ميقات

الرابع والخمسون

ولا فارغتها كلت بكلبي بعد ايدي كوة سحبت روحها وفاتت جوة

شحصلت طلعت ندبغت وفاتت
شنو هاي من بشر عوذة الله يستر منها هم مريضة هاي هسا تطلع والله لعبت نفسي شوكت نخلص من هاي العالم
ما عدت الساعه واندكت الباب وتطلع نضال ليش خالة ميقات هي هاي ضلت من ريحه امك ليش داير عليها وكاتلها انت شعليك بطلايب النسوان تكتل اختك علمود مرتك صاير انت كلش ما تستحي فرد نوب طلي مريتك

شني طلي مريتي شتحجين انتي طلعت تسب وتلعن شي احجي على امير
اي حگها رجلها وما ترضه احد يحجي علي

ههههههههاي زربة احسن رجليش هذا الارعن هذا المريض بس هي ما عدها كرامه
لازكتله فرد لزكه هليوم اجه لا سال عليها ولا معبرها بس هي ما عدها احساس يابة شمربين بالبيت جنه
عجيب يله فوتي بدلي وتعاي ويانه
متروح.
لا تروح
ولك شو صاير تتعاند وياي
متروح واذا تطلع اكسر رجلها هاي الفاجرة
سمعت صوت احد حمحم وفات جود
كلت بكلبي اعوذ بالله وين الناقص عرف حضي
بقت تتقارش نضال ويا ميقات اشوفه شفته صارت زركه صرت بينهم اثنينهم كلتلها خاله هدي شويه
ميقات تعال اكعد اطيته مي يشرب واطيتها مي تشرب

كالت ليش خالة مو انتي بت اوادم وهي يتيمه ليش تحرضين رجلج على اخته

خاله شفتي بعينج احرضه سمعتي باذنج
لا بس مارلين
لا بس ولا شي
اني اسولفلج ومستعده تحلفيني وتحلفيلها
وها انتي كلتي اني اعرف بكلشي يصير معقوله هسا ما تعرفين ويا منو الحق
طلعت لا عافت ابو ولا جد ولا عشيرة وفشرت على ميقات وغلطت نكز كتلها يشهد الله عليه لا محرضته ولا الي علاقه بيها ومتكفيه خيرها من  شرها بس هي خاله كورهه وكوري
صاحت يله مارلين امشي كلها متروح كتلج

تقربت لميقات حبيبي اهدء وصلي ع نبي
اللهم صلى على محمد وال محمد
خليها تروح ويا خالتها خلي تبرد سالفه كم يوم وتجيبها هسا هي ضاله اهنا محد يحاجيها خطيه خلي تغير جو

شفتي هاي الفطيرة تحرضني عليها
امده كلبج اي والله

عاد هي كامت وكفت بالباب بساع طلعن وراحن

ما الله يخلصني من امير ومارلين وجود بفرد ساعه قادر يا كريم خلصني من هاي الناس المحيلة والله تعبت ضاكت ومن عدك الفرج ملمومين عليه شله عفطيه

عده اسبوع على هلوضع ومارلين اجت. بس ابد ما تطلع بس ع وكت حاجتها
الا اليوم
فزيت على احد يمسد على شعري اكيد ميقات لو هو لو ابنه
خاب خليني نايمه نعسانه

بس ما اكدر افتح عيوني من النعاس.  بقيت اتمطرح شويه  ويا فتحه عيني بجه سند بس ماكوو احد شنو معقولة اتخيل اعوذ بالله من شيطان الرجيم ميقات مو يمي شلت سند طلعت ماكوو احد اباوع باب غرفه مارلين مسدود عجيب. هاي اني راح اتخبل من كد ما افكر بذول الزبايل والله
بس لا متاكده اني جان احد بالغرفه وكعدت على حركته ما معقولة اتخيل
خل اشووف الكامرات يله اطمئن
رجعت تسجيل. ماكوو شي اباوع شنهاي. اكو نص ساعه من تسجيل ماكوو شنو ممسوحه منو ماسحها
لا اهنا فعلا لعد اكو احد جان بغرفتي دخيلك يا علي النوب صرت صفرة من الخوف منو هذا وخاف بعده بالبيت معقولة مارلين تخوف بيه لا ما اضن
رجعت فتت لغرفه خابرت على ميقات يدك وما يجاوب
استغفر الله ربي
شمرت الموبايل صعدت فوك لكيت الغرفه مفتوحه ومحمد ماكو هم طالع
كل هذا وسند بيدي
بقيت افتر بالبيت مثل المخبلة نزلت جوة اخذت الموبايل ورحت كعدت بالكراج
الله لا يعيش احد بالرعب الي اني بي