"Taehyung thil ni lo zawng in la suh, Minho chu ka ṭhianṭha chauh Nang nen chuan in khaikhin duh suh"
"I awmdan in a zir lo em a engtin nge ka ngaih vak chuan nga...."
"KA HMANGAIH CHE"
Jungkook thusawi chuan Taehyung chu a ngawih tîr chiang takzet
A sawi tur pawh a theihnghilh nghal vek a tih theih ang chu. A ngawi kar tawh mai
Jungkook chuan din hnaih deuh in, Taehyung biang ah chuan a dawm a
"Ka hmangaih che Baby, he thu hian a ti chiang viau in ka hria midang nen a khai kha chu bansan rawh ka thinlung ah hi chuan nang chauh i awm tih hre reng tawh rawh"
Jungkook thusawi lai chu a en tlawk tlawk ringawt,. Rin ngaih na pawh a hrelo ni ber
Jungkook hmui in a hmui a rawn fuh chuan a meng deuh kawk a.
Tunah chuan Engkim kha a tak a ni tih a hrechiang ta Jungkook thusawi te pawh kha mumang chu a ni hauh lo, a tak vek a ni. Kan Kim Taehyung hian a tak a ni tih a ring phallo te pawh niang
A fawh-na chhan let a nih loh vang chuan Jungkook chuan Taehyung chu a en a
"Baby i la thinrim em ni" mak ti angreng tak chung chuan a zawt a
Taehyung chuan a lu a thing mat mat ringawt
"Anih chuan tinge min chhan let loh. Lo kal teh" tih pah in a bek ah vuan in duhthawh takin a fawp leh nghal tawn tawn a.
Tunah zet zawng Taehyung pawn a chhang let ṭha tawh khawp mai.
Tichuan Taekook te inkar chu a ṭha leh ta a... Huissss
************
Taehyung p.o.v
"Kalloh theih dan awm se ka ti ngawt mai" Bathroom ṭanga chhuak pah chuan ka ti a. Ka peih lo ve thlawt hi ni mai
Darthlalang hmaah chuan ka ṭhu in ka sam ka hru mawlh mawlh a
"Engvanga kal peih lo viau maw i nih a" Jungkook chuan a phone en reng chung chuan rawn ti a
"Achhan min zâwt a maw huhh. Ka taksa na ṭhem ṭhum te hi i thiamloh vek nih hi,,,, i insum thei lo ṭhin lutuk hi chu ka tuar ziah mai. Party hun chhûng a rei bawk si" ka ti nuah nuah a
"Îtawm deuh hian i awm thin a, engtin nge ka insum theih ang" tih pah chuan nui deuh suk a. Darthlalang chhan ah chuan ka melh hraw ringawt
"Khatia min lo thlir reng lo khan min rawn pui la"
"I hmuhnawm em lawm" tih pah chuan mi rawn pan a "I duhawm lutuk" ka nghawng a fawh zauh pah chuan a ti a
"Hey thildang ngaihtuah lo khan hru mai mai rawh" ka ti hmak a
Vawiin hi Party lian tak kan neih ni tur kha nia.... Entertainment lian ber ber te ho in a party Kum tina an neih thin nia ka tel ve pha ah tih rin ngaih na pawh ka neilo hrim hrim. Mi te ngaihven pawl tak ka la ni ta cheu zui, ka chunga thil thleng te hi a danglam chak lutuk a mumang a ang hial zawk mai......
Dar 6 ṭanga tan tûr nia,. Tunah dar 3 a nia ka peih lo takzet... Mahse a ngai ve sia chubakah JeongGuk pawh ka hmu thei maithei sin a tel ve dâwn tih thu a awm tak kha
"Enge i ngaihtuah vung vung a."
"Eng nilo e, hetiang ka lo ni ve ta hi mumang ang ka ti riau mawle. I ti ve em Jimin hi hmelhriat ta lo ilang chuan khawi lai emaw niah hna ka thawh mek ka ring"
"Chutiang ngaihtuah duh suh, tun hi pawimawh lawm ka kiangah i awm a ka hlim lutuk. Chuan ka hmangaih che" ka hmuiah a fawp zauh a
"Keipawn ka hmangaih che" tih ka chak takzet, mahse ka la thei hrih lo enge maw hian min sawi tîr thei lo tlat a ni... A hun diktak a lo la thleng lo te pawh niang mahse ka hrilh theih vat ka ring...
