الشيء الوحيد الذي ينمو مع مرور الأيام هو يأسك من البشرية
همزين ساكت خليت وطلعت لكيت محمد يغسل بالمواعين عوفهن اني اغسلهن يمعوده هنا ماعونين روحي انتي اني اكملهن خل احميلكم الجاي حميت وشربنه وجاي اغسل الكوابة
جاي اطلع من المطبخ و
ما احس الا دنيا دارت بيه وكعت على وجهي وبعد ما حسيت الدنيا طشت رشت
لهناك كعدت لكيت نفسي بفراشي وميقات كاعد يمي
ما خسر غير الحمدلله ع سلامتج هاي هبوط لان ما ماكله اليوم وخلة وطلع
يا هذا شبي هم حضي
يوم يرفعني لسمه ويوم يطمرني سابع كاع. شبي غير اريد اعرف ضليت اشك بروحي خاف مسويه شي وما حاسه على روحي
شويه وفات بيده اكل
اكلي لازم تاكلين ميصير تبقين بدون اكل وانتي مرضعه. كوة اكلت مع العلم جنت جوعانه وبطني تغرغر من الجوع بس هسا الاكل بحلكي مر كلش واني اكل غفيت ما ادري بنفسي
كعدت الصبح على صوت سند بس صوته بعيد شنو اتحلم فركت عيوني ماكو سند بكاروكه لعد وين يبجي كمت بس بعده راسي يفتل طلعت لكيته برة يم ميقات ويسكت بي
بس سند مفرفح من البجي يحبه عيني. جوعان ما راضع.
اخذته منه ورجعت رضعته
رضع شكد مبين ميت من الجوع خليته بالكاروك ورحت قررت اكل على شنو ازعل قابل اليزعل على الاكل لو على الناس.
طلعت سويت واكلت ذبيت حركتي بالاكل غسلت مواعيني ورجعت لغرفه لكيت غافي بالكاروك كلت همزين خل افوت اسبح ع سريع سبحت وطلعت
فتت لغرفه لكيت ميقات مدد على جربايه هو شافني ونصه راسه
ههههههه استغفر الله هذا مو صاحي اكيد. كلت بكلبي
يطبك. طوب مليت منك شكد مكروهه.
عدت الايام ومارلين تطلع تسبح وترجع لغرفة لو تطلع تاكل وترجع ابرار تروح لهلها. يومين وتجينه يوم اليكول شرطي ومن تجي يجيبها جود خلصت من مزن وامير طلعلي هذا
محمد هليام يطلع من الصبح ويرجع
بس،مثل ما توقعنه رفضو اي توقيع او ضمان يردون كلمن يفوت على مسوليته
ومن شاف الكلام هيج سحب نفسه وتردد بس ضايج لان استعجل بيعه بيوته. وميقات على حاله
لا يحجي وياي ولا يكعد يمنه يجي ينام يمنه بس وكت النومه ومرات اصلا ينام بلستقبال وما فهمت لغز مارلين عدنه وشنو الي خلة ميقات يروح يجيبها بعد كل الي سوته معقوله ياربي. شنو جاي يصير بهذا البيت الاكشر النوب غلس ع روحتي لهلي اخ لو ما سند لو تموت يا ميقات ما ابقه يمك ساعه بس ادري بحقارتك
عبالي صدك تغيرت بس
ذيل الج **استغفر الله اخ منك يلساني
للعصر واندكت الباب فاتت ابرار ونضال بس وين هاي المرة الطول بعرض مكسورة كسرة على بتها
صدك لو كالو الضنه غالي
سلمن وابرار بوجهه لغرفة مارلين ونضال كعدت يمي بالهول بس اني وسند
ميقات طالع ومحمد طالع
بقينه نسولف وراح الوكت وصار المغرب كالت هم يله انروح صاحت على ابرار طلعت مارلين سلمت على خالتها واجه ميقاات سلم على خالته. وكعد رادت تكوم كالها ابقو لعشه والله مترحون عاد من الحلفان ضلت المرة اجه محمد ضلو يسولفون وسند شبع بجي واكفه بي يله سكت
ادري المرة بقيتها على العشه شتاكل حصو النوب اريده يلتفت عليه ماكو النوب باوعلي محمد واشرتله ورحت لمطبخ
ها حوري ميقات حلف على خالتك وابرار يبقن لعشه واني ما سويت شي لان جنت كاعده يمها وسند شلع كلبي بس يبجي بعد ما الحك اسوي شي
تدللين ام سنيد هسا اخذ من ابو سنيد واجيب 😁ما دامه صاير معزب
اي والله
خليت وطلعت كامت خالته تتوضه وحاجه محمد كاله ليش المسواك الي نسوكه المن اذا اكلنه كله من برة
ترة جانت كاعده يم خالتك
وابنك يبجي واحتارت بي
اهوووو اليكول بس هي ام بالدنيا والله يا الله هاك مو تنام
اهنا لو ما العيب والمرة جان بالقران لعبت بي طوبة
شهلحيونه هاي
طلعت ابرار اطيتها سند
وفتت جهزت الصينيه
وجنت سالكه لوبيه وزلايط والفواكهه. ما طول واجه محمد بس صبيته بمواعين
كعدو وابرار طلعت مارلين اني شلت سند وكعدت على الكرويته
شنو خالة ما تاكلين
بالعافيه قبل شويه اكلت
الله يعافيج بنيتي
عاد وهم ياكلون ضليت اهز بسند كلت بالكي ينام حتى لو ربع ساعه بس اغسل المواعين
والله وصدك غفه
خليت وفوته لغرفه نومته بكاروكه وخدرت جاي جديد وحضرت الاستكاين
محمد جاب الصينيه لمطبخ
صبيت الجاي واطيته الا
بقيت اغسل المواعين ونظفت الطباخ وطلعت عاد شافني وكفن انعم الله يا المعازيب. ما خلاهن ميقات يرحن وحدهن هو راح يوصلهن اني لميت الهول
وفتت بقه محمد كاعد بالهول
قتت همزين نايم بعده طلعت تليفوني وخابرت على اهلي ضلينه نحجي بالنص ساعه وسديته
وميقات بعده ما جاي محمد صعد فوك ومارلين بغرفتها
أنت تقرأ
ميقات
Tiểu Thuyết Chungعليك العباس وصيتي من اموت تدورولي مگبرة بس نسوان ودفنوني بيها وبنصهن حتى بليل يوميه اسير يم وحدة افيش انت صاحبي واخيي اعتبرها. وصية اخوك. الاخيرة كبل ما اموت ***************** وصية ميت شماتحجي اكلك صار 💔
