ﻣﺸﻬﺪ ﻣﻦ ﻣﺴﺘﻘﺒﻞ ﺍﻟﺠﺰﺀ ﺍﻟﺜﺎﻧﻲ
#لهفة_روح_ج٢
رفل الكناني
ﻣﺴﺎﺀ ﺍﻟﺨﻴﺮ
#لهفة_عاشق.
،،،،،،،،،،،،
ﻋﺸﻨﻪ ﻋﻠﻰ ﺍﻷﻣﻞ ﻭﺍﻟﻘﺎﻝ ﻭﺍﻟﻘﻴﻞ
ﻭﻛﺘﺒﻨﻪ ﻣﻦ ﺍﻟﺼﺒﺮ ﻛﻮﻣﺔ ﻣﻮﺍﻭﻳﻞ
ﻭﻓﺘﺤﻨﻪ ﺍﻛﻠﻮﺑﻨﻪ ﻟﻠﺮﺍﺡ ﻭﺍﻟﺠﺎﻱ
ﻧﻀﺤﻚ ﻣﻦ ﻏﺼﺐ ﻭﺩﻣﻮﻋﻨﻪ ﺍﺗﺴﻴﻞ
ﺗﻮﺳﺪﻧﻪ ﺍﻟﺤﺰﻥ ﺑﻔﺮﺍﺵ ﺍﻟﻬﻤﻮﻡ
ﻭﻛﺢ ﻃﺒﻊ ﺍﻟﻮﻛﺖ ﺑﺠﺮﻭﺣﻨﻪ ﺍﻳﻌﻴﻞ
ﺗﻌﻮﺩﻧﻪ ﻋﻠﻪ ﻛﻠﻤﺔ ( ﺑﺎﺟﺮﺗﻬﻮﻥ )
ﻭﻛﻀﻴﻨﻪ ﺍﻋﻤﺎﺭﻧﻪ ﺍﺑﻌﺰ ﻭﺗﻮﺍﺻﻴﻞ
ﺭﺍﺿﻴﻦ ﺍﺑﺨﺒﺰﻧﻪ ﺍﻧﻐﻤﺲ ﺃﺩﻣﻮﻉ
ﻭﺃﺫﺍ ﺭﺍﻳﺪ ﺑﻌﺪ ﻣﻦ ﺩﺍﺭﻧﻪ ﺍﻧﺸﻴﻞ
ﺍﻧﻄﻴﻌﻚ ﻳﺎﻭﻛﺖ ﺑﺲ ﻛﻮﻝ ﺷﺘﺮﻳﺪ
ﻷﻥ ﻋﻨﺪﻙ ﻋﻘﻞ ﻭﺍﺣﻨﻪ ﺃﻟﻤﺨﺎﺑﻴﻞ
،،،،،،،،،،،،،
ﺍﺩﻳﺎﻥ ..... ﺭﺟﻌﺖ ﻣﻦ ﺍﻟﺸﻐﻞ ﺻﻌﺪﺕ ﺍﻟﺪﺭﺝ ﻻﻛﺎﻧﻲ ﺣﺎﺭﺱ ﺍﻟﻌﻤﺎﺭﻩ
ﺑﻨﺘﻲ ﺷﻮﻧﺞ ﺍﻟﻴﻮﻡ ﺗﺎﺍﺧﺮﺗﻲ
ﻫﻼ ﺑﻴﻚ ﻋﻤﻮ ﺍﻱ ﻭﺍﻟﻠﻪ ﺍﻟﻴﻮﻡ ﺧﻤﻴﺲ ﺿﻠﻴﺖ ﺍﻛﺘﺮ ﻛﻢ ﺷﻐﻠﻪ ﻭﺗﺎﺧﺮﺕ ﺧﻴﺮ ﺻﺎﻳﺮ ﺷﻲ
ﺍﻱ ﺍﺟﻪ ﻫﺬﺍ ﺍﻟﺮﺟﺎﻝ ﺍﻟﺠﺎﺀ ﺫﺍﻙ ﺍﻟﻴﻮﻡ ﺳﺌﻞ ﻋﻠﻴﻜﻢ ﻭﻣﻨﻄﻴﺘﻪ ﻧﺸﺪﻩ ﺑﺲ ﻫﻮﻩ ﻟﺰﻛﻪ ﺿﻞ ﺭﺍﻳﺢ ﺟﺎﻱ ﺗﺎﻟﻲ ﺣﻤﺮﺕ ﻋﻴﻨﻲ ﻋﻠﻴﻪ ﺍﻟﻪ ﺩﺍﺭ ﻭﺟﻪ ﻭﺭﺍﺡ
ﺍﻭﻑ ﺍﻳﺎﺩ ﺷﻨﻮ ﻣﻦ ﺑﺸﺮ ﻭﺍﻟﻠﻪ ﻛﺮﻫﻨﻲ ﺑﺤﻴﺎﺗﻲ
ﺟﺮﻳﺖ ﻧﻔﺲ ﻧﺼﻴﺖ ﺭﺍﺳﻲ ﻭﺭﻓﻌﺘﻪ
ﻫﺎﻫﻴﻪ ﻋﻤﻮ ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﺍﻧﻲ ﺍﺗﺼﺮﻑ
ﻫﺰ ﺭﺃﺳﻪ ﻣﻘﺎﻧﻊ ﺟﺮ ﻛﺮﺳﻴﻪ ﻭﻛﻌﺪ ﺻﻌﺪﺕ ﺍﻟﺪﺭﺝ ﺷﻲ ﺑﺪﺍﺧﻠﻲ ﺷﺘﻌﻞ ﺷﻠﻮﻥ ﻭﻳﻪ ﺍﻳﺎﺩ ﻫﺬﺍ ﺍﻟﻪ ﻳﺴﻮﻟﻲ ﻣﺼﻴﺒﻪ ﺍﻟﻪ ﻳﻔﻚ ﻣﻨﻲ ﻳﺎﺧﻪ
ﻓﺘﺤﺖ ﺑﺎﺏ ﺍﻟﺸﻘﻪ ﻋﻠﻜﺖ ﺍﻟﻤﻔﺘﺎﺡ ﻭﺷﻐﻠﺖ ﺍﻻﺿﻮﻳﻪ ﻛﻌﺪﺕ ﺣﻴﻠﻲ ﻣﻬﺪﻭﺩ ﺭﺟﻴﺖ ﺭﺍﺳﻲ ﻋﻠﻰ ﺍﻟﺘﺨﻢ ﻣﻐﻤﻀﻪ ﺿﺎﻳﻌﻪ ﺍﻓﻜﺎﺭﻱ ﻣﺘﺼﺎﺭﻋﻪ ﻟﺤﺪ ﻣﺘﻌﺒﺖ ﻭﺩﺍﺣﺲ ﻃﺎﻗﺘﻲ ﺩﺗﻨﻔﺬ ﻭﻧﻔﺲ ﺍﻟﻮﻛﺖ ﻣﺎﺭﻳﺪ ﺍﺧﺬﻝ ﺭﻭﺣﻲ
ﺍﻧﻲ ﻗﻮﻳﻪ
ﺍﺻﺒﺮﻱ ﺍﺩﻳﺎﻥ ﻭﻛﻤﻠﻲ ﻟﺒﺪﻳﺘﻲ ﺑﻲ
ﻻﺗﺘﻨﺎﺯﻟﻴﻦ
ﻻﺗﺨﺬﻟﻴﻦ ﺭﻭﺣﺞ ﻭﺗﻨﺰﻟﻴﻬﺎ
ﺟﺮﻳﺖ ﻧﻔﺴﺖ ﻣﺘﻨﻬﺪﻩ ﻓﺰﺯﻧﻲ ﻓﻮﻧﻲ ﺍﺫﻥ ﺍﻟﻌﺸﺎ
ﻭﻛﻔﺖ ﺫﺑﻴﺖ ﺍﻟﻜﻮﺕ ﻭﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻟﺒﺴﺖ ﺍﺯﺍﺭﻱ ﻭﺑﺪﻳﺖ ﺍﺻﻠﻲ
ﺭﺑﻊ ﺳﺎﻋﻪ ﺑﻴﻦ ﺻﻼﻩ ﺍﻟﻤﻐﺮﺏ ﻭﺍﻟﻌﺸﺎﺀ ﺳﺘﻐﻔﺮﺕ ﻭﺩﻋﻴﺖ ﻛﻮﻣﻪ ﺍﻟﻠﻪ ﻳﺮﺷﺪﻧﻲ ﻭﻳﻄﻠﻌﻨﻲ ﻣﻦ ﺍﻻﻧﻲ ﺑﻲ ﻭﺫﺑﻴﺖ ﻛﻞ ﺣﻤﻮﻟﻲ ﻋﻠﻰ ﺍﻟﻠﻪ ﺗﺎﻟﻲ ﻛﻤﺖ ﻟﻔﻴﺖ ﺍﻟﺴﺠﺎﺩﻩ ﻭﺭﺣﺖ ﻟﻠﻤﻄﺒﺦ
ﻭﻛﻔﺖ ﻣﻐﻤﻀﻤﻪ
ﻛﻠﺸﻲ ﺑﻴﻪ ﻣﻠﻴﺎﻥ ﺍﻟﻠﻢ
ﻛﻠﺸﻲ ﺑﻴﻪ ﻣﺘﺮﻭﺱ ﻗﻬﺮ ﻭﺍﻣﺸﻲ ﻣﻦ ﻻﺟﺎﺭﻩ
ﻧﻔﺴﻲ ﻣﻤﺮﻭﺩﻩ ﻭﺭﻭﺣﻲ ﻃﺎﻓﺮﻩ ﻣﻦ ﻛﻠﺸﻲ ﺑﺲ ﺷﺴﻮﻱ ﺍﻣﻮﺗﻪ؟
ﻣﺴﺘﺤﻴﻞ ﻻﺯﻡ ﺍﻛﻤﻞ ﻟﺒﺪﻳﺘﻪ
ﺷﻲ ﺑﺪﺍﺧﻠﻲ ﻳﻤﻨﻌﻨﻲ ﺍﺭﺿﺦ ﻟﻼﻣﺮ ﺍﻟﻮﺍﻗﻊ ﻭﻳﺼﺮﺥ
ﺍﻧﻲ ﻗﻮﻳﻪ
ﺍﻱ ﺍﻧﻲ ﻗﻮﻳﻪ
ﺍﻫﺰ ﺑﺮﺍﺳﻲ ﺍﻗﻨﻊ ﺑﺮﻭﺣﻲ ﺍﺗﺤﺮﻙ ﺍﺧﻔﻲ ﻛﻠﺸﻲ ﻳﻤﻜﻦ ﺍﻛﺬﺏ ﻋﻠﻰ ﻧﻔﺴﻲ ﻟﻮ ﺩﺍﻭﻫﻤﻪ ﻣﺎﻋﺮﻑ
ﻓﻜﻴﺖ ﺍﻟﺜﻼﺟﻪ ﻃﻠﻌﺖ ﺍﻟﺼﻤﻮﻥ ﺣﻤﻴﺘﻪ ﺑﻠﻤﺎﻳﻜﺮﻭ
ﺷﻐﻠﺖ ﺍﻟﻐﻼﻳﻪ ﻓﻮﺭﺕ ﺍﻟﻤﻲ ﻭﺣﻀﺮﺕ ﻛﻼﺹ ﺧﻠﻴﺖ ﺍﻟﺸﻜﺮ ﺗﻮﻧﻲ ﺍﻓﺘﺢ ﻛﻴﺲ ﺍﻟﺠﺎﻱ ﻧﺪﻙ ﺍﻟﺠﺮﺱ ﺭﻧﻪ ﻭﺭﻩ ﺭﻧﻪ ﺫﺑﻴﺖ ﻛﻠﺸﻲ ﻭﺭﻛﻀﺖ ﺍﺑﺎﻭﻉ ﻣﻦ ﺍﻟﻌﻴﻦ ﺍﻟﺴﺤﺮﻳﻪ ﺍﻳﺎﺩ
ﻗﺒﻀﺖ ﺍﻳﺪﻱ ﺩﺍﺧﻠﻲ ﻳﺮﺟﻒ ﻣﻦ ﺷﻜﻮﻟﻪ ﺗﻠﻔﺘﺖ ﻣﺎﻋﺮﻑ ﺷﺴﻮﻱ ﻏﻴﺮ ﻣﺸﻴﺖ ﺳﺮﻳﻊ ﻓﻜﻴﺖ ﺍﻟﺸﺒﺎﺝ ﺭﺩﺕ ﺍﺻﻴﺢ ﺍﻟﺤﺎﺭﺱ ﻣﻠﻜﻴﺘﻪ
ﺍﻟﺠﺮﺱ ﺭﻧﻪ ﻭﺭﻩ ﺭﻧﻪ ﺗﻠﻔﺖ ﺃﻋﺼﺎﺑﻲ ﺟﺮﻳﺖ ﺍﺯﺍﺭﻱ ﻟﺒﺴﺘﻪ ﻭﺑﻜﻞ ﻏﻀﺐ ﻓﻜﻴﺖ ﺍﻟﺒﺎﺏ ﻣﺨﻨﺰﺭﻩ ﺗﻮﻧﻲ ﺍﺣﺠﻲ ﺗﻠﻔﺖ ﻣﺮﺗﻴﻦ ﻭﺧﻄﻪ ﺧﻄﻮﻩ ﻭﺣﺪﻩ ﺩﻳﻔﻮﺕ ﺩﻓﻌﺘﻪ ﻛﻞ ﻗﻮﺗﻲ
ﺷﻌﺪﻧﻚ ﺟﺎﻱ ﺍﻣﺸﻲ ﻭﻟﻲ ﻣﻨﺎ
ﺍﺩﻳﺎﻥ ﻻﺗﺴﻮﻳﻦ ﻫﻴﺞ ﻋﻴﺐ ﻋﻠﻴﺞ ﺍﻧﻲ ﺍﺑﻦ ﻋﻤﺞ ﺧﻞ ﻧﻔﻮﺕ ﻧﺘﻔﺎﻫﻢ
ﻋﻠﻰ ﺷﻨﻮﻭ ﻧﺘﻔﺎﻫﻢ ﺷﻌﻨﺪﻱ ﻭﻳﺎﻙ ﺍﻧﻲ ﺑﺎﺑﺎ ﺍﺻﺤﻪ ﻋﻠﻰ ﺭﻭﺣﻚ ﺍﻧﻲ ﻣﻮ ﺍﺩﻳﺎﻥ ﻟﻘﺪﻳﻤﻪ ﻗﺴﻤﺎ ﺑﺎﻟﻠﻪ ﻭﻛﺘﺒﻪ ﺍﺫﺍ ﻣﺮﺣﺖ ﻣﻨﺎ ﻫﺴﻪ ﺍﺻﻴﺢ ﻭﺍﻟﻢ ﻋﻠﻴﻚ ﺍﻟﻌﺎﻟﻢ ﻛﻠﻪ
ﻭﺍﻟﻠﻪ ﻋﻴﺐ ﻋﻠﻴﺞ ﻟﻴﺴﻤﻌﺞ ﻫﺴﻪ ﺷﻴﻜﻮﻝ ﻭﺝ ﺍﻧﻲ ﻣﻨﺞ ﻭﺑﻴﺞ ﺩﻣﺞ ﻭﻟﺤﻤﺞ ﺍﻧﺘﻲ ﻟﻴﺶ ﺑﺎﻳﻌﺘﻨﻪ ﻭﺿﺎﺭﺑﻪ ﺍﻟﺪﻧﻴﻪ ﻗﻨﺪﺭﻩ ﻣﺘﻜﻠﻠﻲ ﺷﺒﻴﺞ
ﺯﻧﺒﺮﺕ ﺭﺍﻓﻌﻪ ﺍﻳﺪﻱ ﻣﻬﺪﺩﻩ ... ﻭﺍﻟﻠﻪ ﻟﻮﻣﺎ ﺩﻧﻴﻪ ﻟﻴﻞ ﻭﻣﻨﺎ ﻟﺠﻮﺍﺭﻳﻦ ﺟﺎﻥ ﻋﺮﻓﺖ ﺷﺤﺠﻲ ﻭﻳﺎﻙ ﻣﻦ ﺗﺎﻟﻲ ﻭﻛﺖ ﺟﺎﻳﻨﻲ ﺗﺼﻔﻂ ﻋﻠﻴﻪ ﻛﻢ ﻛﻠﻤﻪ ﺣﺎﻓﻀﻬﺎ ﺍﺑﻦ ﻋﻤﺞ ﻭﺩﻣﺞ ﻭﻟﺤﻤﺞ ﺍﺷﻮ ﻫﺴﻪ ﻃﻠﻌﺘﻮ ﻭﻳﻨﻜﻢ ﻛﺒﻞ ﻭﻳﻨﻜﻢ ﻣﻦ ﻣﺎﺕ ﺣﺎﺯﻡ ﻣﻮ ﺛﺎﻧﻲ ﻳﻮﻡ ﻃﻔﺮﺗﻮ
ﻭﻳﻨﻜﻢ ﻣﻦ ﻣﺎﺕ ﺑﺎﺑﺎ
ﻣﻦ ﻣﺎﺕ ﻗﺼﻲ
ﻫﺴﻪ ﻫﺴﻪ ﺍﻧﺖ ﺍﺑﻦ ﻋﻤﻨﺎ
ﺟﻨﺖ ﺍﺣﺠﻲ ﺍﺣﺠﻲ ﻣﻨﻔﻌﻠﻪ ﻭﻫﻮﻩ ﻣﻨﺼﻲ ﺭﺍﺳﻪ ﺍﻳﺪﻩ ﺑﺠﻴﻮﺑﻪ ﺑﻌﺪﻧﻲ ﺩﺍﻃﻠﻊ ﻗﻬﺮﻱ ﺍﻫﺰ ﺑﻴﺪﻱ ﺍﺍﺷﺮ ﺍﺳﻮﻟﻒ ﺑﺤﺮﻛﻪ ﻭﻓﺠﺎﻩ ﻭﻛﻔﺖ ﻣﻨﺰﻟﻪ ﺍﻳﺪﻱ ﻋﻴﻮﻧﻲ ﺟﻤﺪﻭ ﻭﺍﻃﺮﺍﻓﻲ ﺭﺗﻌﺸﻮ ﻭﺍﻧﻲ ﺍﺷﻮﻑ ﻓﺎﺭﺱ ﻳﺼﻌﺪ ﺍﻟﺪﺭﺝ ﻛﻞ ﺑﺎﻳﺘﻴﻦ ﺳﻮﻩ ﺭﺍﻓﻊ ﺩﺷﺪﺍﺷﺘﻪ ﺑﻴﺪﻩ ﻟﺤﺪ ﻣﻮﺻﻞ ﻳﻤﻨﻪ ﺑﺪﻭﻥ ﺗﻔﺎﻫﻢ ﺟﺮ ﺍﻳﺎﺩ ﻣﻦ ﻳﺎﺧﺘﻪ ﻭﻧﺰﻟﻪ ﺍﻟﺪﺭﺝ ﺳﺤﻞ
،،،،،،،،،،،،،،،،،،،،
ﻏﻤﻀﺖ ﺑﻴﻦ ﺍﺩﻳﻪ ﺟﻨﺖ ﺟﺜﻪ ﻫﺎﻣﺪﻩ ﻭﻫﻮﻩ ﻣﺴﺘﻤﺘﻊ ﻣﺜﻞ ﻛﻞ ﻣﺮﻩ ﻣﺎﻣﻬﺘﻢ ﻭﺍﻧﻪ ﻟﺠﺎﻱ ﺍﻧﺬﺑﺢ ﻣﺸﺎﻳﻔﻪ ﻫﻴﺞ ﺑﺸﺮ ﻋﺒﺎﻟﻚ ﻳﺴﺘﻠﺬ ﺑﻌﺬﺍﺑﻲ ﺟﻨﺖ ﺍﺗﺤﻮﻝ ﺧﺸﺒﻪ ﻭﺍﻧﻲ ﺟﻮﺍﻩ ﺍﻟﻰ ﺍﻥ ﺩﻗﺎﻳﻖ ﻭﺑﺘﻌﺪ ﻟﻔﻴﺖ ﺭﻭﺣﻲ ﻭﺗﻀﺎﻫﺮﺕ ﺑﻠﻨﻮﻡ ﻭﺍﺳﻤﻊ ﺣﺮﻛﺘﻪ ﻛﺎﻡ ﻟﺒﺲ ﻭﻃﻠﻊ ﻋﻠﻰ ﻃﺒﻜﻪ ﻟﺒﺎﺏ ﺩﺭﺕ ﺟﺴﻤﻲ ﻣﺎﻫﻮﻩ ﻋﻠﻰ ﺳﺮﻳﻊ ﻟﺒﺴﺖ ﻭﻛﻤﺖ ﻋﺪﻟﺖ ﺍﻟﺴﺮﻳﺮ ﺍﺗﺤﺮﻙ ﻭﺑﺎﻟﻲ ﻛﻠﻪ ﻳﻢ ﻧﻘﺎﻟﻪ
ﻛﻞ ﺗﻔﻜﻴﺮﻱ ﺷﻠﻮﻥ ﺍﻋﺮﻑ ﻣﻨﻮ ﻫﺎﻱ ﻟﺒﺎﻳﻜﺘﻮ ﻣﻨﻲ
ﻣﻨﻮ ﺩﺍﻳﺮﻩ ﺭﺍﺳﻮ
ﻭﺷﻠﻮﻥ ﺍﺣﺼﻞ ﺭﻗﻤﻪ
ﺯﻳﻦ ﺷﺴﻮﻱ ﻟﻮ ﻋﺮﻓﺘﻪ
ﺗﻌﺒﺖ ﺗﻌﺒﺖ ﻭﺍﻧﻪ ﺍﻓﻜﺮ ﻣﺪﺩﺕ ﻻﻣﻪ ﺭﻭﺣﻲ ﻟﻨﻔﺴﻲ ﻭﺟﺜﻴﺮ ﺳﻮﺍﻟﻒ ﺑﺮﺍﺳﻲ ﺭﺍﺡ ﺗﺴﻮﻳﻨﻲ ﻣﺠﻨﻮﻧﻪ ﻛﺪ ﻣﺎﺷﺎﻏﻠﻪ ﺑﺎﻟﻲ ﺿﻠﻴﺖ ﺍﺟﺒﺮ ﺭﻭﺣﻲ ﺣﺘﻰ ﺍﻧﺎﻡ ﺍﻏﻤﺾ ﻛﻞ ﻗﻮﺗﻲ ﻭﻣﺎﻛﻮ ﻓﺎﻳﺪﻩ ﺍﻟﻨﻮﻡ ﻫﺎﺟﺮﻧﻲ ﻣﻦ ﺍﻟﺒﻴﻪ
ﺍﻟﻮﺏ ﺍﻟﻮﺏ ﻭﺍﺗﻜﻠﺐ ﻭﻋﻴﻨﻲ ﺻﺎﺭﺕ ﻋﻠﻰ ﻧﻘﺎﻟﻮ ﻋﻠﻰ ﻣﻴﺰ ﻳﻠﻤﺾ ﻛﻤﺖ ﻣﻔﺰﻭﻋﻪ ﻟﻴﻤﻪ ﻟﻨﻪ ﺭﻗﻤﻬﺎ
ﺍﻱ ﺭﻗﻤﻬﺎ ﺍﻧﻪ ﺍﻋﺮﻓﻮ
ﻛﻞ ﻳﻮﻡ ﺍﺷﻮﻓﻮ
ﺭﻛﻀﺖ ﻟﻴﻢ ﻟﺒﺎﺏ ﺍﺗﺼﻨﺖ ﻣﺎﻛﻮ ﻛﻠﺸﻲ ﺑﺲ ﺻﻮﺕ ﺍﻟﺪﻭﺵ ﺑﻠﺤﻤﺎﻡ ﺑﻠﻌﺠﻞ ﺟﺮﻳﺖ ﻧﻘﺎﻟﻲ ﺍﺧﺬﺕ ﻟﺮﻗﻢ ﺻﻮﺭﻩ ﻭﺯﺗﻴﺘﻮ
ﻛﻌﺪﺕ ﺍﺭﺟﻒ ﺟﻨﻲ ﻣﺴﻮﻳﻪ ﺟﺮﻳﻤﻪ ﻭﻛﻞ ﻟﻤﻀﻪ ﻣﻦ ﺍﻟﻨﻘﺎﻝ ﺗﺤﺮﻙ ﺭﻭﺣﻲ ﻋﻴﻮﻧﻲ ﺗﺸﻜﻠﺖ ﻋﻠﻴﻪ ﻭﺗﺨﺎﻳﻠﻪ ﻫﺴﺎﻉ ﻳﻄﻠﻊ ﻣﻦ ﺍﻟﺤﻤﺎﻡ ﻭﻳﻔﻮﺕ ﻳﺎﺧﺬ ﺍﻟﻨﻘﺎﻝ ﻭﻳﻜﻌﺪ ﻳﺤﺎﺟﻴﻬﺎ ﺑﺪﻭﻥ ﺷﻌﻮﺭ ﻭ ﻣﺪﺭﻱ ﻣﻨﻴﻦ ﺟﺘﻨﻲ ﺍﻟﻘﻮﻩ ﻭﻛﻔﺖ ﺍﺧﺬﺕ ﺍﻟﻨﻘﺎﻝ ﻓﺘﺤﺖ ﺧﻂ ﺟﻲ ﺻﻮﺗﻪ ﺑﺬﻧﻲ ﺻﺮﺧﺖ
ﺍﻟﻮﻭﻭ
ﺳﻜﺘﺖ ﺑﺲ ﺻﻮﺕ ﺍﻟﺬﺑﺬﺑﻪ ﻧﺘﺮﺕ
ﺍﻧﺘﻲ ﻭﺣﺪﻩ ﺳﺎﻗﻄﻪ ﺩﺍﻳﺤﻪ ﻛﺢ ..... ﻣﺎﺗﺴﺘﺤﻴﻦ ﻟﻮ ﺗﺴﺘﺤﻴﻦ ﺟﺎﻥ ﻣﺘﺤﺒﻴﻦ ﺭﺟﺎﻝ ﻣﺘﺰﻭﺝ ﻛﺮﺕ ﻋﻴﻨﻮ ﻟﺰﻟﻤﺘﺞ ﻟﻮ ﺍﻋﺮﻓﻮ ﺍﻛﻠﻮ ﺷﺪ ﻛﺮﻭﻥ ﺣﺮﻣﺘﻚ ﺗﺼﺎﺩﻕ ﺭﺟﺎﻝ ﻣﺘﺰﻭﺝ ﻭﺝ ﻟﻴﻞ ﻭﻧﻬﺎﺭ ﺍﻧﻪ ﺍﺩﻋﻲ ﻋﻠﻴﺞ ﺧﺎﻓﻲ ﺭﺑﺞ ﻭﺑﺘﻌﺪﻱ ﻣﻦ ﺭﺟﻠﻲ ﻣﺎﺗﻜﻮﻟﻴﻠﻲ ﺷﻤﺘﺌﻤﻠﻪ ﺷﻤﺘﺎﻧﻴﻪ ﺍﻧﺘﻲ ﻣﺘﺰﻭﺟﻪ ﻭ
أنت تقرأ
لهفه روح
Misterio / Suspenso#لهفة روح قصه حقيقيه ❤️ الكاتبه رفل الكناني ناشره بنين عباس ﻟﻬﻔﻪ ﻟﺬﻟﻚ ﺍﻟﻌﺎﺷﻖ ﺍﻟﺬﻱ ﻛﺎﻥ ﻣﻼﻛﺎ ﻧﺘﺸﻞ ﺣﺰﻧﻲ ﻟﺘﻜﻮﻥ ﺭﻭﺣﻲ ﻣﻠﻜﺎ ﻟﻠﻬﻔﺘﻪ
