مرررحبا حبايبي شلونكم
مشتاقتلكم حييل
قرب موعد الخطبة وهو ماكو، فوكاها جانو عازمين ناس ومحاجين الشيخ حتى يجي يخطب
قبل الخطبة ب3 ساعات دخل جبل
الجد.. جبل تعرف وين ابن عمك مرتضى؟ ادري الكاع انشكت وبلعتة مثلا؟؟ وين صار هذا الولد
.. اي اعرفة وين
.. اي كول وينة، خلي يجي فشلة من الناس
.. لا ماراح يكدر يجي هاهية بعد انسو مرتضى
ام مرتضى.. عززا ابني وينة ليش بعد ميجي شبيي
.. سافر راح، وماجان راضي على الزواج
الجد.. انت تحجي صدك؟ شنو ماراضي على الزواج غصبا ماعلية يعقد ورجلة فوك راسة
ابو مرتضى.. بس هو جان راضي ومقتنع ليش غيير رأية وليش سافر بدون ميكول النة
جبل.. اني مالي علاقة تردون ذاك المبايل وسألو على ابنكم، بس ها فكرة متكدرون تتصلون بي لان غير رقمة
الجد.. لا اكيد صاير شي الة، لان مو من عادتة مرتضى يختفي او يسافر بدون ميكول
سامر.. هسة اني داتصل علية صارلي شكد ميرد
جبل.. اي لتعب نفسك سامر وتضل تتصل لان ماراح يرد، كسر الرقم كبالي، ولتخافون علية راح يضل يتواصل وياي واني اجيب الكم اخبارة
ابو مرتضى.. الله عليك وليدي هاي الحقيقة؟ ابني مابي شي؟
جبل.. اي عمي اطمأن مابي شي
ام مرتضى.. بس يتواصل وياك كول النة حباب كلبي نار علية احسن راح يصيرلة شي مامطمئنة ابد
جبل.. ماشي ادللي
ام مرتضى.. زين على الاقل جان يجي ياخذ ملابسة شنو راح فارغ
جبل.. والله بعد هذني الاسئلة اسئلوهن ألة اذا رجع
سامر.. صدك جذب الموضوع ميدخل للعقل
علي.. هسة صلو على النبي يمعودين وخلي ننتبه على الموضوع الاكبر
سامر.. شنو الموضوع الاكبر من هذا بعد؟
علي.. خطوبة غرام ومرتضى، وهسة الناس اذا اجو شلون وشنو نكول الهم، والله العريس طفر بيوم عقدة؟
الجد.. لابد واكو حل
جبل.. واضح الموضوع مااتفقو وميردون الزواج وغرام تبقى شنو راح تموت مثلا اذا ماازوجت
جد.. وشنو الموضوع بهل بساطة مثلا؟ والناس الراح تحجي، اكيد راح يطلعون عيبة بيها
علي.. وطبهم مرض فوك مرض خلي يطلعون عيبة، شنسوي مثلا نخلق عريس هسة
مروة.. اي جدو لازم تزوج غرام ترة راح تطلع سوالف عليها هواي وهي هم خطية
جبل.. لتدخلين بمواضيع متخصج، مو ضروري تزوج شنو راح يلزمون ألنة السوط ويضربونة خليهم يحجون يحجون لحد مايملون
الجد.. لعد اني شسويت هم راح تتشوه سمعتها، جبل انت كلش زين تعرف ليش اريد ازوجهم لتخليني احجي
غيث.. ليش تريد تزوجهم؟ صاير شي
الجد.. لا ماصاير بس ردت ينجمعون ولد العم
ابو مرتضى.. والله يابوية كلامك ميطمن عبالك اكو سر بالموضوع ليش لهل درجة متمسك ألة يزوجون؟
الجد.. اشش كافي مااريد كلام زايد اني اخذت قرار غرام تزوج ابن عمها وخلص
غيث.. وهسة حتى ابن عمها راح
غرام.. كلشي ماحجيت ضليت ساكتة خلي اشوف شنو راح يسوون مليت من الكلام والمعارضة صار عندي برود بالتصرافات كارثي لدرجة لو هسة يطردوني بالشارع اخذ ملابسي بهدوء واطلع
وهمة كاعدين ياخذون قرارتهم حتى بدون مياخذون رأيي
مروة تباوعلي بحقارة تحسسني كانما اني قطعة رخيصة حتى العريس شردتة
وكل شوية وكالت عيب من المعازيم لازم تزوج جنت حابة اسكتها بس برودي منعني من هل شي
اووف بالدنيا بعد شتردين تسوين بية ووين بعد تردين تهينيني مااعرف، احس نفسي صرت عجوز من كثر المشاكل والهم والغم اشتاقيت للضحك واشتاقيت للونسة صارلي سنوات طوويلة ماحاسة بيهن
الجد.. لكيت الحل المناسب
الكل.. وهو؟
.. غرام تزوج واحد من ولد عمها بس بشرط وامام الجميع ماكو تقارب وبغضون ال6 اشهر يطلكها، هذا المشروع بس امام الناس حتى اذا يسألون نكول والله ابن عمها هذا جان رايدها قبل مرتضى
ايمان.. صدك تحجي بوية، ومنو تريد تزوجة لغرام ترة هاي لعبة ولعبة جارحة كلش شنو ذنب غرام؟
الجد.. شبيج انتي شنو لعبة جارحة وشنو شنو ذنب غرام، ترة كل مافي الامر مجرد ألعوبة امام الناس، وبس تخلص ال6 اشهر تتطلك وترجع طبيعية بالبيت، وترة ايمان انتي تعرفين السبب الرئيسي ليش مستعجل ازوج غرام ماحاجة احجي بعد
علي.. اي ومنو راح يزوجها
الجد.. غيث
#ولاء الخزرجي
