مساء الورد وعطره على القراء اللطيفين
أبشع مايحدث للإنسان , أن يُجبر
على الإبتعاد
عن الأماكن التي كان يألفها , و يُجبر
على المكوث في مكانٍ
يَحرقُ روحه , يُعذبه بِمُفردهِ.
تعليقاتكم على فقرات القصة تحفز الكتابة لدي
ابو امجد.. لا مو عمج اني اصير خالج
.. نعمم؟؟
الجد.. ابو امجد اشرحلها الوضعية بسرعة هم ورانة طريق نريد ناخذها ونروح لبغداد
.. وين تاخذوني انتو منو اصلا؟
.. شوفي بنيتي محمد اخوية هو وزوجتة الله حرمهم من الذرية وصارت امنيتة بالحياة يشيل طفل بأيدة ويصير الة.. وحلف هل طفل يدللة ويطلعة اقوى انسان ويوعي على الواقع
حاولو هواي مع الدكاترة بس مع ذلك مانرزقو بطفل
من صار عندي اني ثنين ولد طلب مني ابني ماهر لكن اني رفضت رفض قاطع لان مااكدر مهما يكون ف يبقى هل طفل ابني بوقتها حسيت اخوية نكسر بس ماباليد حيلة ثنينهم غالين على كلبي بس الضنى اغلى
مرت اكثر من سنة وهمة بحسرة الطفل بس الله فتح الهم باب يمكن انطاها بلاء لأختي بس اغتناء لأخوية
والي هو زوج اختي كان يكره البنات كره العمى وجانت اختي صعب حملها كلش مااعرف يمكن وراثة عدنة منكدر نجيب الاطفال بسهولة بس اني طلعت من هل دنيا بثنين ولد
اعذروني يالحاضرين هنا على كلامي بس ابنكم دفر النعمة برجلية فوك ماالله رزقة ببنت كام وتبرى منها وماكو واحد منكم صدة عن فعلة كلكم كلتو بكيفة بنتة وحرة بي صح ماانطاها لغريب هم اكرم بيها اخوية بس ماانطاها حبا لأخوية لا انطاها كرها ببنتة
غرام.. كاعدة واسمع الكلام مااعرف اصدك او لا انطاني كرها بية ليش شسويتلة اني حتى يذبني
الجد.. ممقبول منك هل كلام احنة ماادخلنة لان هو ابوها وهو حر بيها بس قسم بالله هذا تفكيرنا سابقا مو هسة وتندمنة بكد شعر راسنة بعد مامات كاظم "اب غرام الحقيقي" وكانما الله اخذ حق هل طفلة بأخذ روحة
ابو امجد.. وموتت اختي. اختي هم ماتت من القهر ماطولت سنة بعد جبرها تنطي بتها من ورة نار كلبها ماطولت وماتت وراها هاي كلة خطية بركبتكم لو مبقين بنتها يمها جان صار كل هذا؟ جان هسة اختي عايشة وتربي بنتها وتكبرها بس انتو ساندنتو ابنكم لان ماشاء الله كلكم خلفتكم ولد ف شلون كاظم يجيب بنية كعدتو تقارنون وكرهتو بالطفلة البعدها ماولدت اصلا
الجد.. هاي المواضيع قديمة وان نفتحت ف راح تفتح جروح وياها كومة الانسان يتندم بعد مايطيح الفاس بالراس حسيت بألم ام غرام من مات ابني كاظم ومستعد اقدم كلشي لبنيتي غرام واعوضها عن الصار
ابو امجد..تمام ان شاءالله خير
ماراح اضم وراح احجي كلشي حتى تبدين حياة جديدة حياة صادقة
ابوج راد ينطيج لناس غربة بس من سمع المرحوم محمد ركض لبغداد وكال اني اتكفل بيها واحطها بعيوني بس ماقبل كاظم لان جان متفق وية جماعة على 100 الف وال100 الف بذاك الوقت جانت تحجي والها سيطها
كام محمد باع العندة والماعندة بس حتى يوفر ال100 الف وجابج ياغرام
