A buai nuaih mai thei nia, chhiar dan thiam mai ru aw
Jungkook chu Ṭhat lam apan theilo a chutah buaina dang rawn awm leh tawh bawk si. (Design in ruk sak vel kha chu thudik a nia aw)
JeongGuk hmu tur leh in enkawl turin US lam chu a pan ta rawih mai a. Minho pawh a kal tel ve ta zel bawk.
Jungkook chu enkawl nghal char char ani a, a natna pawh in zual lam nitin a pan reng. Hun a neih rei tawh loh thu chu tupawn an hria, kha damdawi a ei thin pawh kha Doctor chuan a lâksak ta nghal vek a. Ei belh leh zêl chu a khap bur a ni, khatiang a ei hnem vang pawh khan a hau deuh hrep nghe nghe mahse Minho zawk ania hauh tuar tu chu...
Damdawiin a a awm tukah JeongGuk a rawn thleng chawpchilh ve leh nghal a. Jin a rawn hruai tel bawk.
Jin hian Jungkook hi enkawl se a tih vangin engkim a lo hrilh tawh a,. Minho tan chuan engkim tih a har dawn si Jin pawh hian puih chu a lo duh ve viau bawk. Chutiang tehnuaih chu an ni
JeongGuk chuan Doctor chu an be hmasa te te a Jungkook chungchang kimchang takin a zawt bawk...
A thisen cancer hi a chak chi nih tlat vang hian beisei tur chu a awm tam pui lo mahse khawvel damdawiin ṭha ber ang hial ah an dah ni a a nunna tlema pawh sei deuh theih chu an in ring ve viau. Enkawlna te an nei ṭha zawk a damdawiin dang aiin chuvanga helai pan hi an ni.
Natna khuma Jungkook lo mu ran lam chu Jin leh JeongGuk chuan an pan a, Jin chu rilru no zâwk tih takah a mittui a tla nghal zung zung thei ... JeongGuk nen ang em em chuan awmdun hnem lo mahse atân chuan Jungkook pawh hi JeongGuk tluk zet a pawimawh a ni ve tho a. Hetiang dinhmuna a hmuh hian a in ti pachang lui thei thlawt lo a ni (Ka hrethiam mah mah a ni🤧🤧)
Jungkook mutna sir ah chuan an ṭhu dun bam a, an ngawi kar bawk lehlam pangah Minho a lo ṭhu ve reng bawk. Jungkook chu nachhawkna in a chhawk lai a nia a lo muhil tui khawp mai.
An ṭhut ngawih ṭhiap lai chuan JeongGuk chu rawn nui hak a, Jin leh Minho pawh chuan an en haw mai
"Hahaha Jin enteh ka hmelma chu beih leh tûr chuang pawh a awm tawh lo nia haha a chaklo zawk a ni tih hi a awmdan hian a ti chiang ngawt lo maw" tiin a nui hak hak a mahse a nuihzat loh zia chu a hriat ngawih ngawih
A nui lai tawp in a hma ai a zawi zawk chuan "Mahse tinge hnehtu ka ni chung a ka hlim miah si loh, kan inbeih hma ngawta tlawm zawk a nih vang ni ngei ang. Heyy Jeon Jungkook i zak lo mi tlawm zawk a ṭan hi i nau lakah hian i tlawm dawn nia zahthlâk lutuk" a ti leh hlak a
A ngawih vang vang hnu ah chuan "Hy...hyuung" hriat hleih manglo hian a ti raih a
Mahse pakhat chuan a hre tlat, rawn meng diar diar in JeongGuk chu en in a nuih sak a
"Heyy... naupang tunge ka chaklo ti a" Jungkook chuan a rawn ti zawi sap a
An vai mai chuan Jungkook chu an en sap a
"Kei Jeon Jungkook hi ka tlawm ngai lo aw chuan a tih chian nan tun lawk khan Hyung min ti nia" tih pah chuan a nui leh suk a. Jungkook hi a upa zâwk a ni a Hyung tih hi a chak thei viau bawk mahse Lal JeongGuk hian nau zawk anga treat hi lo duh bik hauh lo chu ni in. Tunah Hyung ti a a ko hi a lawm zia a hmêl ah a hmuh theih hial ang...
Jungkook rawn harh chu tlêm in a ziaawm deuh a taksa vel zawi viau mahse amah a harh ṭha phian mai.
Minho chuan an Company dinhmun vel leh design an lo rûk thu vel chu JeongGuk hnênah chuan kimchang takin a hrilh par par a
