علي.. اي ومنو راح يزوجها
الجد.. غيث
ايمان.. يابة صلي على النبي ترة ذولة مثل الاخوان
الجد.. شنو اكعد اعيد الكلام اكثر من مرة، كتلكم مجرد زواج وهمي وامام الجميع، وراح يضلون اخوان شبيج انتي ايمان
غيث.. غرام مثل اختي وصديقتي صح اني ماحاب هاي الخطوة ابدا لان مو منطقية لكن اذا هي موافقة اني هم اوافق بس في سبيل اساعدها واطلعها من هذا الموقف
الجد.. بارك الله بيك ابني، خلص هاهية خلصت الشغلة والموضوع انتهى
جبل.. لا بارك الله بيك ولا من ذني الدوالغ، غرام متزوج واذا كلش حبكت يمكم والة تزوجها ف اني اخذها
الجد.. شلون وانت مزوج؟ وزوجتك
جبل.. انت مو كلت زواج شكلي وماكو شي بيناتكم بعد شعليها زوجتي هي 6 اشهر بس يخلصن يصير الطلاك، ومثل ماهي زوجتي ف غرام هم بنت عمي
الجد.. اي بس غيث وافق
غرام.. انتبهت الجبل انطة نظرة لغيث وبعدين سألة انت موافق غييث؟
غيث.. لا والله ماموافق لان كتلكم غرام مثل اختي، وترة عي وجبل متوافقين يعني اذا نكول جبل جان رايدها ميتفاجون لان همة دائما سوة وحتى عملهم متقارب
مروة.. حرام عليكم والله هيج تسوون بية شنو ذنبي اني؟؟ ليش حتى سؤال ماسألتوني اذا اني موافقة لو لا، شنو طالعة من فطر الحايط اني ومحد انطاني قيمة وقدر شوية ويسألني
سامر.. صارلج ساعة تلحين ألة غرام تزوج وألة غرام تزوج، هسة راح تزوج بس راح تاخذ رجلج داكليها
الجد.. شنو هذا الكلام غيب سامر
.. اي مو شلعتة لكلوبنة صار الها ساعة تون لازم تزوجون غرام وهاي زوجناها
الجد.. اي انت مالك علاقة، بعدين يابنتي يامروة جبل ماراح يزوجها فعليا مجرد كدام الناس ولو يزوجها فعلا ويجيب مرة عليج اكسرة لضهرة والله ماعدنة رجال ياخذ ثنين، بس هذا زواج مؤقت ومو رسمي ف فدوة لكلبج لتصيرين عائق بطريقنة وخلي نكمل هاي المسيرة على خير
.. واني شنو اليضمن الي راح يطلكون بعد ال6 اشهر، يمكن يضل وياها واني مااتحمل والله اطلب الطلاك، لان ماناقصني شي وينزل علية شرج
الجد.. لا اني اتعهد الج بس تخلص ال6 اشهر اني اطلكهم وهذا شاربي، واني ساقط ابن ساقط اذا ماطلكتهم
.. لا حشاك حشاك
جبل.. يعني هاهية نحل الموضوع؟
الجد.. اي والحمدلله
غرام.. بس اني ماموافقة
جبل.. غرام عادي احجي وياج شوية؟
الجد.. اخذها احجي وياها وتفاهمو وتحضرو شوية وراح يجون الناس
طلعت خارج الاستقبال واجة واي جبل
جبل.. غرام ترة اذا تردين تضمنين نفسج ف متكدرين تضمنيها بس يمي
