لهفه روح

بارت 68

مساء الخير

#لهفة_عاشق. 

#بارت٦٨

عمر يكول
،،،،،،،،،،،،،،،،،،

كالولي مريض وكلت شعليه
درت وجهي وحبست انفاسها الريه
اكومن ردت منعدهم وماشالني رجليه
احس بروحي كمت ارجف
دمع من كل مكان ارجف
يربي شبيه ما اعرف
اضن المرض منه انشال
وندار المرض بيه

،،،،،،،،،،،،،،،

لبنى
صحيت افتح واسد بعيوني
اكو اللم بس خفيف
وبالي يمه
يم لهفته
خوفه
كلامه
نضره عيونه
هايمه بتفاصليه
ومنضره مافارك خيالي
ماما تصحي بيه ماتدري انه اصلا صاحيه
فتحت عيوني حيل بتسمت باست راسي
الحمدالله على سلامه يلفاينه
بلعت ريكي عبست وجهي
ضحكت
ول شكثر خرطي بلبنج
خفك كلبي عزه بس لافلت لساني
ماما شحجيت
فرت ايده
يبووو أشكال بس تخبطين ولافتهمت عليج
تنفست براحه همزين مجافصه
درت وجهي
عجل وين خالو
وكفت تصفط العلاج وتحجي
انه ادري شبي شو من فتي للعمليات جان واجف يمي
بعدين عمر صاحلو وطلعو للحديقه شويه وجي محتقن روحو طالعه
احاجي مايسولف عاد طلعتي ونخبصت بيج تركتو
لما صحيتي شويه طمئن عليج وكال راح اروح للبيت اناملي ساعتين وادزلج سيف
تحجي ماما
وحلكي يبس كد ممركزه بكلامه دمعو عيوني واعيد واربط بلكلام
طلع ويه عمر ورجع محتقن
معقوله عمر حاجاه
معقوله؟
نسيت وجعي وضعي
وضليت حسبه تأخذني وحسبه تجيبني
للعشره لصبح جي لدكتور جيكني وحط ايده بجيبه طلع علج نطاني كال كومي تمشي واكلي هذا ساعه ساعتين واطلعو ماعليج شي
سندتي ماما نمشي بلممر روحه جيه روحه جيه وشفنه سيف وخاله جاين بتجاهنا
ياربي خاله لومهما يصير ابد ولاتعوف ماما خلاص
وصلت يمنا هيه هيه خاله ولامغيره كل لصار
سلمت وتتحمدلي بسلامه وكادت ايدي محمله علاليك
وسيف يصنف عليا شلون لازمه بطني
ولابالي يمه
رجعنا للغرفه طلعت خاله بسكت وشربت ماما وكلتني
يفوت بلعومي علكم
ساعتين مرن عليا دهر
بس ودي ارجع
ودي اعرف شصار
سيف كمل الاجرائات ورجعنا وياه
باجي اديان تلكتنه عيني بعينه اريد اقره وجه خاف تدري خاف تعرف شي بس جانت حيل طبيعيه
نوموني وجت جده كعدت يمي حيل كضبت ايده
وكته جنت احس روحي ضايعه واريد اي احد اي شي اجلب بي
ضلت تمسح على راسي وتسولف وماما تسولفلهم شصارنه من لبارحه وليوم
وانه اغفي
تعبت حيل
تعبت من التفكير
اكثر من ماتعبت من المريت بي
نمت ماكعدت اله وانه ملفلفه واسمع صوت خالو فات سلم ويسئل ها شلونه
كعد يم راسي ايده تلمست كصتي نصيت راسي كلبي يكلي لاتحطين عينج بعينه يدري كلشي
همس
لبنى
لبنى يابه كاعده شلون صرتي

رفعت راسي عيونه مليانه خوف لعبره محصوره بلعومي هزيت بس راسي 
زينه
نصى باسني بهدوء
شي بيه برد ورتاح
جريت نفس
رجعت راسي
ربع ساعه كعد وراح
ومر اليوم بين شكوكي وقلقي
لليل لنقال بيدي
ادعي كون يخابر
كون يكلي شصار وشنو سر ضوجه خالو فارس لكالت ماما عليها
بس ماتصل
غفيت كاضبه لنقال حيل
وفزيت على رنته رفعت راسي شفت رقمه الجديد فز كلبي
كعدت اتلفت ماما نايمه ليغاد مني
رجعت مددت وفتحت خط ساكته وجاني صوته
همس
لبنى
راح صوتي اريد احجي ماكدر بس فاكه عيني عبالك هوه  جدامي
تنهد بصوت مسمع
جر حسره وكال
ليش هيج سويتي بيه
بلعت ريكي وكمل
ول مغمض انه مغمض عشت كل عمري من لنسوان
اطلع اسير واطير وماشيهن بس كلبي قافل منهن
شلون فتي كلبي
شلون كسرتي مفتاحو لغالجو( قافلو) من سنين
شبيك عمر
كلته مخنوكه
وجر نفس
اول مره كشفتج بيه  تحبيني ضحكت على عقلج وكلت مراهقه
هساع كاعد اضحك على عقلي شلون فتيلو وموراضي تطلعين منو
لبنى تعرفين شويتي بحال
تعرفين شجرالي من وراج
روحي
روحي تعلكت بيج وانتي كد بزري
اخجل والله اخجل اطلبج
وكلما جدمت على هل خطوه سبيت روحي ول اكعد مثبور شجاي تسوي بروحك
منو ينطيك
منو يقبل
صديتج لو عميت على روحي
صار كل مستحيل هوه الامنيه لوحيده لتمناهه تتحقق
اكرب اعتلج
ابعد احترج
تكربين اهلج يصيرون جدام عيني
تبعدين اكوم ماشوف دربي
سايم الله عليج يأمره حليه
وج تعرفين شسوين
تعرفين شفينت
وج وكفت لبارحه جدام فارس بدون سابق إنذار اكلو لو دكيت بابك تاناسبك تنطيني
ضحك مو مصدك
وجهي فضحني
ضيكت عيني رافع حاجبي
خنزر ششبيك لللك
فارس سئلتك جاوب لو دكيت بابك تاناسبك تنطيني
فك عينه يهز براسه
لا
لا
تعرفين شنهو معنى هاي لا
يولي وكفه وكفه جدامه ماكدرت اكف بعد
عفته وطلعت
طلعت لدنيه طالعه من عيني
وصار لخايف منو
صار لجنت متردد اخطي خطوه لجلج من وراه
كلته قبل واعيده هسه فارس ماينطيني وانه اعرفه
بس بلحضه ضعف وخوف عليج مشيت وره كلبي وعفت عقلي
جان يحجي مخنوك حيل صوته رايح تعبان
يسكت ويسحب نفس يكح عرفته يحجي ويدخن
دموعي نزلت
حسيت خلص لجنت اتمنى صار بس خالو طلع الي  لأعلى بال ولا على خاطر
شهكاتي علت
سديته وكعدت كد مابيه دموع طلعو
ماما كعدت تكلب بيه شبيج شبيج
لميت روحي ومددت فاصله
يمكن كل حبي وكل مشاعري وكته تحركت ونتفضت لان يوما تاااكدت عمر يريدني مثل ما
ريدو وأكثر
---
مصطفى
تلعلع وثامر يرده عيب يابه فضحتينا
وهيه تصيح مجرمين متسترين على مجرمه
لعالم فتحت لبيبان المنطقه هادى مامتعلمين على هيج وتشوف لشبابيك وعلى سطوح كله تدحج
جريت ثامر وطلعنا صعدنا للمشتمل ردت تدك بلجينكو هساع تطلعون
سجى نخرطت خوف ولبنيه لابده بيها
سمعت مرت ابوهه تصيح اطلعو هساع تطلعون وكفت وره سجى ميله بس رأسه عيونه متروسه دمع
همست
بيت ابويه هذا والله مو بيته