لهفه روح

بارت 11

#لهفة_عاشق. 

#بارت١١
،،،،،،،،،،،،،،،

حبك بالگلب يلهم لهم جوعان
فهمني بمحبــتك وين تاليها
يوميه اشتعل مثل الحطب بالنار
وانت بغير دنيا وياي گاظيها
يالشاعل جمرتك تشتعل بالروح
ما تاخذ جمرتك ليش ناسيها
،،،،،،،،،،،،،،،

اديان ... ماما نامي والصباح رباح ربج يحله هذا حضنه شنسوي بعد راح بابا والله ماكتبلنه حتى نزوره

شلون يابنتي واني متانيه اربعينه يوم يوم واحد يزوره يقراله الفاتحه شويه قران والله كلبي طك اريد ابجي يم رأسه اريد اسئله ابو حازم قصي وين يمه جنت اكله وعيونه تباع على سما صدك مايحجي بس افتهم عليه بعينونه يصبرني عود الله موجود وقصي يرجع يواسني بعيونه و الله

ان شالله يرجع والله يصبرنه على فراك بابا بعد شبيدنه احنا وماعنده غير الصبر

زين استاذ فارس ليش ماكو شعجب كطع بينه هسه لو مدلينه بس كبره حتى ستاذ عمر من سئلته علي شو سكت وضل يوزع للعالم جنه ماسمعني اي حقه هوسه جانت وماسمعني

مجرد جابت ماما طاريه كلبي خفك من ذيج اليله راح وبعد ما شفته المشكله ماما تفوت وتطلع تسئل عليه بلمخيم خصوصا هل يومين لان اربعين بابا واحنا منندل قبره
غمضت عيني داخلي مليان هموم عفيه بابا مامكتوبلنه حتى نزورك

غطيت ماما وادري بيه مانايمه تفكر باجر وايهم على رجلي اهز بي اليوم شينومه نام العصر حتى مو الضهر راح يسويها حفله عليه
ايهم نام
ماما العب دوده
لك يادوده ابني نام رجليه كسرتهم
ما ما دوده دوده
تعلب مره وحده تأكلك وتموت وره تنام
اي

فتحت الفون نطيته العبه يلعب واني صافنه عذراء ترسم البارحه توسلت بيه على دفتر رسم والوان جبتهم من جم فلس حطتهم تماره بيدي قبل متروح موكتهم وهواي شغلات جان المفروض اجيب بيهم اولى من كم لون وقلم بس مابخلت على عذراء بيهم خطيه تتسلى وين تروح صافنه برسمته هل شكل مدري وين شايفته فززني ايهم
ماما الووو
باوعت الشاشه الخط مفتوح خلاه على اذني هرجني الو الو ماما الو بعدته وكلت الووو
اجاني صوته رجفت فاكه عيني ساكته تلفتت بعدت ايهم مرتبكه كمت ذيبت الفون على ماما
منو
ماحجيت

جاوبت ماما
الو منو
هلا يمه هلا بيك
كعدت لحيله واني واكفه شعنده شيريد ليش خابر كملت ماما كلام
اي خاله فدوه الله يوفقك خجلتني ماعرف شون اشكرك
بجت تمسح بدموعه
والله مادري شون اجازيك قبل شويه ابجي اكول باجر اربعينه وماندل قبره
الله يبارك بيك مشكور ننتضرك ان شالله مع السلامه
سدته نصيت مرتبكه احسه كبالي مو خابر مو بس صوت ماما دكول الصبح يجي ياخذنه للمقبره مانطيت رده فعل جريت ايهم انيمه والف سالفه براسي شكد صلف كل هاي لسوايات واله عين يجي لا ويخابر هم