لهفه روح

بارت 21

#بارت٢١

ﻣﺴﺎﺀ ﺍﻟﺨﻴﺮ
،،،،،،،،،،،،،،،
ﺍﺍﻩ ﻳﻞ ﺣﺒﻚ ﻭﺻﻞ ﻣﺎﺍﺩﺭﻱ ﻭﻳﻦ
ﺍﻟﺼﻔﻨﻪ ﺗﺸﻤﺮﻧﻲ ﺑﺤﻀﻦ ﻏﻴﺒﻮﺑﻪ
ﺭﺑﻲ ﻋﺜﺮﻧﻲ ﺑﻌﺸﻚ ﻣﺎﺑﻲ ﻭﺩﺍﻉ
ﺍﺭﺩ ﺍﻋﻮﺽ ﺭﺍﺣﺘﻲ ﺍﻟﻤﺴﻠﻮﺑﻪ
،،،،،،، ،،،،،،،،
ﺍﻟﻤﻜﺎﻥ ﺍﻟﺸﻤﺎﻝ
ﺍﻟﻮﻗﺖ ٨ﻣﺴﺎﺀ
ﺛﺎﻣﺮ .... ﺧﺎﻟﻲ ﺑﺮﻭﺡ ﻣﺤﻤﺪ ﻧﻄﻴﻨﻲ ﺍﻟﺴﻼﺡ ﻻﺗﺴﻮﻳﻠﻨﻪ ﺳﺎﻟﻔﻪ ﺑﻬﻞ ﻟﻴﻞ ﻭﺗﻮﺻﺦ ﺍﻳﺪﻙ ﺑﻴﻪ ﺍﻛﻀﺒﻪ ﺍﻧﻌﻞ ﺟﻼﺏ ﺍﻫﻠﻬﺎ ﺑﻴﺪﻙ ﻻﺑﻬﺬﺍ ﺍﻟﺼﺨﺎﻡ ﺧﺎﻟﻲ ﻻﺑﻠﺴﻼﺡ ﻫﺬﺍ ﺑﻲ ﻛﺴﺮ ﺭﻛﺎﺏ ﻋﻠﻰ ﺑﺨﺘﻚ
ﺍﺑﻌﺪ ﻣﻦ ﺟﺎﺩﻣﻲ ﻫﺎﻱ ﻣﺎﻳﻔﻴﺪ ﺑﻴﻪ ﻣﺎﻟﻪ ﻛﻞ ﺟﺎﺭﻩ ﻻﺍﻣﺪ ﺍﻳﺪﻱ ﻻﺍﺿﺮﺑﻪ ﻭﻻﺵ ﻫﺴﺎﻉ ﺟﺪﺍﻣﻲ ﺗﻄﻠﻊ ﻣﻦ ﺍﻟﺒﻴﺖ ﻣﺎﺭﻳﺪ ﺍﺷﻮﻓﻪ ﻫﻴﻦ ﻫﻴﻨﻮﺏ
ﻣﻴﺴﻮﻥ .. ﻓﺎﺭﺱ ﻭﻳﻦ ﺍﻭﻟﻲ ﻭﻳﻦ ﺍﺭﻭﺡ ﻳﻠﻤﺎﺗﺨﺎﻑ ﺍﻟﻠﻪ ﺗﺮﻓﻊ ﺳﻼﺣﻚ ﻋﻠﻰ ﺣﺮﻣﻪ ﺗﺎﺩﺍﺭﻱ ﺍﻟﺴﺎﻟﻔﻪ ﻭﺗﻐﻄﻲ ﻋﻤﻠﺘﻚ ﻋﺒﺎﻟﻚ ﺗﺨﻮﻓﻨﻲ ﻭ ﺍﻟﻠﻪ ﻣﺎﺧﺎﻑ ﺷﺘﺮﻳﺪ ﺗﺴﻮﻳﻠﻲ ﺗﻀﺮﺑﻲ ﺍﻧﻪ ﺻﺮﺕ ﺣﺎﻳﻂ ﻣﺎﻝ ﺿﺮﺏ ﻭﺗﻌﻠﻤﺖ ﻋﻠﻰ ﺍﻳﺪﻙ ﺍﻟﺜﻜﻴﻠﻪ ﺗﻀﺮﺑﻨﻲ ﻃﻠﻘﻪ ﺷﺤﻼﺗﻪ ﻭﺗﻨﺎﻡ ﻃﻮﻝ ﻋﻤﺮﻙ ﺑﻠﺴﺠﻮﻥ ﻭﺍﺧﻠﺺ ﻣﻨﻚ ﻫﻮﻩ ﺍﻧﻪ ﺷﻤﺤﺼﻠﻪ ﻣﻨﻚ ﻭﻳﻦ ﻻﻓﻲ ﻭﺷﺎﻳﻔﺘﻚ ﺑﺲ ﺳﺎﻋﻪ ﺍﻟﺴﻜﺮﺍﻥ ﻣﺎﺗﺪﺭﻱ ﺑﺪﻧﻴﻪ ﻭﻳﻦ
ﺍﻡ ﺛﺎﻣﺮ ... ﺍﻟﻠﻪ ﻳﺼﻜﻌﺞ ﻋﻠﻰ ﻫﺬﺍ ﺍﻟﺴﺎﻥ ﻳﻮﻟﻲ ﺍﻟﻮﻟﺪ ﻛﺎﺿﺒﻲ ﻛﻮﻩ ﻭﺍﻧﻪ ﻭﻟﻴﻠﻰ ﻭﻣﻮ ﻛﺎﺩﺭﻳﻠﺞ ﺧﺎﻓﻲ ﺭﺑﺞ ﺍﺍﺍﺍﺥ ﻳﻠﻤﺠﻠﻮﺑﻪ ﺟﻤﺎﻟﻪ ﻓﻮﻙ ﻣﺎﺻﺎﻣﻪ ﺣﻠﻜﻪ ﺗﺎﻣﺎﺗﻜﺒﺮ ﺍﻟﺴﺎﻟﻔﻪ ﺗﻌﻀﻨﻲ ﺍﻟﺠﻠﺒﻪ ﺷﺸﺸﺸﻮ ﻭﺧﺮﻱ ﻳﻨﻌﻞ ﺍﺑﻮ ﺍﻟﻴﻔﺰﻋﻠﺞ
ﻓﺎﺭﺱ ... ﺧﻼﺹ ﻭﺻﻠﺖ ﺣﺪﻩ ﺟﺮﻳﺘﻪ ﺍﻟﺴﻼﺡ ﺑﺮﺍﺳﻪ ﺧﻨﺴﺖ ﺧﺘﻔﻪ ﺻﻮﺗﻪ ﻟﺴﺎﻧﻪ ﻧﺒﻠﻊ ﺳﺤﻠﺘﻪ ﻟﺒﺎﺏ ﺍﻟﺸﺎﺭﻉ ﺷﻤﺮﺗﻪ ﻭﺳﺪﻳﺖ ﺍﻟﺒﺎﺏ ﻧﺪﺭﺕ ﺩﺍﻳﻄﻠﻊ ﺛﺎﻣﺮ ﺩﻓﻌﺘﻪ ﻭﺍﻟﻠﻪ ﺍﻧﻌﻞ ﻭﺍﻟﺪﻳﻚ ﺍﺫﺍ ﺗﺨﻄﻲ ﺧﻄﻮﻩ ﺳﻜﺖ ﺍﻣﻮ ﺟﺮﺗﻪ ﺍﻡ ﺧﻄﺎﺏ ﺑﻴﺪﻩ ﺍﻟﻌﺒﺎﻩ
ﺧﻮﻳﻪ ﻓﺪﻭﻩ ﺑﺲ ﻋﺒﺎﺗﻪ ﻭﺍﻟﻠﻪ ﻣﺎﺧﻠﻲ ﻧﻔﺴﻲ ﻭ ﻻﻧﺤﺠﻲ ﻻﻧﻔﻚ ﺣﻠﻜﻨﻪ ﻣﻨﻚ ﺍﻟﻪ ﺑﺲ ﻋﺒﺎﺗﻪ ﺗﻀﻞ ﺣﺮﻣﻪ ﻻﺯﻡ ﺗﻨﺴﺘﺮ
ﺟﻨﺖ ﻓﺎﺻﻞ ﻫﻴﻨﻮﺏ ﺍﺷﺮﺗﻠﻪ ﺗﺰﺗﻪ ﺍﻟﻪ ﻛﻌﺪﺕ ﻋﻠﻰ ﺩﺟﻪ ﺑﺼﻒ ﺍﻟﺒﺎﺏ ﻣﺎﻟﻪ ﺻﻮﺕ ﺧﺘﻔﻪ ﺗﺒﺎﺭﻙ ﺗﺒﺎﻭﻋﻠﻲ ﺑﺤﻘﺪ ﻧﺼﻴﺖ ﻛﺎﺿﺐ ﺭﺍﺳﻲ ﺭﺍﺡ ﻳﻨﻔﺠﺮ ﻣﻦ ﺍﻟﻲ ﺳﻤﻌﺘﻮ ﺍﻟﺤﻴﻮﺍﻧﻪ ﻓﺎﺿﺤﺘﻨﻲ ﺩﻛﻠﻬﻢ ﻻﻳﺤﻠﻞ ﻻﻳﺤﺮﻡ ﻣﻦ ﻃﻠﻜﻨﻲ ﻛﻞ ﺟﻴﻪ ﻳﺠﻲ ﻫﻴﻦ ﺑﻠﻴﻞ ﻣﻦ ﺷﺎﺭﺏ ﻳﺒﺎﺕ ﻳﻤﻲ
ﺍﻣﻲ ﻣﺎﺗﺤﺎﺟﻴﻨﻲ ﻣﺎﺭﺿﺖ ﺣﺘﻰ ﺍﺳﻠﻢ ﻋﻠﻴﻬﺎ ﺍﻟﺒﻨﻮﺍﺕ ﻣﺎﺩﺭﻱ ﺷﻠﻮﻥ ﻳﺒﺎﻭﻋﻠﻮﻟﻲ ﻋﺠﺰﺕ ﺷﻠﻮﻥ ﺍﺗﻌﺎﻣﻞ ﻭﻳﻪ ﻫﺎﻱ ﺍﻟﺤﺮﻣﻪ ﻫﻴﺞ ﺍﺣﺴﻦ ﻳﻄﺒﻪ ﺣﺮﺵ ﻭﺍﻟﻲ ﻳﻔﺘﺢ ﺣﻠﻜﻮ ﻳﺪﺍﻓﻊ ﻋﻨﻪ ﻳﺎﺧﺬﻩ ﻋﻨﺪﻭ ﺩﺍﺷﻮﻑ ﻳﺤﻤﻠﻪ
ﻛﻠﻪ ﺻﺎﻓﻨﻪ ﺑﻴﻪ ﺍﺩﻳﺎﻥ ﺗﺘﺼﻞ ﺟﺮﻳﺖ ﺍﻟﻨﻘﺎﻝ ﻃﻔﻴﺘﻮ ﺛﺎﻣﺮ ﺟﺮ ﺍﻟﺴﻼﺡ ﻣﻨﻲ ﻭﺍﻟﺒﻨﺎﺕ ﺳﻨﺪﻭﻧﻲ ﻓﻮﺗﻮﻧﻲ ﻟﻠﻐﺮﻓﻪ ﺍﻣﻲ ﺗﺼﻠﻲ ﻣﺎﺣﻄﺖ ﺭﻭﺣﻪ ﻻﺩﺍﻓﻌﺖ ﺗﺎﻧﻴﺘﻪ ﺗﻜﻤﻞ ﻭﺗﻜﺮﺑﺖ ﺟﺪﺍﻣﻪ
ﺣﺠﻴﻪ ﻋﻠﻰ ﺑﺨﺘﺞ ﻻﻳﻜﻮﻥ ﻣﺼﺪﻛﻪ ﻫﺎﻱ ﺍﻟﻨﺬﻟﻪ ﻭﺍﻟﻠﻪ ﺟﻴﺖ ﻋﻠﻰ ﻋﻤﻪ ﻋﻴﻮﻧﻲ ﻣﻦ ﺳﻤﻌﺖ ﻟﻤﺴﻮﻳﺘﻪ ﺑﻴﺞ
ﻭﻟﻴﺶ ﻣﺎﺻﺪﻙ ﺍﻧﺖ ﻭﻛﺖ ﺍﻟﺘﺸﺮﺏ ﻣﺎﺗﺪﺭﻱ ﺑﺮﻭﺣﻚ ﻭﻳﻦ ﺍﻟﻠﻪ ﺣﺎﻃﻚ ﺟﻢ ﻧﻮﺑﻪ ﺗﺠﻲ ﺍﻟﺪﺭﺝ ﻣﺎﺗﻜﺪﺭ ﺗﺼﻌﺪ ﻳﺠﻮﺯ ﻛﻼﻣﻪ ﺻﺤﻴﺢ ﺟﺪﺍﻣﻚ ﻛﺎﻟﺖ ﺟﻲ ﺳﻜﺮﺍﻥ ﻭﻧﺎﻡ ﺑﻐﺮﻓﺘﻲ ﺭﺏ ﻟﻤﻄﻠﻜﻪ ﻭﺗﻨﺎﻡ ﺑﻐﺮﻓﺘﻪ ﻣﺎﺗﻜﺮﺏ ﻣﻨﻬﺎ ﻣﻠﻚ ﻗﺎﺑﻞ ﻟﻮﻣﺤﻨﻂ ﺑﻠﻪ ﻓﻬﻤﻨﻲ
ﺟﺬﺍﺑﻪ ﻭﺍﻟﻒ ﺟﺬﺍﺑﻪ ﺑﺎﻟﻠﻪ ﻻﻣﻠﻚ ﻭﻻﻣﺤﻨﻂ ﺑﺲ ﻋﻜﻠﻲ ﺑﺮﺍﺳﻲ ﻭﻣﺎﺳﻮﻱ ﻫﻴﺞ ﺳﻮﺍﻳﻪ ﻭﻣﺎﻭﻋﻲ ﻋﻠﻰ ﺭﻭﺣﻲ ﺳﻤﻌﻲ ﺣﺠﻴﻪ ﻟﻨﺠﺎﺏ ﻃﺎﺭﻳﻪ ﺑﻌﺪ ﻣﺎﺗﻠﻮﻣﻮﻥ ﻏﻴﺮ ﺭﻭﺍﺣﻜﻢ ﻳﺰﻱ ﻋﺎﺩ ﺧﻠﻮﻫﻪ ﺗﺮﻭﺡ ﻟﺠﻬﻨﻢ ﺷﺨﺼﻨﻪ ﺑﻴﻪ ﻭﻟﻜﻢ ﺍﻧﺘﻮ ﺍﻫﻠﻲ ﻭﺍﻧﻪ ﻣﻨﻜﻢ ﻭﺑﻴﻜﻢ ﻛﻠﺒﺘﻜﻢ ﻋﻠﻴﻪ ﻭﺻﺪﻛﺘﻮﻫﻪ ﺷﺘﺮﺟﻪ ﻣﻨﻪ ﺑﻌﺪ ﺷﻨﺘﻀﺮ ﺗﺴﻮﻱ ﺑﻌﺪ ﺃﻛﺜﺮ ﻟﻬﻴﻦ ﻭﻛﺎﺍﺍﻓﻲ ﻛﺎﻓﻲ ﻋﺎﺩ ﻳﻮﻟﻮ ﻳﺮﺑﻜﻢ ﻣﺎﺻﻠﻲ ﺍﻱ ﻣﺎﻋﺮﻑ ﺍﻟﻠﻪ ﺍﻱ ﺑﺲ ﻟﻴﻬﺬﺍ ﺍﻟﺤﺪ ﻭﻛﺎﻓﻲ ﻣﻮﻛﺎﻓﺮ ﺍﻧﻪ ﺧﺎﻓﻮ ﺭﺑﻜﻢ ﻟﺘﺼﻠﻮﻧﻪ ﺑﻴﻪ ﻭﻻﺗﺼﻴﺮﻭﻥ ﺍﻧﺘﻮ ﻭﻳﺎﻫﻪ ﻋﻠﻴﻪ
ﻧﺤﻨﺎ ﺧﺎﻳﻔﻴﻦ ﺍﻟﻠﻪ ﻳﻤﻪ ﻟﻮﻣﺎ ﺧﺎﻳﻔﻴﻦ ﺍﻟﻠﻪ ﺟﺎﻥ ﻣﺎﺩﺯﻳﻨﻪ ﻋﻠﻴﻚ ﻭﺟﻴﺖ ﻟﺴﺎﻧﻲ ﻭﻛﻊ ﻭﺍﻧﻪ ﺍﺣﺠﻲ ﺫﻧﻲ ﺍﻟﺰﻭﺝ ﻟﺠﺪﺍﻣﻚ
ﻳﻤﻪ ﻟﻴﻠﻰ ﻛﻮﻟﻲ ﻟﺨﻮﺥ
ﻻ ﻳﻤﻪ ﻣﺎﻧﺮﻳﺪ ﻣﺸﺎﻛﻞ
ﻳﻤﻪ ﻫﺪﻳﺎﻥ ﻛﻮﻟﻲ ﻟﺨﻮﺝ
ﻳﻤﻪ ﺍﻧﻪ ﻣﺎﺗﺪﺧﻞ ﻣﻮﻛﺎﻓﻲ ﺫﻳﺞ ﺍﻟﻨﻮﺑﻪ ﺯﻋﻞ ﻣﻨﻲ
ﻳﻤﻪ ﺧﻠﻨﻲ ﺍﻧﻲ ﺍﻛﻮﻟﻪ
ﺍﺳﻜﺘﻲ ﻳﻤﻪ ﻻﺗﺨﺮﺑﻴﻦ ﻓﺮﺣﺘﻮ ﺗﻮﻩ ﻋﺎﺵ ﺣﻴﺎﺗﻪ
ﺑﻌﺪ ﺍﻧﻪ ﺷﺒﻴﺪﻱ ﺍﻟﻤﺼﻜﻮﻋﻪ ﺗﻔﻮﺕ ﻭﺗﻄﻠﻊ ﺍﺑﻨﺞ ﻫﻴﺞ ﻭﺍﺑﻨﺞ ﻫﻴﺞ ﻳﺎﺑﻪ ﺍﺳﻜﺘﻲ ﺧﺎﻓﻲ ﺭﺑﺞ ﺍﻧﺘﻲ ﻣﻄﻠﻜﻪ ﺣﺘﻰ ﻛﻌﺪﺗﺞ ﻫﻴﺞ ﺣﺮﺍﻡ ﺑﺲ ﺷﻨﺴﻮﻱ ﺟﺎﺭﻋﻴﺞ
ﻳﻮﻟﻲ ﺍﻛﻀﺒﻲ ﻋﺪﻩ ﻭﺗﺮﻛﻲ ﻫﻞ ﺳﻮﺍﻟﻒ ﺍﻟﺠﺎﻳﻔﻪ ﺧﻠﻲ ﺍﻟﻠﻪ ﺳﺎﺗﺮﻧﻪ ﻭﻋﻴﺸﻲ ﻟﺒﻨﺘﺞ ﺗﺮﻛﻨﻲ ﻋﻨﺞ ﺍﻟﻤﺸﺎﻛﻞ
ﻣﺎﻛﻮ ﺗﺴﻤﻊ ﻣﻦ ﻫﻴﻦ ﻭﺗﻄﻠﻊ ﻣﻦ ﻫﻴﻦ ﻭﺍﺧﺮﺗﻪ ﺻﺎﺭﺕ ﺗﻜﺎﺑﻠﻨﻲ ﺣﺎﺟﻲ ﺍﺑﻨﺞ ﺣﺮﺍﻡ ﻋﻠﻴﻜﻢ ﺧﻠﻲ ﻳﺮﺩﻧﻲ ﺍﺣﺴﻦ ﻣﺎﻳﺠﻴﻨﻲ ﺑﻠﺤﺮﺍﻡ
ﻃﻠﻌﺖ ﺟﻨﻮﻧﻲ ﺭﻓﻌﺖ ﺿﻐﻄﻲ ﻋﻠﻤﺎ ﻭﺻﻠﺖ ﺍﻧﻪ ﺷﺎﺩﻩ ﺭﺍﺳﻲ
ﻓﻮﻳﺮﺱ ﻳﻤﻪ ﻣﺎﺗﺼﻠﻲ ﺍﻣﻨﻪ ﺑﺎﻟﻠﻪ ﻣﺎﺗﺼﻮﻡ ﻫﺎﻱ ﺍﻧﺖ ﻭﺭﺑﻚ ﺑﺲ ﻻﺗﺰﻧﻲ ﻳﺎﻳﻤﻪ ﻻﺗﺰﻧﻲ ﺣﺮﺍﻡ ﻻﻳﻜﻠﺐ ﻟﺮﺑﻚ ﺑﻴﻨﻪ ﺍﻟﺪﻧﻴﻪ ﻣﻮﻛﺎﻓﻲ ﻟﺠﺎﻱ ﻳﺼﻴﺮ ﺑﺪﻧﻴﻪ ﻣﻮﻛﺎﻓﻲ
ﺣﺠﻴﻪ ﺍﻧﺘﻲ ﻫﻮﺍﻱ ﺣﺎﺟﻴﻪ ﻣﻴﺴﻮﻥ ﺑﺮﺍﺳﺞ ﺍﻛﻮﻡ ﺍﺭﻭﺡ ﺍﺣﺴﻦ ﻭﺭﻭﺡ ﺍﺑﻮﻳﻪ ﻟﻮ ﺳﻤﻌﺖ ﻣﻴﺴﻮﻥ ﺭﺍﺩﻩ ﻫﻴﻦ ﺑﻌﺪ ﻓﻼ ﺗﺸﻮﻓﻮﻧﻲ
ﻭﻳﻦ ﺗﺮﻭﺡ ﺑﻬﺬﺍ ﺍﻟﻴﻞ ﻋﻴﻮﻧﻚ ﺩﻡ ﺟﻦ ﺿﻐﻄﻚ ﺻﺎﻋﺪ ﺣﺪﺭ ﺍﻛﻌﺪ ﻳﻤﻲ ﻳﻮﻝ ﻣﻮﻣﻦ ﻛﻠﺒﻲ ﺍﺣﺎﺟﻴﻚ ﻭﺍﻟﻠﻪ ﺻﻠﻴﺖ ﻣﺎﺩﺭﻱ ﺷﻜﻠﺖ ﺑﺼﻼﺗﻲ ﻣﻘﻬﻮﺭﻩ ﺷﻠﻮﻥ ﻫﺪﻳﺖ ﺑﻴﻚ ﺍﻭﻝ ﻣﺎﻓﺘﺖ
ﺣﻨﻴﻨﻪ ﺍﻟﻠﻪ ﻻﺧﻠﻴﻨﻪ ﻣﻨﺞ ﻭﻣﺎﺯﻋﻼﻥ ﻻﻳﻀﻞ ﺑﺎﻟﺞ ﺣﻜﺞ ﺑﻜﻞ ﺍﻟﺘﻜﻮﻟﻲ ﺍﻟﻲ ﻣﺴﻮﻳﺘﻮ ﻫﻞ ﻣﺜﺒﻮﺭﻩ ﺍﻟﻴﻪ ﻃﻴﺮ ﺭﺍﺳﻲ ﻣﻮ ﻋﺎﺩ ﺍﻧﺘﻲ ﻟﺘﺼﻠﻴﻦ
ﺳﻜﺘﺖ ﻣﺪﻧﺠﻪ ﺗﺴﺒﺢ ﻭﺗﺎﻟﻲ ﺍﻟﺒﻴﻬﺎ ﻣﺎﻳﺨﻠﻴﻬﺎ ﺭﻓﻌﺖ ﺭﺃﺳﻪ ﺩﻛﻠﻲ
ﻫﺴﺎﻉ ﺷﻠﻮﻥ ﻭﻳﻦ ﺭﺍﺣﺖ ﻭﻳﻦ ﻭﻟﺖ ﻳﻮﻝ ﺍﻟﺪﻧﻴﻪ ﻟﻴﻞ ﻭﺍﻟﺸﺎﺭﻉ ﻣﺎﻳﺮﺣﻢ
ﻳﻤﻤﻤﻤﻪ ﺷﻜﻠﻨﻪ ﺗﻮﻧﻪ ﻧﻌﻴﺪ ﻭﻧﺰﻏﻞ ﻃﺒﻪ ﻃﺐ ﺗﺮﻭﺡ ﻭﻳﻦ ﻣﺎﺗﺮﻭﺡ ﺧﻠﻴﻬﺎ ﺗﻌﺮﻑ ﺍﻟﻨﻌﻤﻪ ﺍﻟﺠﺎﻧﺖ ﺑﻴﻪ ﻭﺗﺤﺲ ﺑﻴﻬﺎ
ﻻﺗﺼﻴﺢ ﺧﻠﺺ ﺳﻜﺘﻨﻪ ﻭﺍﻧﺘﻦ ﻋﻠﻴﺶ ﺗﻔﺮﺟﻦ ﺣﺪﺭ ﺳﻮﻥ ﺍﻟﻌﺸﻪ ﺳﺪﻥ ﻫﻞ ﻣﻮﺿﻮﻉ ﺟﺪﻩ ﺗﺒﺎﺭﻙ ﺣﺪﺭﻱ ﻳﻤﻲ
ﻣﺎﺍﺍﺍﺍﺭﻳﺪ ﺍﺭﻭﺡ ﺍﻧﺎﻡ
ﻳﻮﻟﻲ ﺗﻌﺸﻲ ﺍﻭﻝ
ﻣﺎﺟﺎﻭﺑﺖ ﻭﻛﺘﻪ ﺟﻨﺖ ﺍﻓﻮﺭ ﻭﺩﺍﺧﻠﻲ ﺍﻛﻮﻝ ﻣﺎﻛﺒﺮﻩ ﺧﻠﻴﻪ ﺟﺎﻫﻠﻪ ﻭﻣﻮﺷﻮﻳﻪ ﻟﺸﺎﻓﺘﻮ ﺟﺪﺍﻣﻪ ﺍﻣﻪ ﻧﻄﺮﺕ ﺧﻠﻴﻪ ﻫﺴﺎﻉ ﺑﻌﺪﻳﻦ ﺍﺭﺿﻴﻪ ﻣﺪﺩﺕ ﻣﻐﻄﻲ ﻭﺟﻬﻲ ﺑﻴﺪﻱ ﻣﺎﺧﻔﻲ ﺷﻌﻮﺭ ﺍﻟﺬﻧﺐ ﻟﺪﺍﻫﺠﺴﻮ ﺗﻀﻞ ﺣﺮﻣﻪ ﻭﺷﻴﻤﺘﻲ ﻭﺃﺧﻼﻗﻲ ﻣﺎﺗﺴﻤﺢ ﺑﻠﺴﻮﻳﺘﻮ ﺑﺲ ﻭﺍﻟﻠﻪ ﻃﻠﻌﺘﻨﻲ ﻣﻦ ﻃﻮﺭﻱ ﻣﻠﻴﺖ ﻭﺍﻧﻪ ﺍﺿﺮﺑﻪ ﻣﺎﻳﻔﻴﺪ ﻫﺠﺮﺗﻪ ﻣﺎﻳﻔﻴﺪ ﻃﻠﻜﺘﻪ ﻭﻣﺎﺧﻠﺼﺖ ﻭﺍﻟﻜﻼﻡ ﺍﻟﺴﻤﻌﺘﻮ ﺍﻭﻝ ﻣﺎﺟﻴﺖ ﻣﻦ ﻟﺴﺎﻥ ﺍﻣﻲ ﺍﺧﺠﻞ ﺍﻛﻮﻟﻮ 
ﺷﻜﺎﻳﻠﻪ ﻭﺣﺎﻃﻪ ﻋﻠﻴﻪ ﻟﺤﻀﺘﻪ ﺗﻤﻨﻴﺖ ﺍﺫﺑﺤﻪ ﻭﺩﻓﻨﻪ ﺑﺲ ﺗﺒﺎﺭﻙ ﻭﺍﻛﻔﻪ ﺑﻌﻴﻨﻲ ﻭﺍﻳﺪﻩ ﻛﺎﺿﺒﻪ ﺍﻳﺪﻱ
ﺑﺎﺑﺎ ﻓﺪﻭﻩ ﻋﻮﻓﻪ
ﺣﺘﻰ ﺿﺮﺏ ﻣﺎﺿﺮﺑﺘﻪ ﻻﻥ ﻣﺎﻳﻔﻴﺪ ﺑﻴﻪ ﻛﻞ ﻣﺎﺟﻠﻪ ﺗﻨﺠﻠﺐ ﺃﻛﺜﺮ ﻛﻞ ﺍﻟﺴﻮﻳﻮ ﺟﺮﻳﺖ ﺳﻼﺣﻲ ﻭﻃﻠﻌﺘﻪ ﻭﻳﻦ ﺷﻠﻮﻥ ﻣﺎﻋﺮﻑ ﺑﺲ ﻃﺎﻗﺘﻲ ﻧﻔﺬﺕ ﻣﻨﻬﺎ
ﺃﻓﻜﺎﺭ ﺟﺜﻴﺮ ﻣﺘﺼﺎﺭﻋﻪ ﺑﺮﺍﺳﻲ ﺍﻟﻴﻮﻡ ﻭﻳﻦ ﻭﻛﺒﻞ ﺟﻢ ﻳﻮﻡ ﻭﻳﻦ ﻭﺍﻟﻠﻪ ﺣﺴﻴﺖ ﺭﻭﺣﻲ ﺍﻧﺴﺎﻥ ﻋﺎﻳﺶ ﺟﻨﺖ ﻣﺪﻓﻮﻥ ﺑﻠﺤﻴﺎﻩ ﺳﺒﻮﻋﻴﻦ ﺑﺤﻀﺎﻥ ﺍﺩﻳﺎﻥ ﺭﺩﻳﺖ ﻣﺮﺍﻫﻖ ﺷﻲ ﻣﺎﺷﺎﻳﻔﻮ ﺑﻜﻞ ﺣﻴﺎﺗﻲ ﺣﺘﻰ ﺭﺍﺳﻲ ﺑﺎﺭ ﻣﻦ ﺍﻟﺸﺮﺏ ﻭﺍﻟﺪﻧﻴﻪ ﻛﻠﻪ ﺷﺪﻋﻴﻠﺞ ﻣﻴﺴﻮﻥ ﺟﻴﺘﻴﻨﻲ ﺻﻔﺢ
ﻭﻋﺘﻨﻲ ﺍﻣﻲ ﺗﻨﺪﻩ ﺑﻴﻪ ﻳﻤﻪ ﻛﻮﻡ ﺍﻛﻞ ﻟﻜﻤﻪ
ﻳﻤﻪ ﻣﺎﺭﻳﺪ
ﺍﺩﻋﻴﻠﻲ ﻳﻔﻚ ﺭﺍﺳﻲ ﻭﺣﺪﺭ ﻟﺒﻐﺪﺍﺩ ﻫﻨﺎﻙ ﺍﻧﻪ ﻏﻴﺮ ﻓﺎﺭﺱ
ﺍﻟﻠﻪ ﻳﺮﻳﺤﻚ ﻭﻟﻴﺪﻱ ﺍﻟﻪ ﺻﺪﻙ ﺷﻠﻮﻧﻪ ﺣﺮﻣﺘﻚ
ﻭﺭﺩﻩ ﻳﻤﻪ ﻫﺴﺎﻉ ﻋﺮﻓﺖ ﺍﻟﻤﺮﻩ ﺷﻨﻮ ﻭﺍﻟﺰﻭﺍﺝ ﺷﻨﻮ ﻟﻮﺍﺣﺠﻴﻠﺞ ﻟﻴﺒﺎﺟﺮ ﻣﺎﻭﺻﻔﻪ
ﺍﻟﻠﻪ ﻳﺴﻌﺪﻙ ﻭﻳﺎﻫﻪ ﻭﺗﻔﺮﺡ ﺑﻀﻨﻪ ﻳﺴﺮ ﻛﻠﺒﻚ ﻭﺧﺎﻃﺮﻙ
ﺛﺎﻣﺮ ... ﺧﺎﻟﻮ ﻓﺎﺭﺱ ﺧﺎﻟﻲ ﻓﻴﺼﻞ ﻳﺘﺼﻞ ﻋﻠﻴﻚ ﻳﻜﻮﻝ ﺟﻬﺎﺯﻭ ﻣﻐﻠﻖ ﻛﺎﻝ ﻧﻄﻴﻨﻲ ﺍﺣﺎﺟﻲ ﻫﺬﺍ ﻭﻳﺎﻙ ﻋﻠﻰ ﺍﻟﺨﻂ
ﻓﺎﺭﺱ ... ﺍﻟﻮ ﻫﻼ ﺍﺑﻮ ﺣﺴﻦ ﺍﺍﻣﺮ
ﻓﻴﺼﻞ ... ﻫﻼ ﻓﺎﺭﺱ ﺷﺼﺎﻳﺮ ﻫﺴﺎﻉ ﺍﺑﻮ ﻣﺰﻫﺮ ﻳﺨﺎﺑﺮﻧﻲ ﻳﺸﻜﻴﻠﻲ ﻣﻨﻚ ﻭﻣﻦ ﻣﻴﺴﻮﻥ ﺷﺒﺒﻜﻢ ﻳﻮﻟﻮ ﻧﻄﺮﻛﺖ ﺣﻴﻞ
ﺍﻱ ﺍﺑﻮ ﻣﺰﻫﺮ ﻳﺮﺑﻚ ﻻﺩﻛﻮﻟﻪ ﻣﻬﻤﻮﺩﻩ ﺍﻟﺒﻴﻦ ﺭﺍﺣﺖ ﺍﻟﻬﻢ ﻣﻦ ﻃﺮﺩﺗﻪ
ﻓﻴﺼﻞ ... ﻋﺠﻞ ﻭﻳﻦ ﺗﺮﻭﺡ ﻟﺸﻴﺐ ﺍﺑﻮﻙ ﻳﻮﻝ ﻓﺎﺭﺱ ﺗﻔﻀﺤﻨﻪ ﺗﻌﺎﻝ ﻭﺷﻮﻑ ﺍﻟﺤﺠﻲ ﻟﻤﺎﻳﻨﺴﻤﻊ ﺳﻤﻌﺘﻪ ﺍﻟﻠﻪ ﻳﺠﻌﻤﻜﻢ ﺻﺮﻧﻪ ﻋﻠﺞ ﺑﺤﻠﻮﻟﻚ ﺍﻟﻌﺎﻟﻢ
ﻭﻭﻭﻭﻟﻜﻢ ﺍﻧﻪ ﺷﺒﻴﺪﻱ ﺷﻴﺴﻮﻳﻠﻪ ﺍﻟﻠﻪ ﻳﺎﺧﺬﻩ ﻫﺎﻱ ﻗﻠﻪ ﻣﺎﺑﻴﺪﻩ ﻓﻮﻙ ﻣﺎﺷﺎﻳﻠﺘﻨﻲ ﺟﺪﺍﻡ ﺍﻫﻠﻲ ﻭﻃﺎﺭﺗﻨﻲ ﻫﺴﺎﻉ ﺭﺍﺣﺖ ﺗﺤﺠﻲ ﻋﻠﻴﻪ ﺑﻴﻦ ﺍﻟﻨﺎﺱ ﻭﻟﻜﻢ ﺷﻮﺭﻭ ﻋﻠﻴﻪ ﺍﺫﺑﺤﻪ ﺍﺻﻠﺨﻪ ﺍﺷﺮﺏ ﻣﻦ ﺩﻣﻬﺔ ﻫﺎﻱ ﺍﻟﺤﺮﻣﻪ ﻣﺎﻳﻔﻴﺪ ﻭﻳﺎﻫﻪ ﻏﻴﺮ ﻫﻴﺞ
ﻻﺗﺬﺑﺢ ﻭﻻﺗﺼﻠﺦ ﺍﻧﻪ ﻣﻦ ﻏﺒﺸﻪ ﺟﺎﻱ ﺍﺷﻮﻑ ﺷﺴﺎﻟﻔﺘﻜﻢ ﻳﻮﻟﻮ ﺍﻟﻔﻠﻮﺟﻪ ﻛﻠﻪ ﺟﺎﻧﺖ ﺻﺎﻳﺤﻪ ﻣﻦ ﺣﺮﻣﺘﻚ ﻭﻣﺸﺎﻛﻠﻪ ﻫﺴﺎﻉ ﺍﻟﺸﻤﺎﻝ ﺑﺎﻟﻠﻪ ﺣﻠﻜﻲ ﺗﺨﻴﻂ ﻭﺍﺑﻮ ﻣﺰﻫﺮ ﻳﺴﻮﻟﻔﻠﻲ ﻣﺎﻋﻮﺩﺕ ﻳﻨﻬﻲ ﺍﻻﺗﺼﺎﻝ ﻭﺍﺧﺎﺑﺮﻛﻢ ﻭﺍﻧﺘﻮ ﻭﺗﺎﻟﻲ ﻭﻳﺎﻛﻢ ﺷﻴﺠﻴﺐ ﺍﻟﺼﺒﺢ ﻭﺍﺟﻲ ﺍﻓﻴﻦ ﺣﻀﻮﺿﻜﻢ
ﺗﻮﻧﻲ ﺍﺣﺠﻲ ﻭﺳﻴﻒ ﻓﻮﻙ ﺭﺍﺳﻲ ﻳﻜﻠﻲ ﺍﺑﻮ ﻣﺰﻫﺮ ﺑﻠﺒﺎﺏ ﻋﻜﻞ ﻣﺎﺿﻞ ﺑﺮﺍﺳﻲ ﺳﺪﻳﺘﻪ ﻭﻃﻠﻌﺖ ﻭﺍﻟﻜﻪ ﻣﻴﺴﻮﻥ ﻣﻐﻄﻴﻪ ﻭﺟﻬﻪ ﻭﺍﺟﻔﻪ ﻭﺭﺍﻩ ﺩﻧﺠﺖ ﺭﺍﺳﻲ ﻗﺎﺑﺾ ﺍﻳﺪﻱ ﻟﺤﺠﻴﻪ ﺑﺼﻔﻲ ﺗﺘﻮﺟﻪ ﻋﻠﻰ ﻋﻮﺟﻴﻪ ﻭﻛﻊ ﻣﺎﻱ ﻭﺟﻬﻲ ﻭﻫﻮﻩ ﻳﻜﻠﻲ
ﻭﺳﻔﻪ ﺍﺑﻮ ﺍﻟﻔﻮﺍﺭﺱ ﺍﻧﺖ ﺍﻟﺸﻬﻢ ﺍﺑﻦ ﺍﻻﺻﻮﻝ ﺗﻄﺮﺩ ﺣﺮﻣﻪ ﺑﻠﺸﺎﺭﻉ ﻭﺗﺠﺮ ﻋﻠﻴﻪ ﺳﻼﺡ ﻣﻦ ﻳﻤﺘﻰ ﻭﺟﺎﻱ ﻧﺤﻨﺎ ﻧﺘﻘﺎﻭﻯ ﻋﻠﻰ ﻣﺮﻩ
ﻋﻤﻲ ﻭﻟﻴﺮﺣﻢ ﻭﺍﻟﺪﻳﻚ ﻻﺗﺤﺠﻲ ﺑﺸﻲ ﺍﻧﺖ ﻣﺎ ﺗﻌﺮﻓﻪ ﺍﺣﻨﺎ ﻟﻮﻣﺎ ﺷﺎﻳﻔﻴﻦ ﺍﻟﻀﻴﻢ ﻣﻨﻬﺎ ﺟﺎﻥ ﻣﺎﺳﻮﻳﺖ ﺍﻟﺴﻮﻳﺘﻪ ﺑﻴﻬﺎ
ﺍﻋﺮﻑ ﻛﻠﺸﻲ ﺍﻋﺮﻑ ﺑﺲ ﺷﻠﻮﻥ ﻧﺤﺠﻲ ﺑﻠﺒﺎﺏ ﺷﻨﻮ ﺍﻧﺘﻮ ﻣﺎﺗﻀﻴﻔﻮﻥ ﻭﺍﻟﻠﻪ ﺍﺩﺭﻱ ﺑﻴﻜﻢ ﻭﻟﺪ ﻋﺸﺎﻳﺮ ﻭﺭﺑﻌﺘﻜﻢ ﻣﻔﺘﻮﺣﻪ ﺑﻠﻔﻠﻮﺟﻪ ﻟﻠﺮﺍﻳﺢ ﻭﺍﻟﺠﺎﻱ ﺷﻠﻮﻥ ﻧﻀﻞ ﻧﺴﻮﻟﻒ ﺑﻠﺸﺎﺭﻉ
ﺍﺷﺮﺗﻠﻪ ﺗﻔﻀﻞ ﺑﻴﺪﻱ ﻭﻫﻮﻩ ﻭﺭﺍﻱ ﻳﻜﻠﻪ ﻓﻮﺗﻲ ﻋﻠﻰ ﺣﺠﺮﺗﺞ ﻭﺑﺘﺞ ﻳﺎﺑﻪ ﻏﻤﻀﺖ ﻭﺩﻱ ﺍﻧﺪﺍﺭ ﺍﺛﺮﻣﻪ ﻭﺍﻧﻪ ﺍﺳﻤﻊ ﺍﻣﻲ ﻭﺍﻟﺒﻨﺎﺕ ﻳﻠﻮﻣﻦ ﺑﻴﻬﺎ
ﻓﻀﺤﻴﺘﻪ ﻫﺴﺎﻉ ﻳﻨﺠﻠﻂ ﻣﻦ ﻭﺭﻩ ﻋﻤﺎﻳﻠﺞ ﺳﺎﻋﺘﻪ ﺧﻞ ﻳﻔﻴﺪﺝ ﺍﻟﺘﺸﻬﺮ ﺑﻲ
ﻭﺍﻟﻠﻪ ﺩﺍﺧﻠﻲ ﺍﻛﻮﻝ ﻟﻮﺍﻧﺠﻠﻂ ﻭﻻ ﻫﺬﺍ ﺍﻟﺠﺎﻱ ﺑﺼﻴﺮ
ﻛﻌﺪﻧﻪ ﻭﻧﻔﺘﺢ ﺍﺑﻮ ﻣﺰﻫﺮ ﺍﻟﻠﻪ ﻻﻳﻮﻓﻘﺞ ﻣﻴﺴﻮﻥ ﻣﺎﺿﺎﻝ ﺷﻲ ﻣﺎﺣﺎﺟﻴﺘﻪ ﺗﺎﻟﻲ ﺧﺘﻤﻪ ﻳﻜﻠﻲ
ﻳﺎﺑﻪ ﺍﻧﺖ ﺷﻠﻮﻥ ﻣﻄﻠﻜﻪ ﻭﻋﺎﻳﺸﻦ ﺳﻮﻩ
ﻋﻤﻲ ﻣﻨﻮ ﻛﺎﻝ ﻋﺎﻳﺶ ﻫﻴﻦ ﺍﻧﻪ ﻃﻮﻝ ﺍﻟﻮﻛﺖ ﺑﻐﺪﺍﺩ ﺍﺟﻲ ﻳﻮﻡ ﻳﻮﻣﻴﻦ ﻭﻣﺎ ﺟﻨﺖ ﺍﺷﻮﻑ ﺧﻠﻘﺘﻪ ﻋﺠﻞ ﺗﻮﻙ ﺩﻛﻮﻝ ﺷﻠﻮﻥ ﺗﺬﺑﻪ ﺑﺸﺎﺭﻉ ﻳﻌﻨﻲ ﻟﻮ ﺫﺍﺑﻪ ﺍﻭﻝ ﻣﺎﻃﻠﻜﺘﻪ ﺟﺎﻥ ﺷﻜﻠﺘﻮ ﻫﺎﻱ ﻓﻮﻙ ﻣﺎﺗﺤﻤﻠﺘﻪ ﻭﻛﻠﺖ ﺣﺮﻣﺘﻪ ﻋﻠﻰ ﻧﻔﺴﻲ ﺑﺲ ﻣﺎﺣﺮﻣﻪ ﻣﻦ ﺑﻨﺘﻪ ﻭﻫﻢ ﻣﺎﻋﺪﻫﻪ ﺍﺣﺪ ﻭﻳﻦ ﺗﺮﻭﺡ ﺧﻠﻴﻪ ﻋﺎﻳﺸﻪ ﻳﻢ ﺍﻣﻲ ﻟﺠﻞ ﺑﻨﺘﻪ ﺗﺎﻟﻲ ﺗﺠﻲ ﺗﺰﺕ ﻋﻠﻴﻪ ﻫﻴﺞ ﻛﻼﻡ
ﻳﺎﺑﻪ ﻛﺒﺎﺭ ﺍﻧﺘﻮ ﻣﻮ ﺟﻬﻴﻞ ﻭﺍﻟﺤﺮﻣﻪ ﻣﺎﻟﻪ ﻏﻴﺮﻛﻢ ﺍﻧﻪ ﺍﺷﻬﺪ ﺍﻧﻪ ﻣﻮ ﺭﺍﺣﻪ ﻭﻧﺤﻨﺎ ﺑﺬﺍﺕ ﺍﻟﻨﻪ ﻣﻮﻗﻒ ﻭﻳﺎﻫﻪ ﺑﺲ ﻭﻛﺖ ﺍﻟﺪﻛﺖ ﺑﺎﺑﻨﻪ ﻭﻧﺨﺘﻨﻪ ﻣﺎﻛﺪﺭﻧﻪ ﻧﺮﺩﻫﻪ ﻭﻫﻞ ﺟﺒﺘﻪ ﻭﺟﻴﺖ ﺷﻠﻮﻥ ﺗﺮﺩ ﺗﺰﻭﺗﻪ ﺑﻠﺸﺎﺭﻉ
ﻋﺠﻞ ﺍﺫﺍ ﺍﻧﺖ ﻫﻴﺞ ﺧﻴﺮ ﻭﺷﺎﻟﺘﻚ ﺍﻟﻐﻴﺮﻩ ﻋﻠﻴﻪ ﺍﺧﺬﻩ ﻋﺪﻛﻢ ﺍﻧﺘﻮ ﻣﻦ ﺍﻟﻌﺸﻴﺮﻩ ﻭﻫﻢ ﺗﻜﺮﺑﻠﻜﻢ ﻟﺸﻮﻑ ﺍﺫﺍ ﺗﺤﻤﻠﺘﻮﻫﻪ ﺳﺒﻮﻉ
ﺑﻬﺎﻱ ﺻﺪﻛﺖ ﺷﺎﻟﺘﻨﻲ ﺍﻟﻐﻴﺮﻩ ﺍﻱ ﺑﺲ ﻣﺎﻝ ﺍﺧﻠﻴﻬﺎ ﻋﻨﺪﻱ ﻻ ﺍﻫﻠﻨﻪ ﺑﺲ ﺷﺎﻓﻮﻫﻪ ﺗﺨﺒﻠﻮ ﺍﻟﻮﻟﺪ ﻛﻠﻤﻦ ﻛﻀﺐ ﺣﺮﻣﺘﻪ ﻳﻜﻠﻪ ﺍﻧﺖ ﺟﺒﺘﻴﻪ ﻭﺣﺮﻣﺘﻪ ﺗﻜﻠﻪ ﻭﺍﻟﻠﻪ ﻣﺎﻟﻲ ﺷﻐﻠﻪ ﺑﻴﻪ ﺗﺎﻟﻲ ﺟﺮﻳﺘﻪ ﻭﺟﺒﺘﻪ
ﻧﺼﻴﺖ ﺭﺍﺳﻲ ﻧﺎﺭ ﻭﺷﺒﺖ ﺑﻀﻠﻮﻋﻲ ﻳﻮﻟﻮ ﺗﻀﻞ ﺑﻴﻮﻡ ﻣﻦ ﺍﻻﻳﺎﻡ ﺗﺴﻤﺖ ﺣﺮﻣﺘﻲ ﻭﻃﻮﻝ ﻋﻤﺮﻩ ﻋﺎﻳﺸﻪ ﺑﻨﺼﻨﻪ ﻫﺴﺎﻉ ﺍﻟﻨﺎﺱ ﻣﺎﺗﺤﺠﻲ ﺑﻴﻬﺎ ﻟﺤﺎﻟﻪ ﺗﺤﺠﻲ ﺑﻴﻨﻪ ﺟﻤﻴﻊ
ﺳﺎﻋﻪ ﺃﻛﺜﺮ ﻭﻫﻮﻩ ﻳﺴﻮﻟﻒ ﻓﺎﻳﺖ ﻭﺍﺳﻄﻪ ﺑﻴﻨﻪ ﻭﺍﻣﻲ ﺗﺒﺮﺭ ﻭﺗﻨﺎﻗﺸﻪ ﺭﺍﺳﻲ ﻣﺎﻋﺪ ﻳﺘﺤﻤﻞ ﻭﻛﻔﺖ ﺗﺸﻜﺮﺕ ﻣﻨﻪ ﻧﻬﻴﺖ ﺯﻳﺎﺭﺗﻪ ﻭﻃﻠﻊ ﺑﻠﺤﻀﺘﻪ ﻓﺘﺮﺕ ﺑﻴﻪ ﺍﻟﻜﺎﻉ ﻭﻛﻌﺪﺕ ﻣﻮﻛﺎﺩﺭ ﺍﺻﻠﺐ ﻃﻮﻟﻲ ﺭﻛﻀﻮﻟﻲ ﺑﺠﻬﺎﺯ ﺍﻟﻀﻐﻂ ﻭﺍﻟﻌﻼﺝ ﻧﺴﺤﻨﺖ ﺭﻭﺣﻲ ﻣﺪﺩﺕ ﺍﻳﺪ ﺍﻣﻲ ﻋﻠﻰ ﺭﺍﺳﻲ ﺗﻘﺮﻩ ﺍﻳﺎﺕ ﻏﻤﻀﺖ ﺩﺍﺧﻠﻲ ﻳﺼﺮﺥ ﺟﻨﻪ ﻃﻔﻞ ﺍﺭﻳﺪ ﺍﺩﻳﺎﻥ
ﺍﺭﻳﺪ ﺍﺩﻳﺎﻥ ﺍﻧﻬﺰﻡ ﺑﻴﻪ ﻣﻦ ﻛﻠﺸﻲ
ﺍﺭﻳﺪ ﺍﺩﻳﺎﻥ ﺗﺸﻴﻞ ﻛﻞ ﻫﺬﺍ ﻣﻨﻲ
ﻫﺪﻭﺋﻬﻢ ﻭﻫﻤﺲ ﺍﻣﻲ
ﻛﺎﻓﻲ ﺳﺪﻥ ﺍﻟﺴﺎﻟﻔﻪ ﻳﻮﻟﻦ ﻧﻔﻀﺤﻨﻪ ﻭﺍﺑﻨﻲ ﻣﺎﻋﺎﺩ ﺭﺍﺳﻮ ﻳﺤﻤﻞ ﻣﺎﻋﻠﻴﻨﻪ ﻣﻨﻬﺎ ﻭﻻﻋﻴﻠﻬﺎ ﻣﻨﻪ ﺧﻠﻨﻬﺎ ﺗﻨﺜﺒﺮ ﺑﻐﺮﻓﺘﻪ ﺍﻟﻠﻪ ﻳﺼﻜﻌﻪ ﻭﺍﻟﻠﻪ ﻟﻮ ﺍﺩﺭﻱ ﻫﻴﺞ ﻳﺼﻴﺮ ﻓﻼ ﺍﻓﻚ ﺣﻠﻜﻲ ﻭﺍﻛﻠﻮ
ﺣﺴﻴﺖ ﺍﻃﺮﺍﻓﻲ ﺑﺮﺩﺕ ﻛﺼﺘﻲ ﻣﻨﻤﻠﻪ ﻛﻤﺖ ﺍﻓﺘﺢ ﻭﺍﺳﺪ ﺑﻌﻴﻨﻲ ﻣﺎﺭﻳﺪ ﺍﻓﻘﺪ ﻣﺎﺭﻳﺪ ﺍﻧﺠﻠﻂ ﻛﻠﺒﻲ ﻳﺪﻙ ﺳﺮﻳﻊ ﻭﻧﻔﺴﻲ ﺛﻜﻞ ﻛﻤﺖ ﺍﻓﺮﻙ ﺑﺮﻛﺒﺘﻲ ﻭﺍﺷﻮﻓﻬﻢ ﺧﻴﺎﻟﻬﻢ ﻛﺒﺎﻟﻲ ﻫﺬﺍ ﺛﺎﻣﺮ
ﺧﺎﻟﻲ ﺷﺒﻴﻚ
ﻭﺝ ﻟﻴﻠﻰ ﻓﻜﻲ ﺩﻛﻢ ﺩﺷﺪﺍﺷﺘﻮ
ﻳﻤﻪ ﺍﺑﻨﻲ ﻭﺧﺮﻭ ﺍﻛﺐ ﻋﻠﻲ ﻫﺬﺍ ﻛﻼﺹ ﺍﻟﻤﺎﻱ ﻗﺎﺭﻳﻪ ﻋﻠﻴﻪ
ﺳﻴﻒ ﺗﻌﺎﻝ ﻧﺎﺧﺬﻭ ﻣﺴﺘﺸﻔﻰ
ﺍﻛﻒ ﺛﺎﻣﺮ ﺗﺮﻩ ﻣﻔﺘﺢ ﺑﺲ ﻭﺧﺮ ﻋﻨﻮ ﺷﻜﻮ ﺗﻜﻮﻣﺘﻮ ﻓﻮﻛﺎﻩ ﻭﻭﻭﻭﺧﺮﻥ ﺳﻮﻥ ﻫﻮﺍ
ﻛﺤﻴﺖ ﻭﻧﻜﺐ ﻣﻲ ﻋﻠﻰ ﻭﺟﻬﻲ ﺭﺷﻚ ﻗﻮﻱ ﻏﻤﻀﺖ ﺑﺮﻭﺗﻮ ﻧﺰﻟﺖ ﻋﻠﻰ ﺻﺪﺭﻱ ﻛﻌﺪﻧﻲ ﺛﺎﻣﺮ ﺣﺎﺿﻨﻲ ﺿﻬﺮﻱ ﻋﻠﻰ ﺻﺪﺭﻩ ﻭﺧﻄﺎﺏ ﺟﺪﺍﻣﻲ ﻳﻘﻴﺲ ﺿﻐﻄﻲ ﺩﺣﻜﺖ ﺑﻴﻬﻢ ﻣﺮﻋﻮﺑﻴﻦ ﻛﺘﻠﻬﻢ ﻣﺎﺑﻴﻪ ﺷﻲ ﺗﺮﻛﻮﻧﻲ ﻟﺤﺎﻟﻲ
ﻧﻮﻣﻮﻧﻲ ﺑﺲ ﺍﻣﻲ ﺿﻠﺖ ﻛﻮﺭﺕ ﺭﻭﺣﻲ ﺍﻓﺮﻙ ﺑﻜﻠﺒﻲ ﻭﺍﻟﻠﻪ ﻣﺎﺭﻳﺪ ﺍﺿﻌﻒ
ﻣﺎﺭﻳﺪ ﻳﺼﻴﺒﻨﻲ ﺷﻲ
ﺑﺲ ﻫﻞ ﻣﺼﺎﻳﺐ ﺷﻴﻘﻨﻌﻪ ﻭﺗﻜﻒ ﻣﻨﻲ ﻭﺗﻌﻮﻓﻨﻲ
ﻏﻔﻴ
ﺖ ﻣﺎﻭﻋﻴﺖ ﻋﻠﻰ ﻧﻔﺴﻲ ﺍﻟﻪ ﺍﻟﻔﺠﺮ ﻓﺰﻳﺖ ﺍﻣﻲ ﺗﻘﺮﺍﻩ ﺍﻟﻜﻬﻒ ﺍﻟﻴﻮﻡ ﺟﻤﻌﻪ
ﺍﺍﺍﺍﺍﺍﺥ ﺭﺍﺳﻲ ﻃﺒﻞ ﺗﻠﻤﺴﺖ ﺟﻴﻮﺑﻲ ﻓﺎﺭﻏﻪ ﻧﻘﺎﻟﻲ ﻭﻳﻦ ﺍﺩﻳﺎﻥ ﺷﺴﻮﺕ ﻣﻦ ﺍﻟﺒﺎﺭﺣﻪ
ﻳﻤﻪ ﻧﻘﺎﻟﻲ ﻭﻳﻨﻮ
ﺻﺪﻕ ﺍﻟﻠﻪ ﺍﻟﻌﻀﻴﻢ
ﻋﻴﻮﻥ ﺍﻣﻴﻤﺘﻚ ﺷﻠﻮﻥ ﺻﺮﺕ
ﺍﻟﺤﻤﺪ ﺍﻟﻠﻪ
ﻣﺪ ﺍﻳﺪﻙ ﻳﻢ ﺭﺍﺳﻚ ﻧﻘﺎﻟﻚ ﺑﺸﺒﺎﺝ ﺧﻠﻴﺘﻮ
ﺍﺧﺬﺗﻪ ﻃﺎﻓﻲ ﺷﻐﻠﺘﻪ ﻭﻧﺪﺭﺕ ﻏﻄﻴﺖ ﺭﻭﺣﻲ ﻃﻠﻌﺖ ﺭﻗﻤﻪ ﺩﻛﻴﺖ ﺍﻋﺮﻓﻪ ﻫﺴﺎﻉ ﻛﺎﻋﺪﻩ ﺗﺼﻠﻲ ﺍﻭﻝ ﺩﻛﻪ ﺟﺎﻭﺑﺖ
ﻓﺎﺭﺱ ﻫﺎﻱ ﻭﻳﻨﻚ
ﻳﺎ ﺑﻌﺪ ﻓﺎﺭﺱ ﻭﻣﻌﺎﻟﻴﺠﻮ ﺷﻠﻮﻧﺞ
ﺍﻧﻲ ﻟﻮ ﺍﻧﺖ ﺷﻮﻧﻚ ﺑﺮﺑﻚ ﺗﺴﻮﻱ ﻫﻴﺞ ﺑﻴﻪ ﻳﺒﺴﺖ ﻛﻠﺒﻲ ﻣﻦ ﺍﻟﺒﺎﺭﺣﻪ ﻭﺍﻟﻴﻮﻡ ﺍﺩﺭﻱ ﺫﺑﻴﺘﻨﻲ ﻭﺭﺣﺖ ﻻﺧﺎﺑﺮﺕ ﻻﻃﻤﻨﺘﻨﻲ ﻭ ﺍﻟﻠﻪ ﺍﻟﻴﻞ ﻣﻨﻤﺘﻪ
ﺳﻜﺘﺖ ﻣﻐﻤﺾ
ﻭﻳﻨﻚ ﻓﺎﺭﺱ
ﻣﻮﺟﻮﺩ ﻳﺎﺭﻭﺡ ﻓﺎﺭﺱ ﺍﺣﺠﻲ ﺑﻌﺪ ﻻﺗﺴﻜﺘﻴﻦ ﺻﻮﺗﺞ ﻳﺮﺩ ﺭﻭﺣﻲ
ﺣﺒﻴﺒﻲ ﺷﺒﻴﻚ
ﻣﺎﺍﺑﻴﻪ ﺳﻼﻣﺘﺞ ﺷﻠﻮﻧﻜﻢ ﺍﻧﺘﻮ
ﺯﻳﻨﻴﻦ ﺑﺲ ﻛﻠﻲ ﻟﻴﺶ ﻣﺨﺎﺑﺮﺕ ﺣﻴﻞ ﺿﻞ ﺑﺎﻟﻲ
ﺍﻟﺤﺠﻴﻪ ﺷﻮﻳﻪ ﺗﻌﺒﺎﻧﻪ ﻭﻟﺘﻬﻴﺖ ﺑﻴﻬﺎ
ﻣﺎﺻﺪﻛﻚ ﻳﻌﻨﻲ ﻣﻜﺎﻟﻤﻪ ﻣﻜﺪﺭﺕ ﺗﺴﻮﻳﻠﻲ
ﻟﺘﻬﻴﺖ ﻭﺍﻟﻠﻪ ﺷﺴﻮﻱ
ﻣﻴﻬﻢ ﻳﻠﻪ ﺍﻫﻢ ﺷﻲ ﺍﻧﺖ ﺑﺨﻴﺮ ﻭﺳﻤﻌﺖ ﺻﻮﺗﻚ ﻫﺴﻪ ﺭﺗﺎﺡ ﻛﻠﺒﻲ ﻭﺭﺍﺡ ﺍﻧﺎﻡ
ﻣﺎ ﻧﻤﺘﻲ
ﺍﺑﺪ ﻭﺍﻟﻠﻪ ﻭﻻﻟﺤﻀﻪ
ﻫﻨﺎﻟﻲ ﺑﻴﺞ
ﺣﺒﻴﺒﻲ ﺷﺒﻴﻚ ﻭﺍﻟﻠﻪ ﺻﻮﺗﻚ ﻣﻮ ﻋﻠﻰ ﺑﻌﻀﻪ ﺍﻟﺤﺠﻴﻪ ﺑﻴﻬﺎ ﺷﻲ ﺍﻫﻠﻚ ﺑﻴﻬﻢ ﺷﻲ ﺣﺘﻰ ﺍﺭﻗﺎﻣﻬﻢ ﻣﺎﻋﻨﺪﻱ ﺟﺎﻥ ﺧﺎﺑﺮﺗﻬﻢ ﻛﻮﻣﻪ ﻋﻀﻌﻀﺖ ﺍﺻﺎﺑﻌﻲ ﺷﻠﻮﻥ ﻣﺨﺎﺯﻧﻪ ﺍﺭﻗﺎﻫﻢ ﻋﻨﺪﻱ ﻓﺎﺭﺱ ﻋﻴﻨﻲ ﺷﺒﻴﻚ ﺳﺎﻛﺖ
ﻣﺎﺑﻴﻪ ﻭﺍﻟﻠﻪ ﻻﻳﻀﻞ ﺑﺎﻟﺞ ﻟﻀﻬﺮ ﺍﻧﻪ ﻳﻤﺞ ﻫﻴﺮﻱ ﺭﻭﺣﺞ ﻧﺮﺩ ﻟﻠﺒﻴﺖ
ﻣﺎﺷﻲ ﺍﻧﺘﻀﺮﻙ
ﺳﺪﻳﺘﻪ ﻣﺨﻨﻮﻙ ﻭﺩﻱ ﺃﺻﺮﺥ ﺑﻤﻜﺎﻥ ﻣﺎﺑﻲ ﺑﺲ ﺍﻧﻪ ﻭﺍﻟﻠﻪ ﻋﻠﻰ ﻫﻢ ﺍﻟﺒﻴﻪ ﻳﺎﺭﺑﻲ ﻫﺎﻱ ﺣﺮﻣﻪ ﻭﻣﻴﺴﻮﻥ ﺣﺮﻣﻪ
ﺧﻠﺖ ﺍﻣﻲ ﺍﻳﺪﻩ ﻋﻠﻰ ﺭﺍﺳﻲ ﻧﺪﺭﺕ ﺻﺎﺭﺕ ﺗﻨﻔﺦ ﺑﺠﻒ ﺍﻳﺪﻩ ﻭﺗﻤﺴﺢ ﻋﻠﻰ ﺟﺴﻤﻲ ﻟﺤﺪ ﻃﺮﻑ ﺍﺻﺒﻊ ﺭﺟﻠﻲ
ﺣﺠﻴﻪ ﺷﺪﺍﺗﺴﻮﻳﻦ ﻻﺗﻌﺒﻴﻦ ﺭﻭﺣﺞ
ﺍﺭﻗﻴﻚ ﻳﻤﻪ ﺟﺎﻱ ﺍﻗﺮﻩ ﻋﻠﻴﻚ ﻳﻔﻮﺗﻚ ﺍﻟﺮﺣﻤﻦ ﻭﻳﺒﻌﺪ ﻋﻨﻚ ﺷﺮ ﺑﻨﻴﺎﺩﻡ
ﻛﻌﺪﺕ ﺑﺴﺘﻪ ﻣﻦ ﺭﺃﺳﻪ ﺧﻠﻴﺘﻪ ﺟﻮﻩ ﺟﺘﻔﻲ
ﻳﻤﻪ ﺷﺴﻮﻱ ﺷﻮﺭﻳﻪ ﻋﻠﻴﻪ
ﺑﺴﻚ ﺗﻜﺮﺽ ﺑﺮﻭﺣﻚ ﺍﺗﺮﻙ ﻋﻨﻚ ﻛﻠﺸﻲ ﻣﺎﺿﻞ ﺷﻲ ﻣﺎﺳﻮﻳﺘﻮ ﺣﺪﺭ ﻳﻢ ﺍﺩﻳﺎﻧﻚ ﺍﺗﺮﻙ ﻫﻞ ﻏﻀﺐ ﻣﻴﺴﻮﻥ ﺧﻠﻴﻪ ﻟﺒﻨﺘﻪ ﻭﻣﻨﺎ ﻭﻫﻴﺞ ﺍﺣﻨﺎ ﺭﺍﺡ ﻧﻠﺒﺴﻪ ﻣﺎﻟﻨﻪ ﺷﻐﻠﻪ ﺑﻴﻬﺎ ﺣﺘﻰ ﻟﺘﺴﻮﻱ ﻣﺎﻳﺼﻠﻚ
ﺳﻜﺘﺖ ﻣﺎﻣﻘﺘﻨﻊ ﺍﺭﻳﺪ ﺍﺳﻮﻱ ﺷﻲ ﻭﻣﺎﻋﺮﻓﻪ ﺷﻨﻮ ﻻﻥ ﻣﺎﺿﻞ ﺷﻲ ﻣﺎﺳﻮﻳﺘﻪ ﺍﻳﺴﺖ ﻭﻣﻮﻻﻛﻲ ﻟﻴﺒﺮﺩ ﺍﻓﺎﺩﻱ ﺗﺎﻟﻲ ﻛﻤﺖ ﻟﻠﺤﻤﺎﻡ ﺳﺒﺤﺖ ﺍﻧﻔﺾ ﺍﻟﺘﻌﺐ ﻭﺍﻟﻀﻴﻢ ﺍﻟﺸﻔﺘﻮ ﺍﻟﺒﺎﺭﺣﻪ ﻛﻤﻠﺖ ﻭﻃﻠﻌﺖ ﺍﻣﻲ ﺗﺴﻮﻱ ﺑﻠﺠﺎﻱ
ﺣﺠﻴﻪ ﻛﻌﺪﻱ ﻭﻳﻦ ﺗﻜﺪﺭﻱ ﺍﻧﺘﻲ ﺗﻜﻔﻴﻦ ﻋﻠﻰ ﻃﺒﺎﺥ
ﺍﻛﻌﺪ ﺍﻛﻌﺪ ﺍﻟﻴﻮﻡ ﺍﺭﻳﻜﻚ ﺑﻴﺪﻱ
ﻛﻌﺪﺕ ﺍﺩﺣﻚ ﻋﻠﻰ ﻧﻌﻤﻪ ﺍﻟﻠﻪ ﻭﺍﻟﻠﻪ ﻟﺠﻞ ﻋﻴﻨﻪ ﻭﻋﻴﻦ ﺍﺩﻳﺎﻥ ﺍﻟﺒﺎﺭﺣﻪ ﺍﺻﺎﺭﻉ ﺭﻭﺣﻲ ﻭﺍﺟﺮ ﺍﻟﻨﻔﺲ ﻣﺎﺭﻳﺪ ﺍﺗﺨﺮﺑﻂ
ﺧﻠﺖ ﺍﻟﺮﻳﻮﻙ ﺑﺲ ﺍﻳﺪﻩ ﻭﻫﻴﻪ ﺗﻘﺪﻡ ﺟﺪﺍﻣﻲ ﺟﻦ ﺟﺎﻫﻞ ﺗﺴﻮﻩ ﻋﻨﺪﻱ ﻣﺪﺭﻱ ﺷﻜﺜﺮ ﻭﺍﻟﻠﻪ ﻣﺤﺪ ﻳﺰﻳﻞ ﺍﻟﻬﻢ ﻭﻳﺤﻦ ﻛﺜﺮﺭ ﺍﻻﻡ
ﻋﻠﻰ ﺳﻮﺍﻟﻔﻪ ﻟﺤﻠﻮﻟﻪ ﻃﻴﺮﺕ ﻧﺺ ﺍﻟﺮﻳﻮﻙ ﻭﻫﻢ ﻣﺎﻣﺘﻌﺸﻲ ﺍﻟﺒﺎﺭﺣﻪ ﻃﻮﻝ ﺍﻟﻜﻌﺪﻩ ﺟﻨﺖ ﺍﺳﻮﻟﻔﻪ ﺑﺪﻳﺎﻥ
ﻳﻤﻪ ﺷﻜﺪ ﻧﻀﻴﻔﻪ
ﻳﻤﻪ ﻧﻔﺴﻪ ﺑﻼﻛﻞ ﻳﻌﺠﺐ
ﻳﻤﻪ ﺻﺪﺭﻱ ﻳﻨﺸﺮﺝ ﻣﻦ ﺍﻛﻌﺪ ﺟﺪﺍﻣﻪ
ﻳﻤﻪ ﻣﺘﺼﻮﺭﻳﻦ ﺷﻠﻮﻥ ﻣﺪﺍﺭﻳﺘﻨﻲ
ﺗﻀﺤﻚ ﻭﺗﻘﺮﺏ ﺭﺃﺳﻪ ﻳﻢ ﺍﺫﻧﻲ
ﻓﺎﺭﺱ ﺑﺮﻭﺡ ﺍﺑﻴﻚ ﺑﺮﻭﺡ ﺍﻟﻤﺮﺣﻮﻡ ﺍﺧﻮﻙ ﻻﺗﻜﺮﺏ ﻣﻨﻬﺎ ﻭﺍﻧﺖ ﺷﺎﺭﺏ ﻳﻤﻪ ﺍﻟﻠﻪ ﻣﺎﻳﺮﺯﻗﻚ ﺿﻨﻪ ﻭﻻﻳﺒﺎﺭﻙ ﺑﻲ ﺍﺫﺍ ﺻﺎﺭ
ﻓﺎﺗﺖ ﺍﻡ ﺧﻄﺎﺏ ﺩﻛﻮﻝ ﺍﻟﻴﻮﻡ ﺍﻣﻲ ﺑﻴﻬﺎ ﻛﻞ ﺍﻟﺤﻴﻞ ﺣﺒﻴﺐ ﺍﻟﻜﻠﺐ ﻳﻤﻬﺎ ﻭﺍﻣﻲ ﺗﺮﺩﻫﻪ ﻋﺠﻞ ﺷﻠﻮﻥ ﻣﺎﻳﺼﻴﺮ ﺑﻴﻪ ﺣﻴﻞ ﻭﻧﻀﺮ ﻋﻴﻨﻲ ﺟﺪﺍﻣﻲ
ﻭﻛﻔﺖ ﻋﻠﻰ ﻃﺒﺎﺥ ﺗﺴﻮﻱ ﺭﻳﻮﻙ ﻭﺑﺪﻭ ﻳﻜﻌﺪﻭﻥ ﻭﺍﺣﺪ ﻭﺭﻩ ﻭﺍﺣﺪ ﻭﻫﻴﻪ ﺗﺨﻠﻲ ﺟﺪﺍﻣﻬﻢ
ﻳﻮﻝ ﺛﺎﻣﺮ ﺷﻮ ﻛﻠﺸﻲ ﻣﺎﺷﻔﻨﻪ ﻣﻦ ﺷﻐﻠﻚ ﻫﻴﻦ ﻋﺠﻞ ﺍﻧﻪ ﻭﺍﻧﻪ ﻭﻛﻠﺸﻲ ﻣﺎﻛﻮ
ﺧﺎﻟﻮ ﻟﺴﻪ ﺍﻟﻄﺮﻳﻖ ﺑﺎﻭﻟﻮ ﻭﺍﻟﻠﻪ ﻟﺘﺬﺭ ﻫﻞ ﺷﻐﻠﻪ ﺫﻫﺐ ﺑﺲ ﺟﻌﻢ ﺳﻴﻒ ﻭﻣﺼﻄﻔﻰ ﺣﺘﻰ ﻳﺒﻄﻠﻮﻥ ﺗﺴﺨﺖ ﻭﻳﻄﻠﻌﻮﻥ ﻭﻳﺎﻱ ﻣﻦ ﺍﻟﺼﺒﺢ ﻭﺟﻌﻤﻠﻲ ﻫﻞ ﺧﻄﺎﺏ ﺍﻟﻀﺎﻝ ﻳﻤﻦ ﻋﻠﻴﻪ ﺑﺠﻴﺘﻪ ﻳﻘﻄﺮ ﺗﻘﻄﺮ ﻣﺎﻳﺼﻠﻨﻲ ﻏﻴﺮ ﺍﻟﺠﻤﻌﻪ ﻭﺍﻟﺴﺒﺖ
ﺧﻄﺎﺏ ... ﻳﻮﻝ ﻏﻴﺮ ﻋﻨﺪﻱ ﺷﻐﻞ ﻭﺍﺧﺘﻚ ﺩﻭﺍﻡ ﻣﻮﺯﻳﻦ ﺟﺎﻱ ﺍﺟﻴﻚ ﺟﻤﻌﻪ ﻭﺳﺒﺖ
ﻳﺒﻮﻭﻭ ﻋﺎﺩ ﺭﺍﺡ ﻳﻤﻦ ﻋﻠﻴﻨﻪ ﻋﻤﻲ ﻧﺪﺭﻱ ﺑﻴﻚ ﻣﻬﻨﺪﺱ ﺑﺲ ﻻﺗﺸﻴﻞ ﺧﺸﻤﻚ ﻋﻠﻴﻨﻪ ﺍﺣﻨﺎ ﺍﻫﻠﻚ ﻋﺎﻭﻧﻪ ﺗﺎﻧﻌﺎﻭﻧﻚ
ﺧﻄﺎﺏ .... ﺍﺫﺍ ﺍﻫﻔﻚ ﺑﻤﺎﻋﻮﻥ ﺍﻟﺒﻴﺾ ﻋﻠﻰ ﻭﺟﻬﻚ ﻣﻦ ﻳﻔﺰﻋﻠﻚ ﺍﻱ ﻣﻬﻨﺪﺱ ﻳﻮﻝ ﻫﻴﻪ ﻣﺎﻝ ﻣﻬﻨﺪﺱ ﺫﻳﺞ ﺍﻟﺸﻬﺎﺩﻩ ﺗﺴﻤﻊ ﺻﻮﺗﻚ ﺑﻠﺤﺎﻳﻂ ﻣﻌﻠﻜﻪ ﻧﺺ ﺣﻠﻤﻲ ﻣﺎﺗﺤﻘﻖ ﻣﻦ ﻏﻴﺮ ﺷﻐﻞ ﺧﻮﺍﻟﻚ ﺍﻟﻲ ﻛﺎﺿﺒﻮ ﺑﻌﺪ ﻭﻳﻦ ﺍﻟﻮﻛﺖ ﺩﺍﺿﻞ ﺭﻳﺢ ﺟﺎﻱ ﻟﻬﻨﺎ
ﻓﺎﺭﺱ ... ﺍﻟﻨﻌﻤﻪ ﺟﺪﺍﻣﻜﻢ ﺗﺮﻳﻜﻮ ﻭﺑﻌﺪﻳﻦ ﺳﻮﻟﻔﻮ ﺑﺜﻴﻨﻪ ﻣﺮﻳﻢ ﺗﺒﺎﺭﻙ ﻭﻟﺒﻨﻰ ﺟﺒﺘﻬﻢ ﺍﻟﻨﻘﻞ ﻣﺎﻝ ﺍﻟﻤﺪﺍﺭﺱ ﺳﺒﻮﻉ ﺍﻟﺦ ﺍﺩﺯﻫﻢ ﻭﻳﻪ ﺧﻄﺎﺏ ﺛﺎﻣﺮ ﻛﻤﻞ ﺍﻟﺒﺎﻗﻲ ﻫﻴﻦ ﻭﺧﻠﻬﻢ ﻳﺪﺍﻭﻣﻮﻥ ﺣﻄﻠﻬﻢ ﺧﻄﻮﺕ ﻭﻛﻞ ﺷﻬﺮ ﺍﺩﺯﻟﻜﻢ ﻣﺼﺮﻭﻓﻜﻢ ﻣﺜﻞ ﻛﺒﻞ
ﻳﻠﻪ ﻣﻨﻮ ﻛﻤﻞ ﺍﻛﻠﻮ ﻳﺤﺪﺭ ﻳﺠﻴﺐ ﻣﺤﻔﻀﺘﻲ ﻭﺍﻟﺴﻮﻳﺞ
ﻫﺎ ﻳﻤﻪ ﺭﺍﺡ ﺗﺮﻭﺡ
ﺍﻱ ﺣﺠﻴﻪ ﺍﻭﻝ ﻟﻠﺸﻐﻞ ﻭﺗﺎﻟﻲ ﻋﻠﻰ ﺍﻟﺒﻴﺖ
ﺍﻟﻠﻪ ﻳﺤﻔﻀﻚ ﻭﺗﻮﺻﻞ ﺑﺴﻼﻣﻪ
ﺳﻠﻤﺖ ﻋﻠﻴﻬﻢ ﻭﺧﻠﻴﺘﻠﻬﻢ ﻣﺼﺮﻑ ﻛﻠﺒﻲ ﻣﻔﺮﻓﺢ ﻋﻠﻰ ﺗﺒﺎﺭﻙ ﻻ ﻧﺰﻟﺖ ﻻﻛﺎﻟﺖ ﺑﺎﺑﺎ ﻣﻴﻬﻢ ﻣﺘﻮﻗﻊ ﻛﻞ ﻫﺬﺍ ﺩﺍﻡ ﻣﻴﺴﻮﻥ ﻭﺭﺍﻫﻪ
ﺻﻌﺪﺕ ﺍﻟﺴﻴﺎﺭﻩ ﺍﻟﻮﻟﺪ ﻓﺎﺗﺤﻴﻦ ﺍﻟﺒﺎﺏ ﺗﻮﻧﻲ ﺗﺮﺟﻊ ﺑﻴﻪ ﺍﺷﺮﻭﻟﻲ ﺍﻛﻒ ﺑﺎﻭﻋﺖ ﺑﻤﺮﺍﻱ ﺍﻟﺴﻴﺎﺭﻩ ﺳﻴﺎﺭﻩ ﻓﻴﺼﻞ ﻭﺭﺍﻳﻪ ﻃﻔﻴﺖ ﻭﻧﺰﻟﺖ ﺗﺴﺎﻟﻤﻨﻪ ﻭﻓﺘﻨﻪ ﺟﻮﻫﻪ ﺟﺎﻥ ﺑﺎﺭﻭﺩ ﻭﻛﺎﻋﺪ ﻳﺴﻮﻟﻔﻨﻪ ﻋﻠﻰ ﻳﻮﻡ ﺍﻟﺒﺎﺭﺣﻪ ﺣﺠﺎﻳﻪ ﻣﻨﻲ ﺣﺠﺎﻳﻪ ﻣﻨﻪ ﻛﺒﻴﻨﻪ ﺑﻂ ﺟﺒﺪﻱ ﻭﻫﻮﻩ ﻳﻠﻮﻣﻨﻲ ﺍﻧﺖ ﻭﺍﻧﺖ ﻭﺣﺮﻣﺘﻚ ﻧﺰﻟﺘﻮ ﺭﻭﺳﻨﻪ ﻓﻀﺤﺘﻮﻧﻪ ﺍﻟﻨﺎﺱ ﺣﺠﺖ ﺑﻴﻨﻪ ﺍﻟﺴﺎﻟﻔﻪ ﻃﺸﺖ ﺣﺘﻰ ﻟﺒﻐﺪﺍﺩ ﻭﺻﻠﺖ ﺍﺑﻮ ﻣﺰﻫﺮ ﻛﺖ ﺍﻻﻭﻝ ﻭﺍﻟﺘﺎﻟﻲ ﺣﺘﻰ ﺳﻮﻟﻒ ﻋﺮﻛﺘﻪ ﻭﻳﻪ ﺍﻫﻞ ﺑﻴﺘﻪ ﺍﻻﻭﻟﻴﻪ ﺳﻮﻟﻔﻪ ﻭﻭﻭﻭﻭﻭﻭﻭ ﺗﺎﻟﻲ ﻃﻜﺖ ﺭﻭﺣﻲ ﻭﺯﻛﺤﺖ
ﺍﺍﺍﺍﻱ ﻣﺮﺗﻲ ﻣﺮﺗﻚ ﻭﻣﺮﺗﻚ ﻣﻨﻴﻦ ﺍﺟﺖ ﻣﺮﺗﻲ ﺍﻧﻪ ﻣﻄﻠﻜﻪ ﻭﻫﻢ ﻣﺘﺤﻤﻠﻪ ﻛﻠﻮﻭﻟﻲ ﺑﺘﻠﻴﺖ ﺑﻴﻬﻪ ﺧﻮﻣﺎ ﺑﺘﻠﻴﺖ ﻋﻠﻴﺶ ﺍﻛﻠﺖ ﺭﺍﺳﻲ ﻭﺗﻌﻴﻞ ﺑﻴﻪ ﺩﺍﻣﻚ ﻫﻴﺞ ﻣﺤﺘﺮﺝ ﺩﻣﻚ ﺍﺧﺬﻩ ﻋﻨﺪﻙ ﺍﻧﻪ ﻣﺤﺮﻡ ﻋﻠﻴﻬﺎ ﻭﺍﻫﻠﻚ ﻣﻠﻮ ﻣﻨﻬﺎ ﺍﻧﺖ ﺗﻜﻔﻞ ﺑﻴﻬﺎ ﻭﻫﻢ ﺭﺍﺟﻌﺘﻠﻚ ﺣﺎﻟﻚ ﺣﺎﻟﻨﻪ
ﻋﻴﻮﻧﻮ ﻧﻄﻮ ﺣﺲ ﺍﻧﻪ ﺟﺎﻱ ﺍﺳﺘﻔﺰﻭ ﻟﻮ ﺍﻗﻠﻞ ﻣﻨﻮ ﺻﺎﺭ ﺑﻴﻨﻪ ﺻﺪ ﻭﺭﺩ ﻭﺑﻌﻴﻦ ﻭﺣﻜﻪ ﻓﺎﺗﺖ ﻣﻴﺴﻮﻥ ﺗﺒﺠﻲ
ﺍﺑﻮ ﺣﺴﻦ ﺍﺧﺬﻧﻲ ﻋﻨﺪﻙ ﻭﺍﻟﻠﻪ ﺍﺻﻴﺮ ﺧﺪﺍﻣﻪ ﺑﺲ ﻻﺗﺨﻠﻴﻨﻲ ﻫﻴﻦ ﺍﻟﺒﺎﺭﺣﻪ ﻃﺮﺩﻧﻲ ﻭﺍﻣﻚ ﻭﺧﻮﺍﺗﻚ ﻳﻨﺤﺸﻮﻥ ﺑﻲ
ﻓﻜﻴﺖ ﻋﻴﻨﻲ ﻣﻬﻮﺏ ﻋﻠﻴﻪ ﺍﺭﻳﺪ ﺍﺿﺮﺑﻪ ﺧﻼﻫﻪ ﻭﺭ
ﻩ ﺗﺒﺎﺭﻙ ﻣﺠﻠﺒﻪ ﺑﻲ ﻋﻤﻮﻭﻭ ﺍﺧﺬﻧﻪ ﻳﻤﻚ ﺑﺎﺑﺎ ﺿﺎﻟﻢ
ﺟﺮﻫﻢ ﻭﺭﺍﻩ ﻭﺩﻙ ﺻﺪﺭﻩ ﺍﻧﻪ ﻋﺪﻫﻢ ﻭﺩﺍﻣﻚ ﻣﺎﺗﺤﺘﺮﻡ ﻭﻻﺗﺨﺎﻑ ﺍﻟﻠﻪ ﺑﻴﻬﻢ ﺑﻌﺪ ﺷﻴﻞ ﺍﻳﺪﻙ ﻣﻨﻬﻢ ﻭﺩﺍﻣﻨﻪ ﻧﻔﻀﺤﻨﻪ ﺑﺴﺒﺐ ﺗﻬﻮﺭﻙ ﻭﻋﺼﺎﺑﻚ ﻭﻧﺠﺎﺏ ﻃﺎﺭﻳﻨﻪ ﻻ ﺍﻧﺖ ﺍﺧﻮﻱ ﻭﻻﺍﻋﺮﻑ
ﻟﻄﻤﺖ ﺍﻣﻲ ﻋﻠﻰ ﻭﺟﻬﻪ
ﺩﺧﻴﻠﻚ ﺭﺑﻲ ﻭﻟﺪﻱ ﺗﻔﺎﺻﻠﻮ ﻣﻦ ﻭﺭﻩ ﺣﺮﻣﻪ ﻓﺪﻭﺍﺗﻚ ﺍﻟﻠﻬﻲ ﺍﺣﻀﺮ ﻓﻮﺕ ﺍﻟﺮﺣﻤﻦ ﺑﻴﻨﻬﻢ
ﺳﻜﺘﺖ ﻣﻨﺼﻲ ﺟﺮﻳﺖ ﺳﻮﻳﺠﻲ ﻋﻔﺘﻬﻢ ﻭﻃﻠﻌﺖ ﺍﻟﻮﻟﺪ ﻭﺭﺍﻱ ﺧﺎﻟﻲ ﺗﻌﺎﻝ ﻭﺍﻟﻠﻪ ﻣﻌﺼﺐ ﻣﺎﻳﺪﺭﻱ ﺑﺮﻭﺣﻮ ﻣﺎﺳﻤﻌﺘﻠﻬﻢ ﺭﺩﻳﺖ ﺍﻟﺒﻐﺪﺍﺩ ﻣﺎﺩﺭﻱ ﺷﻠﻮﻥ ﻓﺘﺖ ﺷﻠﻮﻥ ﻭﺻﻠﺖ ﻣﻴﺴﻮﻥ ﻭﺍﻟﺼﺎﺭ ﻛﻠﻮ ﺑﺠﻔﻪ ﺑﺲ ﺍﺧﻮﻱ ﻋﻀﻴﺪﻱ ﻓﻴﺼﻞ ﺍﺑﻮ ﺣﺴﻦ ﺑﺠﻔﻪ
ﻻﻛﺪﺭﺕ ﺍﺭﻭﺡ ﻟﺪﻳﺎﻥ ﻭﻻﻛﺪﺭﺕ ﺍﺻﻞ ﻛﻌﺪﺕ ﺍﺷﺮﺏ ﻟﺤﺪ ﻣﺎﻃﻔﻴﺖ ﻫﻴﻨﻮﺏ
ﺍﺩﻳﺎﻥ ..... ﺍﻳﻬﻢ ﻛﺎﻓﻲ ﺗﺮﻩ ﺟﻔﺼﺖ ﺑﻄﻨﻲ ﺩﻛﻌﺪ ﻳﺎ ﻣﺎﻣﺎ
ﻋﺬﺭﺍﺀ .... ﺑﻌﺪ ﻣﻴﻜﻌﺪ ﻋﻴﻨﻲ ﺗﻌﻠﻢ ﻋﻠﻰ ﺍﻟﻜﻠﺦ ﻭﺍﻟﺪﻻﻝ ﺍﺫﺍ ﺑﺸﻘﻪ ﺍﻧﺘﺮﻧﻴﺖ ﻭﺗﻠﻔﺰﻳﻮﻥ ﺷﻴﺴﻮﻱ ﺑﻠﺨﻴﻤﻪ ﺑﻌﺪ ﻣﺘﺸﻮﻓﻲ ﺿﺎﻳﺞ
ﻓﺪﻭﻩ ﻋﺬﺭﺍﺀ ﺩﻗﻨﻌﻲ ﻣﺎﻣﺎ ﻭﺍﻟﻠﻪ ﻟﺴﺎﻧﻲ ﻭﻛﻊ ﻭﺍﻧﻲ ﺣﺎﺟﻴﻪ ﺗﺠﻮﻥ ﺗﻌﻴﺸﻮﻥ ﻭﻳﺎﻱ ﻭﻣﺘﻘﺒﻞ
ﻫﻮﻩ ﺩﺧﻞ ﺍﻗﻨﻊ ﺍﻧﻲ ﻋﻮﺩ ﺍﻗﻨﻊ ﺍﻣﺞ ﺑﺎﺑﺎ ﻣﺮﻩ ﻣﺘﺰﻭﺟﻪ ﻭﺭﺟﻠﺞ ﺭﺟﺎﻝ ﻏﺮﻳﺐ ﺷﻬﺮ ﺑﻌﺪ ﻣﻜﻤﻠﺘﻮ ﻧﺠﻲ ﻧﻌﻴﺶ ﻳﻤﻜﻢ ﺷﻠﻮﻥ
ﺷﻜﻮ ﺑﻴﻬﺎ ﻭﺍﻟﻠﻪ ﺍﻟﻌﻀﻴﻢ ﻓﺎﺭﺱ ﻳﻜﻴﻒ ﻭﺍﻧﻲ ﻃﻮﻝ ﺍﻟﻨﻬﺎﺭ ﻭﺣﺪﻱ ﻫﻮﻩ ﻟﻮ ﺑﻠﻤﺤﻞ ﻟﻮ ﺑﻠﻤﻨﻀﻤﻪ ﻭﻣﺨﻠﺼﺘﻪ ﺑﺲ ﺍﻧﻲ ﻭﺍﻳﻬﻢ ﻛﺎﻋﺪﻩ ﺍﻛﺮﺽ ﺑﺮﻭﺣﻲ ﻭﺑﺎﻟﻲ ﻛﻠﻪ ﻳﻤﻜﻢ ﻭﺍﻟﻠﻪ ﺍﺷﺘﻐﻞ ﺍﺗﺤﺮﻙ ﻛﻠﻪ ﺍﺳﻮﻱ ﻋﺎﺩﻱ ﻛﺪﺍﻡ ﻓﺎﺭﺱ ﺑﺲ ﺑﺪﺍﺧﻠﻲ ﺩﺍﺩﻛﻄﻊ ﻋﻠﻴﻜﻢ
ﻻﺗﺘﻜﻄﻌﻴﻦ ﻭﻻ ﺍﺑﺪ ﻭﺍﻟﻠﻪ ﻋﻴﺸﻲ ﺣﻴﺎﺗﺞ ﻭﻻﺗﻔﻜﺮﻳﻦ ﺍﺑﺪ ﻣﻮﻛﺎﻓﻲ ﺍﻟﻀﻴﻢ ﺍﻟﺸﻔﺘﻲ ﻛﺒﻞ ﻫﺎﻫﻴﻪ ﺍﻧﺘﻲ ﻃﻠﻌﺘﻨﻲ ﻣﻦ ﺧﻄﻴﺘﻨﻪ ﻭﺍﺣﻨﺎ ﺗﻌﻠﻤﻨﻪ ﻓﺪﻭﻩ ﺍﺩﻳﺎﻥ ﺍﻧﻲ ﻣﺎﺭﻳﺪﺝ ﺗﻘﻨﻌﻴﻦ ﻣﺎﻣﺎ ﻭﺍﻟﻠﻪ ﻋﻨﺪﻱ ﻫﺎﻱ ﺍﻟﺨﻴﻤﻪ ﺗﺴﻮﻯ ﻗﺼﺮ ﺩﺍﻣﻪ ﺍﻟﻨﻪ ﻭﻣﺤﺪ ﻣﺎﻥ ﻋﻠﻴﻨﻪ ﺑﺒﻬﺎ ﺗﺪﺭﻳﻦ ﺭﺟﻞ ﺗﻤﺎﺭﻩ ﻛﺮﻫﻨﻲ ﺑﻜﻞ ﺍﻟﻨﺴﺎﺑﻪ ﻭﻣﻦ ﺍﺷﻮﻑ ﻓﺎﺭﺱ ﺷﻠﻮﻥ ﺍﺩﺏ ﻭﺃﺧﻼﻕ ﻭﻳﺤﺒﺞ ﺍﻏﻴﺮ ﺭﺍﻱ ﻓﺎﻟﻠﻪ ﻋﻠﻴﺞ ﺧﻠﻴﻨﻪ ﻫﻴﺞ ﺍﺣﻨﺎ ﻣﺮﺗﺎﺣﻴﻦ ﻫﺴﻪ ﻋﻮﻓﺞ ﻣﻨﺎ ﺗﻌﺎﻱ ﻛﻠﻴﻠﻲ ﺍﻟﺴﻠﻄﺎﻥ ﺳﻠﻴﻤﺎﻥ ﻣﺴﻮﻱ ﺍﻟﺸﻤﺎﻝ ﺑﺎﺏ ﺍﻟﺸﺮﺟﻲ ﺷﻠﻮﻥ ﺷﻮ ﺭﺍﻳﺢ ﺟﺎﻱ ﺍﻟﺒﺎﺭﺣﻪ ﺭﺍﺡ ﻭﺍﻟﻴﻮﻡ ﻳﻜﻠﺞ ﺭﺍﺡ ﺍﺟﻲ
ﻏﻴﺮ ﺍﻫﻠﻪ ﻫﻨﺎﻙ ﻋﺎﺩﻱ ﻫﻮﻩ ﻣﺘﻠﻌﻢ ﻳﺮﻭﺡ ﻭﻳﺠﻲ
ﺑﺒﺒﺒﺒﺨﺖ ﻋﻤﻲ ﺑﺨﺖ ﻭﺍﻧﻲ ﺭﺃﺱ ﺍﻟﺸﺎﺭﻉ ﻣﺸﺎﻳﻔﺘﻪ ﺭﺑﻲ ﻧﻔﺮ ﺩﻟﻔﺮﻟﻲ ﻣﻦ ﺍﺗﺒﺎﻉ ﺍﻟﺴﻠﻄﺎﻥ ﻭﻛﻮﻥ ﺭﺍﻳﺤﻪ ﺟﺎﻳﻪ ﻟﻠﺸﻤﺎﻝ ﺍﺫﺍ ﻓﺎﺭﺱ ﻣﺴﻮﻳﻪ ﺑﺎﺏ ﺍﻟﺸﺮﺟﻲ ﺍﻧﻲ ﺍﺳﻮﻳﻪ ﻛﺮﺍﺝ ﺍﻟﻌﻼﻭﻱ
ﻋﺎﺑﺘﻠﺞ ﺩﻛﻮﻟﻲ ﺍﻟﻠﻪ ﻳﺮﺟﻌﻪ ﺳﺎﻟﻢ ﻭﺝ ﺷﻮﻓﻲ ﻏﻮﺭﺑﺖ ﻭﻫﻮﻩ ﻛﻠﻲ ﺿﻬﺮ ﻳﻤﺞ ﺍﻧﻲ
ﺍﻱ ﻣﻮ ﺍﻟﺸﻤﺎﻝ ﺑﺼﻔﻨﻪ ﺍﻱ ﻫﻨﺎ ﻫﻨﺎ ﺑﻠﺨﻴﻤﻪ ﻟﺒﺼﻒ ﺍﻡ ﻏﺎﻳﺐ ﻭﺝ ﺑﻌﻴﺪﺍ ﺍﺻﺒﺮﻱ ﻻﺗﻀﻠﻴﻦ ﺩﻛﺪﻛﻴﻦ ﻋﻠﻴﻪ ﻣﺪﺍﻡ ﻛﻠﺞ ﺍﺟﻲ ﻳﺠﻲ
ﺳﻜﺘﺖ ﻫﻢ ﺻﺪﻙ ﻛﻼﻣﻪ ﻃﺮﻳﻖ ﺑﻌﻴﺪ ﻭﺗﺎﺍﺧﺮ
ﻳﻤﻪ ﻛﻮﻣﻲ ﻧﻐﺴﻞ ﻭﺗﺘﻮﺿﻴﻦ ﺻﺎﺭﺕ ﺻﻼﻩ ﺍﻟﻤﻐﺮﺏ
ﺍﻱ ﺑﻨﺘﻲ ﻧﻄﻴﻨﻲ ﺍﻳﺪﺝ ﻭﺝ ﺍﺩﻳﺎﻥ ﺻﺎﻳﺮﻩ ﻣﺎﺷﻮﻑ ﻣﻦ ﺗﻐﻮﺭﺏ ﺍﻟﺪﻧﻴﻪ ﺑﺲ ﻻ ﻋﻴﻮﻧﻲ ﺭﺍﺡ ﺗﻄﻔﻰ
ﻻ ﺣﺒﻴﺒﺘﻲ ﻻﺗﻮﻫﺴﻴﻦ ﺑﺲ ﺗﻌﺐ ﻋﺎﺩﻱ ﻫﺴﻪ ﻳﻮﻣﻴﻦ ﻭﺍﺧﺬﺝ ﻟﻠﺪﻛﺘﻮﺭ ﻫﻢ ﻧﻐﻴﺮ ﺍﻟﻌﻼﺝ ﺷﻮ ﺣﻠﻜﺞ ﺑﻌﺪﻩ ﺍﻱ ﺗﺤﺴﻦ ﻣﺎﻛﻮ
ﺩﻣﻌﺖ ﺣﻀﻨﺘﻪ
ﻳﻮﻡ ﻓﺪﻭﻩ ﻭﺍﻟﻠﻪ ﻋﻴﻮﻧﺞ ﻫﻴﺞ ﺻﺎﺭﻭ ﻛﺪ ﻣﺘﺒﺠﻴﻦ ﻭﻫﻴﺞ ﻣﻮﺯﻳﻦ ﻋﻠﻰ ﺻﺤﺘﺞ ﺣﺘﻰ ﺗﺤﺴﻦ ﻣﺪﻳﺼﻴﺮ ﻫﺴﻪ ﻟﻴﺶ ﺗﺌﺬﻳﻦ ﻧﻔﺴﺞ ﻣﻮ ﺍﻧﺘﻲبيج قصص عراقيه حقيقيه من واقعنا.روعه الطائي
ﻟﺪﻛﻮﻟﻴﻨﻪ ﻻﺗﺒﺠﻦ ﺍﺧﻮﺗﺠﻦ ﺑﺠﻨﻪ ﺷﻮ ﺗﻜﺴﺮﻳﻦ ﻋﻠﻴﻨﻪ ﻭﺗﻀﻐﻄﻴﻦ ﻋﻠﻰ ﻧﻔﺴﺞ
ﻣﺎﻛﺪﺭ ﻳﻤﻪ ﻭﺍﻟﻠﻪ ﻣﺎﻛﺪﺭ ﺟﻤﺮﺗﻬﻢ ﺑﻜﻠﺒﻲ ﻣﺸﺘﻌﻠﻪ ﻣﺪﺗﻄﻔﻰ
ﺍﺳﺘﻐﻔﺮﻱ ﻳﺎﺍﻣﻲ ﺍﺳﺘﻐﻔﺮﻱ ﺍﻻﺳﺘﻐﻔﺎﺭ ﻫﻮﻩ ﺍﻟﻌﻼﺝ ﻟﻜﻞ ﻋﻠﻪ ﺑﻴﻨﻪ ﻫﺴﻪ ﺍﻋﻠﻤﺞ ﻳﺎﺍﻣﻲ ﻣﻮﺫﻧﻲ ﺍﻟﺴﻮﺍﻟﻒ ﻛﻠﻬﻦ ﻣﺘﻌﻠﻤﺘﻬﻦ ﻣﻨﺞ
ﻫﺰﺕ ﺭﺃﺳﻪ ﺳﺎﻛﺘﻪ ﺍﺧﺬﺗﻪ ﻏﺴﻠﺖ ﻭﺗﻮﺿﺖ ﺭﺟﻌﺘﻠﻪ ﻓﺮﺷﺖ ﺍﻟﺴﺠﺎﺩﻩ ﻛﻌﺪﺗﻪ ﺗﺼﻠﻲ ﻭﺭﺟﻌﺖ ﺑﻴﺪﻱ ﺷﻴﻠﺘﻪ ﺟﺮﻳﺖ ﺍﻟﻄﺎﺑﻮﻛﻪ ﻭﻛﻌﺪﺕ ﻏﺴﻠﺘﻪ ﺍﻟﻬﻮﺍﺀ ﺑﺮﺩ ﺑﺪﻳﻨﻪ ﻧﻔﻮﺕ ﺑﺸﺘﺎ ﺗﻌﺒﻮﻧﻲ ﻣﻴﺮﺿﻮﻥ ﻳﻌﻴﺸﻮﻥ ﻳﻤﻲ ﻭﻻ ﺍﻧﻲ ﻣﺮﺗﺎﺣﻪ ﺑﺪﻭﻧﻬﻢ ﻫﺴﻪ ﻋﻮﺩ ﺍﻧﻲ ﻳﻤﻬﻢ ﺍﻟﻤﻔﺮﺽ ﺍﺭﺗﺎﺡ ﺑﺲ ﻓﺎﺭﺱ ﻃﻠﻌﻠﻲ ﺻﻔﺢ ﺑﺮﻭﺣﺘﻪ ﻟﻬﻠﻪ
ﺳﺒﻮﻋﻴﻦ ﻣﺘﺰﻭﺟﻴﻦ ﻳﻮﻡ ﺍﺣﻠﻰ ﻣﻦ ﻳﻮﻡ ﻳﻮﻡ ﺑﻌﺪ ﻳﻮﻡ ﻣﻮ ﺩﺍﺣﺒﻪ ﻻ ﺩﺍﻋﺸﻘﻪ ﻭﺷﻮﻳﻪ ﺷﻮﻳﻪ ﺍﺣﺎﻭﻝ ﻣﺮﺍﺕ ﺍﺣﺠﻴﻠﻪ ﺑﻤﺎﻻﺕ ﺍﻟﻠﻪ ﻭﺍﻟﺼﻼﻩ ﻭﻣﺘﺌﺎﻣﻠﻪ ﺃﺟﻴﺒﻪ ﻟﻠﺪﺭﺏ
ﻣﺪﻧﻜﻪ ﺍﻟﻤﻲ ﻳﺠﺮﻱ ﺩﻗﻨﻲ ﺍﻳﻬﻢ
ﻣﺎﻣﺎ ﻧﻴﻮﻭﻭ ﻋﻮﻋﻮ ﺍﺑﺎﻭﻉ
ﺍﻱ ﺣﺒﻴﺒﻲ ﻫﺴﻪ ﻳﺠﻲ ﻋﻤﻮ ﻓﺎﺭﺱ ﻭﻧﺮﻭﺡ ﺍﺷﻐﻠﻚ ﻧﻴﻮﻭ ﻭﻋﻮﻋﻮ ﻭﻛﻠﺸﻲ ﺗﺮﻳﺪ
ﺳﺎﻋﻪ ﺳﺎﻋﺘﻴﻦ ﺻﺎﺭ ﺍﻟﻴﻞ ﻭﻧﺘﺼﻒ ﻭﻓﺎﺭﺱ ﻣﺎﻛﻮ ﺍﺗﺼﻞ ﻣﻐﻠﻖ ﺍﺑﺎﻭﻉ ﻟﻠﺴﺎﻋﻪ ﻋﺒﺮﺕ ﻝ١٢ﺍﻳﻬﻢ ﻧﺎﻡ ﻋﺬﺭﺍﺀ ﺗﺮﺳﻢ ﻏﻴﺮﺭ ﻋﻠﻴﻪ ﻭﺍﻫﺲ ﺍﺣﻠﻰ ﺷﻲ ﺑﻴﻬﺎ ﻣﻦ ﺗﺮﺳﻢ ﻟﺴﺎﻧﻪ ﻳﻨﺒﻠﻊ ﻳﺨﺘﻔﻲ ﺗﻨﺪﻣﺞ ﺑﻌﺪ ﻟﻮ ﺷﻴﺼﻴﺮ ﻣﺘﻨﺘﺒﻪ
ﺿﻠﻴﺖ ﻛﻞ ﺷﻮﻳﻪ ﺍﻛﻮﻡ ﻣﻦ ﻓﺮﺍﺷﻲ ﺍﺑﺎﻭﻉ ﻣﻦ ﺯﺭﻑ ﺍﻟﺨﻴﻤﻪ ﺍﻛﻮﻝ ﻫﺴﻪ ﻳﺠﻲ ﻭﻣﺎﻛﻮ
ﺗﻌﺒﺖ ﺧﻠﻴﺖ ﺭﺍﺳﻲ ﻣﻔﺘﺤﻪ ﺃﻓﻜﺮ ﻭﺍﻋﻴﺪ ﺑﺼﻮﺗﻪ ﺍﻟﺼﺒﺢ ﺟﺎﻥ ﻣﻮﻃﺒﺒﻌﻲ ﺍﺟﻴﺒﻪ ﻣﻨﺎ ﺍﻭﺩﻳﻪ ﻣﻨﺎ ﻋﻴﻮﻧﻲ ﻛﺎﻣﻦ ﻳﻐﻔﻦ ﻭﺍﺣﺲ ﺑﺤﺮﻛﻪ ﻋﺬﺭﺍﺀ
ﺧﺮﺧﺸﻪ ﺍﻷﻗﻼﻡ ﺑﻨﺺ ﺍﻟﻤﺤﻔﻀﻪ
ﻃﺒﻜﺖ ﺍﻟﻮﺭﻕ ﻭﺍﺧﺮ ﺷﻲ ﻧﺨﻔﺾ ﺿﻮﻩ ﺍﻟﻔﺎﻧﻮﺱ ﺑﻌﺪ ﻣﺎﺩﺭﻳﺖ ﺑﺸﻲ
ﻭﻭﻭﻳﻦ ﻭﻛﻌﺪﺕ ﻣﻔﺰﻭﻋﻪ
ﻋﺰﺯﻩ ﺷﻮﻥ ﻧﻤﺖ ﺷﻮﻥ ﺍﺧﺬﺕ ﻋﻴﻨﻲ ﻧﻮﻡ ﺭﺟﻠﻲ ﻭﻳﻦ ﺻﺎﺭ ﺷﻠﻮﻥ ﺍﺍﻣﻨﺖ ﻭﻧﻤﺖ
ﺍﻟﺨﻴﻤﻪ ﺿﻠﻤﻪ ﺗﻠﻤﺴﺖ ﻓﺮﺍﺷﻲ ﻣﺨﺪﺗﻲ ﺗﻠﻴﻔﻮﻧﻲ ﻭﻳﻦ ﻣﺪﻳﺖ ﺍﻳﺪﻱ ﻳﻢ ﺭﺍﺳﻲ ﻟﻜﻴﺘﻪ ﺷﺘﻐﻞ ﺿﻮﺍﻩ ﻣﻦ ﺍﻟﺸﺪﻫﻪ ﻧﺴﻴﺖ ﺍﻟﺮﻣﺰ
ﺍﻟﺠﻬﺎﺯ ﺑﻌﺪﻩ ﺟﺪﻳﺪ ﺟﺎﺑﻠﻴﺎﻩ ﻓﺎﺭﺱ ﺍﺭﺳﻢ ﺍﻟﻨﻤﻂ ﻣﺮﺗﻴﻦ ﺗﻼﺛﻪ ﺧﻄﺎﺀ ﻫﺪﻳﺖ ﺭﻭﺣﻲ ﺍﺑﻠﻊ ﺭﻳﻜﻲ ﻛﻤﺖ ﺷﻐﻠﺖ ﺍﻟﻔﺎﻧﻮﺱ ﻭﻧﺼﻴﺘﻪ
ﺭﺟﻌﺖ ﻟﻔﺮﺍﺷﻲ ﺑﻬﺪﻭﺀ ﻣﺮﻛﺰﻩ ﻓﺘﺤﺖ ﺍﻟﺮﻣﺰ ﻭﺩﻛﻴﺖ ﻣﺮﻩ ﻣﺮﺗﻴﻦ ﻭﺍﻛﺜﺮ ﻳﺪﻙ ﻭﻳﻨﻄﻴﻨﻲ ﺭﻓﺾ ﻛﻠﺒﻲ ﺷﺘﻌﻞ ﻭﺍﺭﺟﻊ ﺍﺳﺘﻐﻔﺮ ﻭﺍﺳﺒﺢ ﻣﺎﻫﺪﻳﺖ ﺍﺑﺪ ﻃﻠﻌﺖ ﺗﻮﺿﻴﺖ ﻭﺭﺟﻌﺖ ﻛﻤﺖ ﺍﺻﻠﻲ ﻭﺍﺩﻋﻲ ﻳﺎﺭﺑﻲ ﻣﺎﻛﻮ ﺷﻲ ﻳﺎﺭﺑﻲ ﻣﺎﻛﻮ ﺷﻲ ﺳﺠﺪﺕ ﻭﺻﻮﺕ ﺳﻴﺎﺭﻩ ﻃﺒﻜﺖ ﺍﻧﻲ ﻭﺳﺎﺟﺪﻩ ﻛﻠﺖ ﺭﺑﻲ ﻛﻮﻥ ﻫﻮﻩ
ﻋﻠﻰ ﺳﺮﻳﻊ ﻛﻤﻠﺖ ﻭﺭﻛﻀﺖ ﺍﺑﺎﻭﻉ ﻣﻦ ﺍﻟﺰﺭﻑ ﻓﺎﺭﺱ ﻭﺍﻟﻠﻪ ﻓﺎﺭﺱ ﻃﻠﻌﺖ ﻣﻠﻬﻮﻓﻪ ﻓﻜﻴﺖ ﺍﻟﺒﺮﺩﻩ ﻣﺒﺘﺴﻤﻪ ﺻﺎﺭ ﻛﺪﺍﻣﻲ ﻭﺟﻬﻲ ﻃﻔﻪ
ﺭﻳﺤﺘﻪ ﺗﺬﺑﺢ ﺷﺎﺭﺏ ﻋﻴﻮﻧﻪ ﺩﻡ ﻟﺰﻣﺖ ﺍﻳﺪﻩ ﺍﺳﻨﺪﻩ ﺗﺸﻴﺮﺗﻪ ﺍﺛﺮ ﺍﻟﻤﻲ ﺑﻲ ﻣﻐﺴﻞ ﺣﺘﻰ ﻳﺼﺤﻰ ﻣﺒﻴﻦ ﻫﻤﺲ ﻣﺒﺮﻃﻤﻪ
ﻓﺎﺭﺱ ﺷﺎﺭﺏ
ﻫﺰ ﺭﺃﺳﻪ ﺍﻱ
ﻧﺼﻴﺖ ﺑﻬﺪﻭﺀ ﻛﺎﻝ ﻳﻠﻪ ﻧﺮﻭﺡ ﻫﺰﻳﺖ ﺭﺍﺳﻲ ﻧﺪﺭﺕ ﺩﺍﻓﻮﺕ ﻭﺭﺟﻌﺖ ﻋﻠﻴﻪ ﻓﺎﺭﺱ ﺻﺎﺣﻲ
ﺍﻱ ﺷﻮﻳﻪ
ﺑﻠﻌﺖ ﺭﻳﻚ ﻭ
ﻓﺘﺖ ﺫﺑﻴﺖ ﺍﻻﺯﺍﺭ ﻟﺒﺴﺖ ﺻﺎﻳﺘﻲ ﻭﺷﻤﺮﺕ ﺍﻟﺸﺎﻝ ﺷﻠﺖ ﺟﻨﻄﻲ ﺗﻮﻧﻲ ﺍﻛﻌﺪ ﺍﻣﻲ ﻛﻠﺖ ﻻﺧﺎﻑ ﺗﻄﻠﻊ ﻭﺗﺸﻮﻓﻪ ﺑﻬﻞ ﺷﻜﻞ ﺷﺪﻛﻮﻝ ﻋﻔﺘﻪ ﻭﻃﻠﻌﺖ ﺟﺎﻥ ﻣﺮﺗﺠﻲ ﻋﻠﻰ ﺳﻴﺎﺭﻩ ﻛﻮﻩ ﻭﺍﻛﻒ
ﺷﻜﻠﻪ ﺷﻠﻮﻥ ﺍﻛﻠﻪ ﺍﺻﻌﺪ ﻟﺴﻴﺎﺭﻩ ﻟﺘﺸﻮﻓﻚ ﺍﻣﻲ ﺧﺎﻑ ﻣﻮﺍﻋﻲ ﻭﻳﻜﻮﻡ ﻳﺨﺮﺑﻂ
ﻻﻻ ﻭﻋﺎﻱ ﻟﻌﺪ ﺷﻮﻥ ﺳﺎﻕ ﻭﺻﻞ ﻟﻬﻨﺎ
ﻓﺎﺭﺱ ﻓﺎﺭﺱ ﺩﻗﻴﺘﻪ ﻣﻦ ﺍﻳﺪﻩ
ﻫﺎﺍ
ﻓﺎﺭﺱ ﻓﺪﻭﻩ ﺍﺻﻌﺪ ﻟﺴﻴﺎﺭﻩ
ﻛﻤﻠﺘﻲ
ﺍﻱ ﺍﻱ ﺑﺲ ﺍﺻﻌﺪ
ﻧﺪﺍﺭ ﺻﻌﺪ ﺷﻐﻞ ﺍﻟﺴﻴﺎﺭﻩ ﻓﺘﺖ ﺭﻛﺾ ﻛﻨﺒﺼﺖ ﻳﻢ ﻣﺎﻣﺎ ﺑﻠﻐﺘﻪ ﺗﻔﺎﺟﺖ ﺑﺲ ﻛﺘﻠﻪ ﻋﻨﺪﻩ ﺷﻐﻞ ﻭﺗﺎﺍﺧﺮ ﻛﺎﻟﺖ ﺍﻟﻠﻪ ﻭﻳﺎﺝ ﺑﺲ ﺍﻳﻬﻢ ﻣﺎﻛﺪﺭ ﺍﺧﺬﻩ ﺍﻟﻮﺿﻊ ﻣﻮﺗﻤﺎﻡ ﻳﺼﺒﺢ ﺍﻟﺼﺒﺢ ﻳﺼﺤﻰ ﻓﺎﺭﺱ ﻭﺍﻟﺼﺒﺎﺡ ﺭﺑﺎﺡ
ﺻﻌﺪﺕ ﺍﻟﺴﻴﺎﺭﻩ ﻛﻠﻤﻪ ﻣﺎﺣﺠﻴﺖ ﻛﺎﻋﺪﻩ ﻓﺎﻛﻪ ﻋﻴﻨﻲ ﻛﻠﻪ ﻋﻠﻰ ﺷﺎﺭﻉ ﺧﺎﻑ ﻳﺬﺑﻨﻪ ﺑﻄﺴﻪ ﻟﻮﻳﻠﻄﻤﻨﻪ ﺑﺘﻴﻞ ﺑﻴﺖ ﺷﻜﻠﻪ ﻳﺨﻮﻑ ﺷﻌﺮﻩ ﻣﺨﺮﺑﻂ ﻭﻳﺴﻮﻕ ﻛﻮﻩ ﻣﻔﺘﺢ ﻣﻀﻠﺖ ﺍﻳﻪ ﻣﻘﺮﻳﺘﻪ ﻛﻞ ﻃﺴﻪ ﺍﻳﺪﻱ ﺗﺼﻴﺮ ﻋﻠﻰ ﺭﺟﻠﻪ
ﺑﺴﻢ ﺍﻟﻠﻪ
ﻳﺎﻟﻠﻪ
ﺣﻠﻜﻲ ﻳﺒﺲ ﻟﺤﺪ ﻣﻮﺻﻠﻨﻪ ﺍﻟﻌﻤﺎﺭﻩ ﻟﺴﺎﻛﻨﻴﻪ ﺻﻒ ﺍﻟﺴﻴﺎﺭﻩ ﻳﺘﻄﻮﻃﺢ ﻟﺰﻣﺘﻪ ﻭﺻﻌﺪﻧﻪ ﺷﻤﺮ ﺍﻟﺴﻮﻳﺞ ﻭﺷﻤﺮ ﺭﻭﺣﻪ ﻋﻠﻰ ﺟﺮﺑﺎﻳﻪ ﺫﺑﻴﺖ ﺟﺒﺘﻲ ﻭﺟﻴﺖ ﻋﻠﻴﻪ ﺫﺑﻴﺖ ﺣﺬﺍﺀ ﻭﺟﻮﺍﺭﻳﺒﻪ ﺭﻛﺾ ﻟﻠﺤﻤﺎﻡ ﻧﺰﻋﺘﻪ ﺍﻟﺘﺸﺮﻳﺖ ﻓﻌﻼ ﺟﺎﻥ ﻣﺒﻠﻞ ﻓﻜﻴﺖ ﺍﻟﺤﺰﺍﻡ ﻧﺰﻋﺘﻪ ﺍﻟﺒﻨﻄﺮﻭﻥ ﺳﺎﻛﺖ ﻋﻴﻮﻧﻪ ﺗﻔﺘﺢ ﻭﺗﻐﻤﺾ ﺗﻠﻤﺴﺖ ﻭﺟﻬﻪ
ﻓﺎﺭﺱ ﺷﺒﻴﻚ
ﻣﺎﺣﺠﻪ ﻣﺎﺟﺎﻭﺏ ﻳﺮﺑﻲ ﺷﺒﻲ
ﻏﻄﻴﺘﻪ ﻭﻃﻠﻌﺖ ﻓﺘﺖ ﻟﻠﺤﻤﺎﻡ ﺍﻏﺴﻞ ﺭﻭﺣﻲ ﺗﺮﺟﻒ ﺍﺩﻳﺎﻥ ﺍﺻﺒﺮﻱ ﺧﻠﻴﺞ ﻫﺎﺩﻯ ﺍﻧﺘﻲ ﺗﺪﺭﻳﻦ ﺑﻲ ﻳﺸﺮﺏ ﺍﺻﻼ ﻫﺎﻱ ﺑﺪﺍﻳﻪ ﺍﻟﻤﺸﻮﺍﺭ ﻭﻳﺎﻩ ﺍﻱ ﺍﺻﺒﺮﻱ ﺭﻭﺣﻲ ﻧﺎﻣﻲ ﻳﺼﺤﻰ ﻭﺣﺠﻲ
ﻗﻔﻠﺖ ﺍﻟﺸﻘﻪ ﻃﻔﻴﺖ ﺍﻻﺿﻮﻳﻪ ﻭﺟﻴﺖ ﻣﺪﺩﺕ ﺑﺼﻔﻰ ﻳﺘﻨﻔﺲ ﻗﻮﻱ ﻳﻌﻨﻲ ﻛﺎﻋﺪ ﻣﺪﻳﺖ ﺍﻳﺪﻱ ﻋﻠﻰ ﺭﺍﺳﻪ ﺍﻗﺮﻩ ﻭﺍﺳﻤﻲ ﻭﺗﻌﻮﺫ ﻣﻦ ﺍﻟﺸﻴﻄﺎﻥ ﺟﺮ ﺍﻳﺪﻱ ﻟﺼﺪﺭﻩ ﺣﻀﺘﻨﻪ ﺷﺎﻝ ﺭﺍﺳﻲ ﺧﻼﻩ ﻋﻠﻰ ﺍﻳﺪﻩ ﻭﺟﻬﻪ ﺑﺮﻛﺒﺘﻲ ﻳﺒﻮﺱ ﺑﻴﻪ ﺟﻤﺪﺕ ﺑﺲ ﻻﻳﺘﻘﺮﺏ ﻭﻫﻮﻩ ﺷﺎﺭﺏ
ﻓﺎﺭﺱ ﺷﺒﻴﻚ
ﺍﺩﻳﺎﻥ ﺍﺭﻳﺪﺝ
ﺳﻜﺘﺖ ﺻﺪﻳﺖ ﻭﺟﻬﻲ ﻣﻨﻪ ﺭﺟﻌﻪ ﺑﻴﺪﻩ ﻳﺒﻮﺱ ﺑﻴﻪ ﻏﻤﻀﺖ ﺣﻴﻞ ﻻﺯﻣﻪ ﻧﻔﺴﻲ ﺳﺎﻛﺘﻪ ﻭﺗﻘﺮﺏ ﻣﻜﺪﺭﺕ ﺍﻣﻨﻌﻪ ﺣﺎﻟﻪ ﺍﺑﺪ ﻣﻮﻃﺒﻴﻌﻲ ﺿﻠﻴﺖ ﻣﻐﻤﻀﻪ ﺍﺑﺪ ﻣﺘﻔﺎﻋﻠﺖ ﻭﻫﻮﻩ ﻋﺒﺎﻟﻚ ﻣﻤﻬﺘﻢ ﺑﺲ ﺑﻜﻞ ﺣﻴﻠﻪ ﺃﻛﺜﺮ ﺣﺘﻰ ﻣﻦ ﺻﺎﺣﻲ
ﻛﻤﻞ ﻭﺑﺘﻌﺪ ﻟﻤﻴﺖ ﻧﻔﺴﻲ ﺭﻛﻀﺖ ﻟﻠﺤﻤﺎﻡ ﻓﻜﻴﺖ ﺍﻟﻤﻲ ﺍﺟﻠﻒ ﺑﺠﺴﻤﻲ ﻭﻣﻦ ﺧﺒﺎﻟﻲ ﺍﻛﻤﺰ ﺍﺿﺮﺏ ﺑﻄﻨﻲ ﺣﺘﻰ ﺍﺫﺍ ﺭﺍﺩ ﻳﺜﺒﺖ ﺷﻲ ﻳﻮﻛﻊ ﻣﺎﺭﻳﺪﻩ
ﻣﺎﺭﻳﺪﻩ ﺑﺬﺍﺕ ﻫﺎﻱ ﺍﻟﻴﻠﻪ ﺍﺫﺍ ﺍﻟﻠﻪ ﻗﺴﻤﻠﻲ ﻣﺎﺭﻳﺪﻩ
ﺷﻴﻄﻠﻊ ﻧﻄﻔﻪ ﺗﻨﺰﺭﻉ ﺑﻠﺤﻀﻪ ﻋﺼﻴﺎﻥ ﺗﻜﻮﻥ ﺟﺎﻫﻞ ﺍﻟﻠﻪ ﻟﻴﻌﻠﻢ ﻳﺠﻲ ﺷﻮﻥ ﺣﺎﻟﻪ
ﻋﺎﺻﻲ
ﻣﻌﻮﻕ
ﻣﺮﻳﺾ
ﻣﺨﺒﻞ
ﻻﻣﺎﺭﻳﺪﻩ ﺍﻧﻲ ﻣﻮﻧﺎﻗﺼﻪ ﺍﻟﺒﻴﻪ ﻣﻜﻔﻴﻨﻲ
ﻛﻤﻠﺖ ﻭﻃﻠﻌﺖ ﺻﻠﻴﺖ ﺍﻟﻔﺠﺮ ﻭﻧﻤﺖ ﺑﺼﻔﻰ ﻓﺎﻙ ﺣﻠﻜﻪ ﻓﺎﺻﻞ ﺗﻘﺮﺑﺖ ﺍﻣﺴﺢ ﺑﻜﺼﺘﻪ ﻋﺮﻛﺎﻧﻪ ﺣﻴﻞ ﻣﺴﺤﺘﻪ ﻭﺍﺑﻮﺱ ﺑﺮﺍﺳﻪ ﺭﺑﻲ ﻫﺪﻳﻲ
ﺭﺑﻲ ﺻﺤﻲ ﻋﻠﻰ ﺯﻣﺎﻧﻪ
ﺭﺑﻲ ﻣﺎﻋﻨﺪﻱ ﻏﻴﺮﻩ
ﺭﺑﻲ ﺳﺎﻋﺪﻧﻲ
ﺍﺩﻳﺎﻥ ﺗﺤﻤﻠﻲ
ﺍﺩﻳﺎﻥ ﺍﺻﺒﺮﻱ
ﻫﻞ ﺍﻳﻪ ﻟﺪﻭﻡ ﺗﻘﺮﻳﻪ ﺩﻡ ﺗﻤﺮ ﺑﺨﺘﻤﺎﺗﺞ ﺗﻨﻄﺒﻖ ﻋﻠﻰ ﻓﺎﺭﺱ
ﺇﻧﻚ ﻻ ﺗﻬﺪﻱ ﻣﻦ ﺃﺣﺒﺒﺖ ﻭﻟﻜﻦ ﺍﻟﻠﻪ ﻳﻬﺪﻱ ﻣﻦ ﻳﺸﺎﺀ ﻭﻫﻮ ﺃﻋﻠﻢ ﺑﺎﻟﻤﻬﺘﺪﻳﻦ.
يتبع.