صباح السعادة والفرح لقلبكم
غراااام
التفتت على الصوت وتفاجأت
بوجود عمتي ايمان
ايمان.. غرررام شنو هذا السمعتة؟؟ صدك تحجين انتي؟
غرام.. عمة انتي شسوين هنا
.. شعليج شسوي، صوتج واصل لسابع جار واجيت اشوف شكو، بعدين شبي مرتضى ليش وجهك دم هيج، احجووو مو وكعتو لگلبي
مرتضى.. عمة لتفهميني غلط والله كل السويتة مو بقصدي
.. ليش شنو سويت انت؟ احجي
ضل يفرك بكصتة وتوتر
.. يمكن اذيت غرام بس اقسم بعظمة الله ماجنت بوعيي وفاقد
.. عزززا بعينك يامرتصى شسويت للبنية انننت احجي ياسكط شسوويتلها
ضل ساكت شوية وكام يبجي
.. والله مو بقصدي والله والله
ايمان.. غرام انتي احجيلي شكووو، او امشي تعالي لغرفتج خلي نحجي، وانت يامرتضى والله او اعرف ميأذي شعرة من عدها اشرب من دمك وخنشووف منوو يوكف بوجهي
طلعتي عمة من الغرفة ورحنة لغرفتي
اجددت علية كل الألام وعبالك اليوم صار الحدث
كعدت عمتي تستجوبني واني والله العظيم مابية حيل كلمة وحدة احجي
انفجرت بوجهة وكمت ابجي
.. اييي اخذ شرفي وشمرني اي تسلل بنص الليل لغررفتي بس حتى يشبع غريزتة الحيوااانية بية، دمر مستقبلي وخلة ثقتي بنفسي تنهز دمررني وانهكني يااريت مااجيت يمكم يااريتني باقية بالشوارع يمكن ترحمني اكثثر منكم
ضلت متفاجئة ومتعرف شنو تحجي بسرعة شبكتني وضلت تهدئ بية وراها شالت راسي ومسحت الدموع
.. وهسة احنة شنو نسوي؟
.. مااعرف مااعرف
ايمان.. لازم نكول لجبل
.. لا عمة حبابة مااريد شخص يعرف والله انقهر ومااتحمل بعد اباوع بالوجوه، كلش نفسيتي مدمرة على الاقل هسة اكدر امثل واكعد يمهم واسولف يمكن هذا التمثيل يفيدني شوية بس اذا عرفو مااكدر بعد كلشي اسوي بحياتي
.. منكول لأي شخص بس جبل، لج ماما جبل اني ربيتة بأيدي رجال وواثقة من تربيتة والله راح ياخذ حقج مربع ويصكرة لهذا مرتضى
.. عمة بس اني اخجل كلش من جبل خاصتا اذا عرف بهذا الموضوع، ماجاي تحسين بشعوري بس اني ماحابة ابدا اكون بهيج ضرف واريد حتى اجذب على نفسي انو ماصار هيج ومامتعرضة للاعتداء شلون ترديني افتح باب جديدة علية واكول للكل؟
.. زين انتي تردين حقج لو لا؟
.. اي اريدة
.. خلص لعد شلون راح تاخذي وحدج بدون سند
.. اني سند نفسي ومااريد شخص يوكف وياي، خاصتا جبل
.. ليش؟؟
.. لأن راح تتغير نظرتة تجاهي
.. عجيب أمي شبيج انتي، وقت تغيير نظرات هسة لج لازم يعرفون
.. مااريد
.. لعد اكول لجدج
.. عمة صدك تحجين؟؟
.. اي صدك احجي، لج جدج يريد يزوج قبل شهر اجو خطابة وبسرعة راحو لجدج مااجو النة النسوان حتى نرفض من يمنة لان انتي متقبلين تزوجين بسرعة راحو لجدج واني كتلة اجلها شوية لان شفتج تعبانة، بس رجعو قبل اسبوع ويردون خبر
