يا مرحبا بالجميلين..
تعليقاتكم على فقرة القصة مهمة جدا جدا
غرام.. وين موديني جبل هدني
.. اششش
صعدنة فوك ودخلني للغرفة وسد الباب
غرام.. طفلة جوة ايدك تعاملني هل معاملة؟ بأي حق تجرني للغرفة بهل شكل؟
جبل.. اي طفللة شكم مرة كتلج مرتضى لتتقربين منة مرررررتضى معلليج بي
غرام.. شايفني كاتلة نفسي على مرتضى؟ ترة ماشيلتة من ارضة لتلمح بكلام زايد
جبل.. لا واضح كلش ماشيلتة من ارضة واني كلما اشوفج لازم مرتضى يمج اريد فد يوم اشوف غرام وحدددها بدون ذاك الزفت مااكو شوفي ترة فورتي الدمي تصرف ثاني ميعجبني غيرة قسم بذات الله اسوي شي ميعجبني
.. انت بأي حق تحجي وياي بهل كلام؟ انت منو اصلاا؟ لا عبالك تأخذ دور الاخ وفعلا تمارس هل دور ترة ماطايقة هل وضعية اني ابببد تريد تحاسب روح حاسب مرتضى لو متكدر؟ لو اللوم بس على البنية والولد شريف ومتتقرب لبنت ابدا؟
.. لج فوك مامحترمج وماريدج تتأذين لان صغيرة ودخلتي بمستنقع نكس وردت اتكفل بيج كأخ بس مو وجه احترام ابددا وشنو عبالج ماحاجي وية مرتضى؟ لج ازوعة العافية والله، بس غير حضرة جنابج منطيتة مجال وفاتحتلة الطريق
.. اني فاتحة الطريق؟؟ عيب عليك والله
.. استغفر الله ربي لج شوفي بابا لتحسبيني معقد ومانعج من الشباب هاج شوفي فد يوم كتلج لتحجين وية سامر خو سامر اخو مرتضى فد يوم كتلج لتحجين وية غيث وعلي لا ماكتلج لان اعرف طينتهم شنو واعرف تربايتهم ومبادئهم بس هذا الخسيس لو بيدي احمي بنات الناس كلهن من عندة مو بس انتي
يعني لتاخذين وضعية انو اني مهتم بيج بس انتي ومانعج بس انتي، أي بنية اشوفها قريبة من مرتضى ودي اصيرلها درع واحميها، بس اذا انتي متقدرين هل احترام وهذا الخوف اتحملي نتائج اليصير الج وهنا اني مبرء ذمتي امام رب العالمين
غرام.. دقيقة دقيقة وضح كلامك ترة كلشي مافهمت
.. مو ضروري تفهمين اني كلت العلية وانتي بكيفج بعد عاجبج تتأذين ابقي بجانبة تردين تحفظين نفسج ترة ماكو ابسط من انو البنية تحفظ نفسها
.. جبل ليش هيج تحجي عن مرتضى؟
ركع الباب وطلع وماجاوبني
ضليت افتر بالغرفة شنو معنى كلامة شبي مرتضى ولهل درجة مشمئز من عندة لازم اعرف، وكلامة واتهامة الي فعلا ضوجني
ضليت كاعدة بغرفتي ونسدت نفسي حتى مانزلت جوة بعد شوية وصعدت عمتي ايمان
ايمان.. غرام شنو كالج جبل؟
سولفت الها كلشي عسى ولعل هي تعرف سبب غضب جبل من مرتضى
ايمان.. اووف ياجبل اووف منك
غرام.. شبي؟
.. يمة هذا الولد احسة رجال من صدك مكرس وقتة كلة بالدين والصلاة والعبادة بحيث رجل مثقف وكامل والكمال لله ف ميقبل العيبة ابد لا على البنية ولا على الولد
