Shooting chu ka nei chho nghal mawp mawp a. Ka ti ṭhang tawh bawk a, buaina ka nei lem lo.
Kil khatah Dasha leh JeongGuk in hnaih zetin an thu a. Eng eng emaw an sawi dun a an nui leh ṭhin
JeongGuk chuan min en leh vung vung thin tih ka hria mahse ka hrelo der tlat thung.
Chawlh kan nei zawk a
"Wow Taehyung i lo pui khawp mai. I hmuhnawm takzet"
"Ka lawm e Dasha" ti sep in ka room lam chu ka pan leh vat a
A chidang in vawikhat ka shoot leh nga vawiin tân chuan ka zo thei dâwn. Zawh vat vat ka duh
Phone ka en chuan Jungkook text na chu ka hmu a. Ka reply vat
A rawn call nghal zat bawk
"I va hman awm lo ve tunah chiah min chhang a"
"Ka buai nghal char char lawm, ka chawl chiah a vawikhat ka shoot leh nga ka zo ang"
"Anih chuan lunch eidun lam te"
"Sâwm tu ka lo nei tawh a, i tlai hret ni" ka tih chuan "hmmm tunge chu chu" a ti vat a
"Dasha mawle"
"Maw. Hadasa kha mi"
"Imm ni chiang e"
"Gguk a tel dâwn em"
"Ka hrelo a,. Awm chu a awm ve a" ka ti sep a
"Awle ṭha lawm, min lo nghak ang che ka rawn kal dawn" tih pah chuan a dah daih
Enge awmzia, a lo kal dawn maw
Ka call nawn leh a, a in ring ral ṭhak
Pawi miah hleinem keimah ngawt ai chuan ṭha zawk.
Make up min hnawih tha sawk sawk a. Ka thuamhnaw thlâkin ka chhuak leh a
An lo peih leh diam tawh.
JeongGuk leh Dasha lo nui dun har har chu ka hmu zui zat a.
Taehyung engmah ngaihtuah zui suh, i rilru i siamfel tawh tih hre reng la tiin ka in hrilh a. Namjoon Hyung lam chu ka pan ta vat a
Shooting kan neih leh mawlh mawlh lai chuan Jungkook a rawn lut hlawl a
Midang chuan mak an tih hlawm hmel khawp mai...
(Kan la hriat loh takin Jungkook leh Taehyung te inngaihzawn hi an hre vek tawh aw. Khami Party zan khan an in puang a tih theih ang chu, mi tamtak an â lo chauh reng a ni, Taehyung thik tak tak an tam hle ni an duhthusam mipa chuan ngaihzawng a lo nei reng si a. Vânnei an ti hle bawk, Seoul khawpui a news Hit ber a ni hial a ni)
Jungkook chu chibai an lo bûk sap sap hlawm a. Ani erawh chuan mi melh deuh ngur ngur thung
Director nen chuan eng eng emaw an sawi a.
Hnu ah "Taehyung vawiin tân chuan kan duhtawk mai dawn nia aw" a ti zui zat, Kan Mr Jeon chu a Lal thin teh e mahse ka lawm viau mai.
Inthlak turin ka kal a,. Helai a a rawn kal chhan hi ka la hrelo lunch kan ei dawn ka tih vâng kha mawni.
"Tae nang chu I vannei e, Boss te ang bialpa i nei nia nuam awm e. A hmangaih ropui che sia, in la chengdun zui. Perfect couple hi chu in ni chiang lawm" Ria chu a rawn luh pah chuan a ṭawng mawlh mawlh a. Ka lo nui var var
Ni e ka vânnei takzet a lawm, Jungkook ka bialpa a ni hi chu thik tham a ni chiang
"Lungngai suh Ria i lalfapa i la tawng thuai ang ka ring tlat. Chuan ka kal phawt nge aw" ti in ka chhuak a
