مرحبا حبايبي الحلوين ❤
انطلقو بتفاعلكم الجميل
خفت وخفت كلش خاف يطلع بهذا التحليل اني متعرضة للأغتصاب
ردت اكوم واكول مابية شي واطلع من المكان كلة ومااسوي تحليل نهائي بس عيوني مسدودة ومااكدر اتحرك نهائيا
اجو سحبو من عندي دم وراحو ضليت نايمة على السدية وضغطت على نفسي كلش بس حتى اكوم
جبل.. وين كايمة نامي ارتاحي، علما يجيبون التحليل واريد اشوف شبيج ونعالجج
.. مابية شي اريد ارجع للبيت
.. ارجعج ميخالف بس خلي اشوف نتيجة التحليل
.. لا لا مااريد لا تحليل ولا غيرة اعرف مابي شي على شنو هل تحليلات
.. مو بكيفج اني اريد اطمئن
..جبل كتلك مابية شي
.. وانتي ليش هيج تحجين وياي بنترة؟ احترمي احسلج
.. من المقابل يحترم نفسة اني احترمة
.. شنو قصدددج؟؟احجي عدل ولتخليني اسوي شي ميعجبج
ماجاوبتة لان جد كلش ماطايقة لا نفسي ولا طايقتة
كرهت الزلم كلهم ولا احب احجي وياهم كلمة وحدة وخاصتا البلهاي العائلة ضليت كاعده وحاطة ايدي على راسي لحد مادخل ابو التحليل
اجة حط التحليل على الطبلة مال جبل وطلع
راد ياخذ التحليل جبل كمت على السريع واخذت التحليل مزكتة كلة
كام هو من مكانة عصبي ونكلب مثل الوحش اجة علية ولزم ايدي حيل
.. شهل تصرررفات الطفوولية هاي؟؟ ليش مزكتي التحليل مخبلة انتي مخبلة؟
.. نزل ايدك
.. ماانزلها ولتغيرين الموضوع لييش مزكتي التحليل؟؟
.. نزلها احسلك
.. غرام!! هاي اني تحجين وياي هيج؟
.. اي نعم، ونزل ايدك افضل ألي والك
.. جرني حيل من ايدي وطلعني برة المختبر ويسحل بية سحل واني دايخة ونفسي تلعب كلش دخلني داخل السيارة واجة ركب السيارة وضل يسوق وهو ساكت
كل ظني راح يوديني للبيت بس شو تأخرنة والطريق طويل رفعت راسي شفت طريق عام ودنمشي بي يعني دنطلع خارج بغداد
غرام.. وين ماخذني؟
ماجاوب
ضليت اعيد 3 مرات وهم ميجاوب
ضربت السيارة حيل وكتلة ويين ماخذني؟؟
جبل.. اول شي هدئي مو طفل يمج اني حتى تصيحين علية ثاني شي عيب عليج عود انتي جبيرة وواعية ومثقفة يكون اسلوبج لهل درجة دنيئ؟
وفوك كل هذا اني اكون ابن عمج يعني غصبا عليج تحترميني
.. يعني اذا ولد عمي ادوسون فوكاي وعادي؟
.. ادوس على راسة ليدوس عليج مو هذا الاقصدة اني، جاي اكلج اني ابن عمج واكبر منج ف لازم تقدمين الاحترام الي
وهسة اني موديج للنجف نروح للمقابر زوري اهلج ونروح نزور الامام علي وباجر نرجع للبغداد
