لهفه روح

بارت 25

صباحكم عافيه

#لهفة_عاشق. 
#البارت25
،،،،،،،،،،،،،
ياهو الكال عــنـــدي عــتاب ويـاك
النقلك هالحجـــي رايــد يــفرحك
انه شفتك صنم ما عندك حساس
واذا ميت حساسك بيش اجرحــك
،،،،،،،،،،،،،،،،،

ساعه اقل وكمت على ريحه شعواطت عمت الشقه عمي سندت روحي لازمه بطني فريت المكان شبر شبر دكمه دكمه ادور وين الريحه ومن افوت للمخزن الكه ميزانيه الكهرباء تعثول دحكت كله تجدح شرار
وجوزه من الجوزات مشتعله نار من خوفي نسيت وجعي وركضت  اريد اطلع من الشقه الهزم بروحي صرت اجر لكيلون حيل مقفول افتح بلباب ادك بيه كل قوتي ماكو ماتنفتح
تهسترت وعيني على مخزن الدخان يطلع منضرو رعبني كمت ابجي بقوه واصرخ ادك بلباب وارد اباوع على الدخان روحي فرفحت محد يسمع هيه لحضات بس مرت عليه دهر وانه اتخيل روحي اموت هين والباب مقفول عليه محد يدري بيه الشباج كبالي ركضت جريت البرده فكيتو عسى احد يشوفني يسمعني
مديت راسي دموعي تجري حتى شال على راسي ماكو اصيح لحكولي لحكولي عفيه محد اكو كمت اتلفت ارجف صاعده على تخم وصوت طك الوايرات بلمخزن يصل يمي ايست كاضبه البرده حيل و بعدني اصيح لحد مطلعو شباب ثنين من الطابق رافعين راسهم على فوك شافوني جن شفت الحياه جدامي وماراح اموت كمت اصيح لكهرباء لكهرباء الحكو فدوه لميزانيه جاي تحترك واحد يشرلي بيده على كيفج دانفتهم والثاني ركض فات للعماره ثواني وضلمت الشقه يعني طفت الكهرباء كعدت حيلي خلص جسمي كلو يرجف واحس بجامتي مبلله غطيت وجهي بيدي خجلانه من نفسي وصوت الناس بره والباب يدك تكسر

لميت روحي ابجي كل قوتي ايدي على راسي وكلبي يخفك جثير اذني تسمع بس جسمي نشل موكادر يكوم رغم الباب ماسكت والعالم تصيح
اكو شي الكابينه طفيناهه يبنيه انت بيج شي افتحي الباب
والثاني يكولو
اعتقد وحده والباب مقفول واله جان طلعت ماعاطت من الشباج اني اكول ادفع الباب اكسره خاف صارله شي
اسمع واختض حاصره جسمي بين ادي مغمضه عيني ماريد احد يفوت ولا اريد اشوف احد اخجل احرك روحي خطوه وبجامتي مبلله
اخجل اكوم اشوف نفسي خاف ماكدر اوجها
ثواني ودفرت الباب رفعت بس راسي فاتو الولد خليت ايدي على شعري نصو وطلعو فات بس جارتني تمنيت الكاع تنشك وتبالعني تضمني بيها كد الفشله من كعدتي ومنضري ليكسر الكلب ويه نضرت الشفقه بعيونهم والطامه الكبرى من كضبتني تكلب بيه يدورن منتوله لو محتركه تجر بيه ساكته بس دموعي مثل المطر يكولولي كومي نغسلج انتي مهبوطه والله ماكو شي طفينه الكابنه بكبرهه بس كومي يحجون مايدرون انه اخجل اكوم ويشوفون بجامتي كل ضنهم انه خايفه لو مهبطوه

ملو وهمه يقنعوني بس اكوم وانه رافضه لازمتنني الشهكه وجسمي كلو يختض الولد يكولن بس نشوف المخزن اذا ماكو شي حتى نرجع الكهرباء
سمعت هيج حطيت ايدي على راسي شعري طالع شلون يفوتون جريت مفرش التخم خليته على راسي جارتي تمسد على ايدي ياعيني واعيه تسمع بس جنه مصدومه من الخوفه
هزيت راسي اي ومستمره ابجي فاتو للمخزن وطلعو كالو كلو مطفي تماس كهرباي زين من صحتي جان راحت كل العماره
طلعو وشتعلت الكهرباء المره بصفي صاحت اللهم صل على محمد وال محمد ماكو شي خاله هياته شتغلت عده الشر عده اكول خاله
ليش مافكيتي الباب وطلعتي ليش حصرتي روح وهيج نهبطي جان دكيتي الباب احنه كبالج والكابينه بنص العماره بلطابق الارضي جان طفيناهه وماصابج كل هذا
كمت ابجي بقوه جن ذكرتني بلمايخاف الله شلون قافل الباب عليه جان موتني
المره تحجي انتي مبينه فقيره من اهل الله خاله كومي هاهيه نتهت زين انتي شسمج ورجلج وين عندج احد نخابره لو شلون تضلين هيج وجهج اصفر خاف يصيرلج شي
تحجي تحجي والرطوبه جوايه ترستني نصيت اكهد عاضه على اصابعي معقوله جاي ادرر لهلساع
صرت ارجف ارجف واختض  المره خافت وكفت جرت بطانيه جنت متغطيه بيه من وجع بطيني كبل الحادث الي من  الهبطه راح هينوب لفلفتني وتفتر جدامي تصفك بيده
نداست لبنيه مدري هيه ماتحجي لاشلون متحجي توهه تعيط لعد شلون اجيناهه سترك ربي
بنتي هذا نقالج
هزيت بس راسي اي نصت معكضه عيونه سحبت الشاشه جان مابي رمز همزين جان هساع نسيتو فاتت على سجل تحاجي روحه
خطاب رجلج اي رجلج سامعه بسمه هنا بلمعاره
رفعت النقال على اذنه تروح وتجي تروح وتجي تالي صاحت
الوووو عيوني انت خطاب اني جارتكم بيت ابو مهدي الشقه لكبالكم اكلك ابني شقتك صار بيها تماس كهربائي وربك ستر طفيناهه بس المشكله مرتك ماعرف شبيه خطيه نهبطت كد مصيحت وعيطت هسه لاتقبل تحجي لاتتحرك بلكت تجي
سدته خايفه الناس كلبه خلصان ماله خلك احد حطت النقال بصفي وثنت كبالي
خاله اني رايحه اعذريني جهالي عفتهم وحيدهم هسه رجلج يجي
بجيت اهز براسي طلعت كورت نفسي حيلي ميت كارهه روحي شكال لروحه والناس تخابرو شتسوه عندو من قافل الباب عليه لوميته لو محد سامعني لو مغمى عليه ساعته شنو عذرو بيش انه مقصره دايعملني هيج
شايف عني دايقفل الباب عليه
غمضت داخلي يتحسب
عليه بس صوتي مايطلع لحد مانفكت الباب وفات وجه ملكوف يباوع لشقه وركض عليه يهز بيه
سجى شبيج
سجى شصاير
ماحاجيته كلمه مانطقت راد يكومني خله ايدو جوه راسي وخرته اشهك غطيت وجهي ماريد اشوفو وكف متخوصر يتلفت ينافخ مشى للمخزن رد رجع جدامي شبيج وشبيج ماعبرتو كارهه حتى صوتو صار يلوب وطلع وكف بلطابق الجيران تسولفه ورد يمي كومني غصبا عني وكفت منصيه هوه ساندني جلبت بقميصه حيل طابكه رجلي فك عينه يباوعلي ورجع صاح
وج شنو هذا الدم سجى شبيج
دحكت روحي واطلقت سراح دموعي اكثر طلع صوتي بخنكه
اريد اهلي عفيه
لمني حيل دفعته ومشيت خليت ايدي بين فخاذي من كل عقلي لمدمرني ادرار بس تفاجئت بحرورته رفعت ايد هذا دم صدك  وكعت من طولي على كاع وهوه يهز بيه ارعش تالي لفني بلبطانيه ونزلني
ابد ماجنت فاقده حتى صوته وهوه يسب ويقسم على حضه وعلى نسوان صدى بذني
جرت السديه واسمي الثلاثي بحلكه فصيله دمي وخدر ايدي من جهاز الضغط كله واعيه عليه بس جن ميته بلحياه مرات الانسان يتمنى طلقه تصيبو ولايتاثر بكلمه من احد
يتمنى يموت ولا يعيش لحضه احراج تقلل من قيمتو
مرات الموت جثير أهون من تحس روحك عايش بحياه احد تشوفو كلشي ويشوفك ولا شي

ساعته بس صدى الأصوات بذني
وياك مره جايب ملابس
اكلك المره حامل والطفل مهدد بلاسقاط أو بلاحرى ميت بس منكطع الامل حاليا متعرضه لهبطه سكرهه معلك
دكتوره ماعده سكر
التحليل يكول سكر ومرتفع قريب ل٥٠٠ مدام دكول ماعده هذا اثر الهبطه  تاخذه هسه ضربناهه مهدء راح تنام ورهه تكعد الله كريم لوكته الافضل تجيبه باجر ستشاريه تره هسه احنا بس خفر
غمضت اتلمس بطني بهدوء حراره سرت على خدودي
هذا الضلم بعينه
هذا الجشع بحد ذاته
هاي الانانيه
شي يحبه كلبك وايام تتمنى بلحضه يروح منك وانت واكف مجتف ايدك متكدر تجلب بي
هاي انه وخطاب بهذا الوكت أيام وايام اكل راسي كل كلمه والخ عليش ماصار طفل عليش ماتخلفين
كل نقاش وكل حديث بينه ينهي بموضوع الاطفال جن موسنه سنين ماعدنه وهساع الله نطاه ومهدده بي لو يضل لو يروح
ايده تتلمس الكانونه احس بي وخطواتو رايحه جايه داير مداير بس عيني ماتريد تشوفو

ليلته ردينه للبيت شكد راد يطلع الكلمه مني ماحجاجيته تالي نتر ..... خررررررسه طبج طب هسه احجي سولفي شبيج لوميته ولا هذا الحركان الجاي تحركين اعصابي بي دامج هيج و الله ولا الي شغله بيج هساع حرت اكلج شبيج ساكته
شون صار التماس ساكته
شون صار النزيف ماتحجين
احد يدري مجاوبين
ينعل يومج لابو خطاب المفين حضو ولفاج عليه
طبك الباب وطلع كمت بهدوء اخذت هدومي فتت للحمام سبحت النزيف مستمر رجعت قفلت الباب ودكيت على ماما جاوبتني تضحك والهوسه يمها فول
يولو اسكتو دانحجي بلتليفون ثبرج الله يا مريم انتي وهاي المصموعه لبنى ادري ستلمتن لبنيه بتلت جت خطار خوما بتلت
الوووو سجاوي
ختنكت بهمس كلت ...بعد وكت ماما توج سجاوي تكولين
وج والله حكج بس هل يومين لاهين بخالج فارس وحرمتو موكتلج جو خطار يمنه يولي ذني المفجوعات مايخلني اكضب النقال من ايد لايد حكج تزعلين شلون اخبارج خطاب شلونو

غمضت عاصره بطني ضحكهم وسوالفهم بذني البنات يصيحن يولي سجى نضم لفريقنه عنصر صرنه حزب مكانج خالي
بتمست لاماخرب فرحتهم سديته وكعدت افكر وأفكر اول نوبه ازت كلبي على صفحه
اول نوبه اشيل خطاب منو واطرو
الخرسه راح تحجي
راح يطلع صوته
مراح تسكت على ضلمك
الخرسه راح تشوفك هيه
منو
هيه
شنو
الخرسه مثل الحديد ترتاح وانت تدك بي تكول هذا صلب ماينكسر بس ماتعرف كثر الدك يفكو
يفتتو
يكسرو
يسوي رماد
يومين حبست روحي بلغرفه قافله عليه الباب وكت جيتو
شي واحد بالي يصير حتى اخذ حقي
طفل ماضل كد النزيف الماوكف هوه ميت من ساعته بس هاي الاطباء دوم ينطونه امل
خطاب كل يوم اسمع بس صياحو وغلط جدام الباب وتهديدو
فتحي الباب
احاجيج
يولي صابج سكر فتهمنه ماصابج شلل بلسانج

اسكت
هاي فوك شينه كواه عينو
دقايق يخرط جدام الباب وراهه يدير وجهه ويروح للهول اتصنت عليه اليل كله يخابر همس لو من اطلع للحمام اشوفو عينو بلنقال مبتسم
شي بيه يموت أكثر واكثر ويصير عندي اصرار اكثر بلي بالي
يوم الثالث تحديد الضهر بعد ماسديته من ماما الي للان ماحجيت اله كلشي
وكفت لميت هدومي جميع وبدلت المرايه جدامي وجهي شاحب وعيوني طافيه غمضت اكول خلص هاي النهايه ماضل ماضل شي
هساع تخلصين
هساع يروح كلمن لحالو
وكلمن ياخذ
حقو .
يتبببع