•••• كانت تقف معه تشرب شاي مليكا بابتسامة: شكرا يا استاذ عز عز: بعد دا كله يستي وتقولى استاذ عز لا يستي انا واخد على خاطري غزل بضحك: هههه تعرف انك بتفكرني بعمرو ابن طنط مايثه.... عز: وهو كبير قدي! غزل: لا هو كبير قدي انا ابتسم عز وقال بمرح: ياااه دا كبير اوى غزل لمليكا: شفتي بقي يماما عشان اقلك انى كبيرة وانتى مبتصدقنيش مليكا وهى تقبل جبهتها: لا ازاى..مصدقاكى طبعا غزل: ينفع تطلعيني وتغطيني عشان انام عز: احم... خلاص دلوقتي يمدام مليكا لازم تنامى الوقت إتأخر بردوا مليكا: انا بشكرك جدا على اللى بتعملوا معايا عز: لاحول ولاقوة الابالله انتى كل ماهتشوفي وشي تقوليلى الجملة دى اتبسمت مليكا وقالت: معلش انا بحب اتأسف كتير عز: ولا يهمك، تصبحي على خير مليكا: وانت من اهل الجنة ابتسم ونظر لها وهى تصعد الى غرفتها نظر للحديقة وقال: مالك يعز!!... متضعفش مهما كان انت عارف ظروفها كويس...«ثم أكمل بصوت مسموع» هى انسانة كويسه وطيبة وجميلة صدر صوت من خلفه: وايه كمان ياسي روميو التف ليقول: منك لله يحسين خضتني حسين: ها يعم مين الحلوة والطيبة دى! عز: ها.. لا ولاحاجة حسين بضحك: اهرب اهرب عز: لا مش بهرب بس مفيش حاجة صدقني حسين: ماشي ياسيدي هصدقك متخفش عز: بطل رخامتك دى بقي ياحسين ضحك حسين وقال: انا جيت عشان اديك مهيتك من المشروع عز: لا يحسين اديهم للأسر اللى بنساعدهم حسين: بس دول حقك.. امال بتصرف منين ربت على كتف حسين وقال: ربك بيكرم حسين: ونعم بالله... والله ياعز انا بقول على البت اللى رفضتك دى متخلفة حد يرفض حد بالاخلاق دى عز: دى مش متخلفة دى امها هى اللى شيطان... حية والعياذ بالله.. تصور انها زورت عقد جواز واحد تانى واخدت المهر وبعدين جوزتنى انا واخدت مهر مني حسين باستغراب: لا دانتا تفهمنى دانا كل اللى اعرفه انها رفضتك عز: لا الحكايه مش كده... بص ياسيدي ••••••• طب دا ملهوش قرايب، أصحاب!!؟ الممرض: لايفندم لما فتشوا هدومه حتى العربيه ملقوش اي اثبات هوية الطبيب: انا مش عارف ايه مصيره الممرض: طب ننزل اعلان ولا ايه!؟ الطبيب: فكرة... انت تنزل اع... اعلان ايه يا هيثم انت مش شايف وشه متدمر ازاى داحنا حتى مش قادرين نتعرف على ملامحه الممرض: طب هنعمل ايه دا حتى ملامحه مش واضحة اننا نرفع اعلان نثبت هويته كان ادهم فى وادى اخر كان يقف على الهاوية ثم دفعته اسعاد فى حفرة ادهم: اسعاااد... اسعاااد مترمنيييش اسعاااد الممرض: جايز اسعاد دى هى اللى افتعلت الحادثة!!؟ الطبيب: كل شئ وارد محدش عارف حاجة ابداً ولحد مايفوق ونبدء نشوف هنعمل ايه تعالى نركبله محلول دلوقتي الممرض: اوكيه
«فلاش باك» كان يقود السيارة ادهم بعصبية: ماااشي يا مليكا بتهررربي!!!... بتهربي من مين!!؟ والله لربيكي كان يقود مسرعا الى ان اتت سيارة ودفعت سيارة ادهم لتنقلب عدة مرات قبل ان تستقر على الرصيف وهى منعدمة وبداخلها ادهم الذى غطى الدم وجهه ••••••••••• دخلت القاعة ممسكة بيد مازن كانت ترتدي فستان ابيض جميل جدا.. كان فريد يقف فى الجهة الاخري ينتظر من تحرك قلبه بصدق لها آتت فاطمة لتمسك يده فقال: نورتي دنيتي يفاطمة مازن: اهو يسيدي وصلتها لحد عندك وهى من دلوقتي اختى.. شوف بقي هتزعلها هعمل فيك ايه ضحك فريد وقال: مقدرش ازعلها ابتسمت فاطمة لتقول: مبسوط فريد:: والله انتى حرام عليكي يعني بعد دا كله وتقوليلى مبسوط!!... دانا هموت من الانبساط فاطمة: عارف ايه اللى فرحني بجد بجد اتبسم فريد وظن انها ستقول هو ولاكنها فاجئته حين قالت: كلت ورق عنب فى السكة ايه تحفففه فريد: ورق عنب!!!... تعالى يبنتي نقعد فى الكوشةتعالى ضحكت فاطمة وقالت: ومش بس دا اللى فرحني.. اللى فرحني ان مازن رايح يصالح وفاء فريد: دا هى اللى أذياه فاطمة: مهما كان هو حبها وبعدين هى من جواها طيب والله وانا عندى امل اننا هنبقي سمنة ع العسل فريد: بإذن الله..بصي فضينا بقي من موضوع فاطمة ومازن وورق العنب وتعالى بقي نقعد فى الكوشه عشان بتاع الديجي هينزلنا دلوقتي وكمان الناس بتبص علينا باستغراب بقالنا ساعة واقفين ع البوابة وكمان انا مكنتش معاكى وجبتك فى العربيه فالناس شاكة فينا.. شكلهم بيقولوا هيطلعوا اربيچي ولا رشاش ضحكت فاطمة وقالت: لاخلاص يلا ••••••••••••• كانوا يجلسون فى عربة الزفاف يأكلون سمر: والنبي يسطا ناولني كاتشب من عندك ياسين: خدي ياريس سمر: تشكر ضحك صديقه وقال: والله مجنونين حد فى جنانكم كده!!! ياسين: تفهم انت بس إيه عن الرقة!! حمزة باستغراب: رقة!!! ياسين: شششششش سمر: بقلك يبو المساجين.. ايه رأيك نفلسع الفرح ياسين: والله فكرة حمزة بدهشه: يخربيتكوا انتم هبل!!!؟؟؟ ياسين: اسمع بس الفكرة.... كملى ياسمر سمر: بص الضابط حمزة يطلعلنى على فلوكة كده فى النيل ندخل ونرقص براحتنا وشوف بقي والنعمة لهيهيصولنا ياسين: حمزة... طلبات المدام اوامر على فلوكة حمزة بضحك:طب والله فكرة... يلا بينا •••• الممرض: لاقينا اهله الدكتور: ازاى!!!؟ الممرض: نشرت اعلان برقم عربيته زائد انى لقيت صورة بنت فى المحفظة الدكتور باستغراب: يعني مكانش شايل البطاقة ولا اي حاجة وسايب صورة البنت دى!!!؟ الممرض: انا والله مافاهم بردوا يدكتور بس الحمد لله اهو لاقينا حاجة على الاقل دلتنا الدكتور: طب فين اهله؟؟!! الممرض: بص هي قالتلى انها عمة مراته الدكتور: هو كده كده فايق فندخله بس انت فهمتها انها متتخضش من منظر وشه!!! الممرض: متقلقش حضرتك فهمتها الدكتور: طب ناديها ودخلها عليه على طول الممرض: حاضر وبعد مدة دخلت هويدا الى الغرفة ومنعت نفسها من الشهقة نظر ادهم وهو يتالم من حركة رأسه البسيطة فالدمور كانت ليست هينة ابداً ادهم: اااه... هويدا: ال.. الف سلامة عليك يابني نظر لها ثم قال باستغراب: انتى مين!!؟.. وفين.. مل... مليكا هويدا باستغراب: مليكا!!؟ ادهم : فين... فين مليكا... راحت فين وانا هنا ليه!؟ هويدا: ثا.. ثانية واحدة خرجت ثم نادت الممرض وقالت: لو سمحت انا عاوزة افهم هو حصله ايه! الممرض: حصله فقدان جزئي للذاكرة يفندم دا غير الدمور اللى حضرتك شايفاها بنفسك هويدا بضخه: فقدان ذاكرة!!! الممرض: ايوا يفندم... واه نسيت الحاجة الوحيدة اللى لقيناها معاه هى الصورة دى اعطاها الصورة لتنظر لها وتقول: مليكا!!!؟... وايه علاقتها بأدهم اصلاً!!!!!! الممرض: انا معرفش حضرتك بتتكلمى عن ايه بس لو فيه استفسار ممكن اساعدك هويدا: هو اول ماشافنى قالى فين اللى فى الصورة واللى فى الصورة دى مش مراته... دا حتى مفتكرنيش الممرض باستغراب: ازاى! هويدا: انا مش فاهمة بردوا الممرض: بصي يافندم عشان المريض يخف من الحالة اللى هو فيها لازم تفكروه تدريجياً بالماضي بحيث يرجع لحياته الطبيعيه هويدا: يعني قصدك ايه! الممرض: يعني البنت اللى فى الصورة دى لازم يشوفها وتعامله كأنها بتتعامل معاه فى الماضي عشان يخف نظرت له ثم نظرت للغرفة التى يجلس بها ادهم لتقول: الموضوع فيه سر وسر قوي كمان _____ _____
•لما لاقوا صورة مليكا فى المحفظة وهويدا شافتها
«لافتة كارثيية إنما إيه اورجانيك»
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
