"Oh Taehyung hetah enge i tih a" Minho chuan a hmuh rual rual chuan ti nghal zat a
"Jungkook hmuh ka tum a" zawi sat chuan a ti a, a kûn ngal bawk
"Lo kal la, keipawh ka kal dawn lawm" a ti thuai a, mahse Taehyung chuan lo hnial thung.
"Thil theihnghilh ka nei a, lo va kal hmasa rawh" tiin a tlân sawn nghal vat a
A mittui a dang zo thlawt lo, a luang thla ngiah ngiah reng a. A thu hriat kha a tan chuan thil rapthlak tak a ni miau a lawm, a awh thei thlawt lo.
Company chung lamah chuan a chhuak chho a....
Thli lo thaw vuk vuk mai, a chung ber a nih ang in a awmna chu a sang tha vawn vawn khawp lehnghâl....
A tlu nghal hnawk a, a awm na lutuk chu a dawm vang vang...
JeongGuk te titi kha a hre ve vek miau a, mi pangngai tan chuan thil awmzia hriat loh rual a nilo.
Chiang takin Jin khan Gguk tiin tuna Jungkook anga awm mek kha a ko tlat bawk si a.
Taehyung chuan awih duh lo mahse a chiang em em lawi si.
Awm Ngaihna pawh a hrelo. A ṭap reng a ni mai
"Ka bula awm kha ka Kook nilo in JeongGuk maw ni a,. Tinge ka lo mawl em em theih zawk, engvang in nge ka hriat loh. Khawnge ka Kook chu a awm ang, enge a chungah thleng...." A tih rual chiah chuan "kan vui liam ni" tih an sawi kha a hrechhuak leh chiah a
A khur dawt dawt thei, a lu a thing nawk nawk a. "Nilo awihawmloh em mai, ka hre sual niang midang vui liam na ni ngei ang. Ka Kook chuan min kalsan lo tawp ang min hmangaih lawm....." 🥺🤧🤧
Lehlamah Minho thusawi vangin JeongGuk chuan Tae chu zawng in a tlân kual chiam a. Receptionist bulah chuan kalin a zawt vat a
"Mr Jeon, Mr Kim chu a lo lût ngei a mahse a lo la chhuak chu ka la hmu miah lo" tiin lo chhang ve mai bawk, Jungkook rilru chu a buai ta takzet khawnge a kal ang khatiang thu a hriat hnu ah phei chuan Taehyung chu a ngaihtuah takzet.
"Khawi ah chuan nge maw i awm le Tae" a ti hluk a, phone a tum lahin a chhang thei silo.
Thil hrechhuak zawkin inchung lam chu pan a tum a.. elevator lamah chuan a phei a, hmanhmawh zetin a chho ta nghal
Building chung ber lam chu a pan chho zel a, Taehyung chu lo awm ngei turin a duh takzet.
Kawngkhâr a hawn rual chuan a Taehyung lo ṭhu sawp niai chu a hmu zui nghal.
A hmangaih tak chu lungchhe takin a ṭap mek a ni si a. Mahse a pawh ngam hauh lo, engtin nge a lo tih ang a haw dawn lutuk tih chu a hre lawk vek mahse Taehyung ka ṭanga hriat chu a huphurh em em lawi si.
Taehyung ṭap lai en liam mai erawh a harsa a ti, a pan ta nge nge a. Hetiang hi a la thleng dawn tih a hre sa vek tho lawm, a hun a tih la ni chiah lo mahse a tuar tur tho a ni a. Tlanchhiat san ngaihna awmlo
Taehyung hmaah chuan a ṭhu thla a, Taehyung mitmeng sen deuh ram mai a hmuh chuan a rilru a tina takzet. Ṭah tir hi a duhlo sin
Rin loh deuhin Tae chuan a kuah nghal chawt a,. A kuah nghet takzet bawk JeongGuk pawn lo kuah letin a hnung a ben sak thek thek pah bawk a
"Khawngaih in Kook i ni tih sawi rawh, ka thu hriat te kha a diklo ni tiraw. Kook i ni tiraw" a ti hliam hliam a, JeongGuk chuan a chhang mai lo a ngawi vang vang a.
