ميقات

الواحد والاربعون

ما كان هذا القلب يوماً قاسياً..

وعد وعد ما يفرقني عنج غير الموت انتي اخت واعز والله يحوري

بس خايف من هذا الملعون امير خاف يطيح ميقات باشباكه
شبي هيج معمي معقولة نسة كلشي صار
اليوم من ارجع احجي واكله صرت زين بعد شعندك كاعد متطلع دور بيت نريد ناخذ راحتنه بيتنه

والله بقينه لمغرب كلش لحد ما اتصل بينه ميقات
تره متنه من الجووع شنو ماكو عشه هم يله تجين
اخذ. الموبايل مني محمد
وشسويلكم هي شنو مو يمك مارلين وامي كلش كلش ودو اكل من برة احنه اصلا بعيدين
ديله تعالو اتاخر الوقت
ماشي خله وسده
اوووف اووف
بلوة كومينه والله كريم
والله رجعنه
فتنه الوجووهه ما تتفسر حتى عمتي كالبة وجهه مارلين من شافتنه فاتت جوة ميقات هم
محمد كال شبيهم وجوهم تلطم امشي امشي معليج باحد اصعدي بدلي وصلي وهسا. اخذ من ميقات واروح اجيب اكل
خليت وصعدت
فتت. وما احس الا نركع الباب ميقات
شنو من تطلعين تنسين اهلج
شنو تدرين بمنو يوكف على الطباخ امي مريضه ومارلين ما تعرف

الصراحه حجيه صاير كلش ينرفزني. بس كل هذا وما طايقه ارد عليه خليت وطلعت ملابس هو من شافني ما حاجته اخذ محفظه ونزل. بدلت وصليت وبقيت كاعده بالغرفة وخابرني محمد
تعاي نزلي تعشي

لفيت شالي ونزلت. مارلين خلت الاكل وراحت للاستقبال الها ولميقات وللامير وامها وعافتلنه ع طباخ الي ولمحمد
خليته بصينيه وكعدنه ناكل شويه واجه ميقات طلع ليمونه من الثلاجه وركع الباب ما حجينه شي
كملنه وغسلت مواعيني وخليت القوري ع طباخ وحضرت الكلاصات جابت الصينيه مارلين جاي انظفها كالت مشكورة منريد انتعبج اني اغسلها
ما حاجيتها شي جاي اصب جاي اخذته مني
عووفي اني اصب لا تسوين اي شي النه بعد منريد شغلج بقيت فاكه حلكي معقولة هاي مارلين بلوة والله هاي الناس ما تنحزر خليت وصعدت بس شنو خانكتني العبرة
منا الوجع الي بطني ومنا المغثه من تلتم تلتم من كل الجهات
اوف ياربي شنو هذا البلاه الي خليت نفسي بي اني
حيل وياي استاهل كل الي صار والي يصير والي راح يصير وياي كاعده بيت اهلي معززة مكرمه محد. يحجي نص كلمه. وياي شجابني شخلاني اهنا والورطه الاكبر بساع حبلت خاف الي نيه اخلص من ميقات ما يتعدل ابد يبقه هو
هو

صارت 11يله صعد
ما حجه ورافع خشمه كلت بكلبي  عساك لا رضيت علساس. شلونك انت
بس بالجذب محسوده عليك خليت وكمت طفيت الضوة ونمت لليل واحس بقه. يبوس. ويحرك بيه سويت روحي ميته ما فزيت خله وعافني ونام كعدت الصبح هو لكيته كاعد ومبدل وطالع اباوع ساعه 9غسلت وصليت وعدلت الغرفه ونزلت
لكيتهن كاعدات مارلين وعمتي ومحمد صبحت محد منهن ردت عليه محمد كال صباح العافيه عليج خويه كتله متريك كال لا وين باقي منتظرج سالت عمتي ما حاجتني سالت مارلين ما حجت خليت وفتت لمطبخ سويت ريوك بس الي ولمحمد وكعدنه ناكل خلصنه كمت غسلت المواعين طلعت من الثلاجه لحم جاي اكصكص بي اجت مارلين شنو انتي متفهمين عربي كنالج منريد شغلج اصعدي فووك تفهمين لو لا