لهفه روح

بارت 63

مساء الخير

#لهفة_عاشق.
البارت 63

،،،،،،،،،،،،،،،،
حسبالك ابجي بغيبتك
ودموعي تنزل حافيه
لا انته كلش مشتبه
جابيش اشوفن بيك اضل لوعيني صارت طافيه
،،،،،،،،،،،،،،،،،،،،،

خويه فدوه رحتلك لا يصير بخاطرك والله انت فاهم لموضوع غلط بدأعه احمد طول بالك بس خل افهمك

ام ثامر ولو جنت فاهمو غلط حدري فهميني بنتج منين عرفتو لولد لا هو بجامعته ولا نعرفو خطاب هوبز وكال عاشكتو على نقال لطيتو على حلكو جدامو اتصرف شي وراه اتصرف غير شي
هيه هاي تربيتنا يختي
هذا رباج
هذا تعبج
شنو نحنا جدامجن نسوان وتجرن رجال غريب من بغداد لانعرف اصلو لافصلو ونسكت ؟
لو نهوس ونكيف من جابتو ونكلو حدر كبع وأخذ
صايره كبل هاي صايره
و الله يخيي حكك بس هاي قسمه ولبنيه لرايح والجاي يدك بابه بعد عيني انت

اي وياج وهلا بليدك لباب وهلا بليناسبنه بس غير نعرفو لو هيه خرطي
باجر عكبه زوجتيه
وكته ماتنسئلين منيلكم هذا وشلون عرفتو

ام ثامر انه احجي ماكرهج لا انتي ولا بنتج بس احجي الحق ولازم ينكال
كعدي ويه بنتج فتهمي منها
ولتردو انه حاضر وسدادلو بس كون بعقل وبليفوت المخ تره نحنا بلفلوجه ما باريس

سجى
اسمع والوب
عزه بعيني هذا لجنت خايفه منو
منين جابتو ومنين عرفتو
لنقال بيدي يدر ماسكت ورسايل انس وحده وره وحده كاتب
سجى اعذريني خليتج امام الامر الواقع بس والله لمصلحتج وعلمودج
ادعيلنه الله يسهله علينه والله اخليج بعيوني

تركت لنقال وكعدت
واتذكر امه واخته شكلهم جايين على عمه وجهم
وارد اتذكر خطاب وشلون خالو مانطاه مجال يحجي
شي بيه يبرد
وارجع اخاف اعرفه ميسكت
واعرف اكو تالي بعد

لليل وفاتت خاله لبيتنه مزنبره على ماما
تلاطشن وانصدم بكلام خاله
بنتج ماينلام بيه خطاب وليلوم ابني الله يلومو شدعواهه مالكت غير ابن بغداد تا تعشكو وتجيبو للكليه تتخل وياه وترد تجرو للبيت يخطبه
خله تحترم ابني لبين مايطلكه محكمه وساعته تسوي ليعجبه مالنه غرض بيها
تخبلت ماما
ليلى انتي شتسولفين ول استحي لوما بنتي تربيتج
لو ما تعرفيها
خافي ربج

بجيت والهوا نحبس بصدري
اقرب الناس الي المره لحاستبه امي تطعن بيا
نصيت وماما تلوم بيه فات مصطفى
كال شصاير
وماما انهدت كلبه محروك

بنتي أشرف من الشرف ولمايعجبو خلي يطخ راسو وين ماجان
ابنج مامطلك محكمه مو ذنبنه ذنبو هوه جام مريض ورد سافر من غير مادحك بااحد
وحده غير بنتي ماتسكتلو
بس دام فكيتي لسيره جيتي والله جابها
ابنج يطلك وغصبا عنو
ندارت على مصطفى
اسمع ولك من باجر خطاب لو ماطلك اختك ورقته صارت بيده
زين شاربك احسن