ميقات

الاربعه والاربعون

- ‏لا تسمح لليأس أن يتسلّل أسوار حياتك كُن ثابتاً أمام مُنعطفات الحياة ومتغيّراتها

منو انت اخي
اني مبلغ عندي تبليغ من المحكمه ممكن تستلمي وتوقعين تبليغ مال شنو

اختي استلمي وانتي تعرفين اجيت افتح الباب والنوب ترددت خليت وتراجعت اسفه اخوي انت اني ما اكدر افتح الباب ولا استلم زوجي ما راخصني تكدر تجي من يجي من دوامه بعد شوية
اختي يا دوام هو تبليغ استلمي وهاهيه
خليت وفتت جوة كمشت التليفون طلعت رقم ميقات متردده بس دكيت خفت خاف لعبة خاف شي النوب اني وحدي
اول دكه ها حوري بيج شي صاير وياج شي
لا مصاير بس. هسا ندك الباب وحجيت من ورة الباب يكول اني مبلغ. ويريدني اوقع واستلم تبليغ وما فتحت الباب
ابد لا توقعين ع شي ابد اني بطريق راجع. كليله تريد تنتظر زوجي بطريق متريد براحتك طلعت كتله عيني زوجي بطريق وقريب اذا تحب انتظرة
ما حجه توقعت راح خليت وفتت جوة بس اني كلش خايفه من هلبيت احس بي شي غريب. طبخت تمن احمر وكليت سمج وعدنه روبة وزلايط والفواكهه حضرتها
ما عدت. تقريبا 40دقيقه وفات ميقات. حتى سيارة ما مفوتها يفور ويتبدة
شكو. صاير شي
كولي شنو الي ما صاير
اختي الي من لحمي ودمي مشتكيه عليه اني السبب بتسقيط ابنها مو تبليغ تبليغين وهذا تريد حصتها من الميراث. تريد توكف ضدي بالمحاكم شنو مربيلنه كحب *واحنه ما ندري.

هاي اكيد افكار امير مارلين متطلع منها
حتى لو افكارة ليش تسمعله
مثل ما انت سمعتله وامنت بي وثقيت هي هم هيج فا لا تلومها لان هو شيطان بهيئه انسان
وشراح تسوي
اكتل امير واخلص منه
ماكو غير حل اكتله واكتل مارلين
ع حجينه فات محمد كال شكو يا ستار شصاير وتريد تكتل. سولفله ميقات محمد كال لا لا مستحيل نكون احنه اخوان مستحيل معقولة يعني. هيج محبتنه مهزوزة ومنو يجي يكدر يهزها خلة وكام ميقات سبح وصلة ونزل اني صبيت الغدة تغدو وشربو جاي وراحو للاستقبال يمكن يتفقون ع شي اني هم كملت شغلي جوة وصعدت. فوك. شوية وصعد ميقات كال راح اناملي ساعه وكعديني نريد نروح لمحامي نشوف شنو الحل
والله لعصر نسيت اكعده من دك الباب محمد وكلي شنو يروح لا
كتله يا نسيت
ع سريع كعدته باوع على الساعه. محجه شي بس غسل وبدل وطلعو قفلت الباب وراهم. وره طلعتهم بدقايق اندكت الباب كل ضني نسو شي ورجعو عليه فتحت الباب بدون ما اكول منو واباوع واشوف نسوان 4منقبات وطوال وضخمات. كلتلهن ها عيني. وما احس الا ندفعت من الباب وفوتني وفاتن وسدن الباب ودفعني بالكاع وطاحن عليه ضرب بس حميت بطني الضرب كله ع رجليه وضهري لحد ما اغمه عليه وما حسسيت بشي بعد هنا خلن وطلعن ع سريع
اني بين الصاحيه والمغمي عليه ما اكدر احرك اصبع

بقيت اتلوة من الوجع. احس بطني تكطعني غصبت نفسي بقيت اسحل بنفسي واني نايمه فتت جوة خاله موبايلي ع كرويته سحبته وخابرت على ميقات من اول دكه كتلة ميقات الحك وطاح تليفون مني وكعت بعد ما حسيت ع شي ابد