أدهم ومليكا

part 15

مر يوم كامل
كانت تمسك بيد ابنتها
غزل: الله ايه البيت الحلو دا!!!
ادهم: دا مش بيت ياغزل دا قصر
غزل: هو انت ليه يبابا مغطى وشك كده بشاش!!؟
ادهم: مفيش يحبيبتي
غزل: تعرف يبابا انا كنت دايما أثال عليك ماما تقولى مثافر مكنتش اعرف انك عملتهالى مفاجئة وظهرت.. بس ليه مقولتليش من الاول انك بابا لما قابلتك عند طنط هويدا!؟
ادهم: لان زي ماقلتى من شوية انا كنت عاملها مفاجئة ليكي... تعالى بقي اوريكي اوضتك اللى حططلك فيها عرايس باربي والعاب
غزل بفرحة: بجد!!!؟؟
مليكا: واكيد حطيت سرير فيها ليا
ادهم: ليه!!؟؟... انتى هتنامى فى اوضتي.... متنسيش ان شريف ملمسكيش يعني ملكيش عدة دا اولا وثانيا انا هجيب المأذون ونكتب النهاردة
مليكا: انا مش كفايه عليا انى جيت سجنك!!
ادهم بضحك: سجن!!!.... بقي تسمي اللى انتى فيه سجن... امال تسمي ايه العشة اللى كنت فيها مع سي شريف
مليكا: جنة!.... وبعدين متتكلمش قدام البنت.. انا لازم اصفي حسابي معاك
ادهم: على رأيك... افتحى الجرح.. وشوفي ازاى هتنضفيه تعالى نتكلم عشان تنداويه
مليكا: مفيش حاجة هتداوية يا أدهم... قصدي يا أدهم بيه
نظر لها مطولا ثم نظر وامسك بيد غزل ليقول: يلا اما اوريكي اوضتك عشان عاوزة مامتك فى حاجة
غزل: اوكيه
صعدا سويا فوقفت هى تنظر للقصر
«حلو مش كده»
نظرت ورائها لتجده
عصام: شيك ومناسب لطبقتنا... بس مناسب لطبقتك!!؟
مليكا بسخريه : امم جدوا عصام هو انت لسه ممتش!!!!
عصام بصدمة: اما انتى وقحة صحيح
نزل أدهم ليقول: فيه ايه!
مليكا: فيه انى هصفي حسابي القديم والجديد.. وازا كان على لفظ وقحة اللى اطلقته من شوية فده مش من حقك ابدا.... انا اتعلمت القسوة والوقاحة منك انت وحفيدك.... انا عمري ماشفت حد بالقذارة دى
ادهم بغضب: مليكا الزمي حدودك واعرفي انتى بتتكلمى مع مين!
مليكا: هكون بتكلم مع مين!!!!.... انت ازبل واحد عرفته.. وانت زيه «نظرت لعصام وقالت له»... بص انت اكيد متفاجئ لان سنك كبير وليك احترامك.. بس الناس الكبيرة اللى عاوزة يكون ليها احترام... بتخلقه... انت دمرت حياتى وخلتنى حمامة فى قفص حفيدك عشان قال ايه «اكملت بسخريه وهى تقول»
: تبكه (طبقة) راكية (راقية)...... هددته بصوري رغم انى كنت مراهقه مش مدركة للى انا كنت بعمله... مكانش ليا ام ترشدني... امى توفت من صغري وسابتني... ووالدى سابني وسافر... ملقتش حد يعلمنى الاحتواء ولا الحفاظ على النفس والشرف.. بس دا ميمنعش انى غلطت لما سلمت نفسي لواحد زي حفيدك
ادهم: اسمعيني
مليكا: اسمعني انت يا ادهم بيه.. انا كتمت فى نفس سنين طويلة اوى تعرف ان بنتك عندها ٦سنين وانا مخليها ٥عشان اسجلها باسم غزل
عصام بصدمة: بنته!!!!!
مليكا بسخريه: ايه دا هو اللى بيدخل القصر وبيخرج منه عادى كده يا عصام بيه... بنته اللى لسه طالعة الاوضه معاه......... بعد ما.. ما سلمت نفسي وانت هربت ورحت اتجوزت واحدة مليونيرة.. اكيد طبعا يعني هتتجوز بمين يعني غير واحدة من مستواك... عرفت انى حامل....بعدها مايسه الله يرحمها خلت شريف يكتب غزل باسم شريف واضطريت اجل سنه عشان تبان مسبوكة لان انا اخترعت حكايه تانيه عشان اقنعه انى شريفة وتم الحمل بعقد جواز مش... مش زنا... تعرف انت عقوبة الزنا ولا ايه
ادهم: انا قلتلك هتجوزك يا مليكا.. هصحح كل اخطائي واوعدك انى
مليكا: متكملش... انا شبعت منك وعود كدابة ونظرات منافقة واتعلمت منك قسوة بزيادة... انا كنت بدور زي الهبلة وبقول طب العجز فى ايه... العجز فى انى مش من مستواك.. ولا انى سلمتك نفسي!؟... ولا انى مكنتش جميلة زيها..... بس طلعت انت العجز الوحيد.. انا كان ممكن انسالك اي حاجة الا انى اتعشم فيك وتخذلنى
قلتلك قبل كده من اخر مقابلة قلتلك خايفة تكون زي اهلى... سابوني كلهم.. خايفه اتعلق بيك وتخذلنى... خايفه تبعد واكون وحيدة... حكتلك مخاوفي عشان متعملهاش... والحمد لله هههه دانتا قسيت فيها اوى وانت بتعملها
ادهم: انا... اسف
مليكا: متعتذرش انت مش هتقدر تغير اللى عملته
ادهم بغضب: خلصتي!!!... خلصتي محاضرتك اللى انتى قاعدة بتقطميني فيها!!؟... قدامك جدي دا.. طرد امى زمان... عارفة يعني ايه طفل عنده ست سنين يشوف امه وهى بتطرد بره القصر
عصام: كنت!
ادهم: شششش.... خليني اكمل... خليني ياجدوا افتح قلبي واطلع كل القسوة اللى هى بتقول عليها فيه
خلع الشاش ثم قال: دا اتشوه عشان يرجعك لحياته
بقي يزرع ناس فى كل مكان رحناه عشان يعرف مكانك.... انا لما كنت صغير كنت بخاف الصبح يطلع لاتأكد ان امى مش راجعة... جالى خبر ان امى ماتت وانا داخل اولى اعدادى.... ولقيت والدى فى نفس اليوم جايب واحدة فى البيت لا والواحدة دى كانت بتخليه يضربني بالحزام على كل تهمة باطلة منها ليا عشان هى كانت شابة وكانت شايفانى انسان وسيم اي نعم اصغر منها بس فى نفس الوقت مش فى كبر جوزها.... ولما كنت بتهرب منها ومن حركات وشها اللى كانت مفهومة بانها عاوزة حاجة وحشه... كانت تروح تقول لابويا دا حاول يعتدي عليا وابويا يدخل يضربني.
قدام جدي اللى كان بيشجعه ويقوله كمان خليه يكون راجل ويتعلم المسئولية والاحترام.... لما كبرت مكانش حد بيقرب مني عشان جدي وابويا كانوا ليهم نفوذ وكانوا بيأذوا اللى بيقربوا منى عشان عندهم اعتقاد ان قال ايه هما هياذوني لو عرفتهم... لما دخلت الجامعة كنت انسان منطوي لحد ماشفتك لما كنت جاي لخالى فى الكلية عشان هو كان معيد اياميها وشفتك وانتى جايه تساليني على مدرج ساعتها مخدتش فى بالى وقلت واحدة وعاديه... لما بدأت أقابلك فى الكلية كتير وبدا بينا الكلام انجذبت ليكي.. لحد ماحبيتك وبدأنا نخرج وكنت عارف انى بحبك بس مش قادر اقلك عشان متتأذيش... انا عمري ماكنت وحش انا كانت ظروفي وحشه.. بس انا مكنتش وحش... اي نعم حب ليكي آذي... بس انا مقدرش استغني عنك
عصام: انا... انا هحجز طيارة لتركيا وهسافر هناك... ارجوكي يامليكا خليكي... بنتك لازم تتربي مع ابوها وامها.. متفرقيش بينهم
••••••••••••
سمر: هو احنا مش هنمشي من هنا يا ياسين... المفروض اننا بنقضي شهر عسل مع بعض مش خالتك تيجي وتقعد معانا هى ووالدك
نظرلها وقال بغضب: والله المفروض انهم اهلى يعني ميسبونيش
سمر: يعني اهلك مقضيين معاك طول سنين عمرك وخلقتك فى خلقتهم ومقلناش حاجة لاكن تيجي لشهر العسل وتقوم مخليهم يقعدوا معانا لادا اوفر يا ياسين
ياسين: بقلللك ايه ياسمر انا اهلى اديهم عينيا ولو طلبوا ايه مبتأخرش عنهم
سمر بغضب: انا مقلتش عكس اللى قلته ولا نهرتك على اللى بتعمله... بس دا اااوووفر انهم يجيوا ويقعدوا معانا فى شهر العسل
ياسين بغضب: انا خارج
سمر: رايح فين ياياسين احنا لازم نكمل.. كلام
«اغلق الباب قبل ان تكمل كلامها»
جلست امام التلفاز وبعد نصف ساعة رن جرس الباب
فتحت الباب لتجد ان ميرنا ابنة خال ياسين هى الطارقة
سمر: خير!... استني متقوليش عاوزة سرير من عندنا ولا عاوزة تباتى معانا
ميرنا: تؤ... جايه اقعد فى شقة ابن خالتى واظن دا ملكى
سمر: وات!؟؟... اي كانت هير «I can not hear
ميرنا: وسعي من طريقي انتى متعرفيش انه مش لازم تكوني قدامى وتقفى معايا
سمر: ليه... كورونا!؟
ميرنا: عشان يحبيبة قلبي انا جاية من بيت مش من ملجئ
سمر: هههه والله!؟... ولما اخرشملك وشك هتفرحي
ميرنا: هو بعيدا عن انك مش هتقدري تعملى حاجة... وان بما ان ياسين مخرجش فيعني كده انه نزل.... فانا هاجى وقت تانى.. لما ياسين يرجع ويكون موجود
خرجت فقالت سمر: انا ايه اللى حدفني الحدفايه دى!؟
•••••
يعني انت غلطان وبتكابر... بقي فيه واحد عاقل ياخد اهله فى شهر العسل!
ياسين: ابويا ياحمزة اعمل ايه بس!
حمزة: بقلك ايه انا هخدمك خدمة العمر كله وهخليهم كمان يسيبوك تقضي شهر العسل براحتك
ياسين: ابوس ايدك الحقني
حمزة: بص احنا هنقلهم انك عندك مأمورية وتاخد مراتك وتسافر ولو قالولك طالما عندك مأمورية وسيب مراتك قلهم لا لان انا مش عاوز اكشف انى فى شغل وهمشي الامر كانى رايح اقضي شهر العسل
ياسين: روح ربنا يسترك يبني
حمزة: هههه بس ايه رايك!
ياسين: يبني انت ابو الذكاء كللله
حمزة: طب يلا ياحنين روح صالح مراتك
ياسين وهو ينهض: هوواااا
ركض ياسين فقال حمزة: شوفتوا الاهبل هههههه
(«««««««««««
وفى مكان آخر
فلاش باك
ارجوك يبابا اسمعني انا
جمال : اسمعي كلامى ياصفية اقسم بالله لو العريس دا اترفضت لاهطلعك م الكلية
صفية ببكاء : بس يبابا دا متجوز ٣وعنده ٦ عيال
وقفت سيدة تضع يديها فى خصرها لتقول : وماله يحبيبتي ما ابوكي كان مخلفك وانا مقلتش لا
التفتت لها صفية لتقول بعتاب : بس مامتى كانت متوفيه وانا واحدة مش ٦ ...انتوا كدا عاوزين تدمروا حياتى ...فكر ارجوك فيا يبابا والنبي...
سيدة : بقلك ايييه يحبيبتي هتتجوزيه ورجلك فوق رقبتك
قالت صفية بحدة : والله مهتجوزة
جمال بقسوة وهو يمسك ذراعها : اقسم بالله لو رفعتى صوتك تانى لاهكون خالع حزامى واضربك زي ماكنت بعمل مع امك زمان لما تعلى صوتها والعريس دا هتتجوزيه الا لو اتقدملك حد تانى بقي فى خلال اسبوع واحد واسبوع واحد بس مش اكتر
صفية ببكاء : حرام عليك دانا بنتك فكر فيااااا بقي
جمال وهو ينفضها بقسوة : انتهى الكلاااام
دخل غرفته بينما سيدة نظرت لها بشماتة لتقول: اشربي من نفس الكاس ....(اكملت بخبث )بس لو مش عاوزة انا ممكن اساعدك
رفعت صفية بصرها لتقول : ازاى ارجوكى ساعديني ؟!
سيدة : تبيعي دهب امك اللى سابتهولك وتديني فلوسه...
صفية: بس دا ظلم!!!
سيدة بشهقة: يحبيبة قلبي مابين البايع والشاري يفتح الله
صفية: بس بشرط
سيدة: شرط!!!؟
صفية: تهربيني
سيدة بخبث: من عينيا
باك ###
تعرض لها شاب ما
صفية: ااابعد عننني... الحقققوني
ركض حمزة وانقذها من هذا المعتدي ليقول: انتى كويسه وبعدين ايه اللى مخرجك
صفية بشك: وانت مالك!!؟..
حمزة: وانا مالى... صحيح خيرا تعمل...شرا تلقي
همت لتمشي فأمسك ذراعها وقال: انتى بتعملى ايه هنا!
صفية: سيب ايدي هو حد مسلطك عليا!؟؟
حمزة: تصدقي وتؤمني بالله انا غلطان انى انقذتك
تركها ومشي لتقول: يا أفندي!
حمزة: نعم
صفية: انا... انا كنت عاوزة فندق ولا حاجة بس يكون يعني على القد فتعرف فنادق زي دى ولالا
حمزة: انا ممكن اشغلك فى مزرعة بيوفروا سكن للعمال وبالمرة تكسبي منها حاجة
صفية: طيب ومضمونة
حمزة: اه المكسب كويس على ماعتقد
صفية: لا... اق.. اقصد انه امان
حمزة بابتسامة: ايوا
صفية: شكرا
حمزة: العفو... بصي بما ان الوقت اتأخر فتعالى اوصلك وبكرة هفوت عليكي اوديكي المزرعة
صفية: لا شكرا انا هروح بنفسي.
حمزة: طب وانا هفوت عليكي فين!
صفية:ممكن حضرتك تديني تلفونك وانا هتصل عليك
حمزة: تمام اتفضلى
اخذت الرقم ثم قالت: شكرا هبقي اتصل عليك بكرة باذن الله
حمزة: تمام تصبحي على خير
صفية بابتسامة: وانت من اهله