ميقات

الثامن والاربعون

بلحظه ما تحملت ونكزت على الجرباية
اكعد اكعد وبقيت اهز بي كعد مخترع شكو حوراء
شنو الافكار تجي بس واني نايم
راستن خنكتني العبرة وبقيت احجي شيش بيش
ضل يفرك بعيونه شبيج حوري بس دقيقه اصحصح
طلعت تليفون من صدري وشمرته بوجهي
شكد قرفت منك عجزت منك ما تنصلح لو مدري شيصير واني الغبية الي ضاله اخطط وافكر شلون اطلعك من هاي المعمعه
بس تعرف انتو نفس الطينه انت وامير ومارلين ومزن كلكم قالب واحد طلعو منكم بس محمد
وعساكم تاكلون بعض ناركم تاكل حطبكم

ولج بس فهميني شسويت
هه على اساس ما تدري شسويت تغشم نفسك
وروح امي ما ادري شمسوي
شسويت حوري
افتح التليفون وانت تعرف
بس هلمرة يا ميقات لو الدنيا كلها توكف بوجهي وتكلي لا ترحين
فا اعاند دنيا كلها واروح
هلمرة ما ابقه لخاطر احد خاف بقيت ذيج لمرة لخاطر محمد انتهينه
خليت وطلعت من الغرفة دموعي تصب اختنكت احس العبرة خنكتني بقيت كاتمه وضليت اناشغ كعدت بالاستقبال. ما عده هواي وقت  واندفرت الباب ميقات يركض
لج انتي شنو ملاك
انتي هدية. الله دزج الي
اباوع مصدمه شيحجي هذا عبالة هاي الحجايات تشفعله
اجه كعد يبوس بيه اني مصدومه هذا شبي
ولج حبي تدرين هذا الموبايل مالمن
مال امير
بقيت اباوع هيج 😊
كال والقران
شبيج من يوم الحادث عدي ومن تعرض لحادث امير بقه كاتلني الفضول اشوف شبي جهازة كلت بلكي الكه شي ضده
بس جان بي رمز
فا اخذته
من عدت السالفه اخذته لولد صديقي يفهم بالكترونيات  كسر كلمه السر منه وجابليا بس كل ما اكمش الموبايل تطلعلي سالفه شكل لحد ما انتقلنه جوة ناسي والقران تدرين
هسا من فتحته يله
لج شنو ب 100فيديو قليل. ارقام كومه محادثات كلاب بالماسنجر والوتساب وصور

يعني هذا الموبايل مو الك
لا وروح امي
واني ابجي كمت اضحك وشبكته
هو يكلي والله خبله
عبالج اخونج بعد
ثقي حوري من يوم الحادثه الي صارتلي
بعد ما سويت حرام ويا وحدة
ما اجذب عليج 😁مرات اباوع بالدوام بس غيرها
ابد والله ولج انتي تربعتي بنص كلبي ودعت نسنوس
احبج خبلة ولا اخونج ولا افكر اخونج لو افر السند والهند ما الكه وحده مثلج
عاد اني الحركه والبجي كلهن راحن احس مي بارد ونزل على كلبي
هديت وكعدنه نكلب بالجهاز فلسنا تفلس
يا عزة العزاه
ميقات تخبل طلع حتى فيدوات لمارلين عنده كومه
اباوع تاريخ الفيديو واحد من الفيدوات بيوم زواجهم مصور كلشي صار بالغرفة
وفيدوات. بغرفتي كومه
ويا مارلين

وشفنه فيديو دازة  لواحد مالته ومال مارلين وصورتين الي   بس ذاك  طالع مستخدم فيس ميقات ضل يرجف كال هاي مو صورتج بقيت ارجف يمه منين جابها
ميقات ضل يركز بيها
هذا نغل ماخذها من دون ما تنتبهين
كاتبلة ما ترهم الصورة اريد اوضح
يا هاي بالحنه كاعده ورة النسوان وما منتبهه وشفته كامش تليفونه وموجهه عليه خليت وكمت من كدامه
لكينه بلاوي زركه النوب تعبنه وخلينا كومه محادثات ما تنعد
صار المغرب صلينه  وحضرت العشة كملنه ولميت المطبخ وغسلت المواعين وفتت لكيت ميقات كاعد يبحوش بالموبايل
صدك ميقات معقولة ما افتقد موبايله اي سال
بوقتها هواي وضل يلح هواي
اني. طلعت الخط منه وبقه شكد يدك كله يطلع مغلق