صباحكم جميل كجمال قلوبكم
شكرا على تفاعلكم بالبارت السابق حبيبت تعليقاتكم على فقرات القصة استمرو❤
مامرت ساعتين كاملات واني جوة ايدة طلع من الغرفة بهدوء ولا كأنما مسوي شي
واني شبه ميتة على الفراش
تمنيت بذيج اللحضة لو الله ماخذني وية اهلي ولا معيشني وادمرت حياتي
مرتضى
مرتضى
هل اسم يرن بدماغي صرت مهووسة بأسمة مااردد غير مرتضى مرتضى
ابن عمي المفروض يكون سندي ومصدر قوتي اخذ عذريتي واشبع غرائزة الحيوانية بية!!!!
جنت مأمنة من ناحيتة ومااصدك حاط عينة علية،
تمام جنت اكول يباوع على بنات الناس بس مستحيل يأذي عرضة وحتى اذا وصل ورسم نية علية اهينة واهين كرامتة
بدون سابق انذار استغل وقت الكل نايم ودخلي
صارعت ودافعت بس ليش ماكدرت احمي نفسي؟ ليييش!!!
شنو يعني اني حاليا مو بنية؟ واني متعرضة لأغتصاب مو المفروض ابجي؟ مو المفروض يوجعني كلبي وتنسد الدنيا بعيني؟؟
شو اني مااحس بكلشي بس صافنة؟ زين شلون الانسان يكدر يحجي شو مدااكدر اتكلم والحروف متطلع وياي؟؟
اريد احس بالدموع؟ وينهن دموعي ليش ماجاي ابجي؟؟
مرتضى مااخذ بس عذرية غرام مرتضى اخذ مشاعري واحساسي مرتضى اخذ كياني وانسانيتي
من توفو اهلي كلت بيني وبين نفسي ولدت غرام جديده وقوية تحارب الكل بس كذب مانولدت من جديد وبقيت نفسي سامحت الباعوني وكعدت بنفس البيت وياهم ولطيفة وياهم بالكلام، المفروض اكون قاسية وياهم وكل يوم اذكرهم بعملتهم
صح ماجنت احجي واسولف واضحك وياهم
بس صرت خدامة الهم تنضيف وغسل اماعين وحتى غسل هدوم كمت اغسلهن من غير ترتيبات وشلت البيت كلة اني، اما بالنسبة لولد عمامي ف جنت دائما انظم وياهم للكعدات وماعتبرتهم غربة بالعكس كلت ذولة مثل اخواني ولازم اكسبهم حتى اربح
وبنفس الوقت كملت دراستي وتخرجت وتعينت كل هل مواضيع سويتهن وحدي بدون سند وحتى بدون كلمة طيبة من شخص!!
وجان عمري 18 وهسة 22 وسنة
كلت هاهية دخلت لل22 سنة واهم خطوة صارت بهذا العمر هو التعيين واني تعدوت على هاي العائلة الجديدة وصار عندي زملاء وزميلات بالدوام وحياتي تطورت، وجنت متونسة لان كمت اشتري ملابس على ذوقي لان من فلوسي وراتبي بس سابقا ماجنت اتشرط ولا اطلب فلوس شنو تجيب عمتي البس ومااكول ماعجبني وولا
لأن عيني مليانة بس مو مليانة فلوس لا، مليانة ثقة بالنفس ومليانة حبي للنفسي بحيث ماجنت اهتم للأمور المادية بكثر مااهتم لتطوير عقلي
