻫﻴﺞ ﺍﺣﺎﺟﻴﺞ
ﺍﺩﺭﻱ ﺣﺒﻴﺒﺘﻲ ﺍﻟﻠﻪ ﻛﺮﻳﻢ ﻋﻠﻰ ﺳﺎﻋﻪ ﺭﺑﺞ ﻳﻠﺘﻔﺖ ﻋﻠﻴﻨﻪ ﻭﺍﻟﻌﺮﺍﻕ ﻳﺼﻔﻰ ﺑﺎﺑﺎ ﻳﻄﻴﺐ ﻭﻗﺼﻲ ﻳﺮﺟﻊ ﺍﺧﻠﻲ ﺍﻳﻬﻢ ﺑﻠﺮﻭﺿﻪ ﻭﺍﻧﺘﻲ ﺗﺮﺟﻌﻴﻦ ﻟﺪﺭﺍﺳﺘﺞ ﻭﻛﻠﺸﻲ ﻳﻜﻌﺪ ﺑﻤﻜﺎﻧﻪ
ﻭﺍﻧﺘﻲ
ﺍﻧﻲ ﺑﺲ ﺍﻧﺘﻮ ﺑﺨﻴﺮ ﻭﻛﺪﺍﻣﻲ ﺳﺎﻟﻤﻴﻦ ﻭﻛﺎﻋﺪﻳﻦ ﻣﺴﺘﻮﺭﻳﻦ ﻫﺎﻱ ﻋﻨﺪﻱ ﺑﺪﻧﻴﻪ ﻛﻠﻬﺎ
ﻻ ﺍﻧﺘﻲ ﺗﺮﺟﻌﻴﻦ ﺗﺒﺎﻭﻋﻴﻦ ﺣﺮﻳﻢ ﺍﻟﺴﻠﻄﺎﻥ ﻭﺗﺼﻔﻨﻴﻦ ﺑﻠﺴﻠﻄﺎﻥ ﻭﺍﻧﻲ ﺍﺑﻮﻙ ﺍﻟﺮﻳﻤﻮﻧﺖ ﻭﺍﺩﻳﺮﻩ
ﺍﻱ ﺣﺘﻰ ﺍﺷﻚ ﺣﻠﻜﺞ
ﻫﻬﻬﻬﻬﻪ ﺷﺒﻴﺞ ﻧﻔﻌﻠﺘﻲ ﺑﺲ ﻻ ﺫﻛﺮﺗﺞ ﻭﺷﺘﺎﻗﻴﺘﻠﻴﻪ ﻫﺬﺍ ﺍﺑﻮ ﺍﻟﻨﺴﻮﺍﻥ.بيج قصص عراقيه حقيقيه من واقعنا.روعه الطائي
ﻫﻬﻬﻬﻬﻪ ﺗﺼﺪﻛﻴﻦ ﺫﻛﺮﺗﻴﻨﻲ ﺑﻲ ﺑﻠﻪ ﻫﺴﻪ ﻭﻳﻦ ﻭﺻﻠﻮ ﻳﺎﺣﻠﻘﻪ ﺑﺮﺍﻫﻴﻢ ﺷﺼﺎﺭ ﺑﻲ ﻭﺍﻟﺴﻠﻄﺎﻧﻪ ﺍﻻﻡ ﻭﻳﻦ ﺻﻔﻪ ﺑﻴﻪ ﺍﻟﺪﻫﺮ
ﻣﻨﺪﻣﺠﻪ ﻭﻛﻞ ﻋﻘﻠﻲ ﺃﻓﻜﺮ ﻭﺍﺣﻠﻞ ﺑﻠﺴﻠﻄﺎﻥ ﻭﺍﻫﻠﻪ ﻭﺟﺎﻥ ﻧﺴﻤﻊ ﺻﻮﺕ ﻭﻋﺬﺍﺭﺀ ﻛﻤﺰﺕ
ﻳﺎﺍﻟﻠﻪ ﻳﺎﺑﻪ ﻫﻴﻦ ﻫﻴﻦ ﻫﻴﻦ ﻫﻴﻦ ﻣﻮﺟﻮﺩﻳﻦ
ﻋﺬﺭﺍﺀ .... ﻋﺰﻩ ﻫﻴﻦ ﺑﻴﻦ ﻭﻳﻦ ﺷﻨﻮ ﻫﺎﻱ ﻣﻨﻮ ﺍﻧﻮﺏ
ﻣﺎﺩﺭﻱ
ﺍﻭﻛﻔﻲ ﻭﻳﻦ ﻃﺎﻟﻌﻪ ﺑﺲ ﻻ ﺫﻭﻟﻪ ﻣﻦ ﺍﻟﺤﺮﻣﺎﻟﻚ ﺟﻮﻱ ﻋﻠﻴﻨﻪ ﺳﻤﻌﻮﻧﻪ ﻧﺤﺠﻲ ﺑﻴﻬﻢ ﺷﻮ ﺍﻟﻜﻼﻡ ﻣﺪﺭﻱ ﺷﻠﻮﻧﻪ
ﻫﻬﻬﻬﻪ ﺩﻭﻟﻲ ﻛﺒﺮ ﻭﺧﺮﻱ ﺧﻞ ﺍﺷﻮﻑ ﻣﻨﻮ
ﺩﻓﻌﺘﻪ ﻭﺧﻠﻴﺖ ﺍﻟﺸﺎﻝ ﻓﺘﺤﺖ ﺍﻟﺨﻴﻤﻪ ﻭﺗﺮﺍﺟﻌﺖ ﺧﻄﻮﻩ ﻣﻮﺭﺟﺎﻝ ﺣﺎﻳﻂ ﻭﺍﻛﻒ ﻧﻔﺴﻪ ﻫﺬﺍ ﺍﺑﻮ ﺍﻟﻤﺴﺎﻋﺪﺍﺕ ﺍﺑﻮ ﺷﻮﺭﺍﺏ ﻛﺘﻠﻪ
ﺗﻔﻀﻞ
ﻧﺰﻉ ﻧﻀﺎﺭﺗﻪ ﺷﻜﺪ ﻓﺎﻳﺦ ﻋﻠﻴﻤﻴﻦ ﺍﻟﻨ
ﻀﺎﺭﻩ ﻫﻴﻪ ﺍﻟﺪﻧﻴﻪ ﻣﻐﻴﻤﻪ ﺧﻼﻩ ﺑﺠﻴﺐ ﺍﻟﻴﻠﻚ ﺑﺘﺴﻢ ﺑﺜﻜﻞ ﻛﺎﻝ
ﺳﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ
ﻋﺪﻛﻢ ﺍﻟﺸﺎﻳﺐ ﻣﺮﻳﺾ ﺟﻴﺖ ﺍﺷﻮﻓﻮ
ﺍﻱ ﻋﻨﺪﻩ ﺑﺎﺑﺎ ﻣﻨﻮ ﺩﺯﻙ
ﺍﻟﻤﻨﻀﻤﻪ
ﺭﻭﺡ ﻣﻨﺮﻳﺪ
ﺷﻨﻮ
ﻋﻤﺮ ﺍﺑﻮ ﺍﻟﻤﻨﻀﻤﻪ ﺍﻟﺠﺬﺍﺏ ﻏﻴﺮ ﻫﻮﻩ ﺩﺯﻙ
ﺑﺘﺴﻢ ﺗﻠﻔﺖ ﻭﺭﺟﻊ ﺣﻂ ﻋﻴﻨﻪ ﺑﻌﻴﻨﻲ .... ﺷﻤﻔﻴﻦ ﻋﻤﺮ ﻭﻳﺎﻛﻢ
ﺷﻨﻮ ﻣﺎﻓﺘﻬﻤﺖ
ﻋﻤﺮ ﻋﻤﺮ ﺷﻜﺎﻳﻠﻜﻢ
ﻭ ﺍﻟﻠﻪ ﻫﻮﻩ ﺟﺬﺍﺏ ﻳﻮﻣﻴﻪ ﻳﻜﻮﻝ ﺷﻜﻞ ﻳﻮﻡ ﻧﻮﺩﻳﻪ ﻳﻮﻡ ﻧﺴﻔﺮﻩ ﻳﻮﻡ ﻧﺴﺎﻋﺪﻩ ﻳﻮﻡ ﻧﻌﺎﻟﺠﻪ ﻭﻛﻠﻪ ﺟﺬﺏ ﻛﻠﺸﻲ ﻣﺎﻛﻮ
ﺗﺮﻩ ﻋﻤﺮ ﻫﺎﻱ ﻣﻮ ﺷﻐﻠﺘﻮ ﻋﻤﺮ ﻋﻠﻰ ﺍﻟﻨﻘﻠﻴﺎﺕ ﺑﺲ ﺍﻧﺘﻲ ﻧﺨﻴﺘﻲ ﻭﻛﺎﻟﺞ ﺍﺑﺸﺮﻱ ﻫﺴﺎﻉ ﺍﻧﻪ ﺟﻴﺖ ﻭﺍﻥ ﺷﺎﻟﻠﻪ ﻣﺎﻗﺼﺮ ﺍﻛﺪﺭ ﺍﻓﻮﺕ ﺍﺷﻮﻑ ﺍﻟﺤﺠﻲ
ﺍﻱ ﻧﻔﻀﻞ ﺑﺲ ﺭﺣﻤﻪ ﻟﻮﺍﻟﺪﻳﻚ ﺍﺫﺍ ﺍﻧﺖ ﻣﺜﻞ ﺻﺪﻳﻘﻚ ﻻﺗﻌﺐ ﺑﺎﺑﺎ ﻭﺗﺨﻠﻲ ﻋﻨﺪﻩ ﺍﻣﻞ
ﻳﺎﺑﻪ ﻛﺘﻠﺞ ﻧﺘﻬﺖ ﺍﻋﺘﺒﺮﻱ ﺳﺎﻟﻔﻪ ﺍﻟﺤﺠﻲ ﻣﻜﻀﻴﻪ ﻳﻤﻲ ﻭﻣﻦ ﻫﺬﺍ ﺍﻟﺸﺎﺭﺏ ﻳﺠﺮﺍﻟﻮ ﺍﻟﻲ ﻳﺮﻳﺪﻭ
ﺗﻤﺎﻡ ﺗﻔﻀﻞ
ﻓﺎﺕ ﻛﻌﺪ ﻛﺒﺎﻝ ﺑﺎﺑﺎ ﺍﻟﺨﻴﻤﻪ ﺟﻨﺖ ﻓﺎﺭﺷﺘﻪ ﺑﻄﺎﻧﻴﻪ ﻭﺩﺍﻳﺮ ﻣﺪﺍﻳﺮﻩ ﺩﻭﺍﺷﻚ ﻭﻣﺮﺟﻴﻪ ﺍﻟﻤﺨﺎﺩ ﺑﻀﻬﺮﻩ ﻛﻌﺪ ﻛﺒﺎﻝ ﺑﺎﺑﺎ ﺭﻏﻢ ﺑﺎﺑﺎ ﻣﻴﺴﻮﻟﻒ ﻫﻠﻜﺪ ﻭﻻﻳﻜﺪﺭ ﻳﺴﻮﻟﻒ ﺑﺲ ﻫﻮﻩ ﻣﺎﺳﻜﺖ ﻳﻮﻋﺪ ﺑﻲ ﻭﻳﺤﺠﻴﻠﻪ ﻋﻠﻰ ﺍﻟﺪﻛﺘﻮﺭ ﻛﻼﻣﻪ ﻧﺼﻪ ﻣﺎﻓﻬﻤﻪ ﺑﺲ ﺷﻜﻠﻪ ﻳﺼﻔﻦ ﻳﻨﻜﻂ ﻧﻀﺎﻓﻪ ﺑﻨﻄﺮﻭﻥ ﺍﺳﻮﺩ ﻭﺗﺸﻴﺮﺕ ﺍﺑﻴﺾ ﻣﺴﺒﻊ ﻧﺺ ﺭﺩﺍﻥ ﺭﻏﻢ ﺍﻟﺠﻮ ﺑﺎﺭﺩ ﺍﻟﻴﻠﻚ ﺍﺣﻤﺮ ﺣﻴﻞ ﻛﺎﻋﺪ ﻭﻳﺎﻩ ﻫﺪﻭﻣﻪ ﻻﺑﺲ ﻣﺤﺒﺲ ﺍﻟﻔﺺ ﺍﺳﻮﺩ ﺑﻲ ﻟﻤﻌﻪ ﺑﻴﻀﻪ ﺩﺍﻛﻨﻪ ﻣﺜﻞ ﺧﻂ ﺍﻟﻨﺒﺾ ﻭﺍﻟﺴﺎﻋﻪ ﺳﻴﺮﻩ ﺍﺑﻴﺾ ﻟﺤﻴﻪ ﺧﻔﻴﻔﻪ ﺣﻴﻞ ﺑﺲ ﺍﻟﺸﻮﺍﺭﺏ ﺑﺎﺭﺯﻩ ﻣﺤﺪﺩﻩ ﺛﺨﺎﻥ ﻭﺷﻌﺮﻩ ﻟﻴﻮﺭﻩ ﺧﻔﻴﻒ ﻧﺎﺻﻲ ﻣﺼﻔﻂ ﺑﻲ ﺷﻴﺐ ﻣﺘﻔﺮﻕ
ﻋﺬﺭﺍﺀ ﻛﻌﺪﺕ ﻟﻴﻐﺎﺩ ﻭﺍﻧﻲ ﺍﺳﻮﻱ ﺑﻠﺠﺎﻱ ﻭﻓﺼﻠﺘﻪ ﺗﻔﺼﻞ ﻫﺎﻱ ﻃﺒﻴﻌﺘﻲ ﺍﻧﻲ ﺍﻟﺴﻠﻄﺎﻥ ﺳﻠﻴﻤﺎﻥ ﺑﺘﻠﻔﺰﻳﻮﻥ ﺍﻓﻠﺴﻪ ﺗﻔﻠﺲ ﻭﻻ ﻋﺎﺩ ﻛﺎﺭﻳﺰﻣﻲ ﻛﺎﻋﺪ ﻛﺒﺎﻟﻲ ﻫﻤﺰﻳﻦ ﺟﺎﻱ ﻭﺣﺪﻩ ﻟﻮ ﺟﺎﻱ ﺫﺍﻙ ﺍﻟﺠﺬﺍﺏ ﻭﻳﺎﻩ ﺟﺎﻥ ﻣﺎﻓﻮﺗﻪ ﻟﻠﺨﻴﻤﻪ ﻣﻮﺗﻨﻲ ﻳﻬﻨﺒﻞ ﻋﻠﻴﻪ ﻭﻳﺮﺟﻊ ﻟﻴﻮﺭﻩ
ﻭﺍﻧﻲ ﺷﻠﻮﻧﻲ ﺑﺲ ﺭﺗﺎﺣﻴﺖ ﻣﻦ ﺑﺮﺩﺕ ﻛﻠﺒﻲ ﺑﻲ ﻭﻃﻔﺮﺗﻪ ﻭﺍﻟﻠﻪ ﺍﻧﻲ ﻣﻮﻫﻴﺞ ﻟﺴﺎﻧﻲ ﺑﺲ ﺍﻟﻀﻴﻢ ﺍﻟﺸﻔﺘﻪ ﻭﺍﻟﻤﺮ ﻋﻠﻴﻪ ﻣﻦ ﻗﻬﺮ ﺧﻠﻪ ﺧﻠﻜﻲ ﺯﻏﻴﺮ ﻭﺭﻭﺣﻲ ﻣﺘﺘﺤﻤﻞ ﻣﺎﺍﻃﻞ ﻭﺍﻟﻔﻘﻴﺮ ﻣﻴﻌﻴﺶ ﺑﺬﺍﺕ ﺑﻬﺬﺍ ﺍﻟﻮﻛﺖ ﺑﺲ ﻫﺬﺍ ﻻﺯﻡ ﺍﺟﺮ ﻭﻳﺎﻩ ﻋﺪﻝ ﺍﺣﺎﻭﻝ ﺍﺗﺤﻤﻞ ﻭﺍﻟﺰﻡ ﺭﻭﺣﻲ ﺑﻠﻜﺖ ﻳﺴﻮﻳﻠﻨﻪ ﺷﻲ ﻣﺎﺭﻳﺪ ﺍﻃﻔﺮﻩ
ﻓﺎﺭﺱ .... ﻛﻞ ﺳﻮﺍﻟﻔﻪ ﺗﺒﻂ ﺍﻟﻜﻠﺐ ﻧﺘﺮﻩ ﻭﻟﺴﺎﻧﻪ ﺍﻟﻄﻮﻳﻞ ﻛﻠﻬﻢ ﺟﺪﺍﻣﻲ ﻳﻔﻮﺭﻭﻥ ﺃﻋﺼﺎﺑﻲ ﺑﺲ ﻋﻴﻮﻧﻪ ﻛﺎﺭﺛﻪ ﺗﻨﺴﻲ ﺑﻨﻴﺎﺩﻡ ﺍﻷﻭﻝ ﻭﺍﻟﺘﺎﻟﻲ ﺟﻔﺼﺖ ﻋﻠﻰ ﻋﻤﺮ ﻭﺳﻮﺍﻟﻔﻮ ﻭﺍﻧﻪ ﺍﺑﺘﺴﻢ ﻳﺒﻴﻦ ﻋﻤﺮ ﺩﺍﻙ ﺑﻴﻬﻢ ﺍﻟﻨﺎﻗﺼﻪ ﺍﻟﻤﻨﻌﻮﻝ
ﻓﺘﺖ ﻟﻠﺨﻴﻤﻪ ﻳﺮﺑﻜﻢ ﻣﻮﺧﻴﻤﻪ ﺟﻨﻪ ﺍﻟﻠﻪ ﺑﺎﺭﺽ ﺍﻟﻠﻪ ﺩﺍﻓﻴﻪ ﻭﺍﻟﺒﻄﺎﻧﻴﻪ ﻧﻀﻴﻔﻪ ﻋﺮﻓﺖ ﺣﺘﻰ ﺟﻢ ﺩﺍﺋﺮﻩ ﺑﻴﻪ ﺍﻟﻤﺨﺎﺩ ﻣﺼﻔﻄﻪ ﻋﺒﺎﻟﻚ ﺭﺑﻌﻪ ‏( ﺻﺎﻟﻪ ‏) ﻭﻧﺎﻗﺼﻪ ﺑﺲ ﺩﻟﻪ ﻭﻓﻨﺤﺎﻥ ﺍﻟﻜﻬﻮﻩ ﺍﻟﻔﺎﻧﻮﺱ ﻣﻌﻠﻚ ﻭﺍﻟﻤﻮﺍﻋﻴﻦ ﻣﺠﻔﺎﻳﻪ ﺑﺼﻴﻨﻪ ﺑﺰﺍﻭﻳﻪ ﺍﻟﺨﻴﻤﻪ ﺍﻟﺠﻮﻟﻪ ﻣﺸﺘﻌﻠﻪ ﻭﻋﻠﻴﻪ ﻗﻮﺭﻱ ﺍﻟﺠﺎﻱ ﺭﻳﺤﺘﻮ ﻓﺎﻳﺤﻪ ﻭﺍﻟﻤﺮﺍﻳﻪ ﻣﺸﺪﻭﺩﻩ ﺑﻔﺘﺎﺣﺖ ﺍﻟﺨﻴﻤﻪ ﻟﻤﺪﻭﺭﻩ ﺑﺴﻴﻢ ﻧﺎﻋﻢ ﺻﻐﻴﺮ ﺑﻨﺼﻪ ﻣﺸﻂ ﻭﻣﻌﻠﻚ ﺑﻴﻪ ﺧﺎﻭﻟﻲ ﻋﺒﺎﻟﻚ ﻣﻮﺧﻴﻤﻪ ﻗﺼﺮ ﻣﻦ ﺍﻟﻨﻀﺎﻓﻪ ﺣﻴﻞ ﺭﻛﺰﺕ ﺑﻴﻪ ﺻﺪﻙ ﻟﻮ ﻛﺎﻟﻮ ﺍﻟﻤﺮﻩ ﺍﻟﻨﺎﺩﺭﻩ ﻧﺎﺩﺭﻩ ﻟﻮ ﺗﻜﻌﺪ ﺑﺨﻴﻤﻪ ﺿﻠﻴﺖ ﺍﺳﻤﻊ ﺑﻴﻬﺔ ﻟﻴﺤﺪ ﻣﺎﺷﻔﺘﻪ ﺑﻌﻴﻨﻲ
ﺍﻟﺤﺠﻲ ﺗﻌﺒﺎﻥ ﺍﻟﻤﺴﻜﻴﻦ ﻛﻞ ﺩﻭﺭﻩ ﻳﺤﺠﻴﻠﻪ ﺟﻠﻤﻪ ﺷﻔﺖ ﺑﻮﺟﻬﻮ ﻭﺟﻪ ﺍﺑﻮﻱ ﺍﻟﻠﻪ ﻳﺮﺣﻤﻮ ﺗﻘﺮﺑﺖ ﺍﺩﻳﺎﻥ ﺍﻳﺪ ﺑﻴﻪ ﺻﻴﻨﻴﻪ ﺍﻟﺠﺎﻱ ﻭﺍﻟﺜﺎﻧﻴﻪ ﻛﺎﺿﺒﻪ ﺷﺎﻟﻪ ﻣﻦ ﻳﻢ ﺻﺪﺭﻩ ﺭﻓﻌﺖ ﺭﺍﺳﻲ ﻋﻴﻨﻲ ﺑﻌﻴﻨﻪ ﻣﻦ ﺩﺣﻚ ﻓﺎﺗﺤﻪ ﻋﻴﻨﻪ ﺟﻨﻪ ﻋﻴﻮﻥ ﻣﻬﺮﻩ ﺷﺎﻣﺨﻪ ﻭﻛﻮﻡ ﺩﻣﻮﻉ ﻣﺘﺠﻊ
ﺑﻌﻴﻨﻪ
.
.
.
.
.
.
.
.
ﻳﺘﺒﺒﺒﻊ