"Nilo ka lo kal ve duh lawm tinge nangma a i kal kher ang" Taehyung chuan ṭap deuh titih chuan a ti a
"Baby hriatthiam tum rawh, keipawh ka hman rei bik lo tih i hriat kha hna pawimawh tak ka nei si a. Chuvang chuan ka tlawh zawk ringawt dawn lawm"
"Engtin nge chutin i sawi theih zawk, i unaupa ngeiin accident tawkin natna khumah a mu a i tlawh zawk ringawt a nga maw. JeongGuk nen hian in inkar a ṭha lo tih ka hria mahse heti hian i phir puipa ngei chungah i ti theilo ang." Taehyung chu thinrim tak in a ang hlak hlak a
"Baby ka hrethiam che lawm mahse..."
"Mahse tih ka duhlo, kei tal min hruai la i kal leh nghal dawn a nih pawn keima'n ka lo awmpui thei lawm khawngaih in" a ti leh sap a
Jungkook chu tihngaihna hrelo in a thaw hak a
"Engvanga kal duh em em nge i nih a, i ngaihtuah viau em ni" Jungkook chuan a ti ta kalh a
"Maww ka ngaihtuah ve thei lo em ni, ka ṭhianpa alâwm a nih"
"Ṭhian maw, tuna i awm dan hi chu I hmangaih takin buaina a tâwk ang mai a ni"
"I thusawi kha i hre chiang maw"
"Tehreng mai enge JeongGuk laka i rilru diktak hi min hrilh teh"
"Enge i hriat a, ka ṭhian ka ti ni lâwm ni"
"Ṭhian chauh maw, nge a ni kha i lo duh reng zawk" Jungkook zâwk chuan a ti leh hmuk a, Taehyung chuan mak ti takin a melh khiau tawh. Tinge Jungkook hian chutiang chuan a ngaih zawk le
"I â ta mi,ka duh i ti maw..huh. Jeon Jungkook nangni ka bialpa ka hmangaih tak chu I nih hi tinge midang min duh tîr chu I tum tlat a." Tiin Taehyung chu Gguk vang pawh ni tho mahse Kook thusawi chuan a ti na ve em a a ṭap hliam hliam bawk
Jungkook chuan a thil tih hrechhuak thut in Taehyung chu a kuah vat a. Ni e tunhi thil danga in hauh na hun a ni miah lo.
Taehyung pawh chuan lo kuah let vatin
A la ṭap reng bawk
"Awle Baby a tawk tawh e aw, ṭap tawh suh le ka tihpalh liau liau a nih kha. Chuan ka tiam a che ka rawn hruai leh ngei ngei ang che, tûnah ka kal phawt nga chuan zanah ka rawn let nga naktuk ah kan pahnih in kan kal dun dawn nia aw" A sam chul hliau hliau pah chuan a ti a
Taehyung pawn a lo pawm pui ta hram
Achhan chu inhauh leh a duh tawh lo, bakah Jungkook hian a tiam tho bawk a. A remruat chu pawm mai ṭha a ti zawk a ni
Jungkook chu a in siam malh malh a, Taehyung pawn a lo pui ve bawk. An in be lem lo a an thil tih lai chu an ti ngur ngur tawp.
An rilru chu JeongGuk ah a awm ve ve ang tih ka ring a ni
**********
*******Night******
Taehyung chuan Jungkook chu a lo nghak reng a, nilengin a la be thei lo. JeongGuk ngawt chuan a ngaihtuah na a luah a ṭha ngem, a zual mai ngem tih zawng zawng nen
Ka phone a rawn rik chuan rang zetin a la a
"Kook enge chanchin. JeongGuk chu a ṭha em tinge min rawn biak har em em a"
"Baby naktuk ah chuan Hong Kong chu I rawn kal dawn nia ka rawn haw ta lo mai, hei a buai deuh bawk sia. I rawn kal thei ang tiraw Minho an a lo hmuak ang che. Ka private jet khan i rawn kal mai dawn nia" lehlam mi chuan an ti zung zung a
"Awle in enkaw ṭha rawh aww"
"Dah phawt mai ang aw" ti chuan a hmet tawp nghal hmak a
