ميقات

الاخير

والله وصلنه ونلكا محمد برة ويا سلوان
بس شافني عيونه غوركت اجه ضم راسه بجتفي وضل يبجي  اخ يا حوري

راحت مارلين وراحت ضحكتها
ماتت وما سامحتها
بقه يبجي مثل طفل الزغير

اخ شكد حملنه هموم واحنه بهذا عمرنه
بلكوة سكتو الولد
هاي اول مرة افوت

لمغتسل الاموات
المكان يقبض الكلب فعلا
هذا الانسان اهنا يكون تاليه بس شنو كوة

اسحل برجلي الا. ان فتت جوة تلكتني نضال وخالتهم ام فهد وام حسين وبناتها هم جايات

اني فتت واشووف مارلين شلون مدداتها على صبه المغيسل
لو اني حيلي باد

صدك الميت الا رهبته
لا لا ابد ما جنت متمنيه هاي نهايتج مارلين مو الج هذا المكان

ولج كووومي انتي مو جنتي متمنيه تصيريين دكتورة
ابنج المن تخلي
انهاريت كمت ابجي

واصرخ واحجي بعلو صوتي نسيت كلشي سوته وياي بلحظه  ولج كوومي من يرجع اخييج شكله

وين رحتي
كوة سكتني النسوان
وكالن هم يله ترة وراكم طريق طويل لنجف وميصير اكرام الميت دفنه

اني ما اعرف تعلمني المرة واسوي مثل متكوول
جسمها كله مورم وعليها اثار ضرب و

بطنها مشكوكه من الطول لطول جايبه بعمليه 💔

ما اعرف ليش بساعتها صورت كل الكدمات الي بجسمها وضرب وكلشي
يكولون الي تموت

بطلوك شهيده عد رب العالمين يارب اغفر كل ذنب اذنبته هاي البنيه
هاي ضحيه. راحت عد واحد ميرحم 

بني ادم  خطا وانت الكريم الاكرم
ارحمها برحمتك
لحد ما كملت ما حسيت طحت من

طولي سندني وكعدني وكملن تكفين.
خلصنها وحطنها بالتابوت ودننه ع الباب
وفاتن طلعت نضال صاحت الولد فااتو

طلعو. التابوت
والغريب من عيالها من خابرهم جود محد اجه ولا تعنه بدون وعي ردت اركب وياهم

لنجف بس ما خلوني لا محمد ولا نضال ولا ام فهد واختها ام حسين لا يمه ميصير انتي حامل فتي

مغيسل والمفروض ما تفوتين وغسلتي ميته ديربالج على روحج من التابعه يمه جود رجعها يمه

صرخت وراها بلا وعي روحييي مارلين الله ياخذ حقج و مسامحتج من كل كلبي
ومبرية الذمه. الليله

تنامين. بين امج وابوج خلي يدعون لميقات يرجع بسلامه النه وابنج امانه عندي حاله حال سند

يحضرج داحي الباب ويهون عليج. روحيي رحتي للحسن مني ومنج ومن الكل
رجليه بادن كعدت

بالكاع هذا بني ادم بس السان. اليوم يتامر ويسوي مشاكل ويخرب بيوت وما يعرف ممكن تكون نهايته اليوم