THE JEON

💜28

In kuah rial in kan mu dun a, ka hlim lutuk ka sawichhuak thiam kher lo

Ka rilru ah thil a rawn lang zawk. Keimah chuan ka nui ver ver a

Ni e ka hrilh a hun tawh viau in ka hria

"Kook" zawi tak chuan ka ti a

"Ummm"

"Ka hmangaih che" ka ti sup a

A ṭhu chhuak hlawl mai, min ti phu lek lek lawm mawle

Min en kalh a

"Engmaw i sawi kha, ka hriatsual a nilo tiraw" a tih chuan ka nui suk a, muangchang chuan ka ṭhu ve a

A mit ah tak en pah chuan

"Ka hmangaih che ka ti nih chu I hria em I Tae hian ka hmangaih lutuk che"

Min kuah nghal thlawp a "ka hmangaih che Tae khathu i sawi hun ka nghah rei tawh zia hi i hrelo ang. Ka lawm e aw Tae"

Hetiang tak hian a lawm dâwn tih hre lawk i lang chuan ka hrilh na rei tawh ang...

Min han fawp leh vang vang a

Mahse ka duh aiin a uar, lawkin hepa hi ṭan leh a tum ngawt mawni

"Heyy a tawk, mu ang ka chau nia" ka ti sup a

"Tae khawngaih in" tuna a lan dan hi a nuihzathlak takzet a duhawm phian lehnghâl

Ka hnar leh ta lo nge nge e.....

********

"Vawiin chu enge kan tih ang" ka hnung lam ṭang a rawn kuah pah chuan a ti a

Nizânah hetah kan riak a, kan mu har angreng sia zing lam kan murei ta phian a. Hna kan kal hman lo ta sa sa nilenga helai hmuna awm hi kan rel ta chu ni mai

"Ka hrelo, engpawh ni mai nangmah nen a nih phawt chuan"

Ka nghawng ah a fawp zauh a

"Heyy a za nia"

"Ka hmangaih che Baby"

"Keipawh in Kook"

"Lo kal rawh eitur ka peih fel tawh nia"

"Yayy ka Kookie thil siam ka ei thei dâwn e. Hetiang hi ni reng thei se ka ti ngawt mai"

"Min duat thiam dan azir niang chu" min tih khum pah chuan a nui vur vur a

Dawhkan hmaah chuan ṭhu in kan tukṭhuan chuan dar 11:30 rik dawn hnaih chuan kan ei dun ve ta chha chha a

Amah leh amah ang lo takin mi a chhaih nasa ve lutuk, Kei lah chu enge ka hriat ni ka lo lai thei nasa êm êm zui.

Kan eizawh hnu chuan kan in tifai a, a hnuah kan awm na hmun vel chu min fan pui turin ka ti a. A ni pawh a phur hmel takzet.

Thla tamtak kan la a,. Ka kal kual nasa viau bawk.