A tuk zing ah chuan
Taehyung phone chu rawn ri ral ral a, a en chu Jimin a ni
Hmanhmawh lem lo tak chuan a chhang a
"Hello" zawi sap chuan a ti a
"Hey Kim Taehyung khawnge i awm a, Nimin i lo haw a hrilh pawh min hrilh miah lo lehnghal. Khawnge i awm, i rawn kal dawn nge ka rawn kal dawn" engmah hre ve ta lo chu rawn ang nghal deuh hmawk hmawk mai
"Ka lo kal ang" tih zawng a sawi a, a dah nghal
Ni e tûnah chuan a rilru natna te hi in sawithawl a mamawh takzet a ni. Chubâkah tunah chuan Jimin lo chu innghahna tur a nei tawh chuang lo.
Lu na bur chunga tho in, bathroom lam a pan a. A in tihfai hnu ah chuan a hmuh hmasak sak chu in bel in, Jimin hmu tur chuan a chhuak ta a
**********
Jimin bulah chuan engkim chu a sawi ve ta vek.. Yoongi pawh chuan uluk takin lo ngaithla ve kar a
A sawi zawh meuh chuan Jimin pawn insum har a ti takzet, mittui dir zawih zawih in a ngaithla a. Tae pawh a sawi pah chuan a ṭap hliam hliam bawk, Yoongi erawh a insum thei hle thung mahse chutiang teh nuaih a thil kal vel chu mak a ti in Jungkook pawh a lainat takzet a ṭhian ṭha tak kha ni ve miau a.
Jimin chuan Taehyung chu a han kuah lawp a, a ṭah pui nghal hawm hawm a
Engmah pawh an sawi theilo....
Jimin chu Taehyung khawngaih na hlir in a khat a ni mai, a tana a nat dân tûr chu hrefiah thiam kher lo mahse a ngaihtuah zawng ringawt pawh hian a feel thei em em tho si. A ṭhianpa chu han hnem zawk ngaihna pawh awmlo, a mah zawk a ṭap uar uar ah a ṭang tlat mai si...
Darkar chanve hnu velah chuan an inbengdai ve ta hram
"Chuan Taehyung engtia tih zel nge i tum" Yoongi chuan a rawn ti dap a
"Tunah chuan ka in ah ka khan ka let leh phawt ang, saw tah saw chuan ka awm thei lo." Tae chuan a ti a
"Mahse Tae Gguk saw i kalsan mai ng maw, a hmangaih che lawm ni lo se hetiang in a ti lo. Jungkook duhdan pawh a ni tih i hriat kha keipawn chance chu a phu ka ti....."
"Atawk Jimin, chutiang ka ngaithla duhlo. Ka hmangaih ka chan a ni tih ka hre chiah a, engmah ka hriatloh vang te pawh khan ka inthiamlo lutuk hi ka â thei mai dawn in ka hria. Tunah chuan ka nun ah tumah lâkluh ka tum hrih lo" a lo tih khalh hmak a. Jimin pawh ngawi ta zawk a, Tae pawn a Ti diklo chuanglo miau a
Tae chu rawn ṭawng leh a "Ka hma.... hmangaih thu kha hriat a chak sin Chim, mahse ka hrilh lo achhan chu JeongGuk emaw ka tih vâng in mawle. Hmaichhan ngeia ka hmangaih a ni tih thu ka hrilh theih na hnuhnung ber ah hrilh lo in ka chhuahsan a sin... Thih ve daih te hi ka duh lutuk" a sawi zawh chuan a mittui a hru zauh a, Jimin pawh chuan a hnung ah lo beng ve thek thek a
"Vawiin chu haw lo in ka bulah hian awm mai rawh aw, nangmaha awm tur chuan ka ngaihtuah che em mai" Jimin chuan a tih tlat vangin a hnial ta lem lo, Jungkook awm ve tawh loh na hmuna han haw chu phur na a nei bik hauh lo a ni.
Naktuk lama insuanchhuah a tum rilru ran bawk.
JeongGuk chu hreh angreng tak chuan in lam chu a pan ta hna hna a, engtin nge Taehyung a hmachhawn anga tih te chu ngaihtuah rauh rauh bawk
In chhûng a lut chu a lo reh duak mai, light a lo in off ṭhap bawk. Taehyung chu room ah a awm nih a ring, thaw hak in room chhung ah chuan a lût a.
Taehyung chu a zawng kual a mahse a hmel reng reng hmuh tur a awm lo.
A coat hak te chu an phelh thawl vel te te a, a phone ti eng in darzat a han en a Dar 5:30 a lo ni ve reng tawh. Taehyung chu a leng khawthawng vel nih ring in phone pawh a tum lemlo. A lâk duh ring lo hrim hrim bawk
