Engtham mah anilo na chungin chhiar ve hrim hrim ula,, tlêm chu in ti ngawt ang. Belh zuai na ni mai
JeongGuk leh Taehyung an chhuah hnu khan Minho chu Jungkook chuan a bia a. Minho sawi kha a dik vek a ni, Jungkook khan a dil nasa êm bawk a a thil duh chu atawp nan a tih sak ta a ni
Chu damdawi chuan rin phakbak in hna a thawk tha a, private jet thlawhna pangngai aia thlawk chak chi chu a ngaihtuah tir nghal a. Chu vâng a Jungkook te aia Korea thleng hmasa an ni.
Darkar 3 thlawhna pangngai chuan ani a mahse Jungkook chu darkar 2 chauh a hmang thung
A taksa a zawi em em tho a, a mut rei tawh em vangin kal pawh a kal ṭha theilo. Wheelchair ah an ṭhut tîr hrih tawp a ni
Thlawhna an chuan chhûng chuan room pakhat ah a inkalh hnan tlat bawk
Damdawi chuan a hneh em vangin a harh kawk mai, dam ṭha pangngai ang maiin a lang hial a ni
Damdawi chuan darkar 5 vel a chhawk tlangpui a mahse tunṭum chu a thawk chak ang bawkin a effect pawh a nasa ta reng a ni..
Minho leh Jin an inbiak mawlh mawlh lai chuan room kawngkhar rawn in hawng chu an melh dun a
Jungkook chu a rawn tlu nghal hnawk mai, Jin leh Minho chuan an buaipui nghal a, Jin phei chu a mittui a luang zung zung bawk. A chiai takzet
Korea an thlen chuan damdawiin lam an pan pui nghal a, mahse engmah tih theih an nei ta chuang lo. Damdawiin an thlen aṭanga rei lo tê ah Jungkook chu a kal zui nghal chu ni mai
____________
Jungkook duh ang ngeiin a vuina hun chu ho te a hman a ni a. Minho Jin Namjoon leh JeongGuk te chauh an ni
Hun lungngaih thlâk tak zawng a va ni tehlul em...
Tichuan Jungkook chu an thlah liam ta a
************
JeongGuk chu a room ah chuan lût in a ṭhu thla hnawk a, tihmai tur pawh a hre lo. Tukverh lam chu thlir in van lam chu a melh vawng vawng mai ni
Tunah chuan He khawvelah hian a mal tawh lutuk tlat, enge a tih zêl ang pawh a ngaihtuah thiam tawh lo
A ipte ṭang chuan pen drive te reuh te pakhat hi a la chhuak a. Doctor ten a an rawn pêk te zînga mi kha ni a, JK tih a in ziak thlap bawk
Chu thil chu a en tlawk tlawk mai, en a duh rual rual in a hreh takzet bawk. Enge Jungkook chuan a sawi ang ni
Darkar dawn a thlek hnu chuan a dawhkan lam chu pan in laptop chu a keu hawng a. Pen drive chu a vuah ran bawk a.
Video pakhat tehtlawng a lo awm, hreh zet chung chuan a hawng ta a
Jungkook chu rawn lang nghal zat, a nui var var bawk
"Hey Gguk min hmuh ang hian ka damṭhat hmel viau nia, damdawi kha ka hmang tih Minho hnen ṭanga i hriat tho chu ka ring a ka tihpalh a ni, thinrim suh aw ka tihluih vang chauh a nia chuan ka tihchhan chu hei vang hi ni ka inchhir miah lo nia, hetia dam ang taka awm hi nuam ka ti lutuk bawk.
(A ngawi vang vang phawt a)
I hnena ka sawi duh chu ka lawm e, engkim avangin ka lawm e Gguk.. Taehyung min hmuh tir a ka unaupa ka hmu let bawk a hêng baka ka hun tawp dawn ah hian duhthusam ka nei chuang lo. Chuan min ngaidam rawh nangmah chauh a ka kalsan che vangin ka duh dan a ni bik lo, theih se chu hun tam tak la neih ka duh a nangmah nen pawh a thil tamtak tih dun a, inkawm dun te pawh ka la chak takzet. Hetia hunlo taka kalsan che hi ka tum a ni lo , unau ang taka ka hun hnuhnung kan hmang erawh ka lawm takzet. Ka ngai ṭhin lutuk che sin Gguk
(nui suk pah chuan a ti a, Gguk erawh chu mittui luang zawih zawihin a en ve kar bawk)
Chuan Gguk engkim kha i kutah ka dah nia ka ringtawk bawk che keiai ṭha in i ti thei ang tih pawh ka hria. Minho kha ka ṭhianṭha tak a ni a, engkim Company chungchang leh hriattur pawimawh zawng zawng chu ama hnên aṭang khan i hre thei ang.... Min rintlak tak a nih kha aw. I Hyung hi min ti beidawng suh ang che Gguk duhsakna ka hlan a che
Thil pakhat leh.....
Taehyung
Taehyung kha i hnênah ka hlan ania, enkawl ṭha hle ang che., ka kalsan vang hian a tuar thiam lo maithei a, lo hnem la ka ai lo awh rawh aw.... Min huat lutuk loh nan min lo ṭan ve la
Sawi lo pawh ni ila i ngaihven dawn tih chu ka hre tho. Achhan chu keimah ang chiah in Taehyung hi i hmangaih miau a, i melh dan ṭang khan a hriat lutuk nia Chubâkah Amah vanga i inthlak danglam zia hre tu leh hmu tu ka ni ve bawk.
Ka hmangaih min lâksak tum ang takin i khawsa vel a haha mahse ka hre vek nia Taehyung hi ka thinlung taka ka hmangaih tih i hriat khan i inthiarfihlim tih, kan in ang lo teh e tiraw Kei chuan i hmangaih tih hre reng chung khan ka hrelo der tlat a. Min dem lutuk suh aw,,,,, Reilo te pawh a kianga awm kha ka thlahlel em a ni, a hmangaih na dâwn kha nuam ka ti in ka hlim em a ka kaltîr phal thlawt lo a ni. Mahse keimah zawkin ka kal san ngai si a.... (Jungkook mittui chu a luang thla ngiai a, chutiang in JeongGuk pawh)
Lo venghim tlat ang che... Han ti ṭap vaih teh, i chaklo ang. Kuttum nen ka lo hmuak ngei ang che (a sawi zawng chuan a nui suk a.)
Ka hmangaih lutuk a ni tih min lo hrilh sak rawh aw. Kan thutiam te ka tih puitling theih loh vangin ngaihdam min dil sak bawk dawn nia.... Ka van â tak chutiang chu I tih kher a ngai leh lo ang, a chhan chu a tan video ka hnutchhiah ve tho lawm. I lo pe dâwn nia aw ka duhtawk phawt ang Gguk.
I kutah engkim ka dah nia, chuan Mangṭha le Unaupa thlamuang takin ka kal dawn a ni..."
Jungkook chuan a mittui chu hru zauh in a video siam chu a off a
JeongGuk chu a thaw chhuak halh halh a, ni e video a en chhung khan a in sehruh nasa êm a ni... A mittui luang pawh hrukhul a tum lem lo, a hun kal tawh Jungkook nena inngaih taka an awm lai te a ngaihtuah chhuak zut zut a.
"HYUNGGG..." tiin a au chhuak vak ringawt, mahse chhangtu tur a Hyung chu hmun hla tak ah a kal tawh si. A va beidawn thlâk dawn em
🌹🌹🌹🤧😭😭😭😭😭😭😭
A tawp ta kan ti tawh mai dâwn em niang.......
Tae hriatchhuah hun hi ka ngaingam lo🤧🤧
BORAHAE 😘💜
Bye bye
