ميقات

الحادي عشر

عاد راستن سحب بريك بس شنو من كد ما رجعت قوي على الكرسي احس

انشليت اني قريت الفاتحه على روحي الصراحه التفتلي

* اطلع ما طالع
من ظهر ابوي يا حوراء اذا ما اندمج على كل حرف حجيتي هسا

واشوفج الملطلط شراح يسويلج وهاا اذا افصخ الخطبه معناها ارحمج

وهذا الشي مو من قامووسي واحسبي حسابج هاي ال 10ايام

الاخيرة الي راح تكونين مرتاحه بيها وبعدها تترحمين على ايامج لا
تكولين ميقات ما كال

* شنو ال 10ايام

* من تطلعين بوجهج على بيتي وحتى عرس ما
اسويلج. واتمنى من الله تطلع منج وتعارضين عيد وجابة العباس النوب بدال

الفيديو صار اثنين. واشوفج الحقارة على اصولها بعيني ما طلبتي

غير حقج. خلص كلامه وحرك. بالطريق  خابر على امي اسمعها تكله  شبسرعه

رجعتو. تعبت حوراء ورجعنه

* خووش هسا راح اطلع انت لا
تعوفها لحد ما اجي

* ماشي. طول الطريق ما حجه شي ولا اني
حاجيته بعد قرفانه منه شكد منحط وحقير وبلا غيرة وشرف. وصلنه نزلت

قبل لا هو ينزل خاف يسندني وهو هم ما تقربلي ضل يمشي وراي فتت

لغرفه قبله وركعت الباب
جان يصيح عمه حتى عمه قليله ادب. فتحته وركعته

اقوة. فتح الباب يخوزر بيه  الظاهر جلدج يحكج على كتله بس ان

شاء الله اعووضج. عن  قريب
كعد على الكرسي وضل يدخن ويباوع بطرف عينه

فتت لحمام غيرت هدومي
لبست دشدشه لان احس

نار تطلع من جسمي مع العلم الجو زين. بنفسجيه نص ردن وخليت الشال

على راسي لكيت تليفوني يدك. هاي رحاب من يوم الي دلت احمد على مكاني

رزلتها رزاله تسوة عمرها وعفتها المهم ضلت تلح بالاتصال وهذا يباوعلي

بنظرة شك كلت خلي اجاوب. احسلي
نعم تفضلي
شلونج حوري

والله بفضلج كلش زينه شرايده رحاب
اني اسفه والله
لا تتاسفين رحمه لنبي

رحاب انتي مو دايسه على رجلي ولا كلبتي عليه جاي وينحل باعتذارج

رجاء كل حي يروح الحاله وانسي عندج صديقه اسمها حوراء

*كل انسان يغلط واني اسفه واعترف غلطت بس ما ادري هيج راح يسوي والله

*هي هاي مشكلتنه نحجي كلام اكبر من راسنه وبعدين. يله نصفن

ونشوف شكد متمادين
ورجاء نفسيتي صفر حاليا ما اريد احجي كلام وياج

اندم عليه بعدين عوفيني براحتي الله يخليج تسمحيلي اني عندي شغل