ميقات

الخمسون

صدك شنو كالك ع فيدوات شنو يفيدن باجر لا
والله كال من تجي افهمك
لان مو مال موبايل
تونه كعدنه نتغدة واندكت الباب. راح يفتحه محمد
طبن خالاته بس مغيمات

كالهن ها بشرن شلون صارت
ماتت مزن
لا كولي غيرها
والله ماتت
شوكت قبل ساعه
الا رحمه الله

هنا كالن هيج لو حسيت دنيا ضلت تفتر بيه ضلمت الدنيا بعيني  بعدها زغيرة مشافت شي من حياتها. لا اله الا الله

عاد ميقات صدك جذب يمعودين امر الله هذا هم السابقون ونحن الحاقون
الله يرحمها ويغفر الها
امين يارب
خطية. كالن لا صلاه  لا شي ما مستنظفين نفسنه
وما جايبين هدوم
عاد كلتلها خاله ملابس عمتي موجودات هي بطولج
تلبسينهن بين ما ينغسلن ملابسج وينشفن
ع بختج خاله
جيبي هاي من ريحه الغاليه فوز مسيت العافيه عليج يختي اجتج  اليوم مزن
وضلت تثغب وتنعي

شنو خالة اخذوها يدفنوها
لا خالة. بعدها بالمستشفى
احنه بس نسبح ونصلي
ونرجع حتى نروح لنجف
عاد طلعتلهن دشاديش عمتي بقت تبوس بدشداشه واطيتها خاولي فاتت تسبح
واطيت مني دشداشه لبت خالتهم وصعدت فوك تسبح
لبين ما سبحن واجن محد تعشه شلنه الصينيه

سبحن وتوضن وصلن
ردت اصب كالت خالة احنه اكلنه والله اني بيه سكر وضاربة الاونسلين ودخت من جوع ما لحكن جابلي اكل
واكلن هنا هم وياي  لان جعنه
رادن يرحن. كتله ميقاات روح وياهن عيب
لا محمد يروح اني عندي شغل واجي بس اكمله
عاد محمد صعد بدل ونزل
سلمن وراحن

رجعت حميت الاكل لان متغدينه  وكعدنه ناكل خلصنه لو سند هرج الدنيا علينه
يبو بس شمرت الصينيه بالمطبخ بدلتله حفاضته ورضعته دكيت ع ضهرها كلت خاف غازات هرج الدنيا النوب من يبجي يخردلني تخردل استغفر الله
النوب ايدي ترجف من سمعت بموتت مزن اتخيلها كبالي الله يصبر اهلها

حوري
ها
تدرين مساعه ما ردت احجي ما اريد اخوفج بس لازم تعرفين

المحامي لكه  اشياء بالموبايل بلاوي زركه يكول صار يومين فلست المحادثات تفلس الجهاز كله شاخله شخل
اي وشلكه
امير سايكو
شنو سايكو ما فهمت

اني هم بالبدايه ما فهمت بس بحثت هواي
اضطراب نفسي خطير
يا عزة كول والله
والله
شدراك. المحامي يكول قريتها بمحادثة مكتوب كاتم اسراري
طلع دكتورة تعرفين المرضه بهذا المرض يتميزون باسلوب اقناع وخداع والعدوانيه بسبب او من دون سبب
الدكتور يقنع بي لازم يدخل مصح ويتعالج بس حتى الدكتور ما سالم منه يهدد بي

هااا قبل قارية ع الي عدهم انفصال بالشخصيه من هلنوع. بس
يعني ينصاب بهذا المرض شنو مضروب براسه عنده ورم بدماغه متعرض لعتداء جنسي ما فهمت انت مو صديقه صارلكم عمر معقولة ما حسيت
لا والله ابد ما يبين عليه