Room ṭang chuan ka chhuak vat a, ka mit ka len nghal zat
Jungkook ka zawng ru a, mahse a lo awm miah lo.
Namjoon chuan min lo ko a
Kal ka tum chu tu emaw hian min lo vuan chat
Ka hawi let a
Uluk zetin Jungkook chuan min en ngar nih chu
Min endik ni mai hian ka hria
"I hmelṭha lutuk" a ti sup a, ka lai takzet ka biang te pawh a sa hat hat mai
Hnuai lam ka melh nghal daih bawk. Ka awmdan naupang chhia zet chuan mi ti zak ru ang reng mahse ka beisei lo em bawk alawm. Jungkook hnên aṭanga ka hmelṭhat thu han dawn chu a nawm dân a dangdai takzet.
Min ko ri ka hre leh a...
"Uhh.. ka..va kal nge" zawi zet hian ka tia mahse ka inher tur min pawt ding leh
Min rawn hnaih deuh hlek a. Ka lungphu hi thlawkchhuak thei dâwn takngial
Rawn kun hniam a
"Ṭha deuh in aw,. Ka lo thlir reng dâwn che nia" ka bengbul ah chuan ti sup a, ka taksa zawng zawng hi mur chum chum mai. Chutah ka beng hnuai chiah ah a fawp leh zauh
Chutah zet zawng ka tlu lo chauh tawh...
Chet nachang pawh ka hrelo
Ka kut ah hian an rawn vuan a
"Director koh na che kha i hrelo nge i beng a chhet zawk. Kan ṭan a hun tawh nia" a ti nghal zat, JeongGuk a ni
"Ah..awlee" ka ti sup a
"Guk-ah nangpawh Good luck aw" a unaupa hnênah chuan a ti a
JeongGuk erawh in "ka mamawh lo e" ti hmuk in min kai phei nghal dawr dawr
Jungkook ka en leh chuan min lo nuih suk. Ka hawi let rang lutuk.
Lai hman pawh ka ni tawh hrih lo ka hna lamah insawrbing phawt ka ngai hrih...
Mahse maw a har a ni, ka hmaah min en kar chungin a ṭhu ran mai bawk si
Ka che lai theiin ka che buai titih deuh zel. Mahse a tu a mah mah chuan min hau ta lo, ka vânneih ni ah ngai phawt mai ang
Jungkook chu phone hmang in a kal hrang hrih a. A rawn let leh chuan tihtur pawimawh a awm thut thu a sawi a.
"Ka kal phawt nge, ṭha taka ti turin duhsakna ka hlan a che u" min en kar pah chuan ti a
A kal lai chu ka lo thlir dauh dauh hi ni tawp mai. Hnung zawng pawn a ṭha takzet a nih saw
"I va luangliam awm ngawih ngawih ve a Baby" ka kawng a rawn kuah pah chuan JeongGuk chuan a ti a
Tawlh sawn ka tum chu ai nghet in min kuah leh zat
"Ka unaupa saw i duh em ni" a ti sup a
"Maw.. awihawmloh engvângin nge ka duh ngawt ang." Ka ti bah deuh nawk a
"Ni e, duh nachhan tur i nei hauh lo. Chubâkah lo duh tehreng pawh ni la, i duh loh vat a ngai dawn tho" a tih chuan ka melh a
"Engvângin maw"
"Achhan chu ka ta i ni" ril zet hian ka beng zâwnah chuan a rawn ti sap a
Jungkook ang em em khan ka taksa effect lo mahse ka chhûngril tak hi zu thleng pha tlatin ka hria.
A mit meng fiah kak chuan mi melh ran a keipawn chuti tho chuan ka en let kar...
**************
