مرحبا ياحلوين 🖤
تفاعلو على فقرات القصة بتعليقاتكم الحلوة ❤
غرام.. شوية وحسيت صوت طكطة ونفتحت الباب الخارجية
دخل ولد عرفت يكون واحد من ولد عمامي كمت من مكاني حتى ادخل جوة.
جبل.. ثواني منو حضرتج؟
.. اني غرام
.. اي وقابل هسة عرفتج اني منو غرام؟
.. اذا ماعرفتني اسئل جدك باجر وهو يجاوبك
انداريت حتى ادخل جان يرجع يصيحني
.. اذن انتي بنت عمي كاظم
.. اي
.. وشعندج طالعة نص الليل بالحديقة
.. بلا زحمة وانت الك علاقة بية؟
.. لتطاولين سألتج سؤال جاوبي
.. شوية اسلوب بطرح السؤال خلي يكون عندك، محد مسؤول عن الثاني هنا كلمن مسؤول عن نفسة ووفر هذا السؤال الك وهسة تصبح على خير اريد ادخل
جبل.. اني سألتج لأن هاي الحديقة محد يطلع الها ولا بنية عدنة بالبيت هنا تطلع لهاي الحديقة حتى نسوانة الكبار
.. وليش؟
.. لان الحيطان ناصيات وممنوع وحدة تطلع هنا
ماجاوبت علية دخلت جوة وبوجهي لغرفتي فوك رجعت نمت وكعدت ثاني يوم على صوت باب غرفتي كمت فتحتها وطلعت بوجهي ام سامر
.. اذا خلصتي نومتج كومي ساعدينة بالشغل
ماردت اجادلها هي نزلت واني سديت الباب وبدلت ملابسي ونزلت دخلت للمطبخ كل نسوان عمامي واكفات بالمطبخ ووجهن ميكصة الموس على شنو ماادري
بس عادي اكيد هاي ردة فعلهن خو ميستقبلني بالاحضان سبق وباعوني قابل هسة يحترموني
مرتضى.. غرام سويلي ريوك وصعدي فوك لغرفتي
.. ماشي
سويتلة ريوك وصعدت لغرفتة دكيت الباب حتى يجي ياخذ الصينية بس هو صاحني ادخل للغرفة ضليت واكفة بالباب خايفة ادخل
مرتضى.. وينج غرام يلا دخلي اريد اتريك جعت
فتحت الباب ودخلت جان هو بالفانيلا ماعجبني تصرفة ابد نزلت راسي وحطيت الصينية بالكاع وردت اطلع
.. شبيج ضجتي لان سويتيلي ريوك؟
.. لا
.. لعد ليش تردين تطلعين ومستحية
.. ماكو شي بس عندي شغل جوة اريد اكملة
فتحت الباب وطلعت ضليت واكفة بالصالة الفوك
هاي الصالة تصير جبيرة دائرية وبيها 6 غرف
5 للولد ووحدة الية احس نفسي متضايقة بنصهم صح غرفتي معزولة وحمامي بداخل الغرفة بس مااعرف اني مااتوالم وية جنس الولد نهائي وافضل ابتعد عنهم
جبل.. صباح الخير
.. صباح النور، تفاجأت من شفت لازم بيدة صدرية بيضة مال اطباء معقولة هو طبيب؟ صدك هنيالة اني ماكدرت احقق حلمي وحلم اهلي واجيب طب
جبل.. البارحة صار سوء تفاهم واعتقد ثگلت بالكلام وياج انتي بمقام اختي ومارديت يصير شي غلط محد يقبل البنات يطلعن بهاي الحديقة اكو حديقة ثانية مسيجة تكدرين تكعدين بيها براحتج
