لهفه روح

بارت 66

ﻣﺴﺎﺀ ﺍﻟﺨﻴﺮ
#لهفة_عاشق.
ﻣﻦ ﻣﺘﺎﺑﻌﻪ 👇
#بارت٦٦
،،،،،،،،،،،،،،،
ﻳﻜـﻮﻝ : ﻓﺎﺭﺱ
ﺍﺧﺎﻑ ﻋﻠﻴﻬﺎ ﻣﻦ ﻛﻠﺸﻲ
ﺍﺧﺎﻑ ﻋﻠﻴﻬﺎ ﻣﻦ ﺍﻟﮕﺎﻉ ﺍﺫﺍ ﺗﻤﺸﻲ
ﺍﺧﺎﻑ ﻋﻠﻴﻬﺎ ﻣﻦ ﻛﻞ ﺻﻮﺕ
ﻳﺰﻋﺠﻬﺎ ﺍﺫﺍ ﻧﺎﻣﺖ
ﻭﺍﻗﺮﺍ ﻋﻠﻴﻬﺎ ﺍﻟﻒ ﻗﺮﺃﻥ ﻣﻮ ﺃﻳﻪ ﺍﺫﺍ ﻛﺎﻣﺖ
ﻭﺍﺧﺎﻑ ﻋﻠﻴﻬﺎ ﻣﻦ ﺯﻋﻠﻲ
ﺃﺫﺍ ﻃﻮﻝ ﻭﺍﺭﻭﺡ ﺍﺑﻌﻴﺪ
ﻭﺍﺧﺎﻑ ﺑﺪﻭﻧﻬﺎ ﺷﻤﺎ ﻭﻛﺘﻲ ﺍﺣﺲ ﻳﺰﻳﺪ
،،،،،،،،،،،،،،،،،،
ﻣﺼﻄﻔﻰ
ﻟﺒﻨﻴﻪ ﺗﺮﻓﺲ ﺑﻴﺪﻩ ﺗﺮﻳﺪ ﺗﻨﻬﺰﻡ ﻣﻨﺎ ﺭﻭﺣﻪ ﺟﺎﻱ ﺗﻄﻠﻊ
ﻟﻐﻴﺮﻩ ﺷﺎﻟﺘﻨﻲ ﻭﻟﻜﻴﺖ ﺭﻭﺣﻲ ﺷﺎﺑﺦ ﻟﺴﻴﺎﺝ ﻭﻛﺒﻞ ﺻﺮﺕ ﺟﺪﺍﻣﻬﻢ
ﺟﻤﺪﻭ
ﻟﺮﺟﺎﻝ ﻫﺪﻩ ﻣﺨﻨﺮ ﻭﻫﻴﻪ ﺗﻜﺢ ﻗﻮﻱ
ﺟﻴﺖ ﻋﻠﻴﺎ ﺯﻧﻜﻨﻲ
ﻣﻨﻮ ﺍﻧﺖ ﻭﺷﻄﻔﺮﻙ
ﺩﻓﻌﺘﻪ
ﺍﻛﻒ ﺍﻓﻬﻤﻚ ﻋﻠﻰ ﺻﺮﻳﺦ ﺍﺟﻴﺖ ﻭﻣﻦ ﺩﺣﻜﺖ ﻟﺒﻨﻴﻪ ﺩﺗﻤﻮﺕ ﻣﺎﻛﺪﺭ ﺍﺿﻞ ﺍﺗﻔﺮﺝ
ﺍﺣﺠﻲ ﻭﻫﻮﻩ ﻣﻄﻴﺮ ﻋﻴﻮﻧﻪ ﺟﻴﺖ ﻋﻠﻴﻪ ﺗﻮﻩ ﻳﻀﺮﺏ ﻭﻛﻀﺒﺖ ﺍﻳﺪﻩ
ﺻﺎﺣﺖ ﻟﻤﺮﻩ ﻟﺠﺒﻴﺮﻩ
ﻫﺬﺍ ﺻﺎﺣﺒﻪ ﻋﻴﻮﻧﻲ ﻣﺒﻴﻦ
ﻓﻜﻴﺖ ﻋﻴﻨﻲ ﻭﻟﺒﻨﻴﻪ ﺗﺸﻬﻚ ﻭﺗﺒﺠﻲ ﺑﺤﺮﻛﻪ
ﺗﻼﻭﻳﻨﺎﻩ ﺍﻧﻲ ﻭﻳﺎﻩ ﻭﺩﻓﻌﻨﻲ ﻃﻠﻌﻨﻲ ﻟﻠﺒﺎﺏ ﻳﺼﻴﺢ ﻣﺎﻟﻚ ﻋﻼﻗﻪ ﻟﻮ ﻧﺤﺘﺮﻙ ﻣﻤﻨﻮﻉ ﺟﺎﺭ ﻳﻔﺰﻉ ﻟﻮ ﻳﻄﻔﻴﻨﺎ ﻭﻟﻲ ﻳﻠﻪ ﻭﻭﻭﻟﻲ
ﺭﻓﻌﺖ ﺍﻳﺪﻱ ﻣﻬﺪﺩ
ﺍﺣﺘﺮﻡ ﺭﻭﺣﻚ
ﻛﺘﻠﻚ ﻟﻐﻴﺮﻩ ﺷﺎﻟﺘﻨﻲ
ﻻ ﺗﻀﻞ ﺗﺠﻔﺺ ﻭﺻﻢ ﺣﻠﻜﻜﻚ
ﺻﺤﺖ ﻭﺧﻨﺲ
ﻃﺒﻚ ﻟﺒﺎﺏ ﻭﻛﻔﺖ ﻣﺘﺨﻮﺻﺮ ﻧﻔﺴﻲ ﻳﺼﻌﺪ ﻭﻳﻨﺰﻝ ﻭﺍﺳﻤﻊ ﺟﻮﻩ ﺻﺎﺭﺕ ﻟﺨﻪ ﻭﺻﻮﺕ ﻛﻔﺦ
ﻟﻔﺖ ﺑﻠﻌﺠﻞ ﺻﻌﺪﺕ ﻟﺪﺭﺝ ﻭﻛﻔﺖ ﺍﺑﺎﻭﻉ ﻣﻦ ﻓﺘﺤﻪ ﻟﺠﻴﻨﻜﻮ ﺭﺟﻊ ﻳﻀﺮﺏ ﺑﻴﻪ ﻭﻫﻞ ﻣﺮﻩ ﻟﻤﺮﻳﻪ ﻭﻳﺎﻩ
ﺳﺤﻠﻮﻫﺎ ﻓﺎﺕ ﺟﻮﻩ
ﻛﻌﺪﺕ ﻋﻠﻰ ﻣﺪﺭﺝ
ﺍﺣﺎﺟﻲ ﺭﻭﺣﻲ
ﺷﻜﻤﺰﻧﻲ
ﺷﻮﻥ ﻃﻔﺮﺕ
ﻫﺬﺍ ﻣﺒﻴﻦ ﺍﻟﺮﺟﺎﻝ ﺧﺮﻃﻲ ﻟﻮ ﺻﺪﻙ ﻛﻔﻮﻭ ﺟﺎﻥ ﻣﺪﻧﻲ ﺑﻠﻜﺎﻉ ﻭﻛﺎﻝ ﺷﺪﺧﻠﻚ
ﺑﺲ ﻭﺍﻟﻠﻪ ﺻﺪﻙ ﺍﻧﻲ ﺷﺎﻟﺘﻨﻲ ﻟﻐﻴﺮﻩ ﻻﺍﻛﺜﺮ
ﺻﺎﺭ ﻫﺪﻭﺀ ﺧﻠﻴﺖ ﻭﺻﻌﺪﺕ ﻟﻠﻤﻐﺮﺏ ﺟﻴﻲ ﺛﺎﻣﺮ ﺍﻭﻝ ﻣﺎﻓﺎﺕ ﺳﻮﻟﻔﺘﻠﻪ
ﺻﻔﻦ
ﺍﻧﺖ ﻛﻞ ﻋﻜﻠﻚ؟
ﺛﺎﻣﺮ ﻣﺎﺗﺤﻤﻠﺖ ﺍﺷﻮﻑ ﻭﺍﺳﻜﺖ ﻣﺪﺭﻱ ﺷﺠﺎﻧﻲ ﺍﻧﻪ ﻟﻬﺴﺎﻉ ﻣﺘﻔﺎﺟﻰ
ﺟﺮ ﻋﻴﻨﻪ
ﻳﻠﻌﺐ ﺑﺴﻜﺴﻮﻛﺘﻪ
ﺍﻭﻝ ﻣﺮﻩ ﺗﺸﻮﻓﻪ
ﻣﻨﻮ ؟
ﻟﺒﻨﻴﻪ ﺷﺒﻴﻚ
ﺍﻱ ﺍﻭﻝ ﻣﺮﻩ ﻋﺠﻞ ﻭﻳﻦ ﺷﺎﻳﻔﻪ ﺍﻧﻪ ﻛﺒﻞ
ﻣﻤﻢ
ﺗﺮﻩ ﺣﻘﻪ ﺗﻠﻜﺎﻩ ﻧﺼﺪﻡ ﺑﻴﻚ ﺍﻧﻪ ﺩﻭﻡ ﺍﺳﻤﻊ ﻋﺮﻛﻬﻢ ﺑﺲ ﻣﺎﻳﻮﻡ ﺗﺪﺧﻠﺖ
ﺯﻳﻦ ﻟﻴﺶ ﺷﻨﻮ ﻟﺴﺒﺐ
ﻭﻝ ﻳﺎﺑﻪ ﺷﺪﺭﺍﻧﻲ ﻋﻴﺎﻝ ﺑﻴﺖ ﺑﻴﻨﻬﻢ ﺷﻌﻠﻴﻨﻪ ﻣﻨﻬﻢ
ﺍﻛﻠﻚ ﺑﻌﺪ ﻻﺗﻌﻴﺪﻩ ﻳﻤﻌﻮﺩ ﻻﻳﺸﻴﻠﻮﻧﻲ ﻛﻮﻩ ﻟﻜﻴﺖ ﻫﻞ ﻣﺸﺘﻤﻞ ﻟﻴﺠﺎﺭﺍﺕ ﻫﻴﻦ ﺑﻠﻨﺎﺭ
ﻫﺰﻳﺖ ﺭﺍﺳﻲ ﺳﺎﻛﺖ
ﻓﺎﺕ ﺳﺒﺢ ﻭﺟﻲ ﻣﺪﺩ ﻭﻧﺎﻡ
ﻛﻌﺪﺕ ﺍﺣﺲ ﺭﻭﺣﻲ ﻣﺨﺮﺑﻂ
ﻭﻣﺒﺎﻟﻎ ﺑﻠﺴﻮﻳﺘﻮ ﺍﺭﻳﺪ ﺍﻣﺤﻲ ﻣﻦ ﺑﺎﻟﻲ ﻣﻴﺮﻭﺡ
ﺷﻠﺖ ﺑﺎﻛﻴﺘﻲ ﻭﻟﺠﺪﺍﺣﻪ ﻭﻃﻠﻌﺖ ﻓﻜﻴﺖ ﻟﺒﺎﺏ ﻭﻛﻌﺪﺕ ﻋﻠﻰ ﺩﺭﺝ
ﻟﻨﻘﺎﻝ ﺑﻴﺪﻱ ﺳﺎﻋﻪ ﺃﻛﺜﺮ ﺍﺗﺼﻔﺢ ﻭﺍﺣﺶ ﺟﻜﺎﻳﺮ
ﺳﻤﻌﺖ ﺿﺤﻜﻪ ﺳﺘﻐﻔﺮﺍﻟﻠﻪ ﻋﻘﻠﻲ ﺑﻄﻨﺶ ﻭﺻﻮﺕ ﺩﻟﻊ
ﻭﻛﻔﺖ ﻟﺤﻴﻠﻲ ﻣﺎﺑﻴﻦ ﻟﻤﺪﺭﺝ ﻣﻘﺒﻂ ﺑﻘﻤﺮﻳﻪ ﻫﻢ ﺟﻴﻨﻜﻮ ﺑﺲ ﺍﻛﻮ ﻓﺘﺤﺎﺕ ﺑﻠﺼﻔﺎﺡ ﺩﺣﻜﺖ ﻣﻨﻬﻢ
ﻟﻤﺮﻩ ﻭﺍﻟﺮﺟﺎﻝ ﻧﻔﺴﻬﻢ ﻳﻢ ﺑﺎﺏ ﻟﺸﺎﺭﻉ ﻭﺍﻛﻔﻴﻦ
ﻻﺯﻣﻬﺎ ﻣﻦ ﺧﺼﺮﻩ ﻭﻫﻴﻪ ﺗﺘﻤﻮﻉ ﺻﻮﺗﻬﻢ ﻧﺎﺻﻲ
ﻧﺰﻟﺖ ﻟﻨﻬﺎﻳﻪ ﻟﻤﺪﺭﺝ
ﺣﻴﻞ ﺧﺎﻝ ﺍﺫﻧﻲ
ﺩﻛﻠﻪ
ﻣﺘﻘﺒﻞ ﻫﺎﻱ ﺷﺒﻴﻚ ﺩﻋﻮﻓﻪ ﺧﺘﻮﻟﻲ
ﺍﺭﻳﺪﻩ ﻟﺞ ﺍﺭﻳﺪﻩ ﺭﺍﺡ ﺍﻣﻮﺕ ﻋﻠﻴﻬﺎ ﻗﻨﻌﻴﻬﺎ ﺑﺴﻴﺎﺳﻪ ﺑﻀﺮﺏ ﻟﻮﻭ ﺍﻛﻠﺞ ﺍﺟﻴﺒﻠﺞ ﺣﺒﻮﺏ ﻭﻧﻮﻣﻴﻬﺎ
ﺍﻫﻮﻭﻭ ﻳﺎﺭﺟﺎﻝ ﺷﺠﺎﻙ ﺍﺩﺭﻱ ﺣﻄﻴﺖ ﻋﻘﻠﻚ ﻓﺪﻧﻮﺏ ﻋﺎﺩ ﻫﺴﻪ ﻣﻮ ﺍﻧﻲ ﻋﻨﺪﻙ ﺟﻬﺎﻟﻪ ﻫﺎﻱ ﺟﻬﺎﻟﻪ ﺷﻜﻠﻚ ﺑﻴﻬﺎ
ﺧﺮﺏ ﻟﺞ ﻏﻴﺮ ﺍﺧﺮﺏ ﻋﻠﻰ ﺟﺎﻫﻠﻪ
ﺍﻧﺘﻲ ﺑﺲ ﻗﻨﻌﻴﻬﺎ ﻭﺣﻼﻭﺗﺞ ﻳﻤﻲ ﻭﺍﻟﻠﻪ ﻟﺴﻔﺮﺝ ﻭﻳﻦ ﻣﺘﺮﻳﺪﻳﻦ
ﻫﻬﻬﻬﻬﻬﻬﻬﻬﻬﻬﻬﻪ ﺩﺭﻭﺡ ﺭﻭﺡ ﺑﻠﻜﺖ ﻫﻞ ﻳﻮﻣﻴﻦ
ﻓﺘﺤﺖ ﻋﻴﻨﻲ ﻛﻠﻬﺎ ﻣﺼﺪﻭﻡ
ﻃﻠﻊ ﻭﺳﺪﺕ ﻟﺒﺎﺏ ﻭﺭﺍﻩ ﻏﻤﺘﻪ
ﻛﻌﺪﺕ ﻋﻠﻰ ﺣﻴﻠﻲ
ﺟﻌﻤﻚ ﺍﻟﻠﻪ ﺛﺎﻣﺮ ﻟﻴﻜﻮﻥ ﺑﻴﺖ ﺩﻋﺎﺭﻩ ﺫﻭﻟﻪ ﻭﻣﺴﺘﺎﺟﺮ ﻣﻨﻬﻢ
ﺻﻌﺪﺕ ﺍﺿﺮﺏ ﺍﺧﻤﺎﺱ ﺑﺴﺪﺍﺱ
ﺗﻮﻧﻲ ﺃﺳﺪ ﺑﺎﺏ ﻟﻤﺸﺘﻤﻞ ﻭﺣﻴﻞ ﻧﻄﺒﻜﺖ ﺑﺎﺑﻬﻢ ﻭﺻﻮﺕ ﺑﺠﻲ ﻭﺗﻮﺳﻞ
ﻋﻔﻴﻪ ﺍﻟﻠﻪ ﻳﺨﻠﻴﺞ ﻓﺪﻭﻩ ﻻﺗﻔﻘﻠﻴﻦ ﺍﻟﺒﺎﺏ ﺍﺭﻳﺪ ﺍﻗﺮﻩ ﺍﺭﻳﺪ ﺍﻧﺎﻡ
ﻟﻌﺪ ﺟﺮﻱ ﻋﺪﻝ ﻳﻮﻟﻲ ﻏﺒﻴﻪ ﻫﻴﻪ ﻟﻴﻠﻪ ﻭﻓﺎﻳﺘﻪ ﻭﺭﺍﻫﻪ ﺍﺧﺬﺝ ﺑﻴﺪﻱ ﺍﺳﻮﻳﻠﺞ ﻋﻤﻠﻴﻪ ﻭ ﺑﻌﺪ ﻻﻣﻦ ﺷﺎﻑ ﻭﻻﻣﻦ ﺩﺭﻩ ﻋﻮﺩ ﻧﻜﺸﺮﻱ ﻟﺒﻴﺖ ﺧﺎﻟﺞ ﺭﻭﺣﻪ ﺑﻼ ﺭﺟﻌﻪ ﺑﺲ ﺧﻠﺼﻴﻨﻲ ﻣﻦ ﻫﺬﺍ ﻟﻐﻀﺐ ﻣﻘﺪﺍﺩ ﻣﻮ ﺍﻛﻠﻪ ﻟﺮﺍﺳﻲ
ﻗﻔﻠﻴﻬﺎ ﻗﻔﻠﻴﻬﺎ ﻣﺎﺭﺭﺭﺭﻳﺪ
ﻣﻴﻠﺖ ﺭﺍﺳﻲ ﻭﻳﻪ ﺻﻮﺗﻪ ﺷﺎﻟﺖ ﻧﻌﺎﻝ ﺿﺮﺑﺘﻪ ﺭﻓﻌﺖ ﺍﻳﺪﻩ ﺗﺤﺎﻣﻲ ﺭﻭﺣﻪ ﻋﺎﻓﺘﻪ ﻭﻧﻄﻚ ﻗﻔﻞ ﻟﺒﺎﺏ
ﻛﻨﻔﺬﺕ
ﺩﻣﻮﻋﻪ ﺑﻮﺭﻱ ﻭﻣﻔﺘﻮﺡ ﻭﺗﻤﺴﺢ ﺑﺨﺸﻤﻬﺎ ﺑﻬﺪﻭﻣﻪ
ﻋﺘﻮﻱ ﺟﺒﻴﺮ ﻓﺎﺗﺖ ﻣﻦ ﺟﻮﻩ ﺑﺎﺏ ﻟﺸﺎﺭﻉ ﻭﻓﺰﺕ ﺭﻛﺾ ﺗﺪﻙ ﺣﻴﻞ ﺑﻠﺒﺎﺏ
ﻣﺤﺪ ﻓﺘﺢ
ﺭﻋﺒﻪ ﻭﺑﺠﻴﻬﺎ ﺧﻼﻧﻲ ﺍﻣﺪ ﺭﺍﺳﻲ ﺍﻫﻤﺲ
ﻳﺒﻨﻴﻪ ﻳﺒﻨﻪ
ﻓﻜﺖ ﻋﻴﻨﻪ ﺗﺘﻠﻔﺖ ﺑﻄﺮﻑ ﺍﺻﺒﻌﻲ ﺩﻛﻴﺖ ﻋﻠﻰ ﺟﻴﻨﻜﻮ ﺧﻔﻴﻒ ﻧﺘﺒﻬﺖ
ﻟﻤﺤﺘﻨﻲ ﺭﻛﺾ ﺑﺘﺠﺎﻩ ﻟﻤﺪﺭﺝ ﺭﻛﺾ ﻧﺰﻟﺖ ﻻﺧﻴﺮ ﺑﺎﻳﺘﻴﻦ ﻣﺪﻳﺖ ﺑﺲ ﺭﺍﺳﻲ ﻫﻴﻪ ﺗﺘﻠﻔﺖ ﺑﻠﻌﺖ ﺭﻳﻜﻲ ﻫﻤﺴﺖ
ﺍﻧﺖ ﺍﻧﺖ ﺍﻟﻲ ﺍﻟﻴﻮﻡ ﻃﻔﺮﺕ ﻣﻨﺎ
ﻭﺗﺎﺍﺷﺮ ﺑﺼﺒﻌﻬﺎ
ﻣﻨﺎ ﻣﻨﺎ ﻃﻔﺮﺕ ﻭﺭﺩﺕ ﺗﻔﺎﺯﻉ
ﻫﺰﻳﺖ ﺭﺍﺳﻲ
ﺑﺠﺖ ﺗﻤﺴﺢ ﺣﻴﻞ ﺑﺪﻣﻮﻋﻪ
ﻋﻤﻮ ﻋﻤﻮ ﺍﻟﻠﻪ ﻳﺨﻠﻴﻚ ﺍﻟﻠﻪ ﻳﺨﻠﻲ ﻣﺮﺗﻚ ﺍﻟﺤﻠﻮﻩ
ﺍﻧﺖ ﺗﻨﺪﻝ ﺑﻐﺪﺍﺩ
ﺗﻨﺪﻝ ﻫﺎﻱ ﻫﺎﻱ ﻟﻤﻨﻄﻘﻪ ﻟﻴﺴﻤﻮﻫﻪ ﺯﻳﻮﻧﻪ
ﻫﺰﻳﺖ ﺭﺍﺳﻲ ﺍﻱ
ﺍﻟﻠﻪ ﻳﻮﻗﻔﻚ ﻭﺩﻳﻨﻲ
ﺑﺲ ﺫﺑﻨﻲ ﻫﻨﺎﻙ ﺑﺲ ﻭﺻﻠﻨﻲ
ﻋﻠﻴﺶ ؟
ﻣﻮ ﻣﻮ ﻫﻨﺎ ﻳﺮﻳﺪﻭﻥ ﻳﻤﻮﺗﻮﻧﻲ ﻭﺍﻟﻠﻪ ﺍﻧﻲ ﻣﺎﺭﻳﺪ ﺍﻣﻮﺕ ﺣﺘﻰ ﺍﺧﺎﻑ ﻭﻻﺍﻛﺪﺭ ﺍﻧﻬﺰﻡ ﺑﺸﺎﺭﻉ ﻣﺎﻧﺪﻝ
ﺑﻠﻌﺖ ﺭﻳﻚ ﺍﺭﻳﺪ ﺍﺭﺑﻂ ﺑﻼﺣﺪﺍﺙ ﻣﺎﻛﻮ
ﺷﻨﻮ ﻫﺎﻱ ﺷﺪﺗﺤﺠﻲ
ﻣﻨﻴﻦ ﺍﻧﺘﻲ
ﺑﻠﺠﻤﺖ ﺣﻠﻜﻪ ﺭﺍﻓﻌﻪ ﺟﺘﻔﻪ
ﻣﺎﺩﺭﻱ
ﻳﺎ ﻣﺤﻤﺪ ﻃﻔﻠﻪ ﻫﺎﻱ ﻃﻔﻠﻪ ﺣﺘﻰ ﻣﻨﻴﻦ ﻫﻴﻪ ﻣﺘﻌﺮﻑ
ﺻﻔﻨﺖ ﻭﺗﻠﻔﺘﺖ ﺑﺨﻮﻑ ﻭﻋﻴﻮﻧﻪ ﻣﺮﻛﺰﻩ ﺑﻌﻴﻮﻧﻲ
ﻋﻔﻴﻪ ﻋﻤﻮ ﺷﻜﻠﺖ
ﺳﻜﺘﺖ ﺷﻜﻮﻝ
ﻧﺼﺖ ﻭﻧﺪﺍﺭﺕ ﻣﺸﺖ
ﺑﻤﻜﺎﻧﻲ ﺗﺨﻴﻄﺖ
ﺷﻘﺼﺘﻪ
ﺷﺴﺎﻟﻔﺘﻪ ﻭﻟﻴﺶ ﺗﺮﻳﺪ ﺗﻌﻮﻑ ﺍﻫﻠﻬﺎ ﻭﺗﺮﻭﺡ ﻟﺒﻐﺪﺍﺩ
ﻛﻌﺪﺕ ﻭﻛﻞ ﺷﻮﻳﻪ ﺍﻋﻮﺹ ﻋﻴﻨﻲ ﻟﺰﺭﻭﻑ ﻣﺎﻝ ﻟﺤﻴﻢ ﺯﻏﺎﺭ ﻛﻮﻩ ﻳﻨﺸﺎﻑ ﻣﻨﻬﻢ ﺷﻲ
ﺍﻛﻮ ﺷﺒﺎﻙ ﺑﺼﻒ ﻟﻤﺪﺭﺝ ﻋﻠﻴﻪ ﺑﺮﻣﻴﻞ ﻭﻓﻮﻛﺎﻩ ﻣﺒﺮﺩﻩ ﺍﺟﺘﻲ ﺩﺣﺴﺖ ﺭﻭﺣﻪ ﻭﺭﺍﻩ
ﻣﺘﺖ ﻗﻬﺮ
ﻭﺿﻠﻴﺖ ﻋﻠﻰ ﻛﻌﺪﺗﻲ ﻟﻠﻔﺠﺮ
ﺍﺩﺣﻚ ﻭﺍﺣﺶ ﺟﻜﺎﻳﺮ ﻭﺭﺍﻗﺐ ﺟﻨﻲ ﺑﻤﻬﻤﻪ
ﺗﻌﺒﺖ ﻭﻋﻴﻮﻧﻲ ﺛﻜﻠﻦ
ﺧﻠﻴﺖ ﻭﻓﺘﺖ ﺷﻌﻠﻴﻪ ﻣﻨﻬﺎ ﻋﻠﻴﻤﻴﻦ ﻣﺪﻭﺥ ﺭﺍﺳﻲ ﻫﻴﻪ ﻟﻨﺎﺱ ﻣﺼﺎﻳﺐ ﻣﺼﺎﻳﺐ
ﻓﺘﺖ ﺟﻔﻲ ﺑﻠﻬﻮﻝ ﻧﻤﺖ
ﺣﺴﻴﺖ ﺛﺎﻣﺮ ﻣﻦ ﺩﻙ ﻣﻨﺒﻪ
ﻭﻛﺎﻡ ﻳﻔﺘﺮ ﻭﻳﺒﺪﻝ ﻭﺻﻮﺕ ﻟﺨﻮﺍﺷﻴﻚ ﻳﻄﻦ ﺑﻠﻜﻼﺹ ﻳﺨﻮﻁ ﻟﺠﺎﻱ ﺭﻳﺤﺘﻪ ﺑﺨﺸﻤﻲ ﺑﺲ ﻣﺎﻛﺪﺭ ﺍﻛﻮﻡ
ﻧﺪﻗﻨﻲ
ﻣﺼﻄﻔﻰ ﻣﺼﻄﻔﻰ ﺗﺮﻭﺡ ﻟﻠﻤﻌﻤﻞ
ﺑﻴﺪﻱ ﺍﺷﺮﺗﻠﻪ ﻻ
ﻭﻧﻄﺒﻚ ﺑﺎﺏ ﻟﻤﺸﺘﻞ ﻣﺎﻋﺎﺩ ﺣﺴﻴﺖ ﺑﻌﺪ ﻟﻠﻀﻬﺮ ﻛﻌﺪﺕ ﺭﺍﺳﻲ ﻣﺴﻄﻮﺭ ﺳﺒﺤﺖ ﻭﺻﻠﻴﺖ ﺳﻮﻳﺘﻠﻲ ﻛﻼﺹ
ﺟﺎﻱ ﻓﻜﻴﺖ ﺑﺎﺏ ﻟﻤﺸﺘﻞ ﻭﻛﻌﺪﺕ ﺑﻠﻌﺘﺒﻪ ﻋﻠﻰ ﺍﻭﻝ ﺩﺭﺟﻪ
ﺍﺷﺮﺏ ﻭﻋﻴﻨﻲ ﻧﺪﺍﺭﺕ ﻋﻠﻰ ﺯﺭﻭﻑ
ﻟﺤﺪﻳﻘﻪ ﻓﺎﺭﻏﻪ
ﺩﺣﻜﺖ ﺟﻮﻩ ﻟﻤﺒﺮﺩﻩ ﻣﺎﻛﻮ ﺍﺣﺪ
ﺑﺲ ﻓﻮﻙ ﻟﻤﺒﺮﺩﻩ ﻣﺨﺪﻩ ﺻﻐﻴﺮﻩ ﻭﺟﺮﺟﻒ ﺑﺲ ﻃﺮﻓﻬﻦ ﻃﺎﻟﻊ ﻓﻮﻛﺎﻫﻦ ﻛﺎﺭﺗﻮﺗﻪ
ﺷﻨﻮ ﻫﺎﻱ ﺑﺲ ﻻ ﺗﻨﺎﻡ ﻫﻨﺎ
ﻳﻮﻡ ﻳﻮﻣﻴﻦ ﺳﺒﻮﻉ
ﻛﻞ ﻧﻮﺑﻪ ﺍﻛﻮﻝ
ﻣﻌﻠﻴﻪ ﻭﻣﺎﻟﻲ ﺷﻐﻠﻪ
ﻭﻣﻮﻛﺎﺩﺭ
ﻛﻼﻡ ﻟﻤﺮﻩ ﻭﻟﺮﺟﺎﻝ ﻳﺪﻙ ﺑﺮﺍﺳﻲ
ﻭﺍﻟﻜﻪ ﺭﻭﺣﻲ ﺳﺎﻛﻦ ﻟﻤﺪﺭﺝ ﻭﻣﻔﺘﺮ ﺭﺍﺳﻲ ﺑﻠﺠﺎﻱ ﺍﺷﻮﻓﻮ ﻭﺍﺳﻤﻌﻮ
ﺑﻠﻨﻬﺎﺭ ﺻﻨﺘﻪ ﺑﺲ ﺑﻠﻴﻞ ﻳﺸﺘﻐﻞ ﻟﻌﺮﻙ ﻭﻟﻤﺼﺎﻳﺢ
ﺗﻨﻄﺮﺩ ﻭﺗﺠﻲ ﺗﺘﻠﻔﺖ ﻣﻴﺘﻪ ﺑﺠﻲ ﺗﺠﺮ ﻟﻜﺎﺭﺗﻮﻧﻪ ﺗﻜﻌﺪ ﻋﻠﻴﻪ ﻭﻟﺠﺮﺟﻒ ﺗﺘﻠﻔﻠﻒ ﺑﻲ ﻣﺜﻞ ﻟﺘﺤﺎﻣﻲ ﺭﻭﺣﻪ
ﺛﺎﻣﺮ ﻣﺮﻩ ﻣﺮﺗﻴﻦ ﻧﺘﺒﻪ ﻟﻜﻌﺪﺍﺗﻲ ﻋﻠﻰ ﺩﺭﺝ ﺳﺌﻠﻨﻲ ﻭﺟﺎﻭﺑﺘﻮ
ﺍﺩﺧﻦ ﻭﻟﻤﺸﺘﻤﻞ ﺟﻜﺎﺭﻩ ﻭﺣﺪﻩ ﺍﺷﺮﺏ ﻳﻘﺒﻂ ﺧﻠﻴﻨﻲ ﻫﻴﻦ ﻣﺮﺗﺎﺡ
ﻳﺴﻜﺖ ﻳﻌﻮﻓﻨﻲ ﻭﻳﻔﻮﺕ
ﺍﻟﻴﻮﻡ ﻣﺜﻞ ﻛﻞ ﻳﻮﻡ ﻛﺎﻋﺪ ﻭﻣﻦ ﻟﻤﻐﺮﺏ ﻟﻤﺤﺖ ﻟﺮﺟﺎﻝ ﺟﻴﻲ ﻭﻓﺎﺕ ﻟﻠﺒﻴﺖ ﻣﺎ ﻃﻠﻊ ﺑﻌﺪ ﻟﻠﻴﻞ ﻭﻣﺜﻞ ﺫﻳﺞ ﻟﻨﻮﺑﻪ ﻭﻛﻒ ﻫﻮﻩ ﻭﻟﻤﺮﻩ ﻳﻢ ﻟﺒﺎﺏ ﻳﺮﺯﻝ ﺑﻴﻪ ﺗﺎﻟﻲ ﻃﻠﻊ ﻣﻦ ﺟﻴﺒﻪ ﺷﺮﻳﻂ ﺣﺒﻮﺏ ﻋﻠﻤﻪ ﺷﻜﺜﺮ ﺗﺨﻠﻲ ﻭﺗﺨﺒﻄﻪ ﺑﻌﺼﻴﺮ ﻟﻮ ﺑﺤﻠﻴﺐ
ﻭﻛﻒ ﻋﻘﻠﻲ ﻳﺮﺑﻜﻢ ﺭﺍﺡ ﻳﻤﻮﺗﻮﻥ ﻟﺒﻨﻴﻪ
ﻓﺎﺗﺖ ﻟﻤﺮﻩ ﺷﻮﻳﻪ ﻭﻃﺮﺩﺗﻪ ﻣﺜﻞ ﻛﻞ ﻳﻮﻡ ﺟﺘﻲ ﻟﻤﻜﺎﻧﻪ ﺗﻠﻔﻠﻔﺖ ﻭﻛﻌﺪﺕ ﻣﺎﻋﺎﺩ ﺗﺤﻤﻠﺖ ﻣﺪﻳﺖ ﺭﺍﺳﻲ
ﺭﺩﺗﻪ ﺗﻨﺘﺒﻪ ﻣﺎﻛﻮ
ﻣﻜﻨﻔﺬﻩ ﻻﻣﻪ ﺭﻭﺣﻪ ﺭﺃﺳﻪ ﺑﻴﻦ ﺭﺟﻠﻴﻪ
ﺩﻭﺭﺕ ﺣﺼﻮﺍﻳﻪ ﺍﺷﻤﺮﻩ ﻣﺎﻛﻮ ﻛﻠﺸﻲ ﻟﻜﺎﻉ ﻟﻴﻤﻲ ﻧﻀﻴﻔﻪ
ﺍﺳﻤﻪ ﻣﺎﻋﺮﻓﻪ
ﻳﺒﻨﻴﻪ ﻳﺒﻨﻴﻪ
ﺻﺢ ﻣﺎﺳﻤﻌﺖ ﻣﻦ ﺻﻮﺕ ﺑﺠﻴﻪ
ﻛﺤﻴﺖ ﻣﺮﺗﻴﻦ ﺣﻴﻞ ﻗﻮﻱ ﺭﻓﻌﺖ ﺭﺃﺳﻪ ﻭﻛﻔﺖ ﺧﺎﻳﻔﻪ ﻻﺯﻣﻪ ﻟﺤﺎﻳﻂ
ﺭﻓﻌﺖ ﺟﺴﻤﻲ ﺣﻴﻞ ﺑﻴﻨﺖ ﻟﻤﺤﺘﻨﻲ ﻭﻧﺼﺖ
ﻣﺸﺘﺖ ﻭﻧﺘﺮﺕ
ﺣﺪﺭﻱ ﺑﺲ ﺍﺣﺎﺟﻴﺞ
ﻭﻛﻔﺖ ﻣﻨﺪﺍﺭﻩ
ﺑﺨﻮﻑ ﻛﺎﻟﺖ
ﻳﻌﻨﻲ ﺷﻨﻮ
ﻳﻌﻨﻲ
ﻳﻌﻨﻲ ﺗﻌﺎﻱ ﺗﻌﺎﻱ ﺗﻘﺮﺑﻲ ﺗﺎﺣﺎﺟﻴﺞ
ﺑﺜﻜﻞ ﻣﺸﺖ
ﻫﻤﺴﺖ
ﺫﻭﻟﻪ ﺍﻫﻠﺞ؟
ﻫﺰﺕ ﺭﺃﺳﻪ ﻻ ﺑﺠﺖ
ﻋﺠﻞ ﻣﻨﻮ
ﺻﻔﻨﺖ ﻋﺎﻗﺠﻪ ﻭﺟﻪ
ﻳﻌﻨﻲ ﺷﻨﻮ
ﺗﺤﺠﻲ ﻫﻤﺲ ﺗﺘﻠﻔﺖ ﻋﺮﻓﺖ ﻣﺎﺗﻔﻬﻢ ﺣﺠﻴﻲ
ﺗﺤﻤﺤﻤﺖ
ﻳﻌﻨﻲ ﻟﻌﺪ ﻣﻨﻮ ﺫﻭﻟﻪ ﺍﺫﺍ ﻣﻮ ﺍﻫﻠﺞ
ﺳﻜﺘﺖ ﺧﺎﻳﻔﻪ ﻋﻴﻮﻧﻪ ﺗﺘﻨﻘﻞ ﺑﻴﻦ ﻋﻴﻮﻧﻲ ﻭﺗﻨﺼﻲ ﻋﻠﻰ ﻛﺎﻉ
ﻃﻤﻨﺘﻪ
ﺍﺳﻤﻌﻲ ﻣﻨﻲ ﺍﺣﺠﻴﻠﻲ ﺗﺎﺣﺠﻴﻠﺞ
ﻣﻮ ﺍﻧﻲ ﻫﻢ ﺳﻤﻌﺖ ﺷﻲ ﻻﺯﻡ ﺍﻛﻮﻟﻪ ﺍﻟﺞ
ﻓﻜﺖ ﻋﻴﻨﻪ ﺗﻬﺰ ﺑﺮﺍﺳﻪ
ﺷﻨﻮ
ﺍﺣﺠﻲ ﺍﻧﺘﻲ ﺍﻭﻝ
ﻋﺎﻓﺘﻨﻲ ﻭﻣﺸﺖ ﺭﺟﻌﺖ ﻛﻌﺪﺕ ﺑﻤﻜﺎﻧﻪ ﺑﻬﺪﻭﺀ ﺗﺒﺠﻲ
ﻣﺎﻛﺪﺭﺕ ﺍﺣﺠﻲ ﺻﻮﺗﻲ ﻳﺨﺘﻠﻒ ﻣﻦ ﺻﻮﺗﻪ ﺧﺎﻑ ﺍﺣﺠﻲ ﻭﺛﺎﻣﺮ ﻳﻄﻠﻊ ﻟﻮ ﺍﺣﺪ ﻣﻦ ﺑﻴﺘﻬﻢ ﻭﺗﺼﻴﺮ ﺳﺎﻟﻔﻪ
ﻧﺘﻀﺮﺗﻪ ﺗﺤﺠﻲ
ﺑﻠﻜﻲ ﺗﺎﺍﻣﻦ
ﺑﺲ ﺗﺒﻴﻦ ﺧﺎﻳﻔﻪ
ﻋﻠﻰ ﻛﻌﺪﺗﻪ ﻭﻛﻌﺪﺕ ﻋﻠﻰ ﺩﺭﺝ
ﺳﺎﻋﻪ
ﺛﻨﻴﻦ ﺗﻼﺛﻪ
ﻭﻻﺗﺤﺮﻛﺖ
ﺑﺲ ﺗﻐﻔﻪ ﻭﺗﻔﺰ ﺗﻠﻢ ﺭﻭﺣﻪ
ﻟﻠﻔﺠﺮ
ﻋﻠﻰ ﻛﻌﺪﻩ ﻭﺣﺪﻩ ﺍﺭﻳﺪ ﺍﻓﻮﺕ ﻭﺍﻓﻜﺮ ﺑﻠﺴﻤﻌﺘﻪ ﻻﺯﻡ ﺍﻛﻠﻪ ﺣﺘﻰ ﻟﻮ ﻣﺎﺣﺠﺘﻠﻲ
ﻧﻘﺎﻟﻲ ﻣﻔﻌﻞ ﺑﻲ ﺑﺮﻧﺎﻣﺞ ﺍﻟﻤﻮﺍﺫﻥ
ﺩﻙ ﻭﻓﺰﺕ ﻭﻛﻔﺖ ﻟﻤﻠﻤﺖ ﻭﻟﺘﺎﻓﺖ ﻛﻞ ﺿﻨﻲ ﻓﺎﺗﺖ ﺻﻌﺪﺕ ﻟﺪﺭﺝ ﻟﻨﺼﻮ ﻭﺗﺬﻛﺮﺕ ﻣﻨﻴﻦ ﺗﻔﻮﺕ ﻫﻴﻪ ﻟﺒﺎﺏ ﻣﻮ ﻗﺎﻓﻠﻴﻪ ﻋﻠﻴﻬﺎ
ﻣﻴﻠﺖ ﺭﺍﺳﻲ ﻭﺍﻟﻜﺎﻩ ﺑﻠﻜﺮﺍﺝ ﺗﺼﻠﻲ ﺳﺎﺑﻠﻪ ﺍﺩﻳﻪ
ﺳﺘﻐﻔﺮﺕ ﻭﺗﻌﻮﺫﺕ ﻟﺸﻴﻄﺎﻥ ﺧﺎﻑ ﺣﺮﺍﻡ ﻟﺠﺎﻱ ﺍﺳﻮﻱ
ﺍﺧﺎﻑ ﺍﺷﻴﻞ ﺍﺛﻢ ﺑﺲ ﻭﺍﻟﻠﻪ ﺍﺭﻳﺪ ﺍﻛﻠﻬﺎ ﻟﺴﻤﻌﺘﻪ ﻣﺎﻋﻨﺪﻱ ﻏﻴﺮ ﻏﺎﻳﻪ
ﺑﺲ ﺷﻮﻥ ﺍﻓﻬﻤﺎ
ﻛﻤﻠﺖ ﻟﺪﺭﺝ ﺑﻌﺼﺒﻴﻪ ﺻﻌﺪﺕ ﻫﻮﻩ ﺣﺪﻳﺪ ﺻﺎﺭ ﺟﻮﺍﻳﻪ ﻳﻄﺮﻛﻊ ﻭﺍﺳﻤﻊ ﺻﻮﺗﻪ ﻋﻤﻮ ﻋﻤﻮ ﻻﺗﺼﻌﺪ ﻻﺗﻔﻮﺕ ﺑﺲ ﺍﺣﺎﺟﻴﻚ
ﺑﻠﻌﺖ ﺭﻳﻜﻲ ﻧﺰﻟﺖ ﻣﺪﻳﺖ ﺭﺍﺳﻲ ﻋﻘﺠﺖ ﻭﺟﻬﻲ
ﺍﺣﺠﻲ ﻳﻠﻪ
ﻧﺼﺖ ﺍﺧﺎﻑ ﻭﺍﻟﻠﻪ
ﺗﺮﻩ ﺍﺭﻳﺪ ﺍﺳﺎﻋﺪﺝ ﺗﺪﺭﻳﻦ ﺳﻤﻌﺘﻬﻢ ﻳﺮﻳﺪﻭﻥ ﻳﻤﻮﺗﻮﺝ؟
ﻓﺘﺤﺖ ﻋﻴﻮﻧﻪ ﻋﻠﻰ ﻭﺳﻌﻬﻢ
ﺑﺮﻃﻤﺖ
ﺷﻮﻥ
ﻭﺍﻟﻠﻪ ﻫﺬﺍ ﻟﺮﺟﺎﻝ ﺳﻤﻌﺘﻪ ﺍﻧﻄﻪ ﻟﻠﻤﺮﻩ ﺣﺒﻮﺏ ﻳﻜﻠﻪ ﺩﻛﻴﻠﻪ ﺑﻠﻌﺼﻴﺮ ﺑﻠﺤﻴﺐ ﺑﺲ ﺧﻠﺼﻴﻨﻪ
ﺑﺠﺖ
ﻋﻤﻮ ﺧﻠﺼﻨﻲ ﺍﻧﺖ
ﺍﻟﻠﻪ ﻳﺨﻠﻴﻚ
ﺍﻟﻠﻪ ﻳﻮﻓﻘﻚ
ﺍﻟﻠﻪ ﻳﺨﻠﻲ ﻣﺮﺗﻚ ﻟﺤﻠﻮﻩ
ﻧﺰﻟﺖ ﺭﺟﻠﻲ ﺩﺭﺟﻪ ﺿﺮﺑﺖ ﻛﺼﺘﻲ
ﻳﻠﺴﻴﺪ ﻣﺤﻤﺪ ﻫﺎﻱ ﻋﺒﺎﻟﻪ ﺍﻧﻪ ﺛﺎﻣﺮ
ﻋﻤﻮ ﻭﻳﻨﻚ ﻣﺘﺴﺎﻋﺪﻧﻲ ﻣﻮ
ﺻﻌﺪﺕ ﺩﺭﺟﻪ
ﻓﻬﻤﻴﻤﻲ ﺣﺘﻰ ﺍﺳﺎﻋﺪﺝ ﺷﻮﻥ ﺍﺳﺎﻋﺪﺝ ﻭﺍﻧﻪ ﻣﺎﻋﺮﻑ ﻋﻨﺞ ﻛﻠﺸﻲ
ﻛﻠﻴﻠﻲ ﻟﻤﺮﻩ ﻣﻨﻮ ﻭﻟﻴﺶ ﺗﻐﻔﻞ ﻋﻠﻴﺞ ﻟﺒﺎﺏ ﻭﺗﻄﺮﺩﺝ
ﻣﺮﺕ ﺍﺑﻮﻳﻪ
ﻫﻤﺴﺖ ﻭﺭﺍﺡ ﺻﻮﺗﻪ
ﺑﻠﻌﺖ ﺭﻳﻜﻲ
ﻭﺍﻟﺮﺟﺎﻝ
ﺭﺟﻠﻪ
ﻓﻜﻴﺖ ﻋﻴﻨﻲ
ﻟﻨﺬﻝ ﺍﻟﺨﺴﺴﻴﺲ ﻋﺠﻞ ﺷﻠﻮﻥ ﻳﺮﻳﺪﻩ
ﺷﻬﻜﺖ
ﻭﺭﺟﻌﺖ ﺍﺩﺣﻚ ﺑﻴﻪ ﻭﺍﺳﺌﻞ
ﻋﺠﻞ ﺍﺑﻮﺝ ﻭﻳﻦ ﺍﻣﺞ ﺍﻫﻠﺞ
ﺍﻗﺼﺪ ﻟﻌﺪ ﻟﻌﺪ ﺍﻫﻠﺞ ﻭﻳﻦ
ﻣﺎﻋﻨﺪﻱ ﺍﻫﻞ ﻣﺎﻣﺎ ﺟﺎﺑﺘﻨﻲ ﻭﻣﺎﺗﺖ ﻭﺑﺎﺑﺎ ﺗﺰﻭﺝ ﻣﺎﻣﺎ ﺷﻜﺮﻳﻪ
ﺟﺎﻧﺖ ﺗﺤﺒﻨﻲ ﺑﺲ ﺑﻌﺪﻳﻦ ﺑﺎﺑﺎ ﻣﺎﺕ ﻭﺻﺎﺭﺕ ﺗﻜﺘﻞ ﺑﻴﻪ ﻭﺗﻜﺮﻫﻨﻲ
ﺷﻮﻥ ﻣﺎﺕ ﺍﺑﻮﺝ
ﻣﺎﺩﺭﻱ ﻫﻮﻩ ﻳﻜﺢ ﻳﻜﺢ ﺣﻴﻞ ﻭﻳﺒﺦ ﺭﺷﺎﺵ ﺑﺤﻠﻜﻪ ﻫﺬﺍ ﻫﺬﺍ ﻣﺜﻞ ﻟﻌﻠﺒﻪ ﺿﺎﻣﻪ ﺑﺠﻴﺒﻪ ﺑﺲ ﺷﻜﺮﻳﻪ ﺗﻀﻤﻪ ﻳﻀﻞ ﻳﺪﻭﺭ ﻭﺍﻧﻲ ﺍﺩﻭﺭ ﺣﺪﻣﺎ ﺑﻠﻴﻞ ﺧﺘﻨﻚ ﻭﻣﺎﺕ
ﻭﺭﺍﺡ ﺑﺎﺑﺎ ﺑﻌﺪ ﻣﺎ ﺷﻔﺘﻪ
ﻧﻌﺼﺮ ﻛﻠﺒﻲ ﺍﻧﻮﺏ ﺗﺤﺠﻲ ﻣﻜﻄﻊ ﺗﺮﻣﺶ ﺩﻣﻮﻋﻪ ﻣﻌﻠﻜﻪ ﺑﺮﻣﻮﺷﻪ
ﺳﻜﺘﺖ ﺣﺎﻳﺮ ﺻﺎﻓﻦ ﻭﻫﻤﺴﺖ
ﻫﺎﺍ ﻋﻤﻮ ﺷﻜﻠﺖ
ﺷﺘﺮﺩﻳﻦ ﻋﻤﻮ ﺷﻮﻥ ﺍﺳﺎﻋﺪﺝ
ﺑﺲ ﻭﺩﻳﻨﻲ ﻟﺒﻐﺪﺍﺩ
ﻟﻮ ﺍﻛﻠﻚ ﻧﻄﻴﻨﻲ ﻣﺒﺎﻳﻞ ﺍﺫﺍ ﻋﻨﺪﻙ ﺍﺧﺎﺑﺮ
ﻫﺰﻳﺖ ﺭﺍﺳﻲ ﺍﻱ ﻋﻨﺪﻱ
ﻃﻠﻌﺖ ﻧﻘﺎﻟﻲ ﻓﻜﻴﺖ ﻟﺒﺼﻤﻪ ﻣﺪﻳﺖ ﺍﻳﺪﻱ ﻣﻦ ﻓﻮﻙ ﻟﺠﻴﻨﻜﻮ ﻣﺘﻨﻮﺵ ﺣﺎﻭﻟﺖ ﺭﺩﺕ ﻋﺎﻟﺠﺖ ﻣﺎﻛﻮ ﺍﻳﺪﻱ ﻧﺤﺰﺕ ﺣﻴﻞ ﺭﺟﻌﺘﻪ ﺍﻓﺮﻙ ﺑﻴﻪ
ﺷﻠﻮﻥ ﻣﺎﺗﺮﻫﻢ
ﺗﻠﻔﺘﺖ
ﻭﻧﺼﺖ ﻟﺪﻣﻌﻪ ﺑﻌﻴﻨﻪ
ﻓﺮﺕ ﻋﻴﻨﻲ ﻋﻠﻰ ﺣﺪﻳﻘﻪ ﺷﻔﺖ ﻃﺎﺑﻮﻛﺎﺕ ﻳﺼﻴﺮﻥ ﺩﺍﻳﺮ ﻣﻴﺪﻭﺭ ﻟﺤﺪﻳﻘﻪ ﻳﻮﻛﻔﻦ ﺻﻔﺢ ﺷﺎﻓﺖ ﻋﻴﻨﻲ ﻭﻳﻦ ﺗﺒﺎﻭﻉ ﺭﻛﻀﺖ ﻋﻠﻴﻬﻦ ﺟﺎﺑﺘﻬﻦ ﺻﻔﻄﺘﻬﻦ ﺻﺎﺭﺕ ﻋﻠﻮﻩ ﺻﻌﺪﺕ ﻛﺎﻣﺸﻪ ﻟﺠﻴﻨﻜﻮ ﻭﻣﺪﻳﺖ ﺍﻳﺪﻱ ﻟﺤﺎﺗﻪ ﺍﺧﺬﺗﻪ
ﻭﻧﺰﻟﺖ ﺗﻜﺘﺐ ﺍﺭﻗﺎﻡ ﻭﺧﻠﺘﻪ ﻋﻠﻰ ﺃﺫﻧﻪ ﻣﺮﻩ ﻣﺮﺗﻴﻦ ﺗﻼﺛﻪ ﻭﺑﺮﻃﻤﺖ
ﻣﻴﺠﺎﻭﺑﻮﻥ ﺍﻣﻜﻦ ﻧﺎﻳﻤﻴﻦ
ﺻﻌﺪﺕ ﻋﻠﻰ ﻃﺎﺑﻮﻛﺎﺕ ﻣﺪﺕ ﻟﻨﻘﺎﻝ ﻭﻣﺪﻳﺖ ﺍﻳﺪﻱ ﺣﺎﻧﻲ ﺟﺴﻤﻲ
ﻭﻧﺪﻗﻴﺖ ﻣﻦ ﺟﺘﻔﻲ
ﻟﺘﻔﺘﺖ ﻟﻨﻪ
ﺛﺎﻣﺮ
---------
ﺳﺠﻰ
ﻓﺘﺮﻩ ﻣﺮﺕ ﺍﻳﺴﺖ ﻣﻦ ﺣﻴﺎﺗﻲ
ﻫﻤﻠﺖ ﺭﻭﺣﻲ
ﺻﺮﺕ ﺟﻠﺪ ﻭﻋﻀﻢ
ﻣﻮﻃﺎﻳﻘﺘﻮ ﺧﻼﺹ
ﻛﺎﺭﺗﻬﺘﻮ
ﻭﻫﻞ ﺷﻲ ﻣﺎﺑﻴﺪﻱ ﻏﺼﺒﺎ ﻋﻨﻲ
ﺧﺎﻟﻪ ﺭﺟﻌﺖ ﺗﺤﺎﺟﻴﻨﻲ ﻭﺍﺭﺩ ﺑﺜﻜﻞ
ﺿﻠﺖ ﻭﺭﺍﻱ ﻭﺭﺍﻱ
ﺳﺠﺎﻭﻱ ﻋﺪﻟﻲ
ﺳﺠﺎﻭﻱ ﺻﺒﻐﻲ ﺷﻌﺮﺝ
ﺣﺪﺭﻱ ﻭﻳﺎﻱ ﻟﻠﺴﻮﻙ ﺍﺷﺘﺮﻱ ﺟﻬﺰﻱ ﺭﻭﺣﺞ ﻣﻦ ﺟﺪﻳﺪ ﻳﻮﻟﻲ ﺷﺒﺎﺏ ﺍﻧﺘﻮ ﺷﻔﺘﻮ ﻣﻦ ﺣﻴﺎﺗﻜﻢ ﺑﻄﻠﻲ ﻋﺎﺩ ﻣﺎﺗﺼﺎﻓﺖ ﻟﻜﻠﻮﺏ ﻳﻮﻟﻲ ﻟﺨﺎﻃﺮﻱ
ﻭﺍﺳﻜﺖ
ﺍﺩﻳﺎﻥ ﺗﺒﺎﻭﻉ
ﺗﻬﺰﻟﻲ ﺑﺮﺍﺳﻪ ﺷﻜﻮ
ﻭﺍﺩﻳﺮ ﻭﻫﺠﻲ
ﺟﺪﻩ ﻛﻞ ﻣﺎﻛﻌﺪﺕ ﻳﻤﻬﺎ ﺧﻀﺖ ﺧﻀﺖ ﺳﺒﺤﺘﻪ ﻓﺮﻛﺘﻪ ﻭﺫﺑﺘﻪ ﺭﻓﻌﺖ ﺍﻳﺪﻩ ﺩﻋﺖ ﻭﻣﺴﺤﺖ ﻋﻠﻰ ﺿﻬﺮﻱ ﻭﺑﻄﻨﻲ
ﻭﺗﺪﻋﻲ
ﻛﻮﻥ ﺍﻟﻠﻪ ﻳﻔﺘﺢ ﺟﺒﺴﺘﺞ
ﻛﻮﻥ ﻳﺮﺯﻗﺞ
ﺑﻠﻜﻲ ﻫﻞ ﺟﺎﻫﻞ ﻳﺼﻠﺢ ﺣﺎﻟﻜﻢ ﺟﺪﻩ ﺍﺷﻮﻓﻜﻢ ﻣﺎ ﻋﻠﻰ ﺑﻌﻀﻜﻢ
ﻭﺍﻧﺼﻲ ﺭﺍﺳﻲ
ﺍﺍﺍﺍﺍﻩ
ﻳﺎ ﺟﺪﻩ ﻟﻮ ﺗﺪﺭﻳﻦ ﻣﺸﻮﻓﺘﻪ ﻧﺠﻮﻡ ﺍﻟﻀﻬﺮ ﺑﻠﻐﺮﻓﻪ
ﺍﻧﺎﻡ ﺑﻠﻜﺎﻉ ﻭﻣﺘﺠﻤﻌﻨﻲ ﺑﻲ ﺑﻜﻠﻤﻪ
ﺍﻭﻝ ﺍﻳﺎﻡ ﺟﺎﻥ ﻣﺎﻣﻬﺘﻢ ﻳﺒﺎﻭﻋﺎﻱ ﺑﺸﻐﻒ ﻭﻟﻬﻔﻪ ﻳﺘﻤﻨﻰ ﻣﻨﻲ ﻟﻨﻀﺮﻩ
ﺑﺲ ﺻﺎﺭ ﺍﻳﺎﻡ ﺷﺎﺩ ﻭﻳﺎﻱ
ﺍﺭﻳﺪ ﺣﻘﻲ
ﻟﻮ ﺗﻤﻮﺕ
ﺳﺠﻰ ﺟﺮﻱ ﻋﺪﻝ ﺟﺜﻴﺮ ﺗﺤﻤﻠﺘﺞ
ﻭﻝ ﺑﻄﻠﻲ ﻣﻦ ﻫﻞ ﺭﺍﺱ ﻟﻴﺎﺑﺲ ﻣﻮ ﺗﺼﺎﻓﻴﻨﻪ ﻋﺎﺩ
ﺍﻧﺖ ﺗﺼﺎﻓﻴﺖ ﻭﻳﻪ ﺭﻭﺣﻚ ﺍﻧﻪ ﻣﺎﺗﺼﺎﻓﻪ ﻭﻳﺎﻙ ﻟﻮ ﺗﻀﻞ ﺑﺲ ﺍﻧﺖ
ﺗﻤﺎﻡ ﺍﺻﺒﺮ ﻋﻠﻴﺞ ﺑﻌﺪ ﺗﺎﺷﻮﻑ ﻭﻳﻦ ﻧﺼﻞ
ﻻﺗﻌﺐ ﻧﻔﺴﻚ
ﺍﻳﺲ ﻭﺍﻏﺴﻞ ﺍﻳﺪﻙ ﻫﻢ
ﻭﻝ ﻣﺼﻜﻮﻋﻪ ﻟﺴﺎﻥ ﺻﺎﻳﺮﻟﺞ
ﺍﻧﻪ ﺍﻋﺮﻑ ﻣﻨﻴﻦ ﻛﻠﻮ ﻣﻦ ﻫﻞ ﻧﻘﺎﻝ ﻟﺤﺎﻃﻪ ﺭﺍﺳﺞ ﺑﻲ ﻃﻮﻝ ﻟﻴﻞ ﻋﻠﻰ ﻳﻮﻡ ﺍﻛﺴﺮﻭ ﻋﻠﻰ ﺭﺍﺳﺞ ﺗﺎﺷﻮﻑ ﻳﺎﻫﻮﻩ ﻳﻌﻴﻠﻨﻲ
ﻣﺠﺎﻭﺑﺘﻪ ﻣﺪﻳﺖ ﻓﺮﺍﺷﻲ ﻃﻔﻴﺖ ﻟﻀﻮﻩ ﻫﻮﻩ ﻭﺍﻛﻒ ﺿﺮﺏ ﻟﻤﻴﺰ ﻭﻃﻠﻊ
ﻣﺪﺩﺕ ﻏﻄﻴﺖ ﺭﺍﺳﻲ ﻭﺭﺟﻌﺖ ﻟﻤﺤﺎﺩﺛﺎﻧﻲ ﻭﻛﻨﻤﺎ ﺍﻟﺪﻛﺘﻮﺭ ﺍﻧﺲ ﺩﺍﻳﻌﺎﻟﺠﻨﻲ ﻣﻦ ﺟﺪﻳﺪ
ﺑﻜﻠﺸﻲ ﺟﻨﺖ ﻣﺤﺘﻔﻀﻪ
ﺃﻳﺎﻡ ﻟﻌﻼﺝ ﺧﻄﻮﻩ ﺑﺨﻄﻮﻩ
ﺩﻭﺭﺍﺕ ﺍﻟﺴﺘﺮﺧﺎﺀ
ﺟﺪﻭﻝ ﺍﻟﺘﻔﺎﺋﻞ
ﺗﻤﺎﺭﻳﻦ ﺍﻟﻘﻨﺎﻋﻪ
ﻣﻮﺍﻋﻴﺪ ﻟﺪﻭﻩ
ﻭﻳﻨﻌﺼﺮ ﻛﻠﺒﻲ ﻣﻦ ﺍﺷﻮﻑ ﻛﻠﻤﻪ ﻟﻤﺤﺘﻮﻯ ﻟﻤﻄﻠﻮﺏ ﻏﻴﺮ ﻣﺘﻮﻓﺮ
ﻣﻮﻋﻦ ﺷﻲ ﺑﺲ ﻣﻤﻨﻮﻧﻴﻪ ﺍﻟﻪ ﺍﻧﻘﻬﺮ
ﺍﻟﺼﻔﺤﻪ ﻣﻐﻠﻘﻪ ﺑﺲ ﺇﺭﺟﺎﻉ ﻟﻤﻨﺸﻮﺭﺍﺕ ﺍﻟﻘﺪﻳﻤﻪ ﻭﺍﻏﻠﺐ ﺍﻟﻨﺸﺮ ﺑﻔﺘﺮﻩ ﻋﻼﺟﻲ
ﺃﻛﺜﺮ ﺍﻟﻮﻗﺖ ﻛﻤﺖ ﺍﻛﻀﻲ ﺑﻬﻞ ﺷﻲ
ﻭﺩﺍﺧﻠﻲ ﺣﺎﻟﻒ ﻣﺎﺍﺭﺿﺦ ﻟﺨﻄﺎﺏ ﺍﺑﺪ
ﺍﻟﻜﻞ ﺟﺎﻥ ﻳﺪﺭﻱ ﻭﻣﻼﺣﻀﻴﻦ
ﻭﺍﻧﻪ ﻣﺎﻣﻬﺘﻤﻪ
ﻣﺎﻣﺎ ﺗﻌﻴﻞ
ﻭﺧﺎﻟﻪ ﺳﺎﻛﺘﻪ ﻭﺍﺳﻤﻌﻬﺎ ﺗﺒﺴﺒﺐ ﻫﻴﻪ ﻭﻳﺎﻩ ﻭﻳﻨﺘﺮ
ﺗﺴﻜﺘﻪ
ﺍﻟﻴﻮﻡ ﻛﺎﻋﺪﻩ ﻭﺟﺖ ﻟﺒﻨﻰ ﺗﺮﻛﺾ ﻭﺗﻔﺰﻉ ﺑﻠﺒﻴﺖ ﻓﻮﺗﺘﻨﻪ ﺍﻧﺬﺍﺭ
ﻛﻠﻨﻪ ﻣﺸﻴﻨﻪ ﻟﺒﻴﺖ ﺟﺪﻩ ﻭﻧﺸﻮﻑ ﺧﺎﻟﻮ ﻓﺎﺭﺱ ﻣﺤﺘﻘﻦ
ﻭﻝ ﺳﺎﻳﻢ ﺍﻟﻠﻪ ﻋﻠﻴﺞ ﻫﺬﺍ ﻭﻛﺘﺞ ﺍﻛﻮ ﻭﺣﺪﻩ ﺟﺎﻱ ﺗﻄﻠﻚ ﺗﻔﺘﺮ ﻣﻦ ﻫﻴﻦ ﻭﻫﻴﻦ
ﺣﺒﻴﺒﻲ ﺩﺻﺒﺮ ﺑﺲ ﺩﺍﺳﻮﻱ ﻣﻤﻪ ﻟﺤﻤﻮﺩﻱ
ﻭﻝ ﻳﺮﺑﺞ ﺍﻟﻒ ﻣﺮﻩ ﺑﻠﺒﻴﺖ ﻳﻌﻨﻲ ﻻﺑﺪ ﺗﺴﻮﻳﻬﺎ ﻳﺎﻟﻪ ﺗﻄﻠﻌﻴﻦ
ﻛﻤﻠﺖ ﻭ ﺍﻟﻠﻪ ﻛﻤﻠﺖ ﻟﺰﻣﻲ ﺳﺠﻰ ﺍﻣﺎﻧﻪ ﻳﺸﺮﺑﻪ ﻛﻠﻬﺎ ﻭﻏﺴﻠﻴﻠﻪ ﻓﺪﻭﻩ ﻭﻧﻴﻤﻲ ﺣﺒﺎﺑﻪ
ﻣﺎ ﻣﺸﻲ ﻣﺎﺷﻲ ﺑﺲ ﺭﻭﺣﻲ
ﻭﺗﻨﺪﺍﺭ ﻋﻠﻰ ﺧﺎﻟﻮ ﻭﺍﻛﻒ ﻣﺘﺨﻮﺻﺮ ﻳﺘﺎﺍﻓﺖ
ﺑﺲ ﺍﺻﻠﻲ ﻟﻌﺼﺮ ﻭﺍﻟﻠﻪ ﺣﺘﻔﻮﺗﻨﻲ
ﻻ ﺍﻟﻪ ﺍﻟﻠﻪ ﺍﻻ ﺍﻟﻠﻪ ﻳﻮﻟﻲ ﺑﻌﺪ ﻣﻌﺎﻟﻴﺠﻲ ﻏﻴﺮﺝ ﻭﺣﺪﻩ ﻫﺴﺎﻉ ﺑﻠﻜﺎﻉ ﺗﺘﺒﺮﻏﺚ
ﺣﺠﻴﻪ ﻣﺎﺗﺤﺎﺟﻴﻪ
ﻭﻟﻴﺪﻱ ﻋﻮﻓﻪ ﺩﺍﻡ ﺍﻟﻠﻪ ﻣﻘﻮﻳﻪ ﻭﺩﻋﺎ ﻳﻮﻟﻮ ﻫﺎﻱ ﻣﻮ ﻣﻦ ﻫﺴﺎﻉ ﺗﻄﻠﻚ ﻭﺭﻭﺡ ﺍﺑﻴﻲ ﻣﻦ ﺍﻟﺼﺒﺢ ﺍﺩﺣﻚ ﺑﻴﻬﺎ ﻭﺍﺟﻔﻪ ﻋﻠﻰ ﻃﺒﺎﺥ ﻭﺗﻠﻮﺏ ﺗﺠﻲ ﻟﻮﻳﻪ ﻛﻌﺪﺕ ﻋﻠﻰ ﻛﺮﺳﻲ ﺭﺍﺣﺖ ﻟﻮﻳﻪ ﻛﺎﻣﺖ ﺑﺰﻟﺖ ﺍﻟﺘﻤﻦ
ﻭﺗﻀﺤﻚ ﺍﺩﻳﺎﻥ ﺗﺴﺤﺐ ﺑﺼﺎﻳﺘﻪ ﻧﺼﺖ ﺑﺎﺳﺖ ﺟﺪﻩ
ﻳﻤﻪ ﺩﻋﻴﻠﻲ
ﻭﻃﻠﻌﺖ ﻟﻠﺒﺎﺏ ﻭﺭﺟﻌﺖ ﺣﻀﻨﺖ ﺍﺣﻤﺪ
ﺧﺎﻟﻮ ﻳﺠﺮ ﺑﻴﻪ
ﻭﻣﺎﻣﺎ ﺗﻠﺒﺲ ﺑﺠﻮﺍﺭﻳﺒﻪ ﻭﺧﺎﻟﻪ ﺗﻨﻔﺾ ﺑﻌﺒﺎﺗﻪ ﻭﺭﺍﺣﻮ
ﻓﺮﻓﺢ ﺍﺣﻤﺪ ﻳﺒﺠﻲ ﻭﺍﻓﺘﺮ ﺑﻲ ﻟﺒﻨﻰ ﻭﻣﺮﻳﻢ ﻣﻦ ﻫﺴﻪ ﺷﺘﻐﻞ ﺧﺒﺎﻟﻬﻦ ﻳﻐﻨﻦ
ﻳﺎ ﺑﻨﺎﺕ ﻳﺎ ﺑﻨﺎﺕ ﻳﺎ ﺑﻨﺎﺕ ﺍﻟﻲ ﻣﺨﻠﻔﺶ ﺑﻨﺎﺕ ﻣﺸﺒﻌﺶ ﻣﻦ ﺍﻟﺤﻨﻴﻪ ﻭﻻﺩﺍﺋﺶ ﺍﻟﺤﻠﻮﻳﺎﺕ
ﺑﺜﻴﻨﻪ ﻟﻜﺘﺎﺏ ﺑﻴﺪﻩ ﺗﺘﻤﺎﻳﻞ ﻭﻓﺎﺕ ﺳﻴﻒ
ﻫﺎﻱ ﺷﻜﻮ
ﺑﺎﺟﻲ ﺗﺎﺗﺠﻴﺐ
ﺍﻟﻠﻪ ﺣﻴﻮﻭﻭ ﻭﺭﺍﺡ ﻧﺰﻳﺪ ﻧﻔﺮ
ﺟﺪﻩ ﺗﻠﻮﺏ ﺩﻛﻠﻪ ﻳﺴﻤﻊ ﻣﻨﻚ ﺍﻟﻠﻪ
ﻭﻛﺎﻣﺖ ﻣﺎﺗﻜﺪﺭ ﺗﻜﻌﺪ ﺑﻠﻜﺎﻉ ﺳﻨﺪﻭﻩ ﻟﺒﻨﺎﺕ ﺣﻄﺖ ﻛﺮﺳﻴﻪ ﺑﻠﻜﺮﺍﺝ ﻭﻛﻌﺪﺕ
ﺳﺎﻋﺘﻴﻦ ﻋﺪﻝ ﻭﻫﻠﻬﻠﺖ ﻟﺒﻨﻰ ﺑﺸﺮﻩ ﺧﺎﻟﻮ ﻓﺎﺭﺱ ﻭﺳﻴﻒ ﺭﻛﻌﻪ ﺑﻠﻜﺮﺳﻲ ﻣﺎﺟﻴﻲ ﺑﻴﻪ ﻛﺪ ﻣﺎ ﻫﻠﻬﻮﻟﺘﻪ ﻋﺎﻟﻴﻪ
ﻭﻓﺎﺕ ﺧﺎﻟﻮ ﻓﺎﺭﺱ ﻋﻴﻨﻲ ﺩﻣﻌﺖ ﻭﺟﻪ ﺩﻡ ﻟﻔﺮﺣﻪ ﺗﺎﺭﺳﺘﻪ ﺍﺩﻳﺎﻥ ﻏﺎﻓﻴﻪ ﻧﺰﻟﻮﻫﻪ ﻋﻠﻰ ﻛﻴﻒ ﻭﺗﻮﺭﺷﻌﻨﺎ ﻣﺎﻣﺎ ﻧﺪﺣﻚ ﺑﻄﻔﻞ
ﺑﻨﻮﺗﻪ ﺑﻴﻀﻪ ﺣﻤﺮﻩ ﺷﻜﺪﻭﺗﻪ
ﺻﺎﺭﺕ ﻣﻦ ﺍﻳﺪ ﻻﻳﺪ ﻭﺻﻔﺖ ﺑﻴﺪ ﺟﺪﻩ ﺗﺮﻗﻲ ﺑﻴﻪ ﻭﺗﺪﺣﻜﻲ
ﻛﻤﻠﺖ ﻭﺗﻨﻬﺪﺕ
ﻳﻤﻠﻲ ﺣﻀﻨﺞ ﻳﻤﻪ
ﻛﻠﻪ ﻛﺎﻟﺖ ﻳﺎﺭﺏ ﻭﺍﻭﻟﻬﻢ ﺧﺎﻟﻪ ﺭﻓﻌﺖ ﺍﻳﺪﻩ ﻭﺍﻧﻲ ﺑﻜﻠﺒﻲ ﺍﺭﺩﺩ
ﺍﻟﻠﻪ ﻻ ﻳﻜﻮﻟﻪ
ﺳﻤﻮﻫﻪ ﺟﻤﺎﻧﻪ
ﻭﺍﺣﻤﺪ ﻳﺤﺮﻣﺺ
ﺑﺲ ﻟﻮ ﻳﻮﺻﻠﻪ
ﻳﺨﻤﺸﻪ
ﺍﻟﻪ ﻳﺎﻛﻠﻪ
ﻭﺣﺎﺿﻨﻪ ﺧﺎﻟﻮ ﻓﺎﺭﺱ ﻭﺍﺩﻳﺎﻥ ﺗﺠﺮ ﺑﻲ ﺗﺤﻀﻦ ﺧﺎﻑ ﻳﻐﺎﺭ ﻟﻮ ﻳﻨﻘﻬﺮ
ﻟﻠﻴﻞ ﻭﻓﺎﺕ ﺧﻄﺎﺏ
ﻣﻨﻜﺮﺯ ﻳﺪﺣﻜﻠﻲ ﺑﻄﺮﻑ ﻋﻴﻨﻪ
ﺷﺎﻑ ﺍﺩﻳﺎﻥ ﻣﺪﺩﻩ ﻭﺧﺎﻟﻮ ﻳﻢ ﺭﺍﺳﻪ
ﺟﻲ ﻛﻌﺪ ﺑﺼﻔﻲ ﺗﻜﻠﻄﺖ ﻟﻴﻢ ﻟﺤﺎﻳﻂ
ﻏﻠﺲ ﻭﺳﻠﻢ ﻋﻠﻰ ﺍﺩﻳﺎﻥ ﻳﺘﺤﻤﺪﻟﻪ ﺑﺴﻼﻣﻪ
ﻋﺎﺩ ﺷﺎﻟﺖ ﺧﺎﻟﻪ ﺟﻤﺎﻧﻪ ﻭﺟﺎﺑﺘﻪ ﺑﺤﻀﻨﻪ ﻣﺎﺭﺿﻪ ﻳﻠﺰﻣﻪ ﻳﻜﻠﻬﻢ ﻣﺎﻋﺮﻑ
ﺑﻄﺮﻑ ﺍﺻﺒﻌﻪ ﻟﺰﻡ ﺧﺪﻩ ﻣﺒﺘﺴﻢ
ﻭﻳﺪﺣﻚ ﺑﻴﻪ ﻣﺎﺷﺎﻝ ﻋﻴﻨﻪ
ﺧﻠﻴﺖ ﻭﻛﻤﺖ ﻟﻠﺒﻴﺖ ﻓﺘﺖ ﻟﻐﺮﻓﺘﻲ ﺟﺮﻳﺖ ﻧﻘﺎﻟﻲ ﻭﻛﻌﺪﺕ ﻓﺘﺤﺖ ﻭﺍﺗﺴﺎﺏ ﺩﺳﺖ ﻋﻠﻰ ﺣﺎﻟﻪ ﻧﻌﺼﺮ ﻛﻠﺒﻲ
ﻛﻞ ﻳﻮﻡ ﺍﻓﻮﺕ ﻋﻠﻰ ﺣﺎﻟﻪ ﺛﺎﻣﺮ ﻭﻛﻞ ﻣﺎ ﺫﻛﺮ ﺁﺧﺮ ﻛﻠﻤﻪ ﻛﺎﻟﻪ ﺍﻟﻲ ﺍﻃﻚ ﺑﺠﻲ
ﺩﻣﻮﻋﻲ ﻧﺰﻟﻮ ﺷﻜﺜﺮ ﻣﺸﺘﺎﻛﺘﻠﻮ
ﺑﺴﺖ ﺻﻮﺭﺗﻪ ﻛﺎﻋﺪ ﺑﻠﻜﻮﻓﻲ ﻭﻳﻤﻪ ﻋﻤﺮ
ﺭﻑ ﻛﻠﺒﻲ ﻳﻌﻨﻲ ﺑﻐﺪﺍﺩ
ﻧﻔﻜﺖ ﺍﻟﺒﺎﺏ
ﻣﺴﺤﺖ ﻭﺟﻬﻲ
ﻭﻓﺎﺕ ﺧﻄﺎﺏ ﻣﺒﺘﺴﻢ
ﺫﺑﻴﺖ ﻟﻨﻘﺎﻝ ﻭﻣﺪﺩﺕ ﻣﻐﻤﻀﻪ
ﺍﺳﻤﻌﻪ ﻳﺘﺤﺮﻙ ﻃﻔﻪ ﻟﻀﻮﻩ ﻭﺗﻘﺮﺏ
ﺣﺴﻴﺖ ﺑﻨﻔﺴﻪ ﻓﺘﺤﺖ ﻣﺪﺩ ﻋﻠﻰ ﻋﻜﺲ ﺍﻳﺪﻩ ﺭﺗﺠﻪ ﺑﻌﺪ ﺷﺒﺮ ﻋﻨﻲ ﻛﻌﺪﺕ ﻟﺤﻴﻠﻲ ﻛﻔﻴﺖ ﻟﻐﻄﻪ ﺗﺎﻛﻮﻡ ﻟﺰﻡ ﻣﻌﺼﻢ ﺍﻳﺪﻱ
ﻧﺘﺮﺗﻪ
ﻛﻌﺪ ﻟﺤﻴﻠﻪ ﻳﺘﻘﺮﺏ ﻭﺑﺘﻌﺪ ﺑﻠﻜﻨﺘﻮﺭ ﻟﻄﺸﺖ
ﻋﻴﻮﻧﻪ ﺳﻠﻬﻤﺖ ﻧﻔﺴﻪ ﻳﻀﺮﺏ ﺑﻮﺟﻬﻲ ﻧﻘﺮﻓﺖ ﺩﻓﻌﺘﻪ
ﻗﻴﺪ ﺍﻳﺪﻱ
ﻭﺧﺮﺭﺭ
ﻭﻝ ﻳﺰﻱ ﻋﺎﺩ
ﻣﺎﻓﻜﻴﺘﻲ
ﻣﺎﺣﻨﻴﺘﻲ
ﺍﺑﺪ ﻭﺍﻟﻠﻪ ﻭﺧﺮ ﻻ ﻳﻄﻠﻊ ﺻﻮﺗﻪ ﺷﻨﻮ ﻛﻞ ﻳﻮﻡ ﻋﻠﻰ ﻫﻞ ﺭﻧﻪ
ﺍﻱ ﻛﻞ ﻳﻮﻡ ﺑﺲ ﺍﻟﻴﻮﻡ ﻏﻴﺮ
ﺍﻟﻴﻮﻡ ﺍﻧﻪ ﻗﺎﻓﻞ ﻋﻠﻴﺞ
ﻳﻮﻟﻲ ﺣﻨﻲ ﻋﻠﻴﺎ ﻋﺎﺩ ﻣﻮﺟﻴﺖ
ﻳﺤﺠﻲ ﻳﺘﻘﺎﻭﻩ ﻭﻳﺎﻱ ﻳﺮﻳﺪ ﺑﺲ ﻳﻮﺻﻞ ﺭﻛﺒﺘﻲ
ﺩﻓﻌﺘﻪ ﻭﺗﺨﺮﻣﺶ ﻣﻦ ﻳﻢ ﺭﻛﺒﺘﻪ ﺗﺨﺒﻞ
ﻛﺒﻞ ﺻﻠﺨﻨﻲ ﺭﺍﺷﺪﻱ ﻋﻠﻰ ﻛﻌﺪﺗﻲ ﺍﺫﻧﻲ ﻃﻨﺖ
ﻓﺸﺮ ﻭﻳﻜﻔﺮ
ﻭﻳﺮﻳﺪ ﻳﺤﻠﻒ ﻟﻮ ﺍﻧﻲ ﻟﻮ ﺍﻧﻨﻲ ﺍﻟﻴﻮﻡ
ﻋﺘﻼﻧﻲ ﻳﻘﺮﺏ ﻭﺍﺧﺮﻣﺶ
ﺩﻣﻴﺖ ﺻﺪﺭﻩ
ﺗﻬﺴﺘﺮﺕ ﻣﺎﺗﺨﻴﻞ ﻳﺘﻘﺮﺏ ﻭﺍﺣﺴﻪ ﻟﻼﻥ ﻗﺬﺭ
ﻭﺍﺗﺨﻴﻞ ﺍﻟﻠﻪ ﻟﻴﻌﻠﻢ ﺷﺴﻮﻩ ﻣﺎﺳﻮﻩ ﻛﻞ ﻫﻞ ﻓﺘﺮﻩ ﻭﻣﻦ ﺳﺎﻓﺮ
ﺍﺫﻳﺘﻪ ﻻﻥ ﺍﺿﺎﻓﺮﻱ ﻃﻮﺍﻝ ﻭﻛﻒ ﺷﻐﻞ ﻟﻀﻮﻩ ﻳﺒﺎﻭﻉ ﻟﺼﺪﺭﻩ ﻛﻠﻪ ﺩﻡ ﻓﺎﻧﻴﺘﻠﻪ ﺑﻴﻀﻪ ﻃﻜﻌﺖ ﺣﻤﺮﻩ ﺍﺩﺣﻚ ﻋﻴﻮﻧﻪ ﺑﻠﻤﺮﺍﻳﻪ ﺗﺠﺪﺡ
ﺭﻛﺾ ﻓﻜﻴﺖ ﻟﺒﺎﺏ ﻭﻃﻠﻌﺖ ﻭﻫﻮﻩ ﻭﺭﺍﻳﻪ ﻳﺼﻴﺢ
ﻟﻮ ﻃﻠﻌﺘﻲ ﺍﺍﺍﺍﺍﺍﻛﺴﺮ ﺭﺟﻠﺞ
ﺧﺎﻟﻪ ﻋﻠﻰ ﺻﻮﺗﻨﻪ ﻃﻠﻌﺖ ﻟﺒﻨﺎﺕ ﻛﻀﺒﻨﺎ ﻭﺧﺎﻟﻪ ﺗﺴﺪ ﺑﻠﺒﻴﺒﺎﻥ ﻭﺗﺮﺩ ﺗﺼﻢ ﺑﺤﻠﻜﻪ ﻭﺗﺎﺷﺮ ﺳﺪﻭ ﻟﺒﻴﺒﺎﻥ ﺗﺼﻴﺢ ﻻﺗﻄﻠﻌﻴﻦ ﺧﺎﻟﻪ ﻭﻛﻞ ﺳﺎﻉ ﻳﻠﻮﺣﻨﻲ ﺑﻀﺮﺑﻪ
ﻣﺎﺳﻤﻌﺘﻠﻬﻢ ﻭﻻﻫﺘﻤﻴﺖ ﻛﻤﺖ ﺍﺻﻴﺢ ﻟﺤﻜﻮﻭﻭﻟﻲ
ﻣﺎﺍﺍﻣﻤﻤﻤﻤﻤﻤﻤﻤﻤﻤﺎ
ﺧﺎﻟﻮﻭﻭﻭﻭﻭﻭﻭ
ﻭﺗﺼﻢ ﺑﺤﻠﻜﻲ
ﺭﺣﺘﻠﺞ ﻓﺪﻭﻩ ﻳﺎﺑﻌﺪ ﺧﺎﻟﺘﺞ ﻻﺗﺴﻮﻳﻠﻨﻪ ﺳﺎﻟﻔﻪ ﺑﻬﺬﺍ ﺍﻟﻴﻞ
ﺧﺎﻟﻪ ﻋﻔﻴﻪ ﻫﺪﻳﻨﻲ
ﻭﻓﻜﻴﺖ ﻟﺒﺎﺏ ﺭﻛﻀﺖ ﺣﺎﻓﻴﻪ ﻟﺒﻴﺖ ﺍﻫﻠﻲ ﻓﺘﺖ ﺩﻓﻌﺖ ﺑﺎﺏ ﻟﻤﻄﺒﺦ ﻃﻠﻊ ﻣﺼﻄﻔﻰ ﻣﻦ ﻟﺪﻳﻮﺍﻧﻴﻪ ﺭﻛﻀﺖ ﺻﺮﺕ ﻭﺭﺍﻩ ﺍﺑﺠﻲ ﻛﻞ ﻗﻮﺗﻲ ﻭﻟﺒﻨﻰ ﻋﻠﻰ ﺻ
ﻮﺗﻲ ﻃﻠﻌﺖ ﻭﺟﺘﻲ ﻣﺎﻣﺎ ﻭﺧﺎﻟﻪ ﺗﺠﺮ ﺑﺨﻄﺎﺏ ﻳﻢ ﻟﺒﺎﺏ ﺗﺮﻳﺪ ﺗﺎﺧﺬﻩ ﻟﺒﻴﺘﻬﻢ ﻭﻫﻮﻩ ﻳﺼﻴﺢ
ﻭﻳﻐﻠﻂ
ﺷﻜﻮ ﺷﻜﻮ
ﻳﺴﺌﻠﻮﻥ ﻣﺎﺟﺎﻭﺏ ﺑﺲ ﺍﺷﻬﻚ
ﺳﻤﻌﺖ ﺣﺲ ﺧﺎﻟﻮ ﺩﻳﻄﻠﻊ ﻣﺼﻄﻔﻰ ﻛﻀﺒﺖ ﺍﻳﺪﻩ
ﺻﻴﺢ ﺧﺎﻟﻮ ﺍﺭﻳﺪﻩ
ﻫﺰ ﺭﺍﺳﻪ ﻭﻃﻠﻊ
ﺷﻮﻳﻪ ﻭﻋﻠﻪ ﻟﺼﻮﺕ ﺧﻄﺎﺏ ﺧﺮﻁ ﻛﻠﺸﻲ
ﻣﺘﺨﺎﻑ ﺍﻟﻠﻪ
ﻣﺘﺮﻳﺪﻧﻲ
ﻣﺎ ﻗﺎﻳﻤﻪ ﺑﻮﺍﺟﺒﻲ
ﺷﻬﻮﺭ ﺍﺗﻮﺳﻞ ﺑﻴﻪ
ﻳﺨﺮﻁ ﻳﺨﺮﻁ ﺻﻔﻨﻮ
ﻣﺎﻣﺎ ﻣﺨﻨﺰﺭﻩ ﻋﻠﻴﺎ
ﻣﺼﻄﻔﻰ ﻣﻨﺼﻲ ﻳﺘﻨﻔﺲ ﺳﺮﻳﻊ ﻣﺘﺨﻮﺻﺮ
ﺧﺎﻟﻮ ﻳﺒﺎﻭﻋﻠﻲ ﺑﺤﻖ
ﻭﺧﻄﺎﺏ ﻳﻔﺘﺢ ﺑﺼﺪﺭﻩ
ﺷﻮﻓﻮ ﺷﻮﻓﻮ ﻻﻥ ﺭﺩﺗﻪ ﺷﺸﺸﺴﻮﺕ
ﺍﺳﻤﻊ ﻭﺷﻲ ﺑﺪﺍﺧﻠﻲ
ﻳﺼﺮﺥ
ﻛﺎﻓﻲ
ﻛﺎﻓﻲ
ﺑﻄﻠﻲ
ﺧﻮﻑ
ﺑﻄﻠﻲ
ﺟﺒﻦ
ﺷﻮﻓﻲ ﻻﻥ ﻳﺤﺠﻲ ﻛﻠﻪ ﺑﻀﻬﺮﻩ
ﻭﺍﻧﺘﻲ ﺟﻴﻒ ﺳﺎﻛﺘﻪ ﻛﻠﻪ ﺿﺪﺝ
ﻟﻤﺮﻩ ﻭﺣﺪﻩ ﺻﻴﺮﻱ ﻣﺮﻩ
ﺩﺍﻓﻌﻲ
ﺍﺣﺠﻲ
ﺍﺧﺬﻱ ﺣﻜﺞ
ﻭﻧﻔﺠﺮﺕ
ﺍﺻﻴﺢ
ﻛﺎﺍﺍﺍﺍﺍﺍﺍﻓﻲ
ﻛﺎﺍﺍﺍﺍﻓﻲ
ﻟﺠﺪﺍﻣﻜﻢ ﺟﺜﻴﺮ ﺩﺍﺱ ﺑﻄﻨﻲ
ﻃﻌﻨﻲ
ﻫﺪﺩﻧﻲ
ﺣﺘﻰ ﺧﻄﻒ ﺧﻄﻔﻨﻲ
ﻫﺪﻭﺀ ﺻﺎﺭ ﻟﺮﻋﻴﺪ ﻣﺎﻟﻪ ﻭﻛﻒ
ﻓﻚ ﻛﻞ ﻋﻴﻨﻪ ﻳﺒﻠﻊ ﺑﺮﻳﻜﻪ
ﻭﻛﻤﻠﺖ
ﻣﺨﻠﻴﺖ
ﻛﻠﻤﻪ ﻛﻠﻤﻪ ﺣﺠﻴﺖ
ﺣﺮﻑ ﺑﺤﺮﻑ
ﻭﺭﻛﻀﺖ ﻟﻠﻘﺮﺍﻥ ﻃﺒﻴﺘﻪ
ﻭﺗﺮﺍﺟﻊ ﺧﻄﻮﻩ ﻟﻴﻮﺭﻩ
ﺟﺮﻩ ﺧﺎﻟﻮ ﻓﺎﺭﺱ
ﺻﺤﻴﺢ ﻫﻞ ﻛﻼﻡ
ﻧﺘﺮ
ﻣﺮﺗﻲ
ﻣﺮﺗﻲ
ﻣﻌﻠﻴﻜﻢ ﻷﺣﺪ ﻳﺪﺧﻞ
ﻭﻫﺠﻢ ﻣﺼﻄﻔﻰ
ﺷﻜﺪ ﻫﺎﺩﻯ
ﺷﻜﺪ ﺛﻜﻴﻞ
ﺷﻜﺪ ﺭﺯﻥ
ﺷﻜﺪ ﻣﺘﻔﺎﻫﻢ
ﺑﺲ ﻓﻘﺪ
ﻧﺎﻡ ﻋﻠﻰ ﺧﻄﺎﺏ ﻟﺒﻴﺖ ﻛﻠﻪ ﻳﺮﻳﺪ ﻳﻔﻜﻪ ﻣﻦ ﺍﻳﺪﻩ ﻣﺎﻛﺪﺭﻭ
ﺭﻏﻢ ﻫﺬﺍ ﺷﻲ ﺑﻴﻪ ﺑﺮﺩ
ﻣﺎﻣﺎ ﻛﻌﺪﺕ ﺑﻠﻜﺎﻉ ﺧﻨﻄﻞ ﺟﺴﻤﻪ ﻭﺧﺎﻟﻪ ﺗﺪﺍﻓﻊ ﻟﺒﻨﻪ ﺗﻔﺎﻛﻚ
ﻗﻄﺮﻩ
ﻗﻄﺮﻩ ﻣﺎﺧﻔﺖ ﻣﻨﻴﻦ ﺍﻟﻠﻪ ﺣﻂ ﺑﻴﻪ ﻟﻘﻮﻩ ﻣﺎﺩﺭﻱ ﺷﻠﻮﻥ ﺗﺤﺠﺮ ﻛﻠﺒﻲ ﻫﻴﺞ ﻓﺠﺎﻩ ﻣﺎﺩﺭﻱ
ﻋﻠﻰ ﻛﺎﻭﻧﺘﺮ ﻧﻘﺎﻝ ﻟﺒﻨﻰ ﺟﺮﻳﺘﻪ
ﻭﺩﻛﻴﺖ ﻟﺜﺎﻣﺮ ﺩﻛﺘﻴﻦ
ﻭﻛﺎﻝ ﻫﻼ ﻟﺒﻮﻧﻪ
ﺑﺠﻴﺖ
ﺳﻜﺖ
ﻭﻫﻤﺴﺖ ﻣﻴﺘﻪ ﺑﺠﻲ
ﺛﺎﻣﺮ ﻟﺤﻜﻠﻲ ﺧﻄﺎﺏ ﻓﻴﻦ ﺣﻀﻲ
ﻛﻠﺘﻪ ﻭﻧﺴﺪ
ﺿﺮﺑﺖ ﺭﻭﺣﻲ ﺍﻟﻒ ﻣﺮﻩ
ﻣﺘﺖ ﻗﻬﺮ
ﻣﻬﺘﻢ
ﻣﻌﺒﺮﻧﻲ
ﻋﺎﺩﻱ ﻋﻨﺪﻩ ﻋﺎﺩﻱ
ﻭﻧﺠﺮ ﻣﺼﻄﻔﻰ ﺑﻴﺪ ﻟﺒﻨﻰ ﻭﺳﻴﻒ ﻓﻮﺗﻮﻩ ﺳﺪﺩﻭ ﺑﺎﺏ ﻟﺪﻳﻮﺍﻧﻴﻪ ﻋﻠﻴﺎ ﻭﺧﻄﺎﺏ ﻧﻮﺧﺬ ﻟﺒﻴﺘﻬﻢ
ﺧﺎﻟﻮ ﺗﻘﺮﺏ ﺣﻀﻨﻲ ﻟﻤﻴﺖ ﺭﻭﺣﻲ ﻣﻐﻄﻴﻪ ﻭﺟﻬﻲ ﻭﺍﻫﺬﻱ ﺑﻜﻞ ﻟﺴﻮﺍﻩ ﺑﻴﻪ ﺑﻴﻮﻡ ﻟﺮﺟﻌﻨﻲ
ﻏﻤﺾ ﻗﺎﺑﺾ ﺍﻳﺪﻩ ﺩﻣﺎﺭﺍﺗﻪ ﺑﺮﺯﺕ
ﺻﺎﺡ ﺑﻠﺒﻨﻰ
ﻛﻮﻣﻴﻬﺎ ﻏﺴﻠﻴﻠﻬﺎ ﺧﻞ ﺗﺒﺎﺕ ﻫﻴﻦ ﻭﻟﺼﺒﺎﺡ ﺭﺑﺎﺡ
ﺑﻌﺪﺕ ﻟﺒﻨﻰ ﻭﻛﻤﺖ ﻭﻛﻔﺖ ﺍﻏﺴﻞ ﻭﻣﺎﻣﺎ ﻭﺭﺍﻳﻪ
ﺷﻮﻥ ﻫﻴﺞ ﺗﻀﻤﻴﻦ
ﺷﻠﻮﻥ ﺗﺴﻜﺘﻴﻦ
ﻭﻧﺘﺮﺕ
ﻛﻠﻠﻠﻠﻠﻠﻠﻠﻪ ﻣﻨﻜﻢ ﻛﻠﻪ ﻣﻨﻜﻢ
ﺗﺘﺬﻛﺮﻳﻦ ﻟﻮ ﻻ ﺷﺴﻮﻳﺘﻮ ﺑﻴﻪ
ﻭﺍﻟﻠﻪ ﻭﺍﻟﻠﻪ ﻟﻴﺘﻘﺮﺏ ﻣﻨﻲ ﺑﻌﺪ ﻻﻛﺘﻠﻪ ﻟﺮﻭﺣﻲ
ﻓﺎﺗﺖ ﺧﺎﻟﻪ ﻣﻨﺼﻴﻪ ﺭﺍﺳﻪ ﻟﺰﻣﺘﻪ ﻣﺎﻣﺎ
ﻟﻴﻠﻰ ﺍﺣﺠﻲ ﻫﺎﻱ ﺍﺑﻨﺞ ﺷﻤﺴﻮﻱ
ﺩﻧﻜﺖ ﺗﺤﺠﻲ ﻋﻴﻨﻪ ﻣﺮﻓﻌﺘﻪ
ﻛﺎﻟﺖ
ﺍﻧﻲ ﻛﺘﻠﻪ ﺍﺭﺟﻌﻲ ﻭﻟﻮ ﻋﺎﻝ ﻋﻠﻴﺞ ﻟﻄﺒﻚ ﻭﻳﺎﺝ ﻋﻠﻴﺎ ﻭﻫﺴﺎﻉ ﺍﺑﻨﻲ ﻋﺎﻳﻞ ﻣﺎﻟﻲ ﻛﻠﻤﻪ ﺑﻌﺪ
ﺍﻣﺴﺤﻴﻬﺎ ﺑﻮﺟﻬﻲ ﻳﺨﺘﻲ
ﻋﻔﺘﻬﻢ ﻭﻓﺘﺖ ﻛﻌﺪﺕ ﻭﻟﺒﻨﻰ ﺍﻛﻠﺖ ﺭﺍﺳﻲ
ﻟﺠﺒﺎﻧﻪ
ﻟﻌﻮﺑﻪ
ﻟﻔﺎﻫﻴﻪ
ﻫﺬﺍ ﻟﻨﺺ ﺭﺩﺍﻥ ﻫﻴﺞ ﻳﺴﻮﻱ ﺑﻴﺞ
ﻭﻫﺰ ﺑﺮﺍﺳﻲ ﻣﻴﺴﻮﻭﻭﻱ ﺑﻌﺪ ﻣﻴﺴﻮﻱ
ﺳﺎﻋﻪ ﻭﻧﺺ ﺇﻟﻰ ﺳﺎﻋﺘﻴﻦ ﻭﻟﺒﻴﺖ ﻛﻠﻪ ﻳﻨﺼﺪﻡ ﺑﻔﻮﺗﺖ ﺛﺎﻣﺮ
ﻻ ﺳﻼﻡ
ﻻ ﻛﻼﻡ
ﻋﺪﻝ ﻭﻛﺒﻞ ﺟﻴﻲ ﻋﻠﻴﻪ ﺷﻔﺘﻪ ﺷﻜﻮ
ﻗﻬﺮ ﺷﻜﻮ ﺑﺠﻲ
ﺷﻜﻮ ﺩﻣﻮﻉ ﻃﻠﻌﺖ
ﺣﻀﻨﻲ
ﺣﻴﻞ ﺟﻠﺒﺖ ﺑﻲ ﺍﺭﺩﺩ
ﻟﻴﺶ ﻋﻔﺘﻨﻲ ﻟﻴﺸﺸﺶ
ﻭﻳﺮﺩﻧﻲ
ﺍﻳﻬﻮ ﻋﺎﻓﺞ
ﺍﻳﻬﻮ ﺧﻼﺝ
ﻭﺝ ﺭﻭﺣﻲ ﺍﻧﻨﻲ ﺭﻭﺣﻲ
ﺍﻛﻮ ﻭﺍﺣﺪ ﻳﻌﻮﻑ ﺭﻭﺣﻮ
ﻟﻌﺎﻑ ﻟﺪﻧﻴﺎ ﻟﺠﻠﺞ ﺗﺘﻮﻗﻌﻴﻦ ﺑﺼﻌﺐ ﻟﻀﺮﻭﻑ ﻳﻌﻮﻓﺞ
ﻭﺝ ﺟﻴﺖ ﺍﻣﻮﺕ
ﺟﻴﺖ ﺍﻧﺪﻋﻢ
ﺳﻮﻳﺖ ﻃﺮﻳﻖ ﺑﻐﺪﺍﺩ ﺷﺒﺨﻪ ﻭﺣﺪﻩ ﻭﺟﻴﺘﺞ
ﻳﺤﺠﻲ ﻭﺍﻗﻮﻩ
ﺍﻧﺘﺮﺱ ﻗﻮﻩ
ﻭﺍﻧﻤﻠﻲ ﺭﺍﺣﻪ
ﻣﻨﻴﻦ ﺍﺧﺎﻑ ﻣﻨﻴﻦ ﻭﺫﺍﻙ ﻟﺒﻴﺖ ﻛﻠﻪ ﺍﻟﻪ ﺷﺎﻟﻮ ﻣﻦ ﻓﻮﻙ ﺧﻄﺎﺏ
ﻭﻫﺬﺍ ﻣﻦ ﺁﺧﺮ ﻟﺪﻧﻴﺎ ﺟﺎﻧﻲ ﻭﻧﺴﻰ ﺣﺘﻰ ﻛﻠﻤﺘﻪ
ﺣﺘﻰ ﺯﻋﻠﻪ
ﺭﻓﻊ ﺭﺍﺳﻲ ﺑﻴﺪﻩ ﺟﻠﺒﺖ ﺑﺪﻳﻪ ﻣﻨﺎ ﻭﻣﻨﺎ
ﺻﺎﻛﻪ ﻋﻠﻰ ﺳﻨﻮﻧﻲ
ﻳﻤﺴﺢ ﺑﺪﻣﻮﻋﻲ
ﻣﺎﻣﺎ ﺗﻌﺾ ﺑﺸﻔﺘﻪ ﻭﺭﺍﻳﻪ
ﻫﺰﻳﺖ ﺭﺍﺳﻲ
ﻣﺎﺳﻜﺖ
ﻟﻴﻮﻡ ﻟﻴﻮﻡ ﺍﺣﺠﻲ ﻛﻠﺸﻲ
ﻏﺮﻏﺮﺕ ﻋﻴﻨﻪ ﺍﺣﺠﻲ ﺍﺣﺠﻲ ﻭﺍﻧﻪ ﺍﺧﻮﺝ
ﺿﻤﻴﺖ ﺭﺍﺳﻲ ﺑﺼﺪﺭﻩ ﻭﻋﺪﺕ ﻛﻞ ﻟﺤﺠﻲ ﻟﻨﺺ ﻭﺩﻓﻌﻨﻲ ﻭﻃﻠﻊ ﻃﺎﻳﺮ
ﺻﻤﻴﺖ ﺍﺫﻧﻲ ﻣﻦ ﻟﺼﺎﻳﺢ ﻟﺒﺮﻩ
ﻟﻄﻮﻝ ﺑﻠﺮﺑﻊ ﺳﺎﻋﻪ
ﻭﺻﺎﺡ ﺧﺎﻃﺐ ﻛﻞ ﺣﺴﻪ
ﺍﺍﺍﺑﻌﺪ ﻣﻨﻲ ﺍﺍﺍﺑﻌﺪ ﻭﻟﻴﺎ ﺧﻮﻣﺎ ﻭﻟﻴﺎ ﻣﻦ ﺍﻧﻌﻞ ﻟﻴﻮﻡ ﻟﻨﺎﺳﺒﺘﻜﻢ ﺑﻲ ﻋﻤﻲ ﺍﺧﺘﻜﻢ
ﻃﺎﻟﻠﻠﻠﻠﻠﻠﻠﻠﻠﻠﻠﻠﻚ ﻃﺎﺍﺍﺍﺍﺍﺍﻟﻚ ﻃﺎﺍﺍﺍﺍﺍﺍﺍﻟك
ﻳﺘﺒﺒﺒﻊ