ميقات

البارت الرابع عشر

من هسا بنات  هذا البارت بي بعض المفردات 🔞 التمس منكم العذر

وبغزل مصلاوي
لو غاد القلب ينساك صدقني اقصو
اوي دادا شون اقصو وانت قيعد بنصو 😍🫶

اخابرة الصبح والله نمنه. وكعدت امي ندهتني ساعه 7;30كالت

ابوج بالطريق كال جهزو نفسكم والله امي لمت غراضنه كلها واني لبست

واندكت الباب. فاتت الممرضه صبحت علينه  الدكتور كال هذا
الشهرين  تستمرين على هذا العلاج. ولا تشيلين ثكل ابد واهتمي بنفسج اي
اوجاع تصيرلج فورا تجين

* ان شاء الله. والله راحت واجه بابا

لكانه جاهزين ومنتظرينه.  طلعنه.  بس شنو الطريق والازدحامات قافله.

وصلنه لبيت تلكني البنات يشبكن ويبوسن كلش مشتاقتلهم تاكلين

*اي. ما
متريكه  والله سوون رويوك اكلنه وخلصنه اجن خالاتي ونسوان خالي .  شنو

صدك اليوم عرسج شنو عدكم عركه متوازين ليش هذا الاستعجال لا بدلة لا

عرس لا شي. مرة خالي مصارلها هواي من تزوجت
مشترية بدلة عرسها

*جبتها من سمعت ميسويلج عرس وما تطلعين من البيت الى

بالبدلة شنو فصلية ماخذج البدلة تجنن جنها مال باربي.   والله كعدنه

نسولف ودك تليفوني ميقات ردت  اصعد والبنات يتغامزن وها وها

ويصفكن صعدت اول ما كلت الوو احتار بيا لغه يفشر ويغلط. شلون

كسرتي حجايتي واني كتلج ما اخذج الى  من المستشفى وشلون تطلعين

اجي لمستشفى اتفاجئه طالعين من الصبح هيج هيج منج واني اعلمج اذا

ما اندمج بسيطه الليله يمي. طحت بي وسديته بوجهة  نزلت مرة خالي

* شبيج وجهج نخطف هستوج وجهج يضحك.

*مابيه بس
شويه دايخه والله صار اذان الضهر اتوضيت وصليت والنوب صليت

ركعتين قضاء حاجه وبقيت ادعي ودموعي نزلت تلقائيا . يارب عينك

تشووف يارب اذا. ميقات ناوي على اذيتي انت قادر تخربها بلحظه يارب انت

اعلم بحالي. الطف بيه وقويني وانصرني. واسندني يا الله كلها

حيطان مائله ياربي اريدك انت سندي. لا اني حمل ميقات ولا حمل امه يارب

انطيني قوة الصبر والتحمل حتى اكدر اتعايش وياهم

اجت بنت اخويه

*عمه نونه تعاي تغدي 
والله كملت وكمت لكيتهم صابين غده. كعدنه تغدينه وفتت سبحت

وطلعت مرة خالي فنانه بالمكياج لبستني البدلة

قبل لا تمكيج كلتلها صدك شواربي مشخطه سويلياهن. سوتهن
وكعدت تمكيج. بس ابد