ميقات

الخامس والخمسون

احبج والحمزة
احبك. وسيد منيهل
كعد سند يبجي
عاط ميقات مو وكتك ابد ترة انت دومك مخرب علينه الحضات الرومانصيه

ههههههاي. شيفتهم هو وانت. من كل عقلك تعاتبه رجعت هزيته شويه الا ان رجع نام

ميقات تعال اكلك لا انسه

اجيت احجي 😉
عده شقه الموضوع جدي ترة

ولج احجي غير افتهم تتذكر من اجه امير والناس الي ويا
اي
جنت واكفه يم الباب اتسمع
اي وطلعت مارلين
تحجي شسالفه تحجين كلمات متقاطعه
وكعدت سولفتله المقتل من سالفه مارلين لموضوع اليوم
بالبدايه كال يمكن تعبانه خاف تتحلمين
بس من اتاكد من الكامرة كال فعلا اكو نص ساعه محذوفه
تخبل ميقات ضل يشيل روحه ويدكها
بالبدايه تندمت لان حجيت بس النوب كلت احسن ما اعرف شمضموم لو مدبر عاد عنده علم حتى لو ما اكو شي المهم الحذر واجب
وخصوصا سالفه جود. ركزت عليها
وجان يروح ويدفر الباب على مارلين
لج الكحب *الصاقط*
شبعها كتل
النوب السالفه الجديده المطلعتها مال جود لج انتي حرام كاعده بنصنه انتي شيطان لمي زبايلج وامشي اطلعي برة وحده عاهرة. لج انتي طلعتي الكحب * كسر بهاي افعالج تلمين زبايلج وتطلعين رغم كل الي سويتي واكفه بعيني امي وابوي بس على هاي سوايتج يا مارلين لو اشوفج محتركه اشمر عليج بانزين صدك اقرف اكول عدي اخت

بيتي يتعذرج امشي اطلعي برة روحي لكوادج

يبو شلون ورطه هاي
اني بدون كلشي مذمومه والنوب هسا
عاد هي ما تنفست تخاف ميقات
ترندح بالاستقبال ويصيح يله فضينه برة برة
شويه وشفتها طلعت
جان تباوعلي الج يوم حوري ويومج قريب وهاي طلعتي ومذلتي تندمين عليهن واذكرج

ما رديت على كلامها
غير بس الله يهديج حبي ما على المريض حرج معذورة الله يشافيج خلت وطلعت
النوب. اشوفه مفرفح خفت يسوي شي
معقوله محمد فوك ما سمع عياطه
صعدت والكا خال السماعات بأذنه وساد الباب
خاب تعال الحك ميقات طرد مارلين

ليش تنزل
نزلنه واسمعه يحجي بتليفون اليوم احرك واصلخ
دخيلك يا علي
ويامن تحجي
اسكت محمد مالك شغل
بس كلي
ويا رجل خالتك الكرن الكوا*
لهناك ما طول النص ساعه وندكت الباب ويفوت رجل خالته وسلوان وخالتهم
والمصايح مله البيت
وميقات يحجي وهم يحجون
وميقات يكول اذا الزمه اشكه بالنص عينه على مرتي ويحبها ويحجي اهنا وهناك اليوم اليوم ويتحلفله واخر شي شويه هدء صار هدو الاستقبال
اني رجليه ضلن يرجفن ساعه السوده الحجيت بيها عمي لو ساكته ابركلي من هاي المشكله
المهم سولفلهم السالفه
وطلعلي محمد تعاي حوري يريدج ابو سلوان يحاجيج فتت سلمت وكعدت
عمو سولفيلي القصه

ورجعت قصيت عليه سالفه جود وحتى نضراته الما مفهومه
وكال مستعده تحلفين على هذا الكلام هيج سمعتي من مارلين وعلى كل كلمه تهمتي بيها جود
اي مستعده احلف