لهفه روح

بارت 16

ﻣﺴﺎﺀ ﺍﻟﺨﻴﺮ
#لهفة_عاشق.

#بارت١٦
،،،،،،،،،،،،
ﻋﻴﺶ
ﻭﻻ ﺗﻈﻞ ﺗﻤﺸﻲ ﻭﺭﺓ ﺟﺮﻭﺣﻚ
ﻭﺍﺫﺍ ﻣﻮﺟﻮﻉ ﺩﺑﺮﻫﺎ
ﺗﺮﻯ ﺷﻤﺎ ﺳﻮﻟﻔﺖ ﻋﻠﻰ ﺍﻟﺒﻴﻚ
ﺗﺒﻘﻰ ﺍﻟﺘﻮﺟﻌﻚ ﺭﻭﺣﻚ
،،،،،،،،،
ﻃﺒﻜﺘﻪ ﺑﻮﺟﻪ ﻛﻠﺒﻲ ﻳﻠﻜﻒ ﻭﺟﺴﻤﻲ ﻛﻠﻪ ﻳﺮﻋﺶ ﻳﺴﺎﻭﻣﻨﻲ ﺍﻟﺤﻘﻴﺮ ﻃﺎﺡ ﺣﻀﻚ ﻣﻦ ﺍﻷﻭﻝ ﻋﺮﻓﺘﻚ ﻣﻮﺍﺩﻣﻲ ﻳﻮﻡ ﻭﺭﻩ ﻳﻮﻡ ﺩﺗﻤﺤﻲ ﻛﻞ ﺯﻳﻨﻴﻪ ﺳﻮﻳﺘﻬﺎ ﻛﻠﺸﻲ ﺷﻔﺘﻬﺎ ﺯﻳﻦ ﺑﻴﻚ ﺩﺩﻭﺱ ﻋﻠﻴﻪ ﺑﻔﻌﺎﻟﻚ
ﻏﻤﻀﺖ ﺍﺑﺠﻲ ﺭﺍﺳﻲ ﺑﻴﻦ ﺭﺟﻠﻴﻪ ﺍﻟﻮﻡ ﺑﺮﻭﺣﻲ ﻃﺎﺡ ﺣﻀﻲ ﻛﻠﻪ ﻣﻨﻲ ﻛﻢ ﻣﺮﻩ ﻛﻠﻲ ﺍﺭﻳﺪﺝ ﺍﺣﺒﺞ ﺧﻞ ﺍﺧﻄﺒﺞ ﻣﺮﺿﻴﺖ ﻫﻴﺞ ﺍﺣﺴﻦ ﻣﻦ ﻭﺻﻠﺘﻲ ﺩﺭﺟﻪ ﻳﺴﺎﻭﻣﺞ ﻳﻀﻐﻂ ﻋﻠﻴﺞ ﻭﻳﺴﺘﻐﻠﺞ ﺧﻠﻴﺘﻲ ﻳﺴﺘﺨﺪﻡ ﺍﻳﻬﻢ ﻭﺳﻴﻠﻪ ﺣﺘﻰ ﻳﺤﺼﻞ ﻋﻠﻴﺞ ﺍﻣﺪﺍﻧﻲ ﺍﻟﻒ ﻣﺮﻩ ﻣﻮ ﻣﺮﻩ ﻭﺣﺪﻩ
ﺭﻓﻌﺖ ﺭﺍﺳﻲ ﺣﻴﻠﻲ ﻳﺮﺟﻒ ﺍﻳﻬﻢ ﻛﺒﺎﻟﻲ ﻳﺤﻮﺹ ﻳﺤﻚ ﺍﻳﺪﻩ ﻭﺭﺟﻠﻪ ﻭﻳﻌﻜﺾ ﺑﻮﺟﻪ ﺍﻟﺒﻚ ﺩﺍﻳﻜﻞ ﺑﻲ
ﻋﻴﻨﻲ ﺩﻣﻌﺖ
ﺍﻧﻄﻲ ﺍﻻﻣﻪ
ﺍﻱ ﺍﺣﺴﻦ
ﻫﻴﻪ ﺍﻣﻪ ﺗﺤﺒﻪ ﻣﺜﻠﻲ
ﻻ ﻣﺎﻛﺪﺭ ﺷﻮﻥ ﺍﻋﻴﺶ ﻣﺎﺷﻮﻓﻪ ﻛﺒﺎﻟﻲ
ﺑﺲ ﻳﻢ ﺍﻣﻪ ﺍﺣﺴﻦ ﻫﻨﺎ ﺷﺎﻳﻒ ﻣﻦ ﺣﻴﺎﺗﻪ ﺿﻴﻢ ﻭﺣﺮ ﻗﺒﻬﺎ ﺑﺮﺩ ﻭﺑﻬﺬﻟﻪ
ﻭﺍﻧﻲ ﺷﻮﻥ ﺍﻧﻲ ﺷﻮﻥ ﻳﺮﺑﻲ ﺩﺑﺮﻧﻲ
ﺷﻠﺖ ﺍﻟﻜﺎﺭﺗﻮﻧﻪ ﺍﻫﻔﻴﻠﻪ ﻭﺩﻣﻮﻋﻲ ﺗﻨﺰﻝ ﺍﻟﺤﺴﺮﻩ ﺑﻜﻠﺒﻲ ﺷﻜﺒﺮﻫﻪ ﻛﻤﺖ ﺍﺧﺬﺕ ﺍﻟﺸﺎﻝ ﻭﻃﻠﻌﺖ ﻭﺻﻠﺖ ﻟﻠﺘﺎﻧﻜﻲ ﺟﺮﻳﺖ ﺍﻟﻄﺎﺑﻮﻛﻪ ﻭﻛﻌﺪﺕ ﺍﻧﻜﻊ ﺑﻲ ﻭﺍﻋﺼﺮ ﻭﺩﻱ ﻫﻴﺞ ﺍﻋﺼﺮ ﻛﻠﺒﻲ ﻭﺍﻗﺴﻲ ﺣﺘﻰ ﺍﻧﻄﻲ ﺍﻳﻬﻢ ﺍﻻﻣﻪ ﻳﺮﺗﺎﺡ ﻣﻦ ﻫﺬﺍ ﺍﻟﻀﻴﻢ ﻭﺍﻟﺬﻝ ﻭﻫﻢ ﻫﺬﺍ ﺍﻟﻐﺜﻴﺚ ﻳﺒﻌﺪ ﻣﻨﻲ ﻭﻣﺎﻧﺰﻝ ﻧﻔﺴﻲ ﺍﻟﻪ
ﻭﻛﻔﺖ ﻋﻴﻨﻲ ﻋﻠﻰ ﻛﺮﻓﺎﻥ ﻳﺬﻛﺮﻧﻲ ﺑﻔﺎﺭﺱ ﻏﻤﻀﺖ ﻛﻠﺸﻲ ﺟﻨﺖ ﻣﺘﻮﻗﻌﻪ ﺍﻟﻪ ﻳﻄﻠﻊ ﻫﻴﺞ ﻃﻠﻌﻪ ﻭﻳﺎﻱ ﻫﺎﻱ ﻣﺠﻨﺖ ﻣﻔﻜﺮﻩ ﺑﻴﻬﺎ ﺍﺑﺪ
ﺭﺟﻌﺖ ﻟﺨﻴﻤﻪ ﻏﻄﻴﺖ ﺍﻳﻬﻢ ﺑﻠﺸﺎﻝ ﻟﻤﺒﻠﻞ ﻓﺰ ﺣﻀﻨﻪ ﺍﻣﺴﺢ ﻋﻠﻰ ﺭﺍﺳﻪ ﻭﺍﺳﻤﻲ ﻟﺤﺪ ﻣﺮﺟﻊ ﻏﻔﻪ ﻭﺍﻟﺼﻼﻩ ﺻﺎﺭ ﻭﻛﺘﻪ ﻛﻌﺪﺕ ﺍﺻﻠﻲ ﻭﺍﺩﻋﻲ ﻣﻴﻠﺠﻤﻨﻲ ﺭﺑﻲ ﺑﻲ ﻭﻻﻳﻮﺻﻠﻨﻲ ﻟﺪﺭﺟﻪ ﺍﺫﻝ ﺭﻭﺣﻲ ﻟﻔﺎﺭﺱ ﻋﻠﻤﻮﺩ ﺍﻳﻬﻢ
ﻛﻤﻠﺖ ﻭﺟﻴﺖ ﻏﻔﻴﺖ ﺑﺼﻔﻪ ﺟﺒﺘﻪ ﻋﻠﻰ ﺍﻳﺪﻱ ﻭﺩﻱ ﺍﻓﻮﺗﻪ ﺑﺮﻭﺣﻲ ﻭﻻﻳﺠﻲ ﺍﻟﻴﻮﻡ ﻟﻜﻌﺪ ﺑﻲ ﻭﻣﺎﺷﻮﻓﻪ
ﺷﻜﺪ ﺍﻳﺪﻩ ﻧﺎﻋﻤﻪ ﻭﺍﺻﺎﺑﻌﻪ ﻣﻦ ﺗﻤﺸﻲ ﻋﻠﻰ ﻭﺟﻬﻲ ﻛﻠﺒﻲ ﻳﺮﻛﺺ ﺑﻌﺰ ﺍﻟﻨﻮﻡ ﻭﺍﺣﺲ ﺑﻴﺪﻩ ﺍﺍﺍﺍﺍﻓﻴﺶ ﻧﻔﺴﺎ ﻫﺬﺍ ﺑﺼﻔﻲ ﻳﻨﻮﻣﻨﻲ ﻗﺮﻥ ﻣﺮﺗﺎﺣﻪ ﻣﺎﺍﺍﻣﻨﻪ ﻗﺮﻳﺐ ﻋﻠﻴﻪ ﺍﺍﺍﺍﺥ ﺣﺘﻰ ﺿﺮﺑﺎﺗﻪ ﻭﻣﺪﺍﻫﺮﻩ ﺣﺘﻰ ﻳﻜﻌﺪﻧﻲ ﻋﺴﻞ ﻋﻠﻰ ﻛﻠﺒﻲ
ﻓﻜﻴﺖ ﻋﻴﻨﻲ ﺍﺍﺷﺮﻟﻲ ﺍﺷﺶ ﻭﺟﻬﻪ ﺧﺮﻳﻄﻪ ﻣﺼﺒﻎ
ﺍﻳﻬﻢ ﺷﺴﻮﻳﺖ
ﻣﺎﻣﺎ ﺍﺍﺵ
ﻋﺰﻩ ﺍﻟﻮﺍﻥ ﻋﺬﺭﺍﺀ ﻟﻴﻮﻡ ﺗﻌﺰﻳﻨﻪ ﺗﻌﺎﻝ ﻓﻮﺕ ﺑﺤﻀﻨﻲ ﺣﺘﻰ ﻣﺘﻠﻜﺎﻙ
ﺟﻴﺖ ﺿﻤﻴﺘﻪ ﺑﺤﻀﻨﻲ ﻏﻄﻴﻨﻪ ﺭﺍﺳﻨﻪ ﻋﺬﺭﺍﺀ ﺗﺼﻴﺢ
ﻫﻴﻤﻤﻤﻤﻪ ﻭﻳﻨﻚ
ﻳﻐﻤﺾ ﻳﻀﺤﻚ
ﺍﺷﺶ ﻻﺗﻄﻠﻊ ﺻﻮﺕ ﺗﺴﻤﻌﻚ
ﻣﺎﻣﺎ ﺗﺘﻠﻨﻲ
ﻫﺰﻳﺖ ﺭﺍﺳﻲ ﺍﻱ
ﻻﻉ ﺍﻧﻲ ﺍﺗﻠﻪ
ﺍﺍﺵ ﺍﺳﻜﺖ ﺍﻧﺖ ﻣﺎﻣﻮﺟﻮﺩ
ﻃﻠﻌﺖ ﺑﺲ ﺭﺍﺳﻲ ﺍﻏﻤﺰ ﻟﻌﺬﺭﺍﺀ ﻭﻫﻴﻪ ﺗﻀﺤﻚ
ﻭﻳﻨﻪ ﻫﺬﺍ ﻟﺤﻴﺎﻝ
ﻣﺎﺩﺭﻱ ﺩﻭﺭﻱ ﺑﺮﻩ
ﻻ ﻫﻮﻩ ﻫﻨﺎ ﻫﺴﻪ ﺍﻟﻜﺎﻩ ﻭﺍﻣﻠﺺ ﺍﺫﺍﻧﻪ ﻣﻄﺸﺮ ﺍﻟﻮﺍﻧﻲ ﻭﺧﺎﻣﻂ ﻧﺼﻬﻢ ﻋﻮﺩ ﺭﺳﻤﺘﻪ ﻟﺤﻴﺎﻝ ﺑﻄﻠﺖ ﺣﺘﻰ ﻣﺎﺭﺳﻤﻪ
ﺍﻛﻠﺞ ﻋﺬﺭﺍﺀ ﺧﻞ ﻧﺼﻴﺤﻪ ﻭﺍﻏﻤﺰﻟﻪ
ﺍﻱ ﻳﻠﻪ ﺍﻳﻬﻢ ﻫﻴﻤﻤﻤﻤﻤﻪ ﻫﻴﻤﻮﻭﻭﻭ ﺍﺑﻮ ﺍﻟﻬﻴﻢ
ﺍﻧﻲ ﻫﻨﻨﻨﻨﻨﻨﻨﻨﺎ
ﻛﺎﻟﻬﺎ ﻳﻀﺤﻚ ﻳﺼﻔﻚ ﺑﻴﺪﻩ ﻭﺭﻩ ﻣﺎﻃﻠﻊ ﺭﺃﺳﻪ ﻣﻦ ﺟﻮﻩ ﻟﻐﻄﻪ ﺣﻀﺘﻨﻪ ..
ﻟﻚ ﻟﻴﺶ ﺣﺠﻴﺖ
ﻫﻴﻪ ﺻﺎﺣﺘﻠﻲ
ﻋﺎﺑﺘﻠﻚ ﻟﻜﻔﺘﻨﻪ
ﺗﻌﺎﻝ ﺍﻟﻴﻮﻡ ﺍﺳﻮﻳﻚ ﻃﻴﻦ ﺻﻄﻨﺎﻋﻲ ﻭﺍﻟﻌﺐ ﺑﻴﻚ ﻟﻌﺐ
ﻻﻋﻌﻌﻊ ﻳﻢ ﻣﺎﻣﺎ ﺍﻧﻲ ﻣﺎﻣﺎ ﺗﺘﻠﺞ
ﻳﺒﻮﻭﻭﻭ ﺗﺮﻭﺣﻠﻚ ﻓﺪﻭﻩ ﺍﻣﻚ ﻋﺬﺭﺍﺀ ﻭﺍﻟﻘﺮﺁﻥ ﺑﺲ ﺗﻮﺻﻠﻴﻦ ﺗﺠﻴﺞ ﺩﻓﺮﻩ ﺛﻼﺛﻴﻪ ﺍﻻﺑﻌﺎﺩ ﺗﻄﻠﻌﺞ ﺧﺎﺭﺝ ﺍﻟﻤﺨﻴﻢ
ﺩﺗﻌﺎﻱ ﺍﻧﺘﻲ ﻭﺍﺑﻨﺞ ﺧﻞ ﺍﺧﻠﻲ ﺍﻟﻤﺨﻴﻢ ﺍﻟﻴﻮﻡ ﻳﺠﻲ ﻳﻔﺰﻋﻠﻜﻢ
ﻛﻤﺰﺕ ﻋﻴﻠﻨﻪ ﻟﻔﻴﺘﻪ ﺑﺤﻀﻨﻲ ﺭﺟﻠﻲ ﻟﺪﻓﺮ ﺑﻴﻦ ﺭﺟﻠﻴﻪ ﻭﺭﺍﺳﻪ ﻋﻠﻰ ﺻﺪﺭﻱ ﻣﻘﻔﻠﺘﻪ ﺣﻴﻞ ﻋﺬﺭﺍﺀ ﺗﺤﺎﻭﻝ ﻭﻛﻞ ﺷﻮﻳﻪ ﺩﺍﻓﺮﺍﺗﻪ ﻟﺤﺪ ﻣﻔﺎﺗﺖ ﺍﻣﻲ ﻧﺘﺮﺕ ﺑﻴﻨﻪ
ﻭﻭﻭﻭﺟﻊ ﻭﻳﻦ ﻛﺎﻋﺪﺕ ﺑﻴﺖ ﻃﺎﺑﻖ ﺛﺎﻧﻲ ﻭﺻﻮﺗﺠﻦ ﻣﻴﻄﻠﻊ ﻫﻴﻪ ﻭﺻﻠﻪ ﻭﻛﻮﻣﻪ ﻧﺎﺱ ﺩﺍﻳﺮ ﻣﺪﺍﻳﺮﻧﻪ ﺍﺍﺳﻜﺘﻦ ﺻﻮﺗﺤﻦ
ﺭﻓﻊ ﺭﺃﺳﻪ ﺍﻳﻬﻢ ﺑﻌﻴﻮﻧﻲ ﺍﺷﺮﺕ ﻋﻠﻰ ﻣﺎﻣﺎ ﻧﺰﻟﻨﻪ ﺭﺍﺳﻨﻪ ﻋﻮﺩ ﺍﺣﻨﺎ ﻓﻘﺮﻩ ﻭﻋﺬﺭﺍﺀ ﺗﺴﻮﻳﻠﻨﻪ ﺑﺴﻴﻄﻪ ﻓﺘﻨﻪ ﺍﻧﻲ ﻭﻳﺎﻩ ﺟﻮﻩ ﺍﻟﺠﺮﺟﻒ ﻭﺍﻟﻜﺎﻩ ﺣﺎﻁ ﺍﻻﺻﺒﺎﻍ ﺑﻴﻨﻲ ﻭﺑﻴﻨﺎ ﻏﻤﺰﺗﻠﻪ ﻭﻛﻤﻨﻪ ﻧﻄﻠﻊ ﺭﺍﺳﻨﻪ ﻭﻧﺸﻤﺮ ﻋﻠﻰ ﻋﺬﺭﺍﺀ ﻭﺍﺣﺪ ﻭﺍﺣﺪ ﻭﻫﻴﻪ ﺗﻌﺾ ﺑﺼﺎﺑﻌﻪ ﺑﺲ ﺧﻞ ﺗﻄﻠﻊ ﻣﺎﻣﺎ ﺍﻋﻠﻤﻚ
ﺍﻳﻬﻢ ﻋﻴﺒﻠﻪ
ﺍﺍﺍﺍﻧﺎ ﺍﺍﺍﻧﺎ
ﻳﻮﻡ ﺑﺪﺍﻳﺘﻪ ﺿﺤﻜﻪ ﺍﻳﻬﻢ ﺗﺎﺭﺳﻪ ﺍﻟﺨﻴﻤﻪ ﻭﻧﻬﺎﻳﺘﻪ ﺍﻣﻪ ﻭﺍﻛﻔﺘﻠﻨﻪ ﺑﻠﺒﺎﺏ ﻭﻳﺎﻫﻪ ﺍﻟﺸﺮﻃﻪ ﻭﺍﻣﻲ ﺗﺘﻮﺳﻠﻪ
ﺍﻡ ﺍﻳﻬﻢ ﻋﻴﺐ ﺍﺣﻨﺎ ﺍﻫﻞ ﻣﺎﻟﻲ ﺧﺎﻃﺮ ﻋﻨﺪﺝ ﺑﺸﻨﻮ ﺍﺫﻳﺘﺞ ﺍﻧﻲ ﻋﻤﺘﺞ ﻣﺮﻳﻪ ﺟﺒﻴﺮﻩ ﺍﻟﻤﺮﺣﻮﻡ ﻣﺎﻟﻪ ﺯﻳﻨﻴﻪ ﻭﻳﺎﺝ ﺗﻮﻛﻒ ﺑﻌﻴﻨﺞ ﻭﺍﻧﻲ ﺍﻣﻪ ﻟﺨﺎﻃﺮﻩ ﻣﺘﻘﺪﺭﻳﻨﻲ
ﻋﻤﻪ ﺍﻧﺘﻮ ﺍﻟﺒﺪﻳﺘﻮ ﻋﺠﻴﺐ ﺍﺑﻨﻲ ﻭﺍﺭﻳﺪﻩ ﺷﻌﻀﻤﺘﻮﻫﻪ ﺣﺘﻰ ﺷﺮﻃﻪ ﻭﺻﻠﺘﻮﻫﻪ
ﻭﻫﺴﻪ ﻋﺮﻓﺘﻲ ﺍﺑﻨﺞ ﺷﻤﺮﺗﻲ ﻟﺤﻤﻪ ﺣﻤﺮﻩ ﻭﻣﺎﺳﺌﻠﺘﻲ ﻋﻠﻴﻪ ﺍﺩﻳﺎﻥ ﺻﺎﺭﻟﺘﻪ ﺍﻡ
ﺍﺩﻳﺎﻥ ﺭﺑﺖ
ﺍﺩﻳﺎﻥ ﺳﻬﺮ
ﻏﺴﻠﺖ
ﻭﺑﺪﻟﺖ
ﻭﻛﻠﺖ
ﻭﺩﺍﺭﺕ
ﻭﺳﻬﺮﺕ
ﻫﺴﻪ ﻃﻠﻌﺘﻠﻲ ﻭﺗﺬﻛﺮﺗﻲ ﺍﻧﺘﻲ ﺍﻣﻪ ؟
ﺍﺷﻮ ﺣﺘﻰ ﻣﻦ ﻣﺎﺕ ﺍﺑﻮ ﻣﺎﻭﺻﻠﺘﻲ ﻧﺰﺣﻨﻪ ﻭﺷﻔﻨﻪ ﺿﻴﻢ ﻫﻮﻩ ﻭﻳﺎﻧﻪ ﻫﺴﻪ ﺗﻔﻄﺘﻨﻲ ﺑﻲ
ﻋﻤﻪ ﺍﻧﺘﻲ ﺑﺬﺍﺕ ﻣﺎﻳﻮﻡ ﺍﺫﻳﺘﻴﻨﻲ ﻭﺍﻧﻲ ﻫﺎﻱ ﻭﺍﻛﻔﻪ ﺑﻌﻴﻨﻲ ﻣﻦ ﺳﻤﻌﺖ ﻧﺰﺣﺘﻮ ﻫﻮﺍﻱ ﺩﻭﺭﺕ ﻋﻠﻴﻜﻢ ﻫﻞ ﻭﻛﺖ ﺍﻟﻪ ﻟﻜﻴﺘﻜﻢ ﻭﻫﺴﻪ ﻣﺎﺭﻳﺪ ﺍﺗﺠﺎﻭﺯ ﻋﻠﻴﺞ ﻧﻄﻮﻧﻲ ﺍﺑﻨﻲ ﻃﻠﻌﻮ ﻣﻼﺑﺴﻪ ﻭﺟﻨﺴﻴﺘﻪ ﺧﻞ ﺍﺧﺬﻩ ﺑﻴﺪﻱ ﺍﺣﺴﻦ ﻣﻴﻔﻮﺕ ﺍﻟﻀﺎﺑﻂ ﻳﻄﻠﻌﻪ ﻭﻳﻨﺮﻋﺐ ﺍﻟﻮﻟﺪ
ﻭﺭﻩ ﺍﻟﺨﻴﻤﻪ ﻭﺍﻛﻔﻪ ﺍﻳﺪ ﺣﺎﺿﻨﻪ ﺍﻳﻬﻢ ﻭﺍﻟﺜﺎﻧﻴﻪ ﻻﺯﻣﻪ ﻋﺬﺭﺍﺀ ﻫﺎﻱ ﺗﻔﻀﺤﻨﻪ ﺍﻟﻨﺎﺱ ﻣﻠﺘﻤﻪ ﻭﻫﻴﻨﻪ ﻣﺸﺘﻌﻠﻪ ﻧﺎﺭ ﺗﺮﻳﺪ ﺗﻄﻠﻊ ﺗﻜﺘﻠﻪ
ﻟﻤﺘﺨﺎﻑ ﺍﻟﻠﻪ ﺟﺎﻳﺒﻪ ﺍﻟﺸﺮﻃﻪ ﻭﺟﺎﻳﻪ ﺍﻣﻲ ﺗﺤﺠﻲ ﺍﻡ ﻏﺎﻳﺐ ﻃﺒﺎﺑﻪ ﺧﻴﺮ ﺗﺸﺎﺭﻙ ﻭﺗﻨﺼﺢ ﻭﺍﻡ ﺍﻳﻬﻢ ﺑﻜﻞ ﻋﻴﻦ ﻭﻛﺤﻪ ﺗﺮﺩ ﺁﺧﺮ ﺷﻲ ﻓﺎﺗﺖ ﺟﺮﺗﻪ ﻣﻨﻲ ﺧﻠﻴﺘﻪ ﻭﺭﺍﻳﻪ ﺍﺗﻮﺳﻞ ﺑﻴﻬﺎ ﻭﻋﺬﺭﺍﺀ ﺗﺸﺐ ﻋﻠﻴﻬﺎ ﺗﺰﻣﺦ ﺑﻴﻬﺎ ﻭﺗﺪﻓﻌﺎ
ﺻﻮﺗﻨﻪ ﻃﻠﻊ ﻭﺻﺮﻳﺦ ﺍﻳﻬﻢ ﺗﺮﺱ ﺍﻟﻤﻜﺎﻥ ﻳﺒﺲ ﺣﻠﻜﻲ ﻭﺍﻧﻲ ﺍﺣﺎﻭﻝ ﺍﻛﺴﺮ ﻋﻴﻨﻪ ﺑﻜﻠﻤﻪ ﻃﻴﺒﻪ ﺗﺮﺟﻌﻬﻪ ﺗﻜﺸﺮﻩ ﻭﺗﻌﻮﻑ ﺍﻳﻬﻢ ﻭﺗﻮﻟﻲ ﻣﺎﻛﻮ ﻟﻄﺸﺖ ﻭﺗﺎﻟﻲ ﻓﺘﺤﺖ ﺍﻟﺒﺮﺩﻩ ﻭﺻﺎﺣﺖ
ﺳﻴﺪﻱ ﺫﻭﻟﻪ ﻣﻮﻣﺎﻝ ﻋﻴﻨﻲ ﻭﺍﻏﺎﺗﻲ ﺗﻌﺎﻝ ﻓﻮﺕ ﺍﺧﺬﻩ
ﺷﺒﻜﺖ ﺍﻳﻬﻢ ﺍﺑﺠﻲ ﻭﻧﺠﺮ ﻣﻦ ﺣﻀﻨﻲ ﻳﺼﺮﺥ ﻣﺎﻣﺎ ﻣﺎﻣﺎ ﻓﻘﺪﺕ ﺍﺭﻛﺾ ﻭﺍﻟﺴﻴﺎﺭﻩ ﺗﺤﺮﻛﺖ ﻭﺍﻡ ﻏﺎﻳﺐ ﻻﺯﻣﺘﻨﻲ ﻋﺬﺭﺍﺀ ﺗﺒﺠﻲ ﻭﺍﻣﻲ ﺗﻤﺴﺢ ﺑﺪﻭﻣﻌﻪ ﺗﺘﺤﺴﺐ ﻭﺍﺧﺮ ﻣﻨﻀﺮ ﻻﻳﻬﻢ ﻫﻮﻩ ﻭﻣﺎﺩﻟﻲ ﺍﻳﺪﻥ ﺧﻼﻧﻲ ﺍﻛﻌﺪ ﺑﻠﺘﺮﺍﺏ ﺍﻟﻄﻢ ﻭﺍﺑﺠﻲ ﺑﻬﺴﺘﺮﻳﺎ
ﺃﺷﻜﺎﻝ ﺍﻟﻨﺎﺱ ﺣﺠﺖ ﻧﺎﺱ ﺗﻬﺪﻱ ﻧﺎﺱ
ﺗﺬﻡ ﻭﻧﺎﺱ ﺗﻌﻴﻞ
ﻋﻤﻲ ﺷﻨﻮ ﺍﻟﺴﺎﻟﻔﻪ ﺗﺮﻩ ﺍﻣﻪ
ﻳﺎﺑﻪ ﺗﺮﻩ ﺣﻘﻬﺎ ﻫﻴﻪ ﻣﺮﺑﻴﺘﻪ
ﺍﻟﻠﻪ ﻻﻳﻮﻓﻘﻪ ﺍﻻﻣﻪ ﺧﻄﻴﻪ ﻣﺘﻌﻠﻖ ﺑﺠﺪﺍﺩﻩ ﺷﻮﻥ ﻳﻌﻴﻂ
ﻣﺎﺩ ﺍﻳﺪﻳﻪ ﻳﺘﺴﻨﺠﺪ ﺑﻠﺮﺑﺘﻪ
ﻣﻨﻮ ﺭﺑﺘﻪ
ﺷﺒﻴﻜﻢ ﻫﺎﻱ ﺍﻡ ﺍﻻﺯﺍﺭ ﻣﺘﺸﻮﻓﻮﻥ ﺷﻮﻥ ﺫﺑﺤﺖ ﺭﻭﺣﻪ
ﺍﺳﻤﻊ ﻭﺍﺻﻢ ﺍﺫﻧﻲ ﺭﺑﻲ ﺷﻨﻮ ﺳﻮﻳﺖ ﺣﺘﻰ ﻫﻴﺞ ﺗﻌﺎﻗﺒﻨﻲ
ﻫﻴﺞ ﺗﺤﺮﻙ ﻛﻠﺒﻲ
ﺭﺍﺡ ﺣﺎﺯﻡ ﻭﺗﻤﺴﻜﺖ ﺑﻴﻚ
ﺭﺍﺡ ﻗﺼﻲ ﺗﻤﺴﻜﺖ ﺃﻛﺜﺮ ﺍﺩﻋﻲ ﺗﺮﺟﻌﻪ
ﺭﺍﺡ ﺑﺎﺑﺎ ﺯﺩﺕ ﺃﻛﺜﺮ ﻭﺍﻛﺜﺮ ﺣﺘﻰ ﻻﺗﻌﻮﻓﻨﻲ ﻭﺗﺼﻴﺮ ﺑﻤﻜﺎﻧﻜﻬﻢ ﻛﻠﻬﻢ
ﻫﺴﻪ ﻟﻴﺶ ﺍﺧﺬﺕ ﺍﻳﻬﻢ
ﺍﺩﺭﻱ ﻳﻢ ﺍﻣﻪ
ﺑﺲ ﻭﺍﻟﻠﻪ ﺍﻧﻲ ﺍﻣﻪ ﺍﻧﻲ ﺍﻣﻪ ﻟﻴﺶ ﺗﺤﺮﻙ ﻛﻠﺒﻲ
ﺍﺩﻙ ﻋﻠﻰ ﺻﺪﺭﻱ ﺑﺤﺮﻛﻪ ﺍﻣﻲ ﺣﺎﺿﻨﺘﺘﻲ ﻭﻋﺬﺭﺍﺀ ﺻﺎﻓﻨﻪ ﻗﻄﺎﺭﻩ ﻭﺍﻻﻟﻲ ﺟﺎﻥ ﻳﻠﻌﺐ ﺑﻴﻬﻢ ﻛﺒﺎﻟﻲ ﺗﺸﻴﺮﺗﻪ ﻋﻠﻰ ﻓﺮﺍﺵ ﺗﻮﻧﻲ ﻓﻮﺗﻪ ﻫﺪﻭﻣﻪ ﻣﺎﺧﻠﻴﻬﻢ ﺍﻟﻤﻐﺮﺏ ﺑﺮﻩ ﻫﺬﺍ ﺗﻚ ﺣﺬﺍﺋﻪ ﻭﺫﻧﻲ ﺍﻟﻤﻜﻌﺒﺎﺕ ﻳﺼﻔﻄﻬﻢ ﻓﻮﻙ ﺍﻟﻘﻄﺎﺭ ﻭﻳﻔﺮ ﺑﻲ ﻋﻮﺩ ﻣﺤﻤﻠﻬﻢ
ﺿﺮﺑﺖ ﻭﺟﻬﻲ ﺍﺻﺮﺥ
ﻳﻮﻭﻭﻭﻭﻭﻭﻭﻡ ﺍﻳﻬﻢ ﻭﻳﻦ
ﻭﺝ ﻳﻤﻪ ﻓﺪﻭﻩ ﻛﺎﻓﻲ ﻣﻮﺗﻲ ﺭﻭﺣﺞ
ﻳﻮﻡ ﻣﺎﺗﻌﺸﻪ
ﺍﻣﻪ ﻳﻤﺎ ﺑﻨﺘﻲ
ﻳﻮﻡ ﺧﺎﻑ ﻳﺘﻜﺸﻒ ﺑﻠﻴﻞ
ﺍﻟﻤﻦ ﺍﺩﺍﻫﺮ ﻭﺍﻫﺰ ﻋﻠﻰ ﺭﺟﻠﻲ
ﺍﻣﻲ ﺟﺒﻴﺮ ﻭﺍﻟﻠﻪ ﻛﺒﺮ ﻋﻠﻰ ﺍﻟﻬﺰ ﻫﺴﻪ ﻳﺘﻌﻠﻢ ﻳﻨﺎﻡ ﻟﺤﺎﻟﻪ
ﻳﻤﻪ ﻳﺨﺎﻑ ﺍﺫﺍ ﻣﻴﻔﻮﺕ ﺍﻳﺪﻩ ﺑﺜﻮﺑﻲ ﻣﻴﻨﺎﻡ
ﻻﺍﻟﻪ ﺍﻻ ﺍﻟﻠﻪ ﻭﺝ ﻛﺎﻓﻲ ﺷﺴﻮﻳﺘﻲ ﺑﺮﻭﺣﺞ
ﺭﻭﺣﻲ ﻃﺎﺭﺕ ﻋﺒﺎﻟﻚ ﺭﺍﺣﺖ ﻭﻳﺎﻩ ﻭﻧﻔﺴﻲ ﻣﻘﺒﻮﺻﻪ ﻋﺬﺭﺍﺀ ﻣﻦ ﻗﻬﺮﻫﻪ ﺗﻠﻔﻠﻔﺖ ﻭﻧﺎﻣﺖ ﻣﻐﻄﻴﻪ ﺭﺍﺳﻪ ﺍﻋﺮﻓﻪ ﻛﺎﻋﺪﻩ ﺑﺲ ﻫﻴﻪ ﺻﻠﺒﻪ ﻛﻠﺒﻪ ﻗﻮﻱ ﺍﺑﺪ ﻣﺘﺒﻴﻦ ﺿﻌﻔﻪ ﺩﻭﻡ ﺗﻨﻄﻮﻱ ﻭﺗﻜﺘﻢ ﺑﻜﻠﺒﻪ
ﻣﺎﻣﺎ ﺷﺮﺑﺖ ﺩﻭﺍﻫﻪ ﻛﻠﺸﻲ ﻃﺒﻚ ﺑﺪﻭﻥ ﺍﻛﻞ ﻭﻧﺎﻣﺖ ﺻﻔﻴﺖ ﻭﺣﺪﻱ ﺍﻟﻤﻜﺎﻥ ﻳﺎﻛﻞ ﺑﻴﻪ ﻭﺍﺗﺨﻴﻞ ﻫﺴﻪ ﺍﻳﻬﻢ ﻣﻮﺕ ﻧﻔﺴﻪ ﺑﺠﻲ ﻣﺴﺘﻐﺮﺏ ﺍﺗﺨﻴﻞ ﻋﻴﻮﻧﻪ ﺗﻬﻤﻞ ﻭﻋﻴﻮﻧﻲ ﻧﻌﻤﻮ ﻛﺪ ﻣﺎ ﺍﻣﺴﺢ ﺍﻟﺪﻣﻌﻪ ﺗﻨﺰﻝ ﻋﺸﺮﻩ
ﻣﺎﻋﻴﺶ ﺩﻭﻧﻪ ﻭﻻﻋﻴﻨﻲ ﺗﻐﻔﻪ ﺟﺮﻳﺖ ﺍﻟﻔﻮﻥ ﻣﺎﻋﻨﺪﻱ ﻏﻴﺮ ﺣﻞ ﺩﻛﻴﺖ ﻋﻠﻰ ﻓﺎﺭﺱ ﺩﻛﻪ ﻭﺍﻟﺜﺎﻧﻴﻪ ﻣﺎﺟﺎﻭﺏ ﺫﺑﻴﺘﻪ ﻻﺯﻣﻪ ﺭﺍﺳﻲ ﺣﺮﻛﻪ ﺩﺗﺎﻛﻞ ﺑﻴﻪ ﻭﺍﺣﺲ ﺩﻭﺩ ﻳﻤﺸﻲ ﺑﺮﺍﺳﻲ ﻛﺪ ﺍﻟﻘﻠﻖ ﻭﺍﻟﺘﻔﻜﻴﺮ
ﻛﻮﺭﺕ ﻧﻔﺴﻲ ﺣﺎﺿﻨﻪ ﻓﺎﻧﻴﻠﻪ ﺑﺲ ﻟﻤﺾ ﺍﻟﺠﻬﺎﺯ ﻗﺒﻞ ﻣﻴﻄﻠﻊ ﺻﻮﺗﻪ ﺟﺎﻭﺑﺖ ﺻﺎﻣﻪ ﺣﻠﻜﻲ ﻭﺍﺳﻤﻊ ﻧﻔﺴﻪ ﻟﻮ ﺣﻜﺘﻪ ﻣﺮﻩ ﻗﻮﻱ ﻣﺮﻩ ﺧﻔﻴﻒ ﺑﻌﺘﻪ ﻛﺎﻝ ﻛﻮﻟﻲ ﻳﺎﺑﻪ
ﺑﺠﻴﺖ ﺷﺎﺭﺏ ﻳﺤﻀﻲ ﺷﺎﺭﺏ ﻫﺬﺍ ﺷﻮﻛﺖ ﺍﺧﺎﺑﺮ ﺍﻟﻜﺎﻩ ﺻﺎﺣﻲ
ﻃﺒﻜﺘﻪ ﻭﻧﻤﺖ ﺍﺗﻜﻠﺐ ﺑﻜﻠﺒﻲ ﺍﺳﺐ ﻭﺍﻧﻌﻞ ﺑﻲ ﻭﺳﺎﻋﻪ ﺍﻛﻮﻝ ﺣﺮﺍﻡ ﺷﻌﻠﻴﻪ ﻣﻨﻪ ﻳﻮﻟﻲ ﻃﺒﻪ ﻃﺐ
ﻣﺨﺪﻩ ﺍﻳﻬﻢ ﺍﻭﻭﻭﻭﻳﻠﻲ ﺭﻳﺤﺘﻪ ﺗﺸﻌﻮﻃﻨﻲ ﺗﻔﺮﻓﺢ ﺭﻭﺣﻲ ﻛﻤﺖ ﻣﻦ ﻓﺮﺷﻲ ﻭﻳﻦ ﺍﺭﻭﺡ ﺭﺑﻲ ﺩﻛﻴﺖ ﻋﻠﻰ ﺍﻣﻪ ﺍﻭﻝ ﺩﻛﻪ ﻭﺍﻟﺜﺎﻧﻴﻪ ﺻﺎﺭ ﻳﻜﻠﻲ ﺍﻟﺠﻬﺎﺯ ﻣﻐﻠﻖ ﺑﺠﻴﺖ ﻭﻛﻤﺖ ﺣﺸﻜﺖ ﺭﻭﺣﻲ ﻳﻢ ﺍﻣﻲ ﻓﺰﺕ
ﺷﺒﻴﺞ ﻳﻤﻪ
ﻣﺎﻣﺎ ﺍﻳﻬﻢ ﺍﺭﻳﺪﻩ
ﻻﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﻭﺝ ﺍﻣﻲ ﻧﺎﻣﻲ ﻭﺍﻟﻠﻪ ﺍﻣﻪ ﻫﻢ ﺗﺤﺒﻪ
ﺑﺲ ﺍﻧﻲ ﺍﻣﻪ ﺑﺲ ﺍﻧﻲ
ﻛﺎﻓﻲ ﺍﻧﺘﻲ ﻣﻮﺻﻐﻴﺮﻩ ﻧﺎﻣﻲ
ﻣﺎﻣﺎ ﻛﻠﺒﺞ ﻣﺤﺘﺮﻙ ﻋﻠﻰ ﻗﺼﻲ
ﻭﺝ ﺩﺗﻬﻴﺠﻴﻨﻲ ﺍﻧﺘﻲ ﺩﺗﻜﻠﺒﻴﻦ ﺍﻟﻤﻮﺍﺟﻊ ﺑﻬﺬﺍ ﺍﻟﻴﻞ
ﻳﻌﻨﻲ ﻳﻮﺟﻌﺞ
ﺳﻜﺘﺖ
ﻳﻮﻡ ﻗﺼﻲ ﺭﺟﺎﻝ ﻣﻠﺠﻮﻣﻪ ﻋﻠﻴﻪ ﻭﺍﻳﻬﻢ ﻃﻔﻞ ﻭﻋﻪ ﻳﺪﺭﻱ ﺍﻧﻲ ﺍﻣﻪ ﻭﻓﺠﺎﻩ ﻫﺴﻪ ﺑﻨﺺ ﻧﺎﺱ ﻏﺮﺑﻪ ﺍﻭﻝ ﻣﺮﻩ ﻳﺸﻮﻓﻬﻢ ﺷﻜﺎﻝ ﻛﻠﺒﻪ
ﺍﻟﻠﻪ ﻣﻮﺟﻮﺩ ﺑﻨﻴﺘﻲ ﺍﻟﻠﻪ ﻳﻤﻪ
ﻣﺎﻣﺎ ﺍﺭﻳﺪﻩ ﻭﺍﻟﻠﻪ ﻫﺴﻪ ﺩﻳﺒﺠﻲ ﻋﻠﻴﻪ
ﺳﻜﺘﺖ ﻭﺍﻧﻲ ﺑﺨﻨﻴﻚ ﺍﺭﺟﻒ ﻋﻠﻴﻪ ﺭﺟﻌﺖ ﻏﻔﺖ ﻋﺮﻓﺖ ﺍﻟﺪﻭﻩ ﻻﻋﺐ ﺑﻴﻬﺎ ﺳﺎﻃﺮﻩ ﻛﻤﺸﺖ ﺍﻳﺪﻩ ﻭﺍﺗﺨﻴﻞ ﺍﻳﻤﻦ ﻳﺪﻭﺭﻟﻲ ﻳﺪﺭﻭ ﺣﻀﻨﻲ
ﺛﻮﺑﻲ
ﻛﻤﺖ ﻣﺨﺮﻭﻋﻪ ﺟﻨﻲ ﺧﺒﻠﻪ ﻃﻠﻌﺖ ﺑﺮﻩ ﺍﻟﺒﻮﺧﻪ ﻓﻮﻝ ﻓﺘﺮﺕ ﻋﻴﻨﻲ ﺑﺤﺼﺮﻩ ﻋﻠﻰ ﻛﻞ ﻣﻜﺎﻥ ﻫﻨﺎ ﻟﻌﺐ ﻫﻨﺎ ﺭﻛﺾ ﻣﻨﺎ ﻳﻌﺒﻲ ﺗﺮﺍﺏ ﺑﻠﻮﺭﻱ ﻭﺍﺟﻲ ﺍﺧﺰﺭﻩ ﻳﻨﻔﺾ ﺍﻳﺪﻩ ﻳﺒﺮﻃﻢ ﺍﺑﺘﺴﻢ ﻳﻀﺤﻚ ﻭﻳﺮﻛﺾ ﺑﺤﻀﻨﻲ ﻣﺎﻣﺎ ﻣﺎﺳﻮﻱ ﺑﻌﺪ
ﻧﺼﻴﺖ ﻣﻐﻄﻴﻪ ﻭﺟﻬﻲ ﻭﺭﻓﻌﺖ ﺭﺍﺳﻲ ﻧﻔﻚ ﺑﺎﺏ ﺍﻟﻜﺮﻓﺎﻥ ﻭﻧﺰﻝ ﻓﺎﺭﺱ ﻧﺪﺭﺕ ﺍﻓﻮﺕ ﻫﻮﻩ ﻳﺘﻘﺮﺏ ﻣﺸﻴﺘﻪ ﻣﻮ ﻫﻠﻜﺪ ﻋﻔﺘﻪ ﻭﺳﺪﻳﺖ ﺍﻟﺒﺮﺩﻩ ﻭﺍﻛﻔﻪ ﻭﺭﺍﻫﻪ ﺍﻛﺮﺽ ﺑﻴﺪﻱ ﻭﻧﺪﺍﺭ ﺍﺑﺎﻭﻉ ﻣﻦ ﺍﻟﺰﺭﻑ ﻭﻛﻒ ﻭﺭﻩ ﺧﻴﻤﺘﻨﻪ ﺯﻧﺒﺮﺕ ﺩﻳﻠﻌﺐ ﺑﻌﺼﺎﺑﻲ ﻫﺬﺍ ﻓﺘﺤﺖ ﺍﻟﺒﺮﺩﻩ ﻭﻃﻠﻌﺖ ﻓﺘﺮﻳﺖ ﻭﻛﻔﺖ ﻛﺒﺎﻟﻪ
ﺷﻜﻮﻭ ﺟﺎﻱ
ﺍﻳﺪﻩ ﺑﺠﻴﺒﻪ ﻣﻨﺼﻲ ﻭﺍﻟﺜﺎﻧﻴﻪ ﻭﺭﻩ ﺭﻛﺒﺘﻪ ﺳﺎﻛﺖ
ﻧﺪﺭﺕ ﺍﺭﺟﻒ ﺣﺎﺟﻴﺘﻪ ﺑﺨﻨﻴﻚ .... ﺍﻟﻠﻪ ﻻﻳﺤﻮﺝ ﺍﺣﺪ ﻷﺣﺪ ﻧﺨﻴﺘﻚ ﻋﻠﻰ ﻃﻔﻞ ﺩﻛﻠﻲ ﺍﺭﺟﻌﻪ ﻭ ﺗﺤﻂ ﻋﻠﻴﻪ ﺷﺮﻁ ﻳﻜﺴﺮ ﺭﻛﺎﺏ ﻣﻌﻨﺎﻩ ﺍﻧﺖ ﺗﻜﺪﺭ ﺗﺴﺎﻋﺪﻧﻲ ﺑﺲ ﺗﺮﻳﺪ ﺗﺴﺘﻐﻠﻨﻲ ﻣﻄﻠﻌﺖ ﺣﺘﻰ ﺍﺷﻮﻑ ﺷﻜﻠﻚ ﺑﺲ ﻃﻠﻌﺖ ﺣﺘﻰ ﺍﻛﻠﻚ ﺍﻳﻬﻢ ﺭﺍﺡ ﺍﺧﺬﺗﻪ ﻭﺍﻧﺖ ﺧﻠﻴﻚ ﺑﺸﺮﻭﻃﻚ ﺣﺮﺍﻣﺎﺕ ﺑﻴﻮﻡ ﻓﻜﺮﺕ ﺑﻠﻜﻼﻡ ﺍﻟﻜﻠﺘﻪ ﻭﺑﺬﺍﺕ ﺍﺣﺒﺞ ﻫﻤﺰﻳﻦ ﻣﺼﺪﻛﺘﻪ ﻟﻮ ﺗﺤﺒﻨﻲ ﻣﺘﺴﺘﻐﻠﻨﻲ ﻣﺘﻜﺴﺮﻧﻲ ﺑﺲ ﻣﻊ ﺍﻷﺳﻒ ﻋﻠﻴﻚ
ﺣﺠﻴﺖ ﻭﻣﺸﻴﺖ ﺩﻣﻮﻋﻲ ﺗﺠﺮﻱ ﻣﻦ ﺟﺒﺖ ﻃﺎﺭﻱ ﺍﻳﻬﻢ ﺍﺧﺬﺗﻪ ﻧﺰﻟﻮ ﻣﺜﻞ ﺍﻟﻤﻄﺮ ﺧﻄﻮﻩ ﻭﻟﺦ ﻫﻤﺲ
ﺍﺩﻳﺎﻥ ﺍﺭﻳﺪﺝ
ﻓﺎﺭﺱ ﺭﻭﺡ
ﺗﻘﺪﻡ ﻭﺍﻧﻲ ﺍﺭﺟﻊ ﻋﻴﻮﻧﻪ ﺣﻤﺮ ﺟﺮ ﺍﻳﺪﻱ
ﺣﺪﺭﻱ ﺍﻓﻬﻤﺞ
ﻭﺧﺮ ﻻﺗﻠﺰﻣﻨﻲ
ﺍﻟﻨﺎﺱ ﺭﺍﺡ ﺗﻄﻠﻊ ﺣﺪﺭﻱ ﺍﺣﺎﺟﻴﺞ
ﻳﺤﺠﻲ ﻋﻴﻮﻧﻪ ﺣﻤﺮ ﺭﻳﺤﺘﻪ ﺗﺬﺑﺢ ﻳﺠﺮ ﺑﻴﻪ ﻟﻠﻜﺮﻓﺎﻥ
ﻭﻳﻦ ﺍﻟﺤﺎﺭﺱ ﻟﺼﺨﺎﻡ
ﻣﺎﻛﻮ ﺍﻣﺸﻲ ﻭﺍﺳﻜﺘﻲ
ﺻﻌﺪﻧﻪ ﺍﻟﻤﺪﺭﺝ ﻫﺪﻧﻲ ﻭﻣﺸﻰ ﻟﻠﻤﻐﺴﻠﻪ ﻓﺘﺢ ﺍﻟﻤﻲ ﻭﺧﻠﻪ ﺭﺍﺳﻪ ﻳﺸﻴﻞ ﺑﻴﺪﻩ ﻭﻳﻜﺐ ﻏﺮﻛﻪ ﺭﻓﻊ ﺭﺍﺳﻪ ﻭﻛﻒ ﻳﻤﺴﺢ ﻭﺟﻪ ﺍﻟﻤﻲ ﻳﻨﺰﻝ ﻋﻠﻰ ﻫﺪﻭﻣﻪ ﻭﻣﻦ ﻭﺭﻩ ﻋﻠﻰ ﺿﻬﺮﻩ ﻛﻌﺪ ﻋﻠﻰ ﺳﺮﻳﺮ ﻣﻨﺼﻲ ﻻﺯﻡ ﺭﺃﺳﻪ ﻭﺍﻧﻲ ﻭﺍﻛﻔﻪ ﺍﻣﺴﺢ ﺑﺪﻭﻋﻲ ﺑﻬﺪﻭﺀ ﻭﺑﺮﻭﺩ ﻛﺎﻝ
ﺍﺧﺬﻭ
ﺳﻜﺘﺖ
ﺍﺩﺭﻱ ﺷﻔﺘﻮ ﻫﻴﻦ ﺟﻨﺖ
ﺑﺮﻃﻤﺖ ... ﻟﻴﺶ ﻣﺎﺩﺧﻠﺖ
ﻭﺍﻓﻘﻲ ﺍﻭﻝ
ﻓﺎﺭﺱ ﺣﺮﺍﻡ ﻋﻠﻴﻚ
ﺣﻼﻝ ﺑﺸﺮﻉ ﺍﻟﻠﻪ ﻭﺷﻬﻮﺩ ﻭﺷﺘﺮﺩﻳﻦ ﺣﺎﺿﺮ ﻋﻠﻴﺶ ﺍﻟﺤﺮﺍﻡ ﺑﻌﺪ
ﻭﻳﻦ ﺗﻌﺮﻑ ﺍﻟﺸﺮﻉ ﻭﺍﻧﺖ ﻫﺬﺍ ﺣﺎﻟﻚ ﻭﻳﻦ ﺗﻌﺮﻑ ﺍﻟﻠﻪ
ﻋﻠﻰ ﻧﻔﺴﻲ ﻣﻮ ﻣﺌﺬﻱ ﺍﺣﺪ
ﻟﻌﺪ ﺷﻠﻮﻥ ﺗﺮﻳﺪﻧﻲ ﻭﺍﺫﺍ ﻗﺒﻠﺖ ﻋﻠﻴﻚ ﻫﺎﻱ ﻣﻮ ﺍﺫﻳﻪ ﺑﺤﻖ ﻧﻔﺴﻲ
ﻭﻳﺎﺝ ﺍﺑﻄﻞ
ﻛﻠﺘﻬﺎ ﻗﺒﻞ ﻭﻧﻄﻴﺖ ﻭﻋﻮﺩ ﻭﺧﻠﻔﺖ
ﺍﻧﺘﻲ ﻋﻔﺘﻴﻨﻲ ﻣﺎﺳﻤﻌﺘﻠﻲ
ﺳﻜﺘﺖ ﻭﻫﻮﻩ ﺳﻜﺖ ﺑﻘﻬﺮ ﻛﻠﺖ
ﺍﺭﻳﺪ ﺍﻳﻬﻢ
ﻭﺍﻓﻘﻲ
ﻣﺎﺭﻳﺪ
ﻭﺍﻓﻘﻲ ﻭﻣﻦ ﻏﺒﺸﻪ ﺍﻳﻬﻢ ﻳﻤﺞ
ﻣﺴﺤﺖ ﻭﺟﻬﻲ ﺍﻫﺪﻱ ﺭﻭﺣﻲ ﺭﻓﻊ ﺭﺃﺳﻪ ﻣﻴﻠﻪ ﺷﺎﺑﻚ ﺍﻳﺪﻩ ﻫﺰﻩ ﻭﺍﻓﻘﻲ ﺍﺩﻳﺎﻥ
ﺟﺮﻳﺖ ﻧﻔﺲ ﻣﻐﻤﻀﻪ ﺑﺪﻭﻥ ﺗﺮﺩﺩ ﻛﺘﻠﻪ ﻣﻮﺍﻓﻘﻪ
ﻛﻠﺘﻠﻪ ﺑﺮﻭﺩ ﻭﻧﻔﺲ ﺍﻟﻮﻛﺖ ﻣﻦ ﻛﻞ ﺧﺎﻃﺮﻱ ﻣﺤﻄﻴﺖ ﺍﻳﻬﻢ ﻛﺒﺎﻟﻲ ﻛﻠﺘﻪ ﻛﻨﻤﺎ ﻭﺍﻛﻔﻪ ﻛﺪﺍﻣﻪ ﺍﻭﻝ ﻣﺮﻩ ﻭﻛﺎﻝ ﺍﺭﻳﺪﺝ ﻭﺭﺩﻳﺖ ﻣﻮﺍﻓﻘﻪ
ﻭﻛﻒ ﺗﻘﺮﺏ ﺑﻠﻊ ﺭﻳﻚ ﻳﺒﺎﻭﻋﻠﻲ ﺑﺘﺮﻛﻴﺰ ﺍﺍﺍﻛﺪ ﻋﻠﻴﻪ
ﻣﻮﺍﻓﻘﻪ ؟
ﻫﺰﻳﺖ ﺭﺍﺳﻲ ﻣﻘﻮﻳﻪ ﺭﻭﺣﻲ ﺍﻱ ﻣﻮﺍﻓﻘﻪ ﺑﺘﺴﻢ ﺟﺮ ﺍﻳﺪﻱ ﻧﺘﺮﺗﻪ ﻛﺎﻝ ﻣﻴﻬﻢ ﺍﻛﻌﺪﻱ ﻧﺘﻔﺎﻫﻢ ﻛﻌﺪ ﻭﺍﻧﻲ ﺑﻌﺪ ﺷﺒﺎﺭ ﻋﻨﻪ ﺻﺪ ﻋﻠﻴﻪ
ﺑﺎﺟﺮ ﺍﺣﺎﺟﻲ ﺍﻟﺤﺠﻴﻪ
ﻓﻜﻴﺖ ﻋﻴﻨﻲ ﻛﻠﻬﺎ .... ﺍﻧﺖ
ﻋﺠﻞ ﻣﻨﻮ
ﻭﺍﻫﻠﻚ
ﺷﺒﺒﻬﻢ
ﻗﺼﺪﻱ ﻏﻴﺮ ﺍﻫﻠﻚ ﻟﻴﺤﺠﻮﻥ
ﺳﻜﺘﺖ
ﻓﺎﺭﺱ ﺷﺒﻴﻚ
ﺍﺩﻳﺎﻥ ﺑﻠﺴﺮ ﺍﺭﻳﺪﺝ
ﻭﻛﻔﺖ ﻣﻨﺒﺮﺯﻩ ﻣﺸﻴﺖ ﺍﺯﺍﺭﻱ ﺻﺎﺭ ﺟﻮﻩ ﺭﺟﻠﻲ ﻋﺜﺮﺕ ﺭﺟﻌﺖ ﻭﻛﻔﺖ ﻋﻠﻰ ﺳﺮﻳﻊ ﻣﺨﻨﺰﺭﻩ ... ﺻﺪﻙ ﺍﻧﺖ ﻣﻮﻣﺎﻝ ﺣﺘﺮﺍﻡ ﻛﻞ ﺷﻮﻳﻪ ﺻﺎﺩﻣﻨﻲ ﺻﺪﻣﻪ ﺷﻜﻞ
ﺭﺍﺳﻦ ﻫﻢ ﺳﺮﻳﻊ ﺭﻓﻊ ﺍﻳﺪﻩ ﻣﺨﻨﺰﺭ ﻭﻧﺰﻟﻪ ﻗﺎﺑﻀﻪ ﻗﻮﻱ ﻏﻤﺾ ﻧﺘﺮ .. ﺗﻤﺎﺩﺭﻳﺘﻲ ﺟﺜﻴﺮ
ﻣﻮ ﻛﺪﻙ ﻋﻴﺐ ﻋﻠﻴﻚ ﺍﺳﺘﺤﻲ ﺷﻜﺎﻟﻮﻟﻚ ﻋﻠﻴﻪ ﻭﺣﺪﻩ ﻣﻦ ﺍﻟﺸﺎﺭﻉ ﻟﻮ ﺷﻨﻮ ﺍﻟﺒﻴﻪ ﻳﺨﻠﻴﻚ ﺗﻀﻢ ﻫﻴﺞ ﺷﻲ ﻭﺗﻄﻠﺒﻨﻲ ﺑﻠﺴﺮ
ﺟﺜﻴﺮ ﺍﻣﻮﺭ ﺗﻌﻤﻨﻌﻨﻲ
ﺷﻨﻮ ﻫﻴﻪ ﻛﻠﻠﻠﻠﻲ ﺷﻨﻮ ﻫﻴﻪ ﺗﻌﺎﻝ ﺍﻛﻠﻚ ﺍﺧﺎﻑ ﺍﻧﺖ ﻣﺘﺰﻭﺝ ﻟﻴﺶ ﻻ ﺷﻮﻥ ﻣﻔﻜﺮﺕ ﻫﻴﺞ ﺍﻧﻲ ﻭﻟﻴﺶ ﻣﺘﻄﻠﻊ ﻣﺘﺰﻭﺝ ﻣﻮﺯﻏﻴﺮ ﺍﻧﺖ
ﺣﺠﻴﺘﻬﻢ ﻛﻠﻤﻪ ﻭﺭﻩ ﻛﻠﻤﻪ ﺍﺷﻤﺮ ﺑﻴﺪﻱ ﺩﻣﻲ ﻣﺤﺘﺮﻙ ﻧﺘﺮ ﺳﻜﺘﻨﻲ ﺻﺎﻓﻨﻪ
ﻣﻮ ﻣﺘﺰﻭﺝ ﻟﻮ ﻣﺘﺰﻭﺝ ﻣﺎﺧﺎﻑ ﻣﻨﺞ ﺍﻛﻮﻟﻪ ﺑﻮﺟﻬﺞ
ﻟﻌﺪ ﻟﻴﺶ ﺑﻠﺴﺮ ﻟﻴﺶ ﻓﻬﻤﻨﻲ ﺍﻫﻠﻚ ﻭﻳﻦ ﻟﻮ ﻣﺎﻧﺎﺳﺒﻚ ﺍﻧﻲ ﻳﺠﻮﺯ ﻣﻮ ﻣﻦ ﻣﺴﺘﻮﺍﻙ ﻟﺨﺎﻃﺮ ﺍﻟﻠﻪ ﻟﻌﺪ ﺷﻜﻮ ﺧﺎﺑﺼﻨﻲ ﺧﺒﺺ ﺍﺭﻳﺪﺝ ﻭﻫﻴﺞ ﻳﻄﻠﻊ ﺗﺎﻟﻴﺘﻪ
ﺍﺩﻳﺎﻥ ﺍﺣﻨﺎ ﺻﺎﺭﺗﻠﻨﻪ ﻓﺎﺟﻌﻪ ﻭﻛﺖ ﻟﺘﺮﻛﺘﺞ ﺟﻢ ﻳﻮﻡ ﻭﺧﺎﺑﺮﺗﺞ ﺟﻨﺖ ﺩﺍﻓﻦ ﻭﺻﻠﻪ ﻣﻦ ﺟﺒﺪﻱ ﺟﻮﻩ ﺍﻟﻜﺎﻉ ﻻ ﻭﺍﻟﻠﻪ ﻣﻮ ﺟﻮﻩ ﺍﻟﻜﺎﻉ ﻧﺺ ﺍﻟﺒﺤﺮ ﻭﺳﻂ ﺍﻟﻤﺎﻱ ﺍﺑﻦ ﺍﺧﻮﻱ ﺷﺎﺏ ﺟﻨﻪ ﻭﺭﺩ ﺻﺎﺭ ﻟﻜﻤﻪ ﻟﺴﻤﺞ ﺑﻨﺺ ﺑﺤﺮ ﻛﻞ ﻫﺬﺍ ﻭﺗﺮﻳﺪﻥ ﻓﺎﺭﺱ ﺻﺎﺣﻲ ﻭﻫﺴﺎﻉ ﺗﺮﻳﺪﻳﻦ ﻳﻜﻒ ﻳﺨﻄﺐ ﻭﻳﺘﺰﻭﺝ ﺛﻤﻨﻲ ﻛﻼﻣﺞ ﻳﺎﺣﺮﻣﻪ ﻣﻮ ﻣﻦ ﻣﺴﺘﻮﺍﻱ ﺷﻠﻮﻥ ﻧﺎﺯﻝ ﻣﻦ ﺍﻟﺴﻤﺎ ﺍﻧﻪ ﺗﺮﻩ ﺑﺸﺮ ﺣﺎﻟﺞ ﺣﺎﻟﺞ ﺍﻛﻀﺒﻲ ﺭﻭﺣﺞ ﺍﺣﻨﺎ ﺟﺎﻱ ﻧﺴﻮﻟﻒ ﻣﻮ ﺟﺎﻋﺪ ﻧﺘﻜﺎﻭﻥ
ﻭﺍﻧﻲ ﻣﺎ ﻃﻠﺒﺖ ﺷﻲ ﺟﺒﻴﺮ ﺭﺩﺕ ﺣﻘﻲ ﺧﻄﺒﻪ ﻋﻠﻴﻨﺎ ﺣﺎﻟﻲ ﺣﺎﻝ ﺍﻟﻌﺎﻟﻢ ﺍﻟﺰﻭﺍﺝ ﺍﺷﻬﺎﺭ ﻏﻴﺮﻩ ﻳﻌﺘﺒﺮ ﺯﻭﺍﺝ ﺑﻲ ﺍﻧﻰ
ﺿﻴﻚ ﻋﻴﻨﻪ ﻳﻬﺰ ﺑﺮﺍﺳﻪ ﻣﺎﺩ ﺟﻒ ﺍﻳﺪ ﻭﺍﻟﺜﺎﻧﻴﻪ ﻣﺨﻠﻴﻪ ﻋﻠﻰ ﻋﻜﺲ ﺭﺟﻠﻪ ﺑﺤﻴﺮﻩ ﻛﺎﻝ
ﺍﺟﻴﺐ ﺭﺿﻴﻌﺘﻲ ﺯﻳﻦ ﺗﻜﻔﻲ ﻟﻮﺗﺮﻳﺪﻳﻦ ﻋﺸﻴﺮﻩ ﻓﺎﺭﺱ ﺟﻤﻴﻊ
ﺳﻜﺘﺖ
ﻣﺪ ﺭﺟﻠﻪ ﺭﻓﻊ ﻃﺮﻑ ﺟﻴﺒﻪ ﻃﻠﻊ ﺍﻟﺒﺎﻛﻴﺖ ﻭﺍﻟﺠﺪﺍﺣﻪ ﻭﻟﻤﻬﺎ ﻳﻮﺭﺙ ﺍﻟﺠﻜﺎﺭﻩ ﻭﻛﻔﺖ ﺍﻃﻠﻊ ﺧﻄﻮﺗﻴﻦ ﻭ ﻫﻮﻩ ﻭﺭﺍﻳﻪ ﻭﻛﻒ ﺳﺤﺐ ﻧﻔﺲ ﻭﺫﺑﻪ ﻛﺎﻝ
ﺗﻨﺪﻟﻴﻦ ﺑﻴﺖ ﺍﻣﻮ ﺍﻻﻳﻬﻢ
ﻫﺰﻳﺖ ﺭﺍﺳﻲ ﺍﻱ
ﻋﺠﻞ ﺑﺎﺟﺮ ﺍﻳﻬﻢ ﻳﻤﺞ ﺑﺲ ﺍﺻﺒﺮﻱ ﺷﻮﻳﻪ
ﺷﻠﻮﻥ
ﻻﺗﻔﻜﺮﻳﻦ ﺍﻟﺞ ﺍﻟﺼﺎﻓﻲ ﺑﺎﺟﺮ ﺍﻳﻬﻢ ﻳﺒﺎﺕ ﺑﺤﻀﻨﺞ ﺑﺲ ﻛﻮﻥ ﻣﺎﺗﺘﻌﺮﻭﺝ
ﺑﺘﺴﻤﺖ ﻧﺺ ﺑﺘﺴﺎﻣﻪ ﻣﺘﺌﺎﻣﻠﻪ ﻛﻮﻥ ﺣﺠﻴﻪ ﺻﺤﻴﺢ ﻛﻮﻥ ﺑﺎﺟﺮ ﺍﻳﻬﻢ ﻳﻤﻲ ﻧﺰﻟﺖ ﺍﻟﻤﺪﺭﺝ ﺍﺗﻠﻔﺖ ﻭﻓﺘﺖ ﻟﻠﺨﻴﻤﻪ ﻛﻌﺪﺕ ﺍﻧﻲ ﺷﺴﻮﻳﺖ ﺍﻧﻲ ﻭﺍﻓﻘﺖ ﻋﻮﺩ ﺻﺪﻙ ﻟﺰﻣﺖ ﺭﺍﺳﻲ ﻣﺎﻛﺪﺭ ﺃﻓﻜﺮ ﺑﺸﻲ ﻫﺴﻪ ﺑﺎﻟﻲ ﻣﺸﻮﺵ ﻛﻠﺸﻲ ﺑﻴﻪ ﻣﺨﺮﺑﻂ ﺣﺘﻰ ﻣﺼﻴﺮﻱ ﻟﻘﺮﺭﺗﻪ ﻣﺮﺍﺟﻌﺘﻪ ﻛﻠﻤﻪ ﻃﻠﻌﺖ ﻭﻧﺘﻬﺘﺖ ﻋﺒﺎﻟﻚ ﺍﻟﻠﻪ ﻧﻄﻘﻨﻴﺎﻫﻪ ﺑﺪﻭﻥ ﻣﺎ ﻓﻜﺮ
ﻟﺤﻀﻪ ﻣﺎﻏﻤﻀﺖ ﺻﻠﻴﺖ ﻛﻮﻣﻪ ﻭ ﺩﻋﻴﺖ ﻛﻮﻣﻪ ﺑﺲ ﻳﻤﺮ ﻫﻞ ﻳﻮﻡ ﺑﺪﻭﻥ ﻟﺠﻤﺎﺕ ﺑﺪﻭﻥ ﻋﻮﺍﺭﺽ ﺑﺪﻭﻥ ﻛﻠﺸﻲ ﺍﻟﻌﻴﻦ ﻋﻠﻰ ﺳﺎﻋﻪ ﺍﻟﻮﻛﺖ ﻋﺒﺎﻟﻚ ﻭﻛﻒ ﺍﻟﻮﺏ ﻭﺍﻟﻮﺏ ﻭﺭﻭﺣﻲ ﺻﺎﺭﺕ ﺑﺰﺭﻑ ﺍﻟﺨﻴﻤﻪ ﻛﻞ ﺳﺎﻉ ﺍﻛﻮﻝ ﻫﺴﻪ ﻳﻄﻠﻊ ﻫﺴﻪ ﻳﺮﻭﺡ ﻳﺠﻴﺒﻪ ﻣﺜﻞ ﻣﻜﺎﻝ ﻟﺤﺪ ﻣﺸﻔﺘﻪ ﻧﺰﻝ ﻣﻦ ﺍﻟﻤﺪﺭﺝ ﻧﺘﺒﻬﺖ ﻣﻐﻴﺮ ﻣﻼﺑﺲ ﺍﻟﺒﺎﺭﺣﻪ ﺭﺍﺡ ﺍﺗﺨﺒﻞ ﻋﺎﻳﺶ ﻫﻨﺎ ﻭﻫﺬﺍ ﺍﻟﺤﺎﺭﺱ ﻟﻤﺼﺨﻢ ﻭﻳﻦ
ﺟﺎﻥ ﻻﺑﺲ ﺗﺸﻴﺮﺕ ﺯﻳﺘﻮﻧﻲ ﻧﺺ ﺭﺩﻥ ﻭﺑﻨﻄﻠﻮﻥ ﺯﻳﺘﻮﻧﻲ ﺟﻌﺐ ﻛﺒﺎﺭ ﺗﻮﺟﻬﻪ ﺧﺎﺭﺝ ﺍﻟﻤﺨﻴﻢ ﻳﻢ ﺳﻴﺎﺭﺗﻪ ﺻﻌﺪﻩ ﻭﻃﻠﻊ
ﻋﻀﻴﺖ ﺍﺻﺒﻌﻲ ﻭﻳﻦ ﻭﻟﻪ ﻭﺍﻧﻲ ﻟﺤﻀﻪ ﻣﻨﻤﺖ ﺍﻧﺘﻀﺮﻩ ﻛﻠﺖ ﻫﺴﻪ ﻣﻦ ﺍﻟﺼﺒﺢ ﻳﺠﻴﺒﻪ
ﺳﻤﻌﺖ ﻭﺭﺍﻳﻪ ﺻﻮﺕ ﺍﻣﻲ
ﺍﺩﻳﺎﻥ ﻣﺎﻧﻤﺘﻲ
ﻻ
ﺳﺘﻐﻔﺮﺍﻟﻠﻪ ﺭﺑﻲ ﻭﺍﺗﻮﺏ ﺍﻟﻴﻪ ﺍﺻﺒﺤﻨﺎ ﻭﺍﺻﺒﺢ ﺍﻟﻤﻠﻚ ﻟﻠﻪ
ﻃﻠﻌﺖ ﺗﻌﺪﻝ ﺷﻴﻠﺘﻪ ﻭﺗﻘﺮﻩ ﺍﺫﻛﺎﺭ ﺍﻟﺼﺒﺎﺡ ﻛﻌﺪﺕ ﺻﺎﻓﻨﻪ ﺭﺟﻌﺖ ﺻﻠﺖ ﻭﺗﺘﻮﺟﻪ ﺗﺴﻮﻱ ﺭﻳﻮﻙ ﻭﺍﻧﻲ ﺑﻐﻴﺮ ﻋﺎﻟﻢ ﻳﻢ ﺍﻳﻬﻢ ﻣﺪﺭﻱ ﻳﻢ ﻓﺎﺭﺱ ﻭﺍﻓﻜﺮ ﻭﻳﻦ ﺭﺍﺡ ﺗﺮﻳﻜﺖ ﻣﺎﻣﺎ ﻭﺗﺘﻮﺳﻞ ﺑﻴﻪ ﻟﻜﻤﻪ ﻣﺤﻄﻴﺖ ﻣﺤﺎﺟﺘﻨﻲ ﺳﺎﻋﻪ ﺍﻣﺪﺩ ﺳﺎﻋﻪ ﺍﻛﻌﺪ ﻻﻳﺒﻪ ﻻﻳﺒﻪ ﻫﻴﺞ ﺭﻭﺣﻲ ﻻﻳﺒﻪ
ﺗﺒﺎﻭﻋﻠﻲ ﻣﺎﻣﺎ ﺗﻬﺰ ﺑﺮﺍﺳﻪ ﺗﺴﺘﻐﻔﺮ ﻻﻛﻤﺖ ﻻﺗﺤﺮﻛﺖ ﺍﻟﻤﻮﺍﻋﻴﻦ ﻋﻠﻰ ﺣﻄﺘﻬﻢ ﻣﺴﺌﻠﺖ ﺷﻌﺠﺐ ﻣﻐﺎﺳﻠﺘﻬﻢ ﺩﺗﺸﻮﻑ ﺣﺎﻟﻲ ﻳﺒﺠﻲ
ﻧﺪﻫﺖ ﻋﺬﺭﺍﺀ ﻛﻮﻣﻲ ﺻﺎﺭﺕ ﺑﻠﻌﺸﺮﻩ ﻛﻮﻣﻲ ﻟﻤﻠﻤﻲ ﺍﻟﺨﻴﻤﻪ ﻫﻮﺳﻪ ﺍﺧﺘﺞ ﻣﺎﻟﻪ ﺧﻠﻚ
ﻋﺬﺭﺍﺀ ﻛﺎﻣﺖ ﺑﺪﻭﻥ ﻛﻼﻡ ﻫﺎﻱ ﺍﻟﺜﺎﻧﻴﻪ ﻃﻔﺖ ﻭﻛﻠﺸﻲ ﺑﺮﻭﺣﻪ ﺣﻘﻪ ﺍﻳﻬﻢ ﻃﻔﻪ ﺍﻟﻜﻞ
ﺧﻠﺖ ﻋﺒﺎﺗﻪ ﻋﻠﻰ ﺭﺍﺳﻪ ﻣﺎﻣﺎ ﻭﻃﻠﻌﺖ ﻟﻴﺒﺮﻩ ﻭﻧﺪﺍﺭﺕ ﻛﺎﻟﺖ ﺩﻳﻄﻠﻌﻮﻥ ﻫﻮﻳﻪ ﻟﻠﻤﻬﺠﺮﻳﻦ ﺍﺭﻭﺡ ﺍﺷﻮﻑ ﺑﻠﻜﺖ ﻧﺤﺼﻞ ﺷﻲ ﻣﻦ ﻭﺭﺍﻫﻪ
ﻣﺤﺠﻴﺖ ﻋﺬﺭﺍﺀ ﻛﻔﺖ ﺍﻟﻔﺮﺍﺵ ﻛﻨﺴﺖ ﺍﻻﺭﺿﻴﻪ ﻭﺭﺟﺖ ﺍﻟﻤﺨﺎﺩ ﻣﺜﻞ ﺗﺮﺗﻴﺒﻲ ﻛﻞ ﻳﻮﻡ ﻭﺭﺍﺣﺖ ﻟﻤﺖ ﺍﻟﻤﻮﻋﻴﻦ ﺑﻠﺼﻴﻨﻪ ﻭﻃﻠﻌﺖ ﺗﻐﺴﻠﻬﻢ
ﺑﺎﻭﻋﺖ ﻋﻠﻰ ﺳﺎﻋﻪ ﺭﺍﺡ ﺗﺼﻴﺮ ﺏ١١ ﺭﺑﻲ ﺻﺒﺮﻙ ﻭﻳﻦ ﺍﻳﻬﻢ ﻧﺎﻡ ﺍﻟﻴﻠﻪ ﺍﻟﺮﺍﺣﺖ ﺗﺮﻳﻚ ﺷﻠﻮﻥ ﺑﻴﻪ ﻣﻨﻮ ﻳﺠﺎﻭﺑﻨﻲ ﺗﻌﺒﺖ ﺣﻴﻞ ﻭﺍﻳﺴﺖ
ﻓﺎﺭﺱ ﺟﺬﺏ ﻋﻠﻴﻪ ﻣﻮ
ﻻ ﺧﺎﻑ ﺭﺍﺡ ﻳﺠﻴﻪ
ﺍﻭﻭﻑ ﺍﺩﻳﺎﻥ ﺗﺨﺒﻠﺘﻲ ﺷﻴﺠﻴﺒﻪ ﻭﻳﻦ ﻳﻨﺪﻟﻬﻢ
ﺍﺣﺴﻦ ﺷﻲ ﺍﺧﺎﺑﺮﻩ ﻭﺍﺫﺑﺤﻪ ﻋﻠﻰ ﻗﺒﻠﻪ
ﺍﻋﺮﻑ ﺯﻭﺩﺗﻪ
ﺭﺧﺼﺖ ﺭﻭﺣﻲ
ﻧﺰﻟﺘﻪ ﻫﻮﺍﻱ
ﺑﺲ ﻏﺼﺒﺎ ﻋﻨﻲ ﻭ ﺍﻟﻠﻪ
ﻣﺤﺪ ﻳﺤﺲ ﺣﺴﺎﺳﻲ
ﻣﺤﺪ ﻳﻌﺮﻑ ﺍﻟﻨﺎﺭ ﺍﻟﺠﻮﺍﻳﻪ
ﺻﺎﻓﻨﻪ ﺍﻳﺪﻱ ﻋﻠﻰ ﺧﺪﻱ ﺍﻟﻔﻮﻥ ﻳﺪﻙ ﺑﺮﺍﺳﻲ ﻭﺍﻟﻠﻪ ﻣﻮ ﺑﺬﻧﻲ ﺍﺟﺎﻧﻲ ﺻﻮﺗﻪ
ﺍﻟﻮ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ
ﺳﻜﺘﺖ ﻳﺮﺑﻲ ﺷﻜﻠﻪ ﻧﻘﺬﻧﻲ ﻫﻮﻩ ﻣﻦ ﻛﺎﻝ
ﺍﺩﻳﺎﻥ ﺑﻠﺸﻤﺎﻝ ﺍﻧﻪ ﺍﺟﻴﺐ ﺭﺿﻴﻌﺘﻲ ﻭﺍﺭﺩ ﻧﺠﻴﺐ ﺍﻳﻬﻢ
ﻏﻤﻀﺖ .. ﻓﺎﺭﺱ ﻣﻮ ﻭﻛﺘﻚ
ﻋﺠﻞ ﺷﻮﻛﺖ ﻳﺎﺑﻪ ﻟﻤﻦ ﺗﺸﻮﻓﻴﻦ ﺍﻳﻬﻢ ﻭﺗﻬﻮﻧﻴﻦ ﺍﻟﻤﺜﻞ ﻳﻜﻮﻝ ﺍﺿﺮﺏ ﺍﻟﺤﺪﻳﺪ ﻭﻫﻮﻩ ﺣﺎﺭ ﺍﻟﻌﺼﺮ ﻟﻮ ﺟﻴﺖ ﻣﻦ ﻭﻛﺖ ﻧﻌﻘﺪ ﺍﻧﺘﻲ ﺗﻔﺮﺣﻴﻦ ﺑﺎﺍﻳﻬﻢ ﻭﺍﻧﻪ ﺍﻓﺮﺡ ﺑﻴﺞ
ﺳﻜﺘﺖ ﺳﺪﻳﺘﻪ ﺭﺍﺳﻲ ﻫﻞ ﻛﺒﺮﻩ ﺍﺍﺍﺥ ﻟﻮﻣﺎ ﺧﻮﻓﻲ ﻣﻨﻚ ﻭﻟﻮﻟﻪ ﺍﻟﺒﻴﻚ ﺟﺎﻥ ﻫﺴﻪ ﺍﻧﻲ ﺃﺳﻌﺪ ﻭﺣﺪﻩ
ﺍﻟﻴﻮﻡ ﻧﺘﻬﻰ ﻭﺍﻟﻤﻐﺮﺏ ﺗﺤﺪﻳﺪﺍ ﻓﺎﺗﺖ ﻋﻠﻴﻨﻪ ﻣﺮﻩ ﺑﻨﺺ ﺍﻻﺭﺑﻌﻴﻦ ﻻﺑﺴﻪ ﻛﻠﻪ ﺍﺳﻮﺩ ﺑﺲ ﺣﻴﻞ ﻣﺮﺗﺒﻪ ﺍﻟﻬﺠﻪ ﻭﺍﻟﻜﻼﻡ ﻣﺜﻞ ﻟﻬﺠﻪ ﻓﺎﺭﺱ ﺍﻟﻮﺟﻪ ﻳﻀﺤﻚ ﻋﺒﺎﻟﻚ ﺗﻌﺮﻓﻨﻪ ﺻﺎﺭ ﻣﺪﺭﻱ ﻛﻢ ﺳﻨﻪ
ﺗﺨﻴﻄﺖ ﻭﻋﻴﻮﻧﻲ ﺷﻨﻜﻠﻦ ﻋﻠﻴﻬﺎ ﻭﻋﻠﻰ ﻣﻜﺎﻧﻪ ﺍﺫﻧﻲ ﻳﻤﻬﺎ ﻭﻫﻴﻪ ﺗﺴﻮﻟﻒ ﻭﻳﻪ ﺍﻣﻲ ﺗﻌﺮﻑ ﻧﻔﺴﻬﺎ ﻭﺗﺤﺠﻴﻠﻪ ﻋﻠﻰ ﻣﻮﺗﺖ ﺍﺑﻨﻬﻢ ﺣﺰﻧﻬﻢ ﻭﺷﺼﺎﺭ ﺍﻟﻬﻢ ﻓﻌﻼ ﻓﺎﺟﻌﻪ ﻭﻣﺎﻣﺎ ﻫﺎﺟﺖ ﺟﺮﻭﺣﻪ ﺗﺴﻮﻟﻒ ﻣﺌﺴﺎﺗﻨﻪ ﻭﻣﻮﺕ ﺣﺎﺯﻡ ﺳﺠﻦ ﻗﺼﻲ ﻭﺣﺘﻰ ﺍﻳﻬﻢ ﻭﺍﻣﻪ ﻫﻢ ﺣﺠﺘﻠﻪ ﻭﺍﻧﻲ ﺻﺎﻓﻨﻪ ﻭﻋﺘﻨﻲ ﻫﻴﻪ
ﺍﻧﺘﻲ ﺍﺩﻳﺎﻥ
ﻫﺰﻳﺖ ﺭﺍﺳﻲ ﻣﺒﺘﺴﻤﻪ ﺑﺘﺴﺎﻣﻪ ﻣﺠﺎﻣﻠﻪ ﺿﺤﻜﺖ ﺗﺼﻠﻲ ﻋﻠﻰ ﺍﻟﺒﻨﻲ
ﻓﺪﻭﻩ ﺍﻡ ﺣﺎﺯﻡ ﺟﺎﻳﺘﺞ ﺑﻄﻠﺐ ﻻﺗﺮﺩﻳﻨﻲ
ﻋﻴﻮﻧﻲ ﺍﻟﺞ ﺩﺍﺩﻩ ﺍﻡ ﺧﻄﺎﺏ
ﻓﺪﻭﻩ ﻟﻌﻴﻨﺞ ﺗﺮﻩ ﻣﺎﻟﻒ ﻭﺍﺩﻭﺭ ﺍﻛﻄﻊ ﺍﻟﻄﺮﻳﻖ ﻣﻦ
ﻭﺳﻄﻮ ﻭﺍﻛﻠﺞ ﺟﺎﻳﻪ ﺍﺧﻄﺐ ﻫﺎﻱ ﺍﻟﺤﻠﻮﻩ ﻻﺧﻮﻳﻪ ﻓﺎﺭﺱ ﻻﺩﻛﻮﻟﻴﻦ ﺷﻠﻮﻥ ﻭﻟﻴﺶ ﺍﻟﺰﻭﺍﺝ ﻗﺴﻤﻪ ﻭﻧﺼﻴﺐ ﻭﺑﻨﺖ ﺍﻟﺸﺮﻕ ﻟﻠﻐﺮﺏ ﻭﺑﻨﺖ ﺍﻟﻐﺮﺏ ﻟﻠﺸﺮﻕ ﻭﺍﺧﻮﻳﻪ ﻣﺘﻌﻮﺏ ﺭﺍﻳﺪﻟﻮ ﻭﺣﺪﻩ ﺣﻠﻮﻩ ﻣﺜﻞ ﺍﺩﻳﺎﻥ ﻭﻟﻮ ﺍﻟﻮﻛﺖ ﻣﻨﺎﺳﺐ ﻭﺍﻟﻀﺮﻭﻑ ﺯﻳﻨﻪ ﺑﺎﻟﻠﻪ ﻧﺠﻴﺐ ﺍﻟﻌﺸﻴﺮﻩ ﻛﻠﻪ ﺗﺨﻄﺐ ﺑﺲ ﺍﺧﻮﻧﻪ ﺍﻟﺠﺒﻴﺮ ﺟﺮﺣﻮ ﺟﺒﻴﺮ ﻣﻮﺳﻬﻠﻪ ﻧﻔﺮﺡ ﻭﻫﻮﻩ ﻣﻜﺪﺭ ﺧﺎﻃﺮﻭ ﺳﻮﻳﻨﻬﺎ ﺳﻜﺘﻪ ﻣﺎﻛﻠﻨﻪ ﻻﺣﺪ ﺣﺘﻰ ﻻﻳﺸﻴﻊ ﺍﻟﺨﻴﺮ ﻭﻳﻮﺻﻠﻮ
ﻓﺎﺭﺱ ﻛﺎﻝ ﺑﺲ ﺍﻟﻲ ﻭﺍﻻﻣﻲ ﺍﻟﺤﺠﻴﻪ ﻭﺍﻟﻤﺴﻜﻴﻨﻪ ﻣﺮﻳﻪ ﺟﺒﻴﺮﻩ ﻭﺍﻟﻠﻪ ﻃﺎﺭﺕ ﻣﻦ ﻓﺮﺣﻬﺎ ﻟﻮﻣﺎ ﺍﻟﻌﻴﺒﻪ ﺗﻬﻠﻬﻞ ﺣﺘﻰ ﺑﺠﺖ ﻭﺗﺴﻠﻢ ﻋﻠﻴﺞ ﺧﺠﻼﻧﻪ ﺗﺘﻌﺬﺭ ﻣﻮﻛﺎﺩﺭ ﺗﺠﻲ ﻟﻬﻴﻦ ﻭﻻﻋﻨﺪﻩ ﺍﺣﺪ ﻫﻴﻦ ﺍﺟﻴﺒﻮ ﻭﻣﺠﺎﻧﻪ ﺑﻌﻴﺪ ﻣﺎﺩﺭﻱ ﺍﻧﻪ ﺍﻛﻔﻲ ﺑﺠﻴﺘﻲ ﻫﺎﻱ ﻟﻮ ﻻ
ﺣﺠﺖ ﻫﻮﺍﻱ ﻭﻣﺎﻣﺎ ﺗﺠﺎﻭﺏ ﺑﺤﺘﺮﺍﻡ ﻭﺍﻧﻪ ﺳﺎﻛﺘﻪ ﺍﻟﺴﺎﻟﻔﻪ ﻣﺎﻓﺎﻳﺘﻪ ﻣﺨﻲ ﻧﺺ ﺳﺎﻋﻪ ﻭﻃﻠﻌﺖ ﻭﺭﻩ ﻣﺎﺑﻮﺳﺘﻨﻲ ﻛﺎﻟﺘﻠﻪ ﻣﺎﻣﺎ ﺍﺣﻨﺎ ﻧﻨﻄﻴﻜﻢ ﺧﺒﺮ ﻭﻃﻠﻌﺖ ﻣﺎﻣﺎ ﻭﺭﺍﻫﻪ ﺍﺑﺎﻭﻉ ﻣﻦ ﺍﻟﺰﺭﻑ ﻭﺍﻛﻒ ﻓﺎﺭﺱ ﻳﻢ ﺍﻟﺴﻴﺎﺭﻩ ﻳﺪﺧﻦ ﻭﻛﻔﺖ ﻣﺎﻣﺎ ﻫﻢ ﺿﻠﻮ ﻳﺤﺠﻮﻥ ﻛﻢ ﺩﻗﻴﻘﻴﻪ ﻭﺭﺍﻫﻪ ﺭﺍﺣﻮ ﻛﻌﺪﺕ ﻭﻋﺬﺭﺍﺀ ﺗﻔﺮ ﺑﺸﺎﻟﻪ
ﺍﺟﻪ ﺍﻟﺴﻠﻄﺎﻥ ﻭﺍﻟﻜﺬﻟﻪ ﺗﻬﻔﻴﻠﻪ ﻫﻮﻩ ﺷﻜﺎﻟﺞ ﻭﺍﻧﺘﻲ ﻏﻤﺰﺗﻴﻠﻪ
ﻭﻫﻼ ﻫﻼ ﺗﺤﻀﺮﻱ ﺍﻟﺴﻠﻄﺎﻥ ﺩﺍﺯ ﺍﺣﺪ ﻧﺴﻮﺍﻥ ﺍﻟﺤﺮﻣﺎﻙ ﺗﺨﻄﺐ ﺍﻻﻣﻴﺮﻩ ﺍﺩﻳﺎﻥ ﻭﺷﻮﻥ ﻣﺮﻩ ﺟﻮﻫﻮﻩ ﻭﺍﻟﻠﻪ ﺣﺒﻴﺘﻪ ﺧﺎﺻﻪ ﻣﻦ ﺩﻛﻮﻝ ﻳﻮﻟﻮ ﻋﻨﺪﻱ ﺑﺜﻴﻨﻪ ﺗﺸﺒﻬﺞ ﻫﻴﺞ ﻭﺟﻪ ﻳﻀﺤﻚ ﺷﻮﻓﻮ ﺑﻌﺘﺮﺍﻑ ﺍﻟﺴﻠﻄﺎﻧﻪ ﺁﻻﻡ ﺍﻡ ﺍﻟﺴﻠﻄﺎﻥ ﺳﻠﻴﻤﺎﻥ ﺍﻧﻲ ﻭﺟﻬﻲ ﻳﻀﺤﻚ ﺍﺍﺍﺥ ﺍﻟﻴﻮﻡ ﺍﺩﻳﺎﻥ ﻧﺨﻄﺒﺖ ﻟﻠﺴﻠﻄﺎﻥ ﺿﻠﻴﺖ ﺍﻧﻲ ﻛﻮﻥ ﻳﺠﻴﻨﻲ ﻭﺍﺣﺪ ﻣﺜﻞ ﺍﺑﺮﺍﻫﻴﻢ ﺣﺘﻰ ﺗﻜﻤﻞ ﺍﻟﺴﺒﺤﻪ ﻭﻧﺴﺘﻮﻟﻲ ﻋﻠﻰ ﺍﻟﻘﺼﺮ ﻭﺍﻟﺤﺮﻣﻠﻚ ﺑﻠﻜﺎﻣﻞ
ﺍﻡ ﺍﺩﻳﺎﻥ ... ﻭﺝ ﺍﺳﻜﺘﻲ ﻋﺰﻩ ﺑﻌﻴﻨﺞ ﺷﻨﻮ ﻣﻦ ﻟﺴﺎﻥ ﺷﻮ ﺍﻧﺘﻲ ﻣﺤﺘﺮﻣﻴﻦ ﻻﺩﻛﻮﻟﻴﻦ ﺍﻣﻲ ﻛﺎﻋﺪﻩ ﻭﺍﻟﻠﻪ ﺍﺫﺍ ﻓﻜﻴﺘﻲ ﺣﻠﻚ ﺍﻫﻔﺞ ﺑﻠﻘﺒﻖ ﻋﻠﻰ ﺭﺍﺳﺞ ﺳﻜﺘﻲ ﺧﻞ ﻧﺤﺎﺟﻲ ﺍﺧﺘﺞ
ﻋﻴﻮﻧﻲ ﻧﺒﻊ ﺍﻟﺤﻨﺎﻥ ﺍﻟﻘﺒﻖ ﻣﻴﻮﺟﻊ ﻋﻨﺪﺝ ﺍﻟﺴﻼﺡ ﺍﻟﻔﺘﺎﻙ ﻫﻴﺎﻧﻪ ﺑﺎﺏ ﺍﻟﺨﻴﻤﻪ ﺷﻠﻮﻧﻪ ﻻﺳﺘﻴﻚ ﺍﻟﻀﺮﺑﻪ ﺑﻲ ﻃﻠﻘﻪ ﻭ ﻻﻥ ﺍﻟﻤﻜﺎﻥ ﻗﺮﻳﺐ ﺑﺨﻴﻤﺘﻨﻪ ﺍﻟﻤﻮﻗﺮﻩ ﻳﺼﻴﺮ ﺍﺝ ﺩﻱ ﺛﻼﻱ ﺍﻻﺑﻌﺎﺩ ﻭﻳﺴﻜﺘﻨﻲ ﻏﺼﺒﺎ ﻣﺎﻋﻠﻴﻪ
ﺭﻓﻌﺖ ﻣﺎﻣﺎ ﺍﻟﻘﺒﻖ ﻻﻥ ﻣﺪﺗﺴﻜﺖ ﺧﻠﺖ ﺍﻟﻤﺨﺪﻩ ﻛﺒﺎﻝ ﻭﺟﻬﻪ ﺗﺼﻴﺢ ﺳﻜﺘﺖ ﻭﺍﻟﻠﻪ ﺳﻜﺘﺖ ﻭﺻﺪﺕ ﻋﻠﻴﻪ
ﻫﺎ ﻳﻤﻪ ﺷﻜﻠﺘﻲ ﺍﻧﺘﻲ ﺳﻤﻌﺘﻲ ﺑﺬﻧﺞ ﺍﻟﺼﺎﺭ ﻛﺪﺍﻣﺞ ﻣﻴﺤﺘﺎﺝ ﺍﺣﺠﻲ ﻓﺸﺪﻛﻮﻟﻴﻦ
ﻣﺎﺩﺭﻱ ﻳﻮﻡ
ﺷﻮﻥ ﻣﺘﺪﺭﻳﻦ ﻳﺎﺍﻣﻲ
ﻣﺎﻣﺎ ﺧﺎﻳﻔﻪ
ﻣﻨﻴﺶ ﺑﻨﻴﺘﻲ
ﻳﻤﻪ ﻧﺎﺱ ﻏﺮﺑﻪ ﻣﻨﻌﺮﻓﻬﻢ ﻭﻫﻮﺍﻱ ﻳﺨﺘﻠﻔﻮﻥ ﻋﻨﻪ ﺑﻜﻠﺸﻲ ﻭﻋﻘﻠﻲ ﻣﺸﻮﺵ ﻣﺪﺭﻱ ﺷﺒﻲ
ﻻ ﻳﺘﺸﻮﺵ ﻭﻻ ﺍﺑﺪ ﻫﺴﻪ ﻛﻌﺪﻧﻪ ﻋﺮﻓﻨﻪ ﺍﺻﻠﻬﻢ ﻭﻓﺼﻠﻬﻢ ﻭﻛﺒﻞ ﻛﻞ ﻫﺬﺍ ﺍﺣﻨﺎ ﻧﻌﺮﻑ ﺍﺳﺘﺎﺫ ﻓﺎﺭﺱ ﺷﻨﻮ ﻳﺎﻣﺎ ﻭﺍﻛﻔﻠﻨﻪ ﻭﺍﻓﻀﺎﻟﻪ ﻣﻐﺮﻛﺘﻨﻪ ﻭﻣﺎﻣﺘﻔﺎﺟﻪ ﺍﺑﺪ ﻣﻦ ﺍﺟﻪ ﺧﻄﺒﺞ ﻻﻥ ﺑﻨﺘﻲ ﻭﺍﻓﺘﺨﺮ ﺑﻴﺞ ﺻﺮﺗﻴﻠﻨﻪ ﺭﺟﺎﻝ ﻭﻛﻞ ﺍﻟﻤﺨﻴﻢ ﻳﺸﻬﺪ ﻭﺣﺎﺳﺪﻧﻪ ﻋﻠﻴﺞ ﻣﻦ ﻭﻛﺖ ﻣﺪﺍﺭﻩ ﺍﺑﻮﺝ ﻭﻟﻬﺬﺍ ﺍﻟﻮﻛﺖ ﻳﻌﻨﻲ ﻓﺎﺭﺱ ﻭﻋﺸﺮﻩ ﻣﻨﻪ ﻣﺎﻳﺘﺮﺭﺩ ﻳﺨﻄﺒﺞ
ﻟﻌﺪ ﻟﻴﺶ ﺳﻜﺘﻪ ﻭﻣﺠﺎﺑﻮ ﺍﺣﺪ
ﺍﻣﻲ ﻣﺎﺳﻤﻌﺘﻲ ﺍﻟﻤﺮﻩ ﺷﻜﻮﻝ ﺩﻛﻠﺞ ﻫﻮﻩ ﻋﺎﻳﺶ ﺑﻐﺪﺍﺩ ﺍﺻﻼ ﻭﻫﻤﻪ ﺑﺸﻤﺎﻝ ﻣﻦ ﻭﺭﻩ ﺍﻻﻭﺿﺎﻉ ﺍﻣﻪ ﻣﺮﻳﻀﻪ ﻣﺮﻳﻪ ﺟﺒﻴﺮﻩ ﻭﺍﺧﻮﻫﻢ ﺑﻤﺼﻴﺒﻪ ﺍﻟﻤﻦ ﺗﺠﻴﺒﻠﺞ ﺑﻌﺪ ﻭﻓﺎﺭﺱ ﻣﻮﺟﻬﺎﻝ ﻭﻻ ﻣﺮﺍﻫﻖ ﻣﻦ ﺷﺒﺎﺏ ﻫﺬﺍ ﺍﻟﻮﻛﺖ ﺟﺒﻴﺮ ﻭﺍﻋﻲ ﻳﻌﻨﻲ ﻭﻛﻔﺘﻪ ﻫﺴﻪ ﻛﺪﺍﻡ ﺍﻟﺨﻴﻤﻪ ﻳﻨﺘﻀﺮ ﺑﻠﺴﻴﺎﺭﻩ ﻭﺟﺎﻳﺐ ﺍﺧﺘﻪ ﻭﺟﺎﻳﺐ ﻫﺎﻱ ﻛﻠﺶ ﻛﺎﻓﻴﻪ ﻣﻦ ﻏﻴﺮ ﻣﻦ ﻃﻠﻌﺖ ﻣﻨﺼﻲ ﺭﺍﺳﻲ ﺑﻠﺴﺎﻧﻪ ﺧﻄﺒﺞ ﻣﻨﻲ ﻭﻳﻜﻠﻲ ﺗﺮﺩﻳﻦ ﺯﻟﻢ ﺍﺟﻴﺐ ﺯﻟﻢ ﻭﻣﻦ ﺗﻮﺍﻓﻘﻮﻥ ﺍﺧﻄﺐ ﺑﺸﻬﻮﺩ ﻣﻦ ﺍﻟﻤﺨﻴﻢ ﺍﻟﻲ ﺗﺮﻳﺪﻫﻢ ﻳﻌﻨﻲ ﻫﺬﺍ ﻭﺣﺪﻩ ﺍﺷﻬﺎﺭ ﺷﺘﺮﺩﻳﻦ ﺃﻛﺜﺮ ﻣﻦ ﻫﻴﺞ ﻫﻴﻪ ﺑﻜﺜﺮﻩ ﺍﻟﻨﺎﺱ ﻳﺎﺍﻣﻲ ﻟﻮ ﺑﻠﺮﺟﺎﻝ ﺍﻟﺰﻳﻦ ﻭﻫﻢ ﺑﻜﻴﻔﺞ ﻣﺎﺟﺒﺮﺝ ﺍﻟﻘﺮﺍﺭ ﺍﻟﺞ ﻓﻜﺮﻱ ﻋﻠﻰ ﻛﻴﻔﺞ
ﻫﺰﻳﺖ ﺭﺍﺳﻲ ﺳﺎﻛﺘﻪ ﻏﻄﻴﺖ ﺭﻭﺣﻲ ﺗﻠﻔﻠﻔﺖ ﻭﻧﻤﺖ ﻣﻦ ﺍﻟﺒﺎﺭﺣﻪ ﻣﻐﺎﻓﻴﻪ ﻭﻛﻞ ﻫﺎﻱ ﺍﻟﻄﺮﺍﻛﺒﻊ ﻋﻠﻰ ﺭﺍﺳﻲ ﻭﺣﺮﻛﻪ ﺍﻳﻬﻢ ﻣﺸﺘﻌﻠﻪ ﺑﺼﺪﺭﻱ ﻛﻼﻣﻪ ﻳﺪﻙ ﺑﺮﺍﺳﻲ ﻳﺮﺟﻌﻠﺞ ﻭﻳﺮﺩ ﺑﺤﻀﻨﺞ
ﺍﺗﻠﻤﺲ ﺣﻀﻨﻲ ﺑﺎﺭﺩ ﻭﻓﺎﺭﻍ ﺭﺑﻲ ﺻﺒﺮﻙ
ﻟﺜﺎﻧﻲ ﻳﻮﻡ ﻛﻌﺪﺕ ﺍﻣﻲ ﺗﺴﻮﻟﻒ
ﺷﺎﻓﻨﻲ ﻗﺎﺳﻢ ﺍﻟﺤﺎﺭﺱ ﻭﻛﺎﻝ ﺷﻠﻮﻧﻪ ﺍﻟﺰﻏﻴﺮ ﻟﺨﺬﺗﻪ ﺍﻣﻪ ﺫﻛﺮﻧﻲ ﺑﻲ ﻭﺑﺠﻴﺖ ﻛﺘﻠﻪ ﺍﺧﺬﺗﻪ ﻭﻣﻨﻌﺮﻑ ﺍﺧﺒﺎﺭﻩ ﻛﺎﻝ ﺍﺫﺍ ﺗﺮﺩﻳﻦ ﺍﺣﺎﺟﻲ ﺍﺳﺘﺎﺫ ﻓﺎﺭﺱ ﻳﻔﻮﺕ ﻭﺍﺳﻄﻪ ﺑﻴﻨﻜﻢ ﺣﺘﻰ ﻟﻮ ﺑﺲ ﺗﺸﻮﻓﻮ ﻛﻴﻔﺖ ﻛﺘﻠﻪ ﺍﻟﻠﻪ ﻭﻳﺪﻙ ﻭﻫﺴﻪ ﺭﺟﻊ ﺍﺳﺘﺎﺫ ﻓﺎﺭﺱ ﻧﻔﺴﻪ ﻳﻜﻠﻲ ﺗﻨﺪﻟﻴﻬﻢ ﺍﻣﺸﻲ ﻧﺮﻭﺡ ﻋﻠﻴﻬﻢ ﺍﻧﻲ ﺣﺎﺟﻴﻪ
ﻓﺰﻳﺖ ﺭﻓﻌﺖ ﺭﺍﺳﻲ ﺩﻧﻴﻪ ﺍﻟﻌﺼﺮ ﻋﺰﺯﺯﻩ ﺷﻜﺪ ﻧﺎﻳﻤﻪ ﺍﻣﻲ ﺗﻠﺒﺲ ﺑﺠﻮﺍﺭﺑﻴﻪ
ﻣﺎﻣﺎ ﻭﻳﻦ
ﺍﺭﻭﺡ ﺍﺷﻮﻑ ﺍﻳﻬﻢ ﻭﺝ ﻳﻤﻪ ﻫﺬﺍ ﻣﻌﻠﻢ ﻋﻠﻴﻨﻪ ﺧﻮﻣﺎ ﺑﻴﻮﻡ ﻭﻟﻴﻠﻪ ﻧﻌﻮﻓﻪ ﻳﺮﻭﺡ ﻣﻦ ﺍﻟﺤﺮﻛﻪ ﻳﺼﻴﺮ ﺑﻲ ﺷﻲ ﺍﺭﻭﺡ ﺍﺳﺎﻳﺴﻬﺎ ﺣﺘﻰ ﻟﻮ ﻳﻀﻞ ﺑﻴﻨﻪ ﻭﺑﻴﻨﻪ ﻣﻮ ﻧﻜﻄﻊ ﺑﻲ ﻓﺪﻧﻮﺏ
ﻃﻠﻌﺖ ﺍﻣﻲ ﻭﺍﻧﻲ ﺍﻟﻮﺏ ﺳﺎﻋﺘﻴﻦ ﻭﻧﺺ ﻭﻓﺎﺕ ﺍﻳﻬﻢ ﻣﺎﺩ ﺭﺃﺳﻪ ﻣﺒﺮﻃﻢ
ﻣﻤﻤﻤﻤﻤﻤﻤﻤﻤﻤﺎﻣﺎ
ﻓﺰﻳﺖ ﻃﺎﻳﺮﻩ ﻛﻤﺖ ﺧﻄﻮﺗﻴﻦ ﻭﻛﻌﺖ ﻓﺎﺗﺤﻪ ﺍﻳﺪﻱ ﺍﺿﺤﻚ ﻭﺩﻣﻮﻋﻲ ﻋﺸﺮﻩ ﻋﺸﺮﻩ ﻣﺠﻠﺐ ﺑﻴﻪ ﻣﺒﻠﺠﻢ ﻭﻋﺬﺭﺍﺀ ﺗﺠﺮﻩ ﺗﺮﻳﺪ ﺗﺒﻮﺳﻪ ﻣﻴﻘﺒﻞ ﺣﻴﻞ ﻛﺎﻣﺸﻨﻲ ﻣﺠﻠﺐ ﺑﺜﻮﺑﻲ
ﻓﺎﺗﺖ ﻣﺎﻣﺎ ﺩﻛﻮﻝ ﺳﻮﻱ ﻃﺮﻳﻖ ﻭﻛﻔﺖ ﺑﺮﺩﻩ ﺍﻟﺨﻴﻤﻪ ﻋﻠﻰ ﺻﻔﺤﻪ ﻋﻠﻜﺘﻪ ﺑﺨﻄﻴﻪ ﺗﺮﺍﺟﻌﺖ ﺍﺯﺣﻒ ﻟﻴﻮﺭﻩ ﻭﺑﻌﺪﻧﻲ ﺣﺎﺿﻨﻪ ﺍﻳﻬﻢ ﻭﻫﻮﻩ ﺃﻛﺜﺮ ﻣﺎﺑﺎﻟﻲ ﻛﻠﺸﻲ ﺍﻟﻪ ﺗﻨﺤﻨﺢ ﻓﺎﺭﺱ ﺍﻟﻪ ﻭﻋﻴﺖ ﻧﺼﻰ ﻧﺺ ﺟﺴﻤﻪ ﻣﺪﻧﻚ ﻓﺎﺕ ﻛﻌﺪ ﻭﺍﻣﻲ ﻛﺒﺎﻟﻪ ﺗﺘﺸﻜﺮ ﻣﻨﻪ ﻣﻤﻨﻮﻧﻪ ﺩﻣﻮﻋﻪ ﺑﻌﻴﻨﻪ ﺷﻤﺴﻮﻱ ﻣﺎﺩﺭﻱ
ﻫﻮﺍﻱ ﻛﻼﻡ ﺻﺎﺭ ﻭﻓﺘﺢ ﻣﻮﺿﻮﻉ ﺍﻟﺨﻄﺒﻪ ﺷﺮﺡ ﻭﺿﻌﻪ ﻭﺿﻊ ﺍﻫﻠﻪ ﻗﻄﺮﻩ ﺑﻜﻼﻣﻪ ﻣﻘﺘﻨﻌﺖ ﻭﻣﺎﻣﺎ ﺍﻱ ﺻﺤﻴﺢ ﻭﺣﻘﻚ ﺗﺠﺎﻭﺑﻪ ﺍﻋﺮﻓﻪ ﻣﻤﻨﻮﻧﻪ ﺍﻟﻪ ﻫﻮﺍﻱ ﻭﻣﻨﺤﺮﺟﻪ ﻣﻨﻪ
ﺍﻧﻲ ﻣﻨﺼﻴﻪ ﻛﻠﻤﻪ ﻣﺤﺠﻴﺖ ﻭﺍﻳﻬﻢ ﺳﻄﺮﻧﻪ ﻳﺪﻭﻱ ﻭﻳﻪ ﺭﻭﺣﻪ ﻭﻳﻜﻠﺐ ﺑﻤﻼﻋﻴﺒﻪ ﻳﺘﻔﻘﺪﻫﻢ
ﺁﺧﺮ ﺍﻟﻜﻼﻡ ﻃﻠﺐ ﻣﻮﺍﻓﻘﺘﻲ ﻛﺪﺍﻡ ﺍﻟﻜﻞ ﻭﻛﺘﻔﻴﺖ ﺑﻬﺰ ﺭﺍﺳﻲ ﺍﻱ ﻭﻫﻮﺍﻱ ﺍﻣﻮﺭ ﻣﻤﻘﺘﻨﻌﻪ ﺑﻴﻪ ﻣﺨﺎﺷﻪ ﻋﻘﻠﻲ ﻛﻠﺒﻲ ﻣﻤﺮﺗﺎﺣﻠﻪ
ﻣﺎﻣﺎ ﻃﺎﺭﺕ ﻭﻋﻴﻮﻥ ﻋﺬﺭﺍﺀ ﻧﻄﻦ ﻓﺮﺡ ﺣﻘﻬﻢ ﻓﺎﺭﺱ ﺷﻜﻼ ﻭﺷﺨﺼﻴﺎ ﻛﻞ ﻭﺣﺪﻩ ﺗﺤﻠﻢ ﺑﻲ ﻣﺤﺪ ﻳﻌﺮﻓﻪ ﺑﺲ ﺣﻀﻲ ﺍﻻﻏﺒﺮ ﻳﻌﺮﻑ ﺩﺍﺧﻠﻪ ﺷﺒﻲ ﻭﺷﻌﻨﺪﻩ
ﻭﻛﻒ ﻳﻌﺪﻝ ﺗﺸﻴﺮﺗﻪ ﻋﻴﻨﻲ ﺑﻌﻴﻨﻪ ﻫﻮﺍﻱ ﻛﻼﻡ ﻭﺩﻱ ﺍﺻﺮﺥ ﻭﺍﻛﻮﻟﻪ ﺍﻃﻠﻌﻪ ﻣﻜﺘﻮﻡ ﺑﻜﻠﺒﻲ ﺑﺲ ﻟﻼﺳﻒ ﺣﺘﻰ ﻛﻠﻤﻪ ﺷﻜﺮ ﻋﻠﻰ ﺗﺮﺟﻴﻌﺎ ﺍﻻﻳﻬﻢ ﻣﻜﺪﺭﺕ ﺍﻛﻮﻟﻪ
ﻭﻛﻔﺖ ﺍﻳﻬﻢ ﺭﻛﺾ ﺑﺮﻩ ﻭﻣﺎﻣﺎ ﻃﻠﻌﺖ ﻛﺒﻠﻪ ﻭﺍﻛﻔﻪ ﻧﺼﻰ ﻳﻠﺒﺲ ﺣﺬﺍﺀ ﺟﺎﺭ ﻋﻴﻨﻪ ﻣﻴﻞ ﺭﺃﺳﻪ ﻋﻠﻴﻪ ﻧﺼﻴﺖ ﺩﺍﻳﺮﻩ ﻭﺟﻬﻲ
ﻭﻫﺴﻤﻪ ﻭﺻﻠﻨﻲ
ﻣﺒﺮﻭﻙ ﺻﺮﺗﻲ ﺍﻟﻴﻪ ﻳﺎﺑﻌﺪ
ﻣﻌﺎﻟﻴﺠﻲ.
ﻳﺘﺒﺒﺒﻊ