Jungkook chuan kan bulah zanriah a ei ve a. Jimin chu a phur viau lehnghal a an in be char char hi ni mai kei erawh ka lo ngawi kar a. Ka eitur ka ei mawlh mawlh....
Kan inbiak laklawh laia Jimin a rawn kal vangin engmah kan sawi chhunzawm ta lo a. Chuvang chu ania tûnah pawh thlah ka tum tlat nachhan.
Mahse a ṭullo a ti viau mai
Ka kal lui ta tho
"Saw tah lawk sawn ka car ka dah lawm rawn chhuah ve kher ngailo sin" a la ti fan
"A ho lutuk, ka ṭha tawh lawm. Helai thleng thleng i lo kal a, ka lawmthu sawina ni mai" ka tih chuan a kal lai tawp chat a
"Taehyung lawmthu sawi pawh angai lo a, phut let ka nei hauh lo bawk. Ka ngaihtuah vang che a lo kal ka nia chuan tunah pawh hian let tawh rawh. Hna ṭhulh i duh bawk si lo a, in enkawl ṭhat i ngai viau a nia hre reng rawh" a ti malh malh a
"Mahse...."
"Mahse awm suh se. Let tawh rawh le chuan naktuk ah ka rawn lam ang che aw"
"Umm Jungkook min rawn hruai a ngai kher tawh lo ang. Keimah vang hian a i in tihbuai vak hi ka duhlo"
"Min tibuai lo tih hi tinge i hriat theih miah loh a. Nge ni a ka bula awm hi nuam i ti lo zawk em ni."
"Chu... chutiang a nilo"
"Anih chuan enge?? Ka chungah hian i thin a la rim tiraw."
"Ka thinrim lo ka tih tawh kha, engvângin ka lo thinrim ve ngawt ang"
"Anih chuan tinge hetiang hian i awm a. Ahma ang khan min be tawh lo bawk a" A tih leh chuan sawi tur pawh ka hre tawh lo
"Taehyung min hrilh rawh enge maw tak chu a awm ang. Min hrilh rawh a nih loh chuan ka ti zel tho ang"
"Nangchu ka boss i nia kei i hnuai a hnathawk ve mai i lam hi ṭûlna a awm hleinem. Nuam ka ti lo a ni"
"Chu chu a chhan a nih chuan nuam lo tiduh tawh suh. I boss ang in ka hruai lo che tih hi lo hre tawh rawh aw, keichuan ka hnuai a hnathawk ang ngawt chuan ka en lo bawk che nia. Tikhan kan chingfel a ni mai lawm ni, tiraw" a tih chuan ka en ringawt
A hnu a a rawn chet dan chuan min ṭhawng teh e.
Ka chal ah rawn fawp zauh nih chu
"Lo dam vawng vawng ang che... Lut tawh rawh le" a ti nghal zat
Sawi tur pawh ka hrelo. Ka kal mawl tawp tawp
Ka thluak hi a function lo in ka hria. Ka ni muai muai mai.
Engthil nge ka chungah hian thleng le. Jungkook khan min fawp maw Lalpa leh ka damlo zual zawk dawn in ka hria.
Kawngkhâr hmaah chuan ka ding kar a. Car rawn pît thâwm ka hriat chuan ka hawi a
Jungkook chuan min rawn bye nih chu, min la nuih seih zui
Ka tuar zo dâwn lo in ka hria. Ka mumang a ni mai lo maw, a tak ni tur tan chuan a mah mah deuh a ni.... Mahse a tak chu ang em lawi sia
Ka lut rawk rawk a
Ka awm ka dawm vang vang
"Hey i va rei ve a, Engthil nge in tih a"
"Jimin min han piai teh" Ka ti sup a
"I â mi"
"Mawh ka mumang a ni nge nilo tih ka hre duh lawm"
Mi rawn piai vak a
"Aiaahhh.....😩😩😖" Ka ti vak a
"Jimin a tak mawle. Engkim kha a tak awiii ka â mai dawn in ka hria... Khawvêl hi a va nuam tak em Jimin ka va hlim chiang em" kuah chung chung pah chuan ka ti a...
