أدهم ومليكا

part 3

ليلى:  انا هقوم بقي يابنتي عشان اطلع فوق
مليكا:  حاضر يدادة
دخلت غزل وهى تركض: ماما... ماما... شفتي جبت ايه!!؟
فتحت يدها لتخرج الكثير من التوت
جبت التوت دا كله منين ياغزل ؟!
غزل : دا يماما من جنينة الناث اللى على اول الشارع
مليكا وهى تأخذ التوت وتأنب غزل :ودا ينفع يعني الكلام دا ازاى تاخديهم من غير استئذان
غزل : مش انتى قلتى يماما ان النبات دا من ربنا فدا مش ملكهم كدا
مليكا : هو اكيد كل شئ ملك ربنا ..بس فيه حاجة اسمها خصوصيه يلا عشان نرجع التوت وتعتذري من الناس لما يكون فيه حاجة جوا بيت حد يبقي ملكه
غزل : خلاث يماما انا مثتعدة اعتذر
مليكا : طيب يلا
......
فتحت الباب هويدا
هويدا بابتسامة : ازيك ياغزل
مليكا باستغراب :هو حضرتك تعرفيها ؟!
هويدا : ايوا بتيجي مع ليلى على طول لاكن انتى مين ؟!
مليكا : انا والدتها ....هى اخدت توت من جنينتكم بس هى مش قصدها سرقة والله هى فكرت ان عشان نبات فده مش ملك حد زى ماكنت مفهماها لاكن دلوقتي هى عرفت ان لما يكون فيه خصوصية فى بيت حد يبقي دا من ممتلكاته.. وهى جيت تتأسف لحضرتك
هويدا : يخبر تاخد اللى عاوزاه دى حبيبتي دى اتفضلى
مليكا:  معلش والله اصلى بطبخ ومش هقدر اتأخر اكتر من كدا
هويدا: طيب بس انا عزماكم يوم الجمعة.. انا كنت عازمة ليلى بس لازم تيجي معاها
مليكا بابتسامة:  انشاء الله
هويدا:  هو طبعا انشاء الله بس انا هزعل جدا منك لو مجتيش وخصوصا انى بحب غزل قد حفيدتي سهي... اسئلى ليلى عنى حتى وقللها هويدا نصيف
مليكا بانتباه:  حاسه انى سمعت الاسم دا قبل كدا
هويدا:  ايوا....
وقبل ان تكمل قاطعتها شابة جميلة تحمل فى يدها طفلة صغيرة
ليلان:  سلامو عليكو
مليكا:  وعليكم السلام
ليلان بابتسامة: حضرتك تبقي جارتنا صح... انا بشوفك من البلكونة لما بتقعدي ترسمي فى بلكونتك
مليكا بابتسامة:  ايوا انا ساكنة هنا من ٥ سنين
ليلان بمرح:  ايدا يعني جارتنا وسكنتى من خمس سنين ومتجيش لينا.. هو احنا وحشين ولا ايه!؟
مليكا: لا والله مقصدي... بس انا عشان مكانش ليا اختلاط بحد فمكنتش بطلع
ليلان:  لا من هنا ورايح تجيلى بقي دانا جارتك... واعرفك يستي على البنوتة الصغيرة دى... سهي بنتى
مليكا:  بسم الله ماشاء الله ربنا يحميهالك
ليلان بابتسامة:  ايه دا غزل معلش مشفتكيش... اخبارك ايه!!؟
غزل:  الحمد لله
هويدا: زي ماتفقت معاكى يامليكا مفيش هروب
ليلان:  اتفقتي معاها على ايه!؟
هويدا:  عزماها على الغدا... واه متنسيش تجيبي جوزك معاكى
مليكا:  باذن الله.. استئذن انا بقي
ليلان بابتسامة:  اتفضلى
خرجت مليكا مع غزل وقالت:  تانى مرة متتكررش ياغزل
غزل:  حاضر
-•••••••••••-
بعد مرور يوم كامل
-••••••••••-
وصلوا كل من اسعاد وياسمين وادهم وايضا سامر
كان ادهم لايتحدث ابدا لانه مهموم فقد ابتعد عن القاهرة وقلت فرصته فى ايجاد حبيبته 
«ولاكن لايعلم انه قد اقترب»
وصلت السيارة لتدلف الى مكانهم الذى سيظلون فيه
اخرج السائق الحقائب
يا اهلا وسهلا ببنت اخويا يا اهلا وسهلا
اسعاد:  ازيك ياعمتوا!!؟
هويدا:  انا بخير... ازيكم يحلوين!؟
رد الكل عليها بتحيته الخاصة
سامر:  معلش جيت عليهم زيادة بس عشان فرحي بس هيتعمل هنا
هويدا بتأنيب:  ايه اللى بتقوله دا يبني دا البيت منور... مين الحلوة!!؟
سامر:  دى خطيبتي واخر الاسبوع هتبقي مراتى (لكزها فى كتفها فضحكت ياسمين وقالت:  بتعمل ايه؟!!)
سامر:  بناغشك يقمر
ضحكت هويدا وقالت:  ليلان فوق بتحمي سهي ونزلالكم
ادهم: شكرا على الاستضافة الحلوة دى
هويدا:  لا شكر على واجب.. يلا يجماعة اتفضلوا مش هنفضل كدا واقفين فى الشارع
_____
دخلوا ووزعت هويدا عليهم الغرف
كانت اسعاد توضب الحقائب: المفروض اننا هنقعد هنا ليه تخلى سامر يجي
ادهم:  وانتى مالك حاشرة نفسك فى اللى ملكيش فيه ليه!!؟
اسعاد بغضب:  هو انت بتكلمنى كدا ليه هو انا خدامة عندك
ادهم:  صوتك ميعلااش يا اسعاد احسنلك ومتعصبنيش انا جيت عشان رغبتك فمتخلنيش احلف طلاق تلاتة مفيش حاجة من دى هتتم... اديني قلتلك
اسعاد وهى تكتم غيظها: كل ماكلمك تقلى اسكتي لالغى الموضوع... او انك مش عاوزه بس عشان متظلمنيش بتعمله... لو مش عاجبك اااوى كدا خلاااص انهيييه
ادهم وهو يعلى صوته:  انا قلتلك متتتتعلللليش صوووتك ايياااكى عشان معايااا فلوس تفكررريني تربيه بلاد بره.. لا دانا شوارعجي.. اتعلمت المهنة دى يحبيبتي... اه كنت چنتل زمان لاكن دلوقتي بدوس... دانا اطلقك ولا حتى اهتم وانتى عارفة كدا كويس
اسعاد بغيظ:  انا داخلة اخد شاور شكل الليلة باينه من اولها
لم يرد عليها ادهم واشعل سيجارا
فلاش باك
#
يعني ااايه ياجاسر... ينفع اللى حصل ده
جاسر:  اعملك ايه ياادهم والله ماكان بايدي هو الراجل وصفلى الطريق فقلتلك عليه فى التليفون
ادهم:  طب وانا هروح ازاى بقي نا دلوقتي!!!... اقفل كدا.. ايه دا!!؟
كانت هناك شابة تقف وتتعارك مع شخص بالكلام
مليكا:  اي نعم انا هادية يمراد بس اللى يجي على طرفى اكله... احسنلك تبعد
مراد:  وان مبعدتش
نزل ادهم واقترب منهم ليساعدها فوقف امام مليكا.
مليكا وهى تمسك طوبة وترميها عليه:  انا هوريك
دخلت فى عين ادهم
ادهم:  اااااه عيييني منك لله
هرب مراد بينما هى وقفت لتقول:  انا.. اسفه والله طب اعملك ايه طيب!!؟
باك #
كان هذا اول لقاء بينهم
وقف وابتسم ثم قال: امتى هتظهري يامليكا امتى!!!!
•••••••••••••••••••••
دخل البيت مرتديا قميص ابيض وبنطلون اسود
فريد بابتسامة:  جميلة!!!
جميلة:  ازيك يافريد عملت ايه النهاردة فى شغلك!!؟
فريد:  ايه مش هتاخديني بالحضن زى كل يوم!!؟
جميلة بحزن:  اه صحيح (حضنته مختصرة الوقت وذهبت الى المطبخ)
استغرب من افعالها ودخل ورائها فلم يجد الموسيقي الذى اعتاد سماعها عندما يدخل المطبخ وهى متواجدة فيه)
فريد:  مالك!؟
جميلة:  لارد
فريد:  جميلة انا بكلمك
جميلة:  ها!؟
فريد:  لا دانتى مش معايا نهائي.. فيه ايه!!؟
جميلة:  لا مفيش ادخل اوضتك غير هدومك وانا هحضرلك الغدا واحطهولك
فريد بغضب: ماشي
دخل غرفته بينما هى تذكرت
فلاش باك #
كانت تجلس وتبتسم امام المراءة
طرقات الباب
جميلة:  مين!!؟
وفاء: انا اختك وفاء
بهتت جميلة وفتحت الباب لتقول:  ازيك ياوفاء!!؟
دخلت وفاء ثم قالت بخبث:  مزينة نفسك كدا ليه
جميلة:  مفيش انابحب اكون جميلة.
وفاء:  امممم قلتيلى... عشان فريد.. مش كدا!!؟
لم ترد جميلة بينما اكملت وفاء
وفاء:  تصدقي انك صعبانة عليا ياجميلة... المشكلة يبنتي انك بتهدي فى روحك عشان حد مش شايفك
جميلة:  ايه اللى جابك!؟
وفاء:  جيت اشوف تأثيري عليكم وعلى حياتكم ايه هههه.. لسه فاكرنى... ماهو اكيد اللى بيحب حد عمره ماهينساه ابدا
جميلة:  انتى ايه يشيخة شييطان
وفاء: تؤ... وفاء ههههههه.. هنتقابل قريب.. فى الحفلة
باك #
فريد بغضب: هووو فيه اايه يجميلة كل مانادى عليكي الاقى ساكتة ومبتتكلميش هو فيه ايه!!؟
جميلة:  انا.. اسفه ملاحظتش
خرج فريد وجلس على السفرة
ليجدها بعد مرور وقت قد انهت اعداد الطعام ووضعه على السفرة
جلست امامه لتقول: انا عارفة يافريد انى مش الشخص اللى كان لازم تحبه... وعارفة اكتر انك محبتنيش من اساسه
ابتسمت بينما هو ركز بصره امامه ولم يرمش له جفن بعدما رفع الملعقه فى الهواء 
جميلة: انا... انا تعاستي كانت على ايدك.. انا مكنتش كده... انا بقيت نسخة كئيبة من انسانة كانت مرحة وحنونة... اتحولت قاسية بسبب حبك.... حبك لعنة يافريد
انا عارفه انك بتحب اختى ولولا ان هى اتجوزت انت مكنتش هتتلفتلى... وعارفة انها بتيجي عشان بتحاول تحيي شعور الحب جواك... مش عشان تشوفني.. او ممكن تقول عشان تشوفني مذلولة... عشان بحبك
زمان... اول معرفت انك بتحبها.. سكت... كنت كل ماشوفك حبك بيتجدد وبيكبر فى قلبي وبيزيد حزنى معاه... اتمنيت انى مشوفكش تانى... انى مكنتش اعرف انك بتحب اختى... بس للاسف عرفت...
فريد: انا... انا مقدرش انساها ياجميلة... لان
قاطعته جميلة بتنهيدة حزن: عارفة... وعارفة ان جوازنا مؤقت... بس صدقني يافريد... بكرة يجي الشخص اللى ينسيني حزنك وحبك ويعوضني عن قسية قلبك عليا... صدقني هنساك

دهش مما سمع بينما هى دخلت غرفتها واغلقت الباب وبكت لتنطلق من الاذاعة اغنيه «اهل الحب صحيح مساكين»
رمي فريد دواه على الارض وهو يحاول كبت غضبه وقال:  اعمل ايه شبح الماضي بيطاردني حتى وانا بحاول اتخطاه....منها لله وفاء وسيرتها الزفت.... انا مش عارف انا كنت حبتها فى يوم من الايام ازاى...(نظر لباب غرفة جميلة فقال:  منكرش انى حبيتك ياجميلة....بس مش قادر اقرر فعلا حبيتك ولا دا اعجاب ولا بحاول اتخطى وفاء.... نفسي ربنا يهديني للاحسن يجميلة)