ميقات

السادس والاربعون

هههههههه والله حبيت الفكرة راح اصير دلااله ابيع واشتري
تمام لعد احاجي المحامي اخلي يبلش بالاجراءت حتى. اسحب.
ذكريني العصر خاف انسه اخابرة نمنه لعصر كعدت ع بجي سند كمت راسي يدور وعيوني كوة مفتحتها. رضعته وكعدت اهزز بي. شويه وكعدت ميقات كتلة الساعه 4;30
بقه يتكلب بالعشر دقايق
يله صحصح وكام. اني سند نام وصيت ميقات عليه واستغليت الفرصة فتت اسبح

نجي نسرع الاحداث شويه 🏃‍♀️
اليووم موعد المحكمه
طلع محمد وميقات من الصبح بس شنو ميقات اعصابه تلفانه كلش
صارت ب 12وهم ماكو اخابر يدك وتخلص دكه وماكو ومحمد هم ماكو كضيت كلبي بايدي يارب جيب الواقب سليمه
والله ل 12:30يله فاتو ميقات ينفخ نفخ من العصبيه اني ما حاجيته خله وفات للاستقبال وسد الباب
شكو محمد خير شصاير
لو شوفين شصار بالمحكمه النغل امير يسوي حركات كدام ميقات وميقات شال روحه ودكاها بالكاع ومارلين السوالف والضحك ولا جنها كاعده كبال اخوتها ولا تباوعلنه

واليوم من دون الايام القاضي هذا صايره عليه كتل من فتنه جان يكول قاضيكم انتقل والدعوة ما مدروسة واجلها. ليوم 20بشهر
اووة راح تصير شطولها
تدرين حوري شكد كرهت هلمكان بودي اهج من العراق كلة بس خل تتحسن اموري الماديه وينجح المشروع. اسافر ويحولولي ارباحي لخارج واضربيني بنعالج اذا رجعت بعد
صدك شتكولين لو باجر انروح احولة باسمج. ما دام فلوسي واستلمتها 😂خاف اتراجع وما احوله

وسند وين ابقي. منطول ترة المحامي كال اني وياكم منطول هواي خوش اشوف ميقات واخابر امي تبقه يمه لبين من نروح ونرجع تمام شنو مسويتلنه غدة ميت من الجوع اي تمام خل اغسل واصلي واجي تمام
فتت حضرت الصينيه.
وفتت يم ميقات لكيت الاستقبال مدخنه
بقيت اهدي بي. واصبر بي وجبتله سند خليته بحضنه شوي يله. تحسن مزاجه بقه يناغي بي شويه وكتله جيبه يله كوم غسل وصلي حتى اصب غدة كام. بدل وصله وكعدو يسولفون. صبيت الاكل وجبته ومحمد كاله ع موضوع تحويل كله اي عادي روحو بس سند شلون كتله اخابر امي ما كال لا خلصنه غدة وشلت الصينيه جاي اغسل بالمواعين وندك الباب واسمع صوت خالتهم نضال وراها ابرار ومزن . كلت بكلبي لا هلا.
شنو لا تسألون لا تكولون افه عليك وانا امك عود
والله يا خاله حقج بس ملتهين. والله يشهد اسألي حوراء ما ناسيج والله
مزن ههههههه. صاير يشهد مرته
ما شاء الله مرتك طايحلها صايرة ام البيت هم تامر وتنهه لا عمه لا حمايه. ضل البيت لم طيرة وطارت بي فرد طيرة

امها. خزرتها سكتت
راحت. جبت مي وخليته يمهن وسويت جاي
جان خليته يمها
ما اريد اني حالفه ما اكل شي من ايدج
عفووا
اي والله.
اهنا عاد اني طكيت
حبيبي. الي اعرفه الخطار من يجون يكعدون باودمهم انتي خطار يا تحترمين الناس الجايتهم او. الافضل لا تجين ليش تحسسينه مسويه علينه منيه لان جايتنه محد مودي عليج ترة جبتيها من اول ما شفتيني لهسا كل ما تصحلج فرصة تشمرين حجاية. واكول عيب وميخالف وخطارنه
بس الظاهر انتي لا يفيد وياج عيب ولا احترام
ولو عندج كرامه لا تجين ولا تشوفيني وجهج ع كولتج البيت بيتي صار لا خالتج موجودة ولا بت خالتج و
خليت واخذت ابني وفتت وسديت الباب لهناك وسمعت حجي والنوب صار هدو كلت هسا راح يهجم ميقات شيخلصني منه النوب
يله المهم فوخت كلبي بيها
شوية وانفتح الباب ميقات ومحمد بقو يباوعون بوجهي والنوب شبعو ضحك ميقات عاش السانج والله فوختي كلبي ومحمد اي وعلي كلبي مورم منها
بعد ما طبيتي خالتي شبعتها دمغات وكامن راحن