سلام عليكم جميعا
غرام.. التفتت شفت جبل واكف بالباب وعيونة يردن يطلعن من مكانهن، سمع كلشي
اني بس شفتة عبالك طفلة وشافت لعابة تريدها ومحد يشتريها الها ضلليت ابجي ووكعت بالكاع
جبل.. بسررررعة وبدون مراوغة لسمعتة صححح لو لا؟؟؟
الجد.. اهدئ جبل ونصي صوتك ليكعدون
.. لا انصي صوووتي ولا اهدئ، احجيي صح لو لا
ضل ساكت جدي
اجة حيل وكومني
.. احججي انتي لتضليين ساكتة، مرتضى مغتصبج؟
هو بس كال الي هيج بسرعة نزلن دموعي ونزلت راسي، هو ضل يعصر على ايدي حييل بحيث مكانها صارت زركة
هزني بكل قوتة
.. احجيي
الجد.. جبل لتعظم الامور، ابن عمك غلط واعترف بغلطة واعتذر، شنو قابل احنة انبياء منغلط؟؟ بعدين احنة نريد نطلع بأقل الخسائر، لان بس نكول فلانة متعرضة للاعتداء من ابن عمها ينضرب عليها اكس
.. ترة انتوو راح تفجرو الراسي، عود انتووو صدك تحجون، مستوعبين الكلام الجاي تحجوو، هذاا اعتداء اعتداااء
وقسم بعضمة الله اذااا مااحاسبكم على برودة الدم هاي ملاتكم، احنة مو انبببياء من نغلط ونذب وية رب العالمين منصلي منصوم، مووو نكعد نغتصب النااس
بس هذا دوا يميي اني
عت ايدي حيل وركض طلع من الاستقبال
الجد.. ارتاحييتي هسةة؟؟ ارتاحيتي من راح تصير مشاكل بين ولد العمم علمودج، مو اعتذر وكال اني اتزوج وهاهية، لو ألة تجين واطلعين لسانج وتصيحين هنااا ويجي اليسوة والميسوة يسمع
تونسي بالفضيحة الراح تصير الجج اكليها
.. طلعت ركض واني ارجف من الاستقبال بس حتى الحك بجبل شراح يسوي، مااريد احد يعرف بعد بالبيت خاصتا اذا مروة جانت جاي تسمع
ضليت ادور علية ماهو صعدت فوك على السريع شفت باب مرتضى مفتوحة على كبرها والاضوية مشتغلة
ركضت بسرعة الها شفت جبل نايم على مرتضى ودك ضرب وبوكسيات
ايدية ورجلية ضلن يرجفن رجف البيت سنطة وذولة كبالي واحد يضرب الثاني
الدم ترس الفرشة كلها
لحد مامرتضى صار هو على جبل وضل يضربة
متت من شفت هذا الموقف دخلت للغرفة ركض
اريد ادافع او افاكك بينهم مااكدر ايدية ورجلية ميحملني ابددد
اصعب دقايق مرت علية، جنت وحدي يمهم حتى جدي ماصعد ورانة
كام جبل ودفرة لمرتضى واخذة سحل من ياختة وطلعة من الغرفة
