ساء الورد والياسمين عليكم جميعا
جبل.. اكيد لا، شلون اهجم بيتي وعائلتي
.. لعد ماألك علاقة وخلي الامور كلها تمشي والخميس الجاي الخطوبة
سامر.. جدي صلي على النبي شلك بهل السالفة بعدين شبيها غرام حتى تاخذ مرتضى شو لا هي جبيرة حتى نكول تريد تخلص منها ترة كلها عمرها 22 سنة على شنو مستعجل
الجد.. احسن ابن عمها ويستر عليها ليش تضل متجهولة منا ومنا، ومنو يكول اني دايم الها، بعدين شبي اخوك حتى لهل درجة مستكثر علية غرام
سامر.. انت كلتها هو اخوية يعني اكيد اتمنالة الخير بس بنفس الوقت غرام بنت عمي وهم شافت وجع بحياتها لحد ماكالو كافي، وبنفس الوقت ماخلصو النسوان اني احب تقارب الاعمار مرتضى دخل لل41 سنة اذا تردون تزوجو اكو كومة بنات عالم وناس عمرهن ب30 خطبولة وحدنة منهن، وخلي غرام هم تاخذلها شاب
غيث.. صراحة اني وية كلام سامر، لان ماكو توافق ابدا بين غرام ومرتضى شخصياتهم مختلفة ومتباعدة، وبعدين احنة بيا زمن الة تاخذ ابن عمها؟؟ خليهم همة يختارون
الة في حال غرام جانت موافقة ورايدة هذا الشي بعد منكدر ندخل لان هذا اختيارها ورأيها والله يكتب البي خير الهم ثنينهم
سامر.. جا وينة مرتضى شو مافد يوم لمح انو يريد غرام او فد يوم يحجون سوة، بعدين مااعتقد مرتضى يريد يزوج
الجد.. غصبا ماعلية يزوج
غيث.. ليش غصبا؟؟ صاير شي
.. لا ماصاير بس هذا قراري ومحد يكدر يخالف قراري والبي خير خلي يكول لا
جبل.. لا
غرام اني المسؤول عنها واني ازوجها بأختياري، صارلها 4 سنوات هنا شو مافد يوم سألت عنها اذا لهل درجة خايف عليهة؟؟، اني جنت متكفل بيها وراح ابقى اتكفل بيها ومحد يدخل بهذا الموضوع
الجد.. جان استحيت على نفسك رجال شطولك شعرضك مزوج وشبعان، متريد ابن عمك يزوج؟ تريد تلمهن كلهن جوة ايدك
جبل.. عيب عليك انت رجال جبير المفروض متطلع منك العيبة، وبهذا كلامك هنت عرضي وعرضك
علي.. كافي جبل شهل كلام هذا، ترة هت كلة زواج اذا وافقت غرام خيرا على خير، يتم الزواج وابوك الله يرحمة، ماوافقت كلشي ينتهي وينغلق الموضوع بس لتجاوز على الجدي الزم حدودك، ماجاي نتعارك احنة
الجد.. غرام موافقة، وماعدها مانع، اني ماجايب الكلام من جيبي واذا تردون انتو سألوها
غرام.. من رجعنة من الدوام جبل دخل للأستقبال واني ردت اصعد الغرفتي بس سمعت حديثهم جان علية ضليت واكفة واسمع، تفاجات هذا جدي شنو جاي يحجي، معقولة يريد يزوجني لمرتضى؟ تصليح الغلط بغلط اكبر معقولة بنظرهم هو هذا الحل؟! يعني جدي ليش ماحبني ابد، اني هم اصير حفيدتة ليش مثل مايريد يطلع مرتضى من الغلط ويسوي بريئ خلي هم يطلعني بدون مايخسرني ويكسرى لكلبي
