مرحبا ايها القراء الجميلون🍂..
كل حزن هو مُبالغة في نظر الناجين .
كمت مفزوعة وطلعت برة وفعلا شفت امجد بالباب ويتعاركون ركضت وطلعت الهم
غرام.. امممجد شجابك هنا عوفوو وخرو عنة
رحت يمة وهمة ابتعدو
امجد.. غرام تعالي وياي شعندج باقية يم هذولي اني وانتي ثنينة نعرف متكدرين تتأقلمين وياهم امشي خلي نرجع للناصرية
غرام.. لا امجد اني اخذت قرار وراح امشي بي خلص وانت هم لتتأمل اني ارجع
.. ليش مترجعين؟ عاجبج يعني تبقين بمكان باعوج بي من قبل وين الكرامة
.. خلص عاد امجد احترم نفسك اني كرامتي محفوظة ومااقبل تحجي هيج وهسة رجاءا ارجع لأهلك وانساني
هسة اكيد امك قلقانة عليك واذا عرفت انت جاي لهنا يمي تنجن
علي.. دخلي جوة غرام، وانت امجد عاجبك تبقى هنا تبقى بأحترامك مو تضل تكمز بالكلام وتنتر ترة والله ماعندي صاحب صديق اهينك اهينك
غرام.. اوكف ثواني علي
علي.. كتلج دخلي جوة وبعد لتطلعين كل متسمعين صوت برة مفهوم؟
تلافي للمشاكل دخلت جوة وماجان عندي القدرة حتى احجي واجادل وياهم
امجد راح واني دخلت جوة
جدي.. غرام بنيتي حضرولج غرفة فوك صعدي ارتاحي اكيد تعبانة
جريت جنطتي وصعدت فوك تقريبا جانن ب6 غرف فوك صعدت وراي بنية اسمها نور
نور.. تعالي دخلي هاي غرفتج
دخلت وهي دخلت وياي وكعدت على الجرباية
مااعرف اذا راح تحبينة لو تضلين تكرهينة؟
.. واني هم مااعرف
.. لهل درجة شايلة بكلبج من عدنة؟ ترة جدي والله كلبة طيب وتغير من ورة مامات والدج حيل تغير وتندم وحاول هواي يتواصل وياج بس خالج او ابوج محمد جان يمنعة
.. اني تعبانة حيل وماحابة احجي بهيج تفاصيل
.. تمام على راحتج، اذا تحبين اعرفج على ولد عمج ف همة 5 حاليا كاعدين بهذا البيت والبقية طالعين وفاتحين بيوت
.. ماردت اخجلها واكللها ماريد اعرف لان هي مبينة لطيفة، اي عرفيني
.. عندج مرتضى عمرة 37 وعلي عمرة 34 وجبل عمرة 27 وسامر 24 وغيث 22 واني اصير بنت عمتج
.. وهمة ذولة كلهم اخوان؟
.. لا، جبل ماعندة اخوان
وعلي وغيث اخوان
وسامر ومرتضى اخوان
.. اها الله يحفظهم
اندكت الباب ودخلت مرأة متوسطة العمر بيها بال45 سنة اول ماشفتني تغيرت بسرعة نضرتها لحنية وبراءة
ايمان.. انتي غرام مو؟
.. اي نعم
.. يا حبيبتي تعالي لحضني شلون كبرانة وصايرة مرة
.. مااعرف ليش ارتاحيت الها كمت الها واجت هي شبكتني بسرعة وضلت تبجي
