Jungkook thih hnu ṭang pawn Karhnih a liam ve leh ta reng mai. Mitin mai chu an buai suau suau mai
Jungkook duhdan in engmah sawi chhuak lo in an la awm tlang zêl chu ni a, nui ve bawk thin mahse thinlung taka nui a ni thei tak tak lo
Mi zawng zawng ngaihdan chuan JeongGuk chu damdawiin ah awm in tuna Jeon CEO a thu hi Jungkook diktak a ni tih an ring vek a. Mi pali te tihloh chuan thudik engmah an hrelo
JeongGuk pawh kha video a hmuh ṭang khan nasa leh zual a thawk tûrin a in tiam a, chutiang chiah chuan a ti bawk. A thawk ngawrh hle a, a haw hman meuh lo bawk chubakah Taehyung a hmu ngam hlawllo bawk...
Taehyung pawh chu Korea an let hnu ṭang khan a buai thar ta em em a, ahma zawng aiin ni mai. Photoshoot hmun hla tak tak ah a neih reng a ngai a, Jungkook a ngai tawh viau na in a hna a kalsan ngawt thei silo tunah phei chuan Gucci ambassador nihna thar a nei bawk a. Tihtur a kat nawk a ni ber e
A buai em em chhan phen ah hian nasa takin JeongGuk a in rawlh ngei bawk, Ni e a theih ang ang in Taehyung hi pumpelh a tum a chupawh a inthiam thei ngang lo a ni.
Jungkook emaw tia a Taehyung in a kuah piang in inthiamlohna a neih zual ziah a. A thei thlawt lo a ni, Taehyung chu a namsawn ngawt thei silo. Jungkook anga awm a ni miau mai si a, lehlamah hna a ngah em em bawk si...
Heivang hi nia hmun hran hran a Taehyung a kal theih nana ruahhman na a siam tâk ni...
Naktuk lawkah hian a design hah taka a beih chu a tlangzarh tawh dâwn a. Alakah hian beisei an nei sâng hle bawk, mahse JeongGuk chuan a u rin na bak ngaihpawimawh a nei hauh lo thung...
A hah em vang chuan hma deuhah a haw a, inchhung chu a ruak khawp mai. Taehyung hmuh tur awmlo chuan a khua a ti har hle bawk, Taehyung a be khat hle tih a hrechhuak bawk a a rilru a hah takzet a ni. Engtin nge a awm zêl ang ni, Taehyung hi engkim a hriat chuan a na dawn lutuk tih a hria mahse heti ringawt hi chuan Taehyung a bum reng thei bawk silo. Rilru mangang tak in a awm a ni ber mai
Tuna a hnathawh hi a zawh veleh hun ṭha hmasa ber ah thudik chu Taehyung hrilh a tum rilru a, chumi chhûng reilo te chu a la inzep thei mahna le.
Inbual fai ser sawr in, hma zetin a mu a. Tunah Taehyung chu Jeju Island ah shooting neiin a kal daih a, ngaih chu a ngai ve lutuk mahse a be duh miah lo thung.
Lehlamah Taehyung chu Jungkook ngai em em in a lo biak hun a nghak ve ran a. A buai tih a hriat vangin a be buai lutuk duh biklo mahse heti taka biak a tum loh vang hian a lung chu awilo lek lek tho. A phone chu en leh reng thin a, text takngial pawh a rawn thawn lo a, tunlai a mizia danglam zia pawh a hria amah a buai ve em vangin tha taka in biak na hun an la nei theilo.
"Sual lutuk mai, min ngaihna pawh nei tawh lo niang. Jeon Jungkook min rawn be vat ta che mawle" a phone a an thlalak dun en pah chuan a ti mial mial a, a tum deuh hmuk mai
Jungkook phone call chu nghak chhuak zo lo in a muthilh san leh ta nge nge. A ni pawh a meng rei thei vak bik lo, a hah ve em a ni....
JeongGuk chu hma takah tho in, vawiin a an thil tih tur tan a inbuatsaih nghal malh malh a....
A laptop a a lo enfel lai mek chuan a phone rawn ri a, a en chu Tae a ni thaw hak in a chhang ta hram a
"Baby ka buai....." A ti chiah chu
"I buai tih ka hria mahse vawiin tan duhsakna ka rawn hlan duh mai che ni. Ṭha deuhin ti ang che aw Kook, ka dah nge" tiin dah nghal zat, JeongGuk chuan a phone ken chu a en ngawt ngawt tawp mai
