لهفه روح

بارت 73

مساء الخير

#لهفة_عاشق.
#بارت٧٣
،،،،،،،،،،،،،،،،
‏تـألــمــت گًــثــيــرا" ورغــم جــمــيــع اوجــاعــًي ، بـقـًيـًت بـ وجهـ  ضـآحگ وقـلـب يـَـحــلــم بـالـسـعاد
وعلى الله العوض فالخير فيما ختاره الله دائما وأبدا

،،،،،،،،،،،،،،
بثينه
ادرس وماشيه حياتي محد مات وره احد والبلكلب يبقى بلكلب
مو حب
ولاشتياق
فقط بقايه ذكريات كل يوم تتحول الرماد
خليت كلشي وره ضهري والايام كفيله بلنسيان
اليوم عرس مصطفى
مصطفى الإنسان الي اعجز عن وصفه
اخجل صرت اوكف جدامو
شنو العقل
شنو الرزانه
والاخلاق
من يوم موكفت بوجه ورفضته
كلي احنا اخوان
كلمه كاله ونفذهه بكل حذافيره

بتعد وعينه محطه بعيني بعد
يسلم
يحجي
بدون حقد ولاانانيه
هيج قدره مشايفه
أيام وايام وره مرفضته واني افكر
راح تغير
راح يكره
لاكن سوى الاكثر وكبر بعيني اضعاف عن كبل
حنه وهوسه
البيت مخبوص ولبنات ناس تجر طول ناس تجر عرض حايره شتلبس
ومريم  عنفصت شترت وماترضه تلبس من لبستو ماعجبه
راسي سطرتو جريته للكنتور مالي اطلع وازت جدامه فرغت كل لكنتور على سرير وهيه ترطن

هذا ضيك
هذا ماحلو
هذا قصير
هذا فتحتو جبيره
هيوووو بثينه ول مصكوعه مو أحاجيج
نصيت راسي الجفيه بيه
ادحك بيه
عود أريد انسى
عود انه مو مهتمه
وصارت جدامي رجعتني لذاك ليوم لذيج ليله وذيج لذكريات
بيضه مربعه مخططه بجوزي فتحته جانت مصفطه صفنت بيه وكفت
ماريد شي من اثرو ماريد 
داخلي صيحت
وطلعت كاضبته حيل صامته لولد بلكراج ملتمين يطبخون بلغده ماما محزمه توجهم صاحت فوتو رتاحو يتهدر التمن وصبو
ندارت فاتت ولولد هم تقربت ثنيت بمستوى لنار لهاديه ذبيت لجفيه ودحك بيه بلعجل ماعت
بلعجل سودت
بلعجل صارت رماد
فحم
وكفت شي بيه برد
رتاح
آخر شي  آخر شي منا صفى رماد
تراب وخلصت منه

فتت اعزل وارتب بلملابس لشتي ترجف
واقوه يولي لجهنم هوه ذكرياتو
على شنو اقهر بروحي
على شنو اهتم
دست حيل دست على روحي حتى بتفكير ماريد افكر بي
لملمت ومريم كالبه لوجه
شلت فستاني نطيته اله بس حتى تسكت واخذت فستانه
لكفته تكلب بي مكيفه وصحت بيه اكفي اشوف فستانج اول خاف ميصيرلي فرت ايده ولي بعد صار بيدي حيري بروحج

اخذته لبسته والله كل ذوق ماعده يجنن
طويل بنفسجي لصدر فضي من جوه كلوش
ادحك بي يجنن
حضرته ورهمت وياه شال وطلعت لبنات يثردن بلمطبخ كعدت اساعد وماحس اله خاله من بعيد فاتحه اديه تهوس
هلا هلا بعد بيتي هلا بعد شيبي هساع حله لعرس
عرفت ثامر جيي
ضليت منصيه اشتغل فاتت مرته ابنه يصرخ اديان لكفته تغسله وهيه فرت الكل تسلم ماكمت ومريم دق بيه كومي عيب كومي
وكفت نصت عينه سلمت
كلبي نكسر من برودي تجاهه
ماله ذنب هيه معليه معليه اكول بداخلي