"Aw Hello Jimin missed call ka hmu ve chauh a"
"Phone kha enga tan nge i hman a ka hlauthawng hman lawm. Khawnge nimin ah i awm a in ah i awm bawk silo, Ka mangan hman lawm Jungkook pawn a rawn zawng che a"
"Jimin tu Jungkook mah in keihi min rawn zawng lo ang, nimin nilengin kan awmdun lawm chuan phone kha chu ka khawih lo ve tawp ka hrechang lo ni ber. Thil thleng ka hrilh chak tawh dan che chu tlaiah rawn kal la zanriah ei pah in engkim ka hrilh ang che. Ka hlim zia hi i hrethiam pha lo zawk ang"
Taehyung chuan Jimin chu a be mawlh mawlh a mahse lehlama mi zawk chuan a rawn chhan let tak si loh ah chuan
"Umm Jimin i la awm em, tinge i ngawih reng a"
"Ahh aw awm ee,,, thil ka lo ngaihtuah a ihh nimin a lo kal kha Jungkook emaw ka ti a mahse in awm dûn char char a nih chuan JeongGuk zawk a ni tihna nia. Awii Tae engtin nge niang"
"Enge ni a, JeongGuk pawh chu enge ka in ah te a kal ve rikngawt a"
"Chulam ai chuan nimin a a rawn kal khan Jungkook emaw ka ti" Jimin chuan a ti leh hluai a
"Amak leh vak ṭhin, an in ang ve em lawm an sam..." A ti chiah chu thil hrechhuak zawk ang hian a ding hluai a
"Lawkin Jimin nang hian i sawi em ni" A ti vat a
"Khawnge Taehyung hi kha a tia chuan keiin Jungkook emaw ti khan i bialpa nia a awm na te chu I hre zawk ang chu tiin ka chhang in ka hria. Tae min ngaidam rawh an in ang ve em lawm ka tihluih pawh ni miah lo nia,. Ahrim hrim in engmah min hrilh lo a ka hlauhthawn ve tho vang lawm." Jimin chuan ti malh malh a, inthiamlo deuh si mahse Taehyung puh deuh tho si chuan a awm a
"Engpawh nise thil pawi thleng lo turah ngai ang lo phawt ang... Tlai chu lo kal hrim hrim phawt la, ka dah phawt ang aw byee"
Taehyung chuan nuam lo tihna a nei tlat chu a in hrethiam bik chiah lo.
JeongGuk kha a fawp ve chawt si a, khakhan beiseina a siam dâwn chiang mai si leh Jungkook nen an in ngaizawng tih a hrechhuak chawpchilh leh mai tur khan nuamlo a tih tir tlat a ni...
A hmuh hun huna ṭha tak a hrilh chu a tum a.
A stylist in a chei dawn ṭan chiah tih chuan na zetin kawngkhar a rawn in hawng pawp a. An phu deuh awih ve ve bawk.
JeongGuk chu thinrim hmel zetin a rawn lut a, Taehyung stylist chu kawk in
"Nangkha min chhuah san vat rawh" A ti hmak a
"Mahse darkar chanve chiah...." A ti hman tih ah chuan
"Nangmah in i chhuak dawn nge ka thehchhuak zâwk dawn che. Chhuak rawh chuan tumah rawn luh tir suh ang che" a ti leh hmuk a, stylist chu a khawngaih thlak zawk JeongGuk a thinrim khum nih chu tumah hian an duh kher lo ang.
A vanduai a ni mai
Taehyung chu a melh zeuh a
"Apawilo Ria lo va chhuak lawk mai rawh" Taehyung chuan a ti sup a,. RIA pawh a chhuak ve nghal
A rilru chuan Taehyung pawh chuan JeongGuk chu a hlau ru ve takzet.. tiang a thinrim hian a vawikhat hmuhna a ni miau a.
Mahse a in ti huai lui a ni mai
A ding hlawl a
"Engvanga khatia rawn che nge i nih, enge i duh a" a ti ve khalh a
JeongGuk chuan rawn hnaih tial tial in a ban chu na zetin a hmer a
"Nimin a ka thu hriat kha a dik em tih sawi rawh" a ti hmuk a, Taehyung chu a khur ru dar dar mai
