"Tae keichu meeting nei tura ka kal nghal ngai dawn a, zanin chu office ah ka riak mai ang min ngaihtuah lo la."
"Mahse Kook kan thleng chiah sia, a hmanhmawh thlâk viau em ni"
"Imm chutiang chuan ngai mai rawh, kal tawh rawh keipawh ka kal ang" Taehyung chu ngaihtha lo fe chuan car ah chuan a lût a, an tlanliam pui nghal.
Kan Jeon pawh hmanhmawh zeta car a lût in chak zetin a tlan chhuak ve ta nghal. A Company lam reng reng a pan lo, mahse a kalna tur chu a chian hmel takzet.
Min 15 hnu ah chuan Seoul hospital hmaah chuan a ding ta ran mai...
Engtak chu ti ang maw
VIP room awmna chu a zawt a, nurse pakhat chuan a hruai ve mai a. A lan dan chu pangngai hmel viau mahse a chhûngril chu zamna hlir in a khat thung
"Kan thleng e ka pu heihi nia i lût thei ang" nurse chuan a ti a a kalsawn lehnghâl
Kut khur dar dar chuan kawngkhar chu a hawng riai riai a.
Muangchang chuan a lût a, Jin lo ṭap hliam hliam chuan a rawn pan vat a.
"Gguk Kook chu a kal tawh" tih chu a hriat hmasak ber a ni
(Readers te inring dik tlang e, la ring ve lo tan pawh surprise ni mai rawh se. Ni e Jungkook anga awm mek hi JeongGuk a ni chuan Natna khuma mu kha Gguk nilo in Kook zawk a ni bawk)
Jungkook nunna nei tawh lo tih hriat zeta mu lam chu a pan chhat chhat a, tiang mai a a kal chu a ring lo sin.
Jungkook hmel a hmuh chuan a mittui a luang thla pap a, he khawvela a chhûngkaw neihchhun a unaupa a phîr pui ni bawk chuan a kalsan leh ta nia tunah chuan a mal tawh takzet a kiangah Taehyung chu a awm ngei lawm mahse a ta a ni ve silo. Jungkook emaw a tih vâng chauh a a bula awm ve mai mai a ni bawk si
"Jin engtin nge hetiang hi a thlen theih zawk, enge thil awmzia"hriat theih chang chang chuan a ti sup a, ni e a mak a ni Doctor ten a ṭhat deuh thu an sawi kha ni sia engtin nge hetiang a thlen leh thut theih ni
"In chhuah hnu khan Minho a ko a, Korea a rawn let ve kha a duh a Doctor chuan thlawhna a chuan theih loh tur thu a hrilh a chuvang chuan kha a damdawi kha a hmang leh a ni" chuthil a hriat chuan JeongGuk chu a thinrim in a meng sen rum tawh mai
"Khawnge chu Minho chu awm" thinrim insum tak chung chuan a ti a. Jungkook chungchang a za vai mai a hrechiang tu kha a ni ve miau a
Jungkook khan damdawi sang tak pakhat ei ṭhin a nei a, chu chuan a natna te ti reh hmak thei thin. Taehyung nena an awm dûn lai pawh khan a lo ei char char tawh ṭhin.
A natna a zual zêl vangin Doctor chuan a khap hmak a, mahse a natna vanga Taehyung tihbuai duh miah lo mi a nih vangin a ei lui zêl tho ṭhin. Khakhan a taksa ah effect a ngah em em a, na pawh a tuar zing khawp mai. Mi chhel tak a ni a, a tuar hram hram mai zel.
Doctor khan a khap hmak tawh a ni si a, engvanga ei leh nge a nih ang. A tuar dawn tih chu aman a in hrechiang ber si a.
Engmah sawilo chuan Jungkook chu a en vang vang a, engtin nge Taehyung hnênah a sawi tâk ang. A na ni tih pawh hrelo a la awm ni si a, a hmangaih em em chu tûnah hian tho leh tawh lo turin a mu tlawk tlawk tawh mai si.
Jin ṭap thâwm chu thawm awmchhun a ni mai.
Kawngka rawn in hawng rak in Namjoon leh Minho an lo lût ve ta nghal a.. an ni hi Jungkook chungchang thudik hre tu te an ni
Jin chuan Namjoon chu a lo kuah vat a, Namjoon pawn a theih ang tawk in a lo hnem ve mawlh mawlh a
Minho a hmuh chuan pan vat in a hnek thal nghal ṭhuai Jin chu lo au deuh ṭhat bawk.
Minho nghawng ah chuan ṭhâm in "engvângin nge kha damdawi kha i ei tir achunga thil thleng thei i hre reng ni lâwm ni. Tinge nangmah vang vek a nih hi" tih pah chuan a hnek leh sawk a, Minho pawh a tlu hnawk mai
Namjoon chuan JeongGuk chu a lo dang thuai a
"Inbengdai rawh JeongGuk, Engthil nge ni a"
"Hepa hian Jungkook hi a that a ni, amah vanga hetia awm hi a ni ka that ve dâwn che" a ti leh phiar phiar a
"Insum rawh,. Chutiang a nilo ang Minho enge thil awmzia" Namjoon chuan a zawt ve leh a
Minho chu a rawn tho ve zat a. A hmelah a inthiamloh zia a lang chhuak thei bawk.
"Jungkook khan min ngen nasa em a tin ni, a laka thil thleng tur pawh a hre lawk vek mahse chumi chung pawh chuan tih a duh thu min hrilh a. Korea a let ngei kha a duh em a ni, A tawp nana a thilduh tihpuitlin sak loh chu ka theilo a ni" Minho thusawi chuan tu te mai pawh a ṭhawng vek, engvângin nge chutiang chuan Jungkook chuan a tih mai. Tuarchhel tak kha a ni si a
JeongGuk chu a inbengdaih deuh hnu chuan Jungkook chu a pan hnai a
A kut chuan a ban da da a, Jungkook kut vawt raih mai chu a vuan chawt a chuchuan a insum ve na te chu a tichhe zo ta vek mai
A mittui a luang leh zawih zawih a
"Hyu..Hyung tinge tiang hian i awm engtin nge Taehyung ka hrilh ang, min haw dawn lutuk sin tinge nangmaha thuthlukna i siam zung zung thin a. Hyung ka tih che hian nuam i tih theih em kha khawngaih in a la hun lo nia rawn let leh rawh. I Taehyung pawn a la nghak reng che sin"
Minho chu JeongGuk bulah chuan a lo ding ve reng bawk.
Doctor a rawn lut a
"Heihi damlo in a hnutchhiah a nia" tiin envelope pakhat a rawn dah a
"Min hrethiam ula ruang hi kan lo phawt ange" tiin Jungkook lam chu an pan a
Puan chuan an khuh ṭha a, an nawr chhuak ta nghal a
"Engtin nge kan tih ang mipui hmaah kan puang zar ang nge thuruk a ni hlen dawn" Namjoon chuan rawn ti thawp salh a
"A theih chin chin he thu hi zêp turin min chah a, tuna kan kal dân ang hian kan la kal zel a duh a ni" Jin chuan ṭah aw ṭuau chuan a ti a
Ni e kha kha Jungkook in a chahthlak hmaa Jin hnêna a sawi kha ni miau lawm le...
Kan Jungkook khawngaih thlak chuan min kalsan hlen ta, engmah hre ve lo Taehyung chu a va lainatawm tehlul em. A hmangaih ber chu he khawvelah hian a hmu ve thei tawh dawn si lo, engtin nge he thu a hriat hunah hian a awm tak ang le. A tuar thiam thei angem, Hei vang hian em ni Jungkook hian Taehyung hi engmah hrilh hriat a duh loh nachhan.
**************
Tihian ka ti tawp mai dawn mi niang... Pawi ka ti mahse hemi idea ka neih vanga The Jeon hi ziak ka ni ve miau si a. A tîr chuan thi tûr zawk ah ka buai deuh a, a tawpah Jungkook zawk hi ka thlang ta mai a ni e...
Chuan Last episode ah chauh hriattir che u kha ka tum dan ber a nia mahse ka hint pek che u in hre thei phian mai si a.. inring lawk nual tho a tiin ka hrilh hma ta deuh zawk che u ni. Mahse a tawp lam chu a ni tawh hrim hrim tho a nia
😶😶😶😶😶😶😶😶😶
Jungkook thih tir hi a lem ah pawh ka duh ngailoh a nia, The Jeon a ka thih tir nachhan chu amah tho pakhat a la awm vang a ni awiii 🤧🤧🤧🤧
BORAHAE 😘💜
Bye bye
